Kyerɛwsɛm
Nkyerɛkyerɛ na Ahyɛmudzi 93


Ɔfã 93

Nyikyerɛ a wɔnam Joseph Smith Nkɔnhyɛnyi no do dze mae, wɔ Kirtland, Ohio, Esusow Aketseaba 6, 1833.

1–5, Hɔn a wodzi nokwar nyina bohu Ewuradze; 6–18, John gyee dase dɛ Nyankopɔn ne Ba no fii adom mu kɔr adom mu kɛpem dɛ Ne nsa kãa Egya no n’enyimnyam ne mãhyɛ no; 19–20, Nkorɔfo a wodzi nokwar na wofi adom mu kɔ adom mu no, so hɔn nsa bɛkã N’amãhyɛ no; 21–22, Hɔn a wɔnam Christ mu awo hɔn no yɛ Abakamba N’Asɔr no; 23–28, Christ ne nsa kãa nokwar nyina ne mãhyɛ no, na nyimpa so nam setsie do ne nsa bɛkã; 29–32, Ahyɛse no nna nyimpa nye Nyame wɔ hɔ; 33–35, Adzebɔdze no yɛ onnyiewiei, na nyimpa ne nsa botum akã enyigye ne mãhyɛ wɔ Owusoɛr no mu; 36–37, Nyankopɔn n’enyimnyam nye nyansa; 38–40, Osian Christ ne ɔpon no ntsi, mbofra nnyi mbrato wɔ Nyankopɔn enyim; 41–53, Wɔhyɛ enuanom a wodzi bano no dɛ wɔnhwɛ hɔn ebusua ebusua yie dɛ mbrɛ ɔsɛ.

1 Nokwar, dɛm na Ewuradze se: Ɔbɛba dɛ ɔkra biara a aobegyaa no bɔn yɛ na ɔbɛba mo hɔ, na bɔbɔbɔ me dzin afrɛ me, na cobetsie me ndze, na obedzi me mbrasɛm do no, dobohu em’enyim na oehu dɛ metse ase;

2 Na dɛ Emi nye nokwar akan no a ɔma ɔdasanyi biara a ɔba wiadze yi mu kan no;

3 Na dɛ amowɔ Egya no mu, na Egya no so wɔ mo mu, na Egya no na Emi yɛ kor—

4 Egya no, aosiandɛ bɔmaa me ne mãhyɛ no, nna Ɔba no osiandɛ mowɔ wiadze na meyɛɛ chonam me ntamadan, na metsenaa adasamba mu.

5 Nna mowɔ wiadze mu na megyee fii m’Egya no hɔ, na no andwuma daa edzi pefee.

6 Na aJohn hunii na ɔgyee dase wɔ bm’enyimnyam ne mãhyɛ ho, na cJohn ne kyerɛwsɛm ne mãhyɛ no, wɔbɛda no edzi ekyir yi.

7 Na ɔgyee dase see dɛ: Muhun n’enyimnyam, dɛ aahyɛse no nna ɔwɔ hɔ, ansaana wɔrobɔ wiadze;

8 Dɛm ntsi, ahyɛse no nna aAsɛm no wɔ hɔ, na ɔno nye Asɛm no, nkwagye no somafo no mpo—

9 Wiadze ne akan na bPomfo no; nokwar no Sunsum no, nyia ɔbaa wiadze no, osiandɛ ɔno na ɔbɔɔ wiadze, na no mu na nyimpa no nkwa na ne kan wɔ.

10 Ɔno na aɔbɔɔ wiadze; ɔno na ɔbɔɔ nyimpa; ɔno na ɔyɛɛ ndzɛmba nyina wɔnam no do, na wɔnam no mu, ɔnoara so na ɔyɛe.

11 Na emi, John, megye dase dɛ muhun n’enyimnyam, dɛ nyia Egya Woo no Kortoo no no n’enyimnyam a adom na nokwar ahyɛ no mã, ɔyɛ nokwar Sunsum no mpo, ɔno a ɔbae na ɔbɛtsenaa honam mu na ɔnye hɛn tsenae.

12 Na emi, John, muhun dɛ ne nsa annkã amãhyɛ no fi ahyɛse no, mbom onyae fii badom mu kɔr adom mu.

13 Na oennya mãhyɛ no fi ahyɛse, mbom ɔkɔr do fii aadom mu kɔr adom mu, kɛpem dɛ onyaa mãhyɛ no.

14 Na dɛm na ɔmaa wɔfrɛɛ no aNyankopɔn ne Ba, osiandɛ oennya mãhyɛ no fi ahyɛse no.

15 Na emi, aJohn, megye dase, na hwɛ, sor buei, na bSunsum Krɔnkrɔn no sianee baa no do wɔ cebubur no su do, na obesii no do, na ndze fi sor see dɛ: Oyi nye mo ddɔ Ba no.

16 Na emi, John, megye dase dɛ ne nsa kãa Egya n’enyimnyam ne mãhyɛ no;

17 Na ne nsa kãa atum bnyina a ɔwɔ sor nye asaase, na cEgya n’enyimnyam no bɛkãa no ho, osiandɛ nna ɔtse no mu.

18 Na ɔbɛba dɛ, sɛ hom dzi nokwar a, hom nsa bɛkã John ne kyerɛwsɛm ne mãhyɛ no.

19 Medze nsɛm yinom ma hom ama hom aatse ase na hom ehu mbrɛ wosi asɔr, na hom ehu dza hom rosɔr, ama hom aaba Egya no hɔ wɔ me dzin mu, na hom nsa akã ne mãhyɛ no wɔ ne mber mu.

20 Na sɛ hom dzi me ambrasɛm do a hom nsa bɛkã ne bmãhyɛ no, na wɔahyɛ hom cenyimnyam wɔ mo mu dɛ mbrɛ mowɔ Egya no mu; dɛm ntsi, mese hom dɛ, hom nsa bɛkã dadom akɔ adom mu.

21 Na afei, nokwar, mese hom dɛ, aahyɛse no, nna menye Egya no wɔ hɔ, na emi nye bAbakan no;

22 Na hɔn a wɔnam mo mu awo hɔn nyinara yɛ afafafo wɔ dɛm benyimnyam kor noara so mu, na wɔyɛ Abakan n’asɔr no.

23 Ahyɛse no, nna hom so hom anye Egya no wɔ hɔ, dza ɔyɛ Sunsum no, ɔyɛ nokwar Sunsum no;

24 Na anokwar nye ndzɛmba a nkyɛ ɔwɔ hɔ, nye dza ɔwɔ hɔ seseiara, nye dza ɔbɛba no ho bnyimdzee;

25 Na biribiara a aɔbor do anaa ɔtɔ sin wɔ iyi ho no yɛ omumuyɛnyi no a ɔyɛ bɔtorfo fi ahyɛse no no sunsum.

26 aNokwar Sunsum no fi Nyame. Emi nye nokwar Sunsum no, na John gyee mo ho dase see dɛ: Ne nsa kãa nokwar ne mãhyɛ no, nyew, nokwar nyinara no;

27 Na nyimpa biara ne nsa rennkã ne amãhyɛ gyedɛ odzi ne mbrasɛm do.

28 Nyia aodzi ne mbrasɛm do no nya nokwar na bkan kɛpem dɛ wɔbɛhyɛ no enyimnyam wɔ nokwar no mu, na conyim ndzɛmba nyinara.

29 Nyimpa so, nna aahyɛse no ɔnye Nyame wɔ hɔ. bNyansa anaadɛ nokwar kan no, wɔammbɔ anaadɛ wɔannyɛ no, eso wonnkotum aabɔ anaa wɔaayɛ.

30 Nokwar nyinara si sibew a Nyankopɔn dze no esi, na ɔnoara na aodzi no dwuma, dɛ mbrɛ nyansa nkaa nyinara so tse; ɔnntse dɛm a nkyɛ nkwa nnyi hɔ.

31 Hwɛ, ha na nyimpa ne a no wɔ, na ha so na nyimpa n’afɔbu wɔ; osiandɛ dza ofi ahyɛse no bwɔdaa no edzi pefee kyerɛɛ hɔn, na wɔanngye kan no.

32 Na nyimpa biara a no sunsum anngye akan no hyɛ afɔbu ase.

33 Osiandɛ nyimpa yɛ asunsum. Na badzebɔdze no yɛ onnyiewiei, na sunsum na adzebɔdze no, sɛ wɔbɔ mu a, nna wonya enyigye ne mãhyɛ;

34 Na sɛ awɔpaapaa mu a nyimpa runntum nnya benyigye ne mãhyɛ no.

35 aAdzebɔdze no nye Nyankopɔn ne ntamadan no; nyew, nyimpa yɛ Nyankopɔn ne ntamadan, btemple nyina mpo; na temple biara a wogu ho fĩ no, Nyankopɔn bɛsɛɛ dɛm temple no.

36 Nyankopɔn an’enyimnyambnyansa, dza morohwehwɛ akã nye dɛ, ɔkyerɛ ckan na nokwar.

37 Kan na nokwar pow aobusufo no.

38 Ahyɛse no nna nyimpa sunsum biara annyim bɔn; na Nyankopɔn bpoon nyimpa fii casehwe mu no, nyimpa sanee bɛyɛɛ dɛ mbrɛ ɔtse wɔ hɔn mbofaber mu no, dnnyim no bɔn ho wɔ Nyankopɔn enyim.

39 Na osian hɔn aegyanom hɔn amambra ntsi, dɛm omumuyɛnyi no duaa asokyew do bbeyi kan na nokwar no fi adasamba mu.

40 Mbom mahyɛ hom dɛ hom ntsetse hom ambofra wɔ kan na nokwar mu.

41 Na nokwar, mese ɔwo m’akowaa Frederick G. Williams dɛ akɔ do wɔ dɛm afɔbu yi mu;

42 aAnnkyerɛkyerɛ wo mbofra kan na nokwar no, dɛ mbrɛ mbrasɛm no se; na dɛm omumuyɛnyi no da ho wɔ tum wɔ wo do, na iyi nye w’amandzehu yi ase.

43 Na afei, mbrasɛm a medze ma wo nye yi—sɛ wobeyi wo efi mu a, asiesie w’ankasa wo fie yie, osiandɛ ndzɛmba pii nnda yie wɔ wo fie.

44 Nokwar, mese m’akowaa Sidney Rigdon dɛ ndzɛmba binom mu no, wenndzi mbrasɛm no do wɔ ne mba afamu; dɛm ntsi, dzi kan siesie wo fie yie.

45 Nokwar, mese m’akowaa Joseph Smith, Kakraba, dza morohwehwɛ akã nye dɛ, mebɛfrɛ hom am’anyɛnkofo, osiandɛ hom yɛ m’anyɛnkofo, na hom nye me benya mo hɔ egyapadze—

46 Mefrɛɛ hom ankowaa, osian wiadzemba ntsi, na hom yɛ hɔn nkowaa wɔ emi ntsi—

47 Na afei, nokwar, mese Joseph Smith, Kakraba, dɛ—enndzi mbrasɛm no do, na ɔsɛ dɛ awɔkã w’enyim wɔ Ewuradze enyim;

48 Ɔsɛ dɛ aw’ebusua nu hɔnho na woyi ndzɛmba bi akwa, na wotsie wo nsɛm yie, annyɛ dɛm a wobotu hɔn efi hɔn sibea.

49 Dza mekã kyerɛ kor no mekã kyerɛ hom nyinara, hom ambɔ mpaa daadaa amma dɛm omumuyɛnyi no eennya tum wɔ hom mu, na oeennyi hom eemmfi hom sibea.

50 M’akowaa Newel K. Whitney so a ɔyɛ bishop wɔ m’asɔr mu no, ɔsɛ dɛ wɔtsẽa no, na osiesie n’ebusua yie, na ɔhwɛ ma wosi nketse yɛ fie asɛdze esiado esiado, na wɔbɔ mpaa daadaa, annyɛ dɛm a wobeyi hɔn efi hɔn asibea.

51 Afei, mese hom, m’anyɛnkofo, dɛ hom mma m’akowaa Sidney Rigdon ntu no kwan no, na ɔnyɛ ntsɛm so nkɔbɔ Ewuradze an’enyisɔ afrenhyia nye nkwagye asɛmpa no dawur, dɛ mbrɛ mebɛma no ho kwan ma ɔakasa; na ɔnam hom koryɛ gyedzi mpaabɔ do mebɛhyɛ no dzen.

52 Na hom mma mo nkowaa Joseph Smith, Kakraba, nye Frederick G. Williams so nyɛ ntsɛm, na wɔdze bɛma hɔn dɛ mbrɛ hom gyedzi mpaabɔ tse; na mber dodow biara a hom bedzi me nsɛm do no, hom enyim runngu ase wɔ wiadze yi mu, nye wiadze a ɔreba no mu.

53 Na, nokwar, mese hom dɛ, ɔyɛ me pɛ dɛ hom bɛyɛ ntsɛm aakyerɛ me kyerɛwsɛm no ase, na osian Zion no nkwagye ntsi, hom bnhwehwɛ abakɔsɛm, amanaman, ahenman, Nyame ne mbra na nyimpa so ne mbra ho cnyimdzee. Amen.