Tasal 9
K’utb’esinb’il na’leb’ k’eeb’il rik’in xtz’uumal re laj Jose Smith li Profeet re laj Oliver Cowdery, sa’ Harmony, Pennsylvania, Abril 1829. Natije’ laj Oliver naq chiwanq xkuyum, ut nak’eeman xch’ool chi saho’k ka’ajwi’ rik’in xtz’iib’ankil, chiru li kutan a’an, li aatin yeeb’il xb’aan laj jaltesinel ru, ut ink’a’ tixyal a’an jaltesink ru aatin.
1–6, Jalaneb’ chik li najter tz’iib’anb’il hu toj te’jaltesimanq ru; 7–14, Lix Hu laj Mormon najaltesiik ru rik’in xk’oxlankil li aatin, ut chi xaqab’anb’il xyaalal xb’aan li Musiq’ej.
1 K’e reetal, ninye aawe, at walal, naq rik’in naq ink’a’ akajaltesi ru li aatin jo’ chanru li kawaj wik’in, ut katikib’ wi’chik btz’iib’ak choq’ re lin moos, aj Jose Smith, alalb’ej, jo’kan ajwi’ nawaj raj naq toj taab’aanu, toj reetal naq teechoy li tz’iib’anb’il esil a’in, li kink’e sa’ ruq’ a’an.
2 Ut chirix a’an, k’e reetal, ajalaneb’ chik li btz’iib’anb’il esil wankeb’ wik’in, li tink’e aawe wankilal re taaruuq tattenq’anq chixjaltesinkil ru.
3 Aj kuyunelaqat, at walal, xb’aan naq a’in xchaab’ilal inna’leb’, ut moko aajel ta ru naq taajaltesi ru li aatin sa’ li kutan a’in.
4 K’e reetal, li k’anjel li b’oqb’ilat chixb’aanunkil a’an tz’iib’ak choq’ re lin moos aj Jose.
5 Ut k’e reetal, a’ sa’ xk’ab’a’ naq ink’a’ katkana jo’ kattikla naq kat-ok chi jaltesink ru aatin, naq kiwisi aawik’in li usilal a’in.
6 aMaawech’i rix, at walal, xb’aan naq a’an xchaab’ilal inna’leb’ naq kinb’aanu aawe chi jo’ka’in.
7 K’e reetal, ink’a’ xataw xyaalal; xak’oxla naq tink’e aawe, naq maak’a’ chik kak’oxla xb’aanunkil, ka’ajwi’ patz’ok chiwu.
8 A’b’anan k’e reetal, ninye aawe, naq tento ataak’oxla sa’ laa k’a’uxl; toja’ naq tento btaapatz’ we ma us, ut wi us, tink’e chi cxamnak lix dsa’ aach’ool; chi jo’kan etaaweek’a naq us.
9 Wi b’an moko us ta maak’a’ xkomon a’an taaweek’a; taawanq b’an axwarjik aak’a’uxl, ut rik’in a’an taasachq sa’ aach’ool li k’a’ru moko us ta; jo’kan ut, moko tatruuq ta chixtz’iib’ankil li k’a’ru loq’, ka’ajwi’ wi k’eeb’il aawe inb’aan.
10 Anajwan, wi ta kanaw a’in katru raj chi ajaltesink ru li aatin; a’b’anan moko aajel ta ru naq taajaltesi ru li aatin anajwan.
11 K’e reetal, aajel chaq ru naq kattikla; a’b’an akatxuwak, ut ak xnume’ li kutan, ut moko aajel ta chik ru anajwan;
12 Xb’aan naq, ma ink’a’ nakak’e reetal naq kink’e tz’aqal xmetz’ew lin moos aj aJose, li k’eeb’il wi’ xtz’aqob’? Ut maajun eere kink’e sa’ tojb’a-maak.
13 B’aanu a’in li b’arwan katintaqla wi’, ut tat-usaaq. Tiikaqat chi paab’ank, ut maajun aaaleek taaq’axtesi wi’ aawib’.
14 Xaqxooqat chi kaw sa’ li ak’anjel bkatinb’oq wi’, ut jun rismalaq aajolom ink’a’ taasachq, ut ctatwaklesiiq sa’ roso’jik li kutan. Amen.