iVolanikalou
Vunau kei na Veiyalayalati 91


Wase 91

Na ivakatakila sa soli yani mai vei Josefa Simici na Parofita mai Katiladi e Oaio, ena 9 ni Maji 1833. A oga voli na Parofita ena gauna oqo ena nona vakadewataka tiko na Veiyalayalati Makawa. Ia ni sa yacova na ivola makawa eso ka vakatokai na Apokirifa, sa taroga vua na Turaga, ka ciqoma kina na ivakaro oqo.

1–3, Sa dodonu vakavinaka na vakadewataki ni Apokirifa ia era lewena tu e levu na itukutuku sega ni dina ka vola ga na tamata; 4–6, Ena yaga vei ira era sa vakararamataki mai na Yalo.

1 Sa kaya vakaidina vakaoqo vei kemudou na Turaga ena vuku ni aApokirifa—E vuqa na ka e volai tu kina era ka dina, ka dua na kena iwase levu era vakadewataki vakadodonu;

2 E vuqa na ka era volai tu kina e sega ni dina, o koya era qai vakuri ga ena liga ni tamata.

3 Au sa kaya vakaidina vei kemudou, ni sa sega ni yaga me vakadewataki na Apokirifa.

4 Ia, o koya sa wilika me na qai akila ni na vakatakila na ka dina na Yalo;

5 Ia ko koya sa vakararamataki koya na aYalo, ena kila na kena yaga;

6 Ia ko koya sa sega ni vakararamataki mai na Yalo, ena sega ni yaga vua. A ka oqo sa sega kina ni yaga me vakadewataki. Emeni.