iVolanikalou
Vunau kei na Veiyalayalati 89


Wase 89

Na ivakatakila sa soli yani mai vei Josefa Simici na Parofita mai Katiladi, Oaio, ena 27 ni Feperueri, 1833. Me vaka ni ra dau vakatavako na turaga ena Lotu ena nodra gauna ni soqoni, sa mani vakasamataka sara vakabibi na tikina oqo na Parofita; a mani taroga kina na Turaga ena vuku ni tikina oqo. A qai soli mai kina na ivakatakila oqo, ka vakatokai me Vosa ni Vuku.

1–9, Sa vakatabui na vakayagataki ni waini, na gunu kaukauwa, tavako, kei na gunu katakata; 10–17, Sa soli tu na drau ni kau, na vuana, na lewe ni manumanu kei na sila me yaga vei ira na tamata kei na manumanu; 18–21, Na talairawarawa ki na lawa ni kosipeli, ka okati kina na Vosa ni Vuku, e kauta mai na veivakalougatataki vakayago ka vakayalo talega.

1 Na aVosa ni Vuku, sa tukuni ki na matabose ni bete levu era a soqoni tiko mai Katiladi, kei na lotu, kei ira tale ga na yalododonu mai Saioni—

2 Me vakauti yani ena vakanuinui vinaka; io e sega ni ivakaro se veivakasaurarataki, ia na ivakatakila kei na vosa ni vuku, ka vakatakilai kina na ivakarau kei na ainaki ni Kalou me baleta na nodra bulabula vakayago na yalododonu kecega ena veisiga mai muri—

3 Sa soli me ivakavuvuli ka sala vata kei na kena ayalayala, sa virikotori me ganiti ira era malumalumu duadua vei ira na yalododonu, o ira era byalododonu se rawa me ra vakatokai me ra yalododonu.

4 Raica, sa kaya vakaidina vakaoqo vei kemudou na Turaga: Ena vuku ni aca kei na ilawaki sa tu rawa, se, ena qai basika e yalodra na tamata binaki ca ena veisiga mai muri, au sa cvakasalataki kemudou kina, ka vakasalataki kemudou tale, ena noqu solia yani vei kemudou na vosa ni vuku oqo ena ivakatakila—

5 Raica sa sega ni vinaka me gunuva tiko e dua na tamata vei kemudou na awaini kei na gunu kaukauwa, sa sega tale ga ni kilikili e matana na Tamamudou, ia sa rawa wale ga me gunuvi na waini ena nomudou soqoni vata mo dou cabora cake na nomudou sokalou ki vua.

6 Ia, raica oqo me awaini vou sa caka mai na vua ni vaini, io mo dou cakava ga koi kemudou.

7 Kei na dua tale, na agunu kaukauwa sa sega ni yaga ki na kete, ia sa yaga ga me masi kina na yagomudou.

8 Kei na dua tale, na tavako sa sega ni yaga ki na ayago, e sega talega ki na kete, sa sega ni vinaka vua na tamata, ia sa yaga me draunikau ni mavoa vei ira na bulumakau tauvimate, me vakayagataki vakamatau ka vakamaqosa.

9 Kei na dua tale, na gunu katakata e sega ni yaga ki na yago se ki na kete.

10 Kei na dua tale, au sa kaya vakaidina vei kemudou, sa solia na Kalou na adrau ni kau kece me yaga vei ira na tamata—

11 Io na drau ni kau kecega ena kena gauna, kei na kau vuata ena kena gauna; raica me ra vakayagataki vakavuku ena yalo avakavinavinaka.

12 Io, koi Au na Turaga; au sa lewa me ra vakayagataka na tamata na alewe ni bmanumanu yavaiva, kei na manumanu sa vuka e macawa, io me ra vakayagataka ena yalo vakavinavinaka; ka me ra kakua ni cvakasabusabutaka;

13 Ia sa ka ni marau vei au kevaka me qai vakayagataki ga ena gauna ni batabata, se ena vulaililiwa, se ena gauna ni dausiga.

14 Ia sa soli na veimataqali asila kecega me yaga vei ira na tamata, kei ira na manumanu yavaiva, io me ititoko ni bula vei ira na tamata kei ira na manumanu kecega ni vanua, na manumanu vuka e macawa, na manumanu kila, kei na manumanu sa qasi voli e dela ni vanua;

15 Raica sa bulia na ka kecega oqo na Kalou me yaga vei ira na tamata, io ena gauna wale ga ni dausiga kei na viakana.

16 Ia na veimataqali sila kecega sa yaga me kedra kakana na tamata; a sa vakatale ga kina na vua ni vaini; io na ka kecega sa vua ena vunikau, se vakalewena e loma ni qele se e dela ni qele—

17 Ia na witi me kedra na tamata, na sila me kedra na bulumakau kei na ose, kei na manumanu vuka e macawa kei na vuaka, kei na manumanu kecega ni vanua; ia na parile me kedra na manumanu susu kecega; ia sa rawa tale ga ni caka me wai ni gunu me vaka na sila tale eso.

18 Ia ko ira kecega na yalododonu sa nanuma me ra muria ka vakayacora na veika sa tukuni oqo, ka ra sa bula ka talairawarawa tiko ki na ivunau, ena ka ni abula ki na nodra ivicovico ka vakauto kina na suidra;

19 Ia era na avakavukui ka bkila ka vakalevu, io era na kila na ka sa vuni tu;

20 Io era na acici ka sega ni ceguoca, io era na lako tiko ka sega ni malumalumu mai.

21 Ia koi au na Turaga au sa ayalataka vei ira ni na lako bsiviti ira na agilosi dauveivakarusai, io me vaka a lako siviti ira na luvei Isireli ka sega ni vakamatei ira. Emeni.