Vunau kei na Veiyalayalati 95
    Footnotes

    Wase 95

    Na ivakatakila sa soli yani mai vei Josefa Simici na Parofita mai Katiladi e Oaio, ena 1 ni June, 1833. Na ivakatakila oqo e tomani kina na veidusimaki vakalou me tara e dua na vale ni sokalou kei na veidusimaki, na vale ni Turaga (raica na wase 88:119–136).

    1–6, Era sa cudruvi na Yalododonu ni ra sa sega ni tara rawa na vale ni Turaga; 7–10, Sa gadreva na Turaga me taurivaki na Nona vale me ra vakalougatataki kina ena kaukauwa mai lomalagi ko ira na Nona tamata; 11–17, Me vakatabui na vale me vale ni sokalou ka nodra koronivuli na iapositolo.

    1 Sa kaya vakaidina vakaoqo na Turaga vei kemudou Au sa lomana, ko ira yadua au sa lomana, au sa avunauca me bvosoti kina na nodra ivalavala ca, ni’u sa vakarautaka vata kei na veivunauci oqo e dua na sala me ra csereki kina ena veika kecega mai na dveitemaki, ka ni’u sa lomani kemudou—

    2 O koya sa dodonu mo dou vunauci ka cudruvi e mataqu;

    3 Raica dou sa ivalavala ca vei au ena dua na ivalavala ca bibi, ni dou sa sega ni nanuma na ivakaro cecere ena veika kecega, kau sa solia vei kemudou me baleta na kena tara na noqu avale;

    4 Me baleta na vakavakarau au sa nakita meu vakarautaki ira kina na noqu iapositolo, me ra la’ki asamaka na noqu were ni vaini ena iotioti ni gauna, io au na qai vakayacora na noqu cakacaka bveivakurabuitaki ka csovaraka na Yaloqu vei ira na tamata kecega—

    5 Ia raica, au sa kaya vakaidina vei kemudou, era sa lewevuqa vei kemudou era sa tabaki, o ira au sa kaciva, ia e vica wale ga vei ira sa adigitaki.

    6 Ia ko ira sa sega ni digitaki, era sa ivalavala ca ena dua na ivalavala ca bibi, o koya era sa lako voli kina ena abutobuto ena sigalevu tutu.

    7 A ka oqo au sa vakarota kina mo dou kaciva e dua na nomudou asoqoni tabu, me rawa ni qai rogo yani kina ki na daligana na Turaga ni bSaboca na nomudou masumasu kei na nomudou clolo, io sai koya sa dbulia na imatai ni siga, io na ivakatekivu kei na ivakataotioti.

    8 Io, au sa kaya vakaidina vei kemudou, au sa solia vei kemudou e dua na ivakaro mo dou tara e dua na vale, io na vale au sa bulia me ra avakaivotavota kina ena kaukauwa mai lomalagi ko ira au sa digitaka;

    9 Ni sai koya oqo na nona ayalayala na Tamada vei kemudou; o koya au sa vakaroti kemudou mo dou tei wawa mada me vakataki ira na noqu iapositolo mai Jerusalemi.

    10 Ia, era sa ivalavala ca ena dua na ivalavala ca bibi na noqu tamata; ka sa tubu na aveiqati ena nodra bkoronivuli na parofita; oqori sa rui vakararawataki au sa kaya na nomudou Turaga; o koya au sa vakatalai ira yani kina, me ra vunauci.

    11 Au sa kaya vakaidina vei kemudou, ni sa lomaqu mo dou tara e dua na vale. Ia kevaka dou sa muria na noqu ivakaro dou na vakaukauwataki mo dou tara rawa.

    12 Ia kevaka dou sa sega ni amuria na noqu ivakaro, sa na sega ni tiko vei kemudou na bloloma nei Tamada, io dou na lako voli ena butobuto.

    13 Sai koya oqo na yalomatua, ka loma ni Turaga—me tara e dua na vale, ia ena sega ni vaka na kena itaratara e kila ko vuravura, niu sa sega ni solia vei kemudou mo dou bula ena ivalavala vakavuravura;

    14 O koya, me tara kina ena kena ivalavala au na vakaraitaka vei iratou e tolu vei kemudou, o koya mo dou na lesia ka tabaka ki na kaukauwa oqo.

    15 Ia me vakaoqo na kena levu; me limasagavulu kalima na fiti na rabana, ka onosagavulu kalima na fiti na kena balavu na lomana.

    16 Ia me vakatabui vei au na taba vale e ra me vakacabori kina na nomudou sakaramede, kei na nomudou vunau, na nomudou lolo, na nomudou masumasu, kei na nomudou acabora cake na nomudou gagadre savasava duadua vei au, sa kaya na nomudou Turaga.

    17 Ia na itaba vale e cake me vakatabui vei au me nodra koronivuli na noqu iapositolo, sa kaya na Luvena ko aAmani; se, ena dua tale na kena ivosavosataki, na Alifa; se ena dua tale na kena ivosavosataki, na Omeka; io ko Jisu Karisito na nomudou bTuraga. Emeni.