Kyerɛwsɛm
Nkyerɛkyerɛ na Ahyɛmudzi 88


Ɔfã 88

Nyikyerɛ a wɔnam Joseph Smith Nkɔnhyɛnyi no do dze mae, wɔ Kirtland, Ohio, Mumu 27 na 28, 1832, na Sanda 3, 1833. Nkɔnhyɛnyi no kyerɛ dɛ, ɔyɛ dɛ “‘olive ahataw’ … a wɔatsew efi Paradise Dua no do, Ewuradze n’asomdwee nsɛm a ɔdze ma hɛn no.” Wɔdze nyikyerɛ yi mae, ekyir no a asɔfompanyimfo a wɔwɔ ehyiadzi ase bɔɔ mpaa “ankorankor na wobuei hɔn ano bɔɔe, dɛ Ewuradze nda Ne pɛ a ɔfa Zion ne nkyekyeree ho edzi nkyerɛ hɛn no.”

1–5, Ahotseweefo nokwafo no nya dɛm Ɔwerɛkyekyefo, no a ɔyɛ onnyiewiei nkwa anohoba no; 6–13, Christ Ne Kan no na ɔkora na ɔhwɛ adze nyina do; 14–16, Owusoɛr no fi Ɔpon mu ba; 17–31, Setsie a nyimpa bɛyɛ ama celestial, terrestrial, anaa telestial ho mbra no na osiesie nyimpa ma dɛm ahenman kor no na enyimnyam horow no mu biara; 32–35, Hɔn a wɔpɛ dɛ wɔtsena bɔn mu no bɛda ho atsena fĩ mu; 36–41, Wɔdze mbra hwɛ ahenman nyinara do; 42–45, Nyankopɔn ahyɛ mbra ama ndzɛmba nyina; 46–50, Nyimpa bɛtse Nyankopɔn mpo ase; 51–61, Abɛbusɛm a ɔfa ɔbarimba no a ɔsomaa no nkowaa ma wɔkɔr no kwã mu na ɔkɛseraa hɔn nkorkor no ho; 62–73, Hom ntwe mbɛn Ewuradze na hom bohu N’enyim; 74–80, Hom ntsew homho na hom nkyerɛkyerɛ homho ahenman no ho nkyerɛkyerɛ no; 81–85, Nyimpa biara a wɔabɔ no kɔkɔ no, no so mbɔ ne nyɛnko kɔkɔ; 86–94, Nsɛnkyerɛdze, wimuadze na asaase nye no mu ndwuma nsakyer, na abɔfo siesie kwan ma Ewuradze Ne mbae; 95–102, Abɔfo hɛn totorobɛnto dze frɛ ewufo wɔ hɔn nhyehyɛɛ do; 103–116, Abɔfo hɛn totorobɛnto dze bɔ asɛmpa no ne nsananamu, Babylon n’asehwe, nye Nyankopɔn no kõ kɛse no ho dawur; 117–126, Hom mper nsũa, hom nsi Nyankopɔn Ne (temple), na hom mfa ayamuyie mfura homho; 127–141, Wɔda Nkɔnhyɛfo Skuul no ho nhyehyɛɛ edzi, nye anan ho nhohoree ho ayɛdze no so.

1 Nokwar, dɛm na Ewuradze kã kyerɛ hom a hom aboa hom ano dɛ hom rebɛgye dza me pɛ a ɔfa hom ho:

2 Hwɛ, iyi na ɔsɔ Ewuradze enyi, na abɔfo so adzi dɛw wɔ hom ho; hom bayɛdze ho mpaabɔ afow sor edu cSabaoth Ewuradze n’asomu, na wɔakyerɛw wɔ dnwoma a hɔn a wɔatsew hɔn ho hɔn edzin wɔ mu no mu, hɔn a wɔwɔ celestial wiadze mu no mpo.

3 Dɛm ntsi, afei morosoma aƆwerɛkyekyefo bi so ma ɔaaba hom do, hom a hom yɛ me mfɛfo do, ama ɔaatsena hom akoma mu, dza ɔyɛ banohoba Sunsum Krɔnkrɔn no mpo; dɛm Sunsum Krɔnkrɔn kor noara a ɔyɛ Ɔwerɛkyekyefo no a medze bɔɔ m’esuafo anohoba no, dɛ mbrɛ wɔakyerɛw no wɔ John ne dasegye mu no.

4 Ɔwerɛkyekyefo yi nye anohoba a medze ma hom a hom yɛ aonnyiewiei nkwa no, dza ɔyɛ celestial ahenman bn’enyimnyam no mpo;

5 Dɛm enyimnyam yi nye aAbakamba n’asɔr no, nyia ɔyɛ Nyame mpo no, krɔnkrɔn nyina mu krɔnkrɔn no, a ɔnam ne Ba Jesus Christ mu no—

6 aNyia ɔfowee kɔr sor, dɛ ɔno ara so bsianee baa ndzɛmba nyinara ase, ama cɔaatse ndzɛmba nyinara ase, ama oeedua ndzɛmba nyinara mu, dnokwar kan no;

7 Dɛm nokwar no na ɔhyerɛn. Iyi nye aChrist ne kan no. Na ɔno na ɔwɔ ewia mu so, na ɔyɛ ewia ne kan, nye tum a wɔdze byɛe no.

8 Dɛmara so na ɔwɔ bosoom mu, na ɔyɛ bosoom ne kan, nye tum a wɔdze yɛe no;

9 Dɛmara so na ɔyɛ nworaba ne kan, nye tum a wɔdze yɛɛ hɔn no;

10 Na asaase so, na tum a ɔwɔ mu, asaase no mpo a hom agyina do yi.

11 Nye kan a ɔhyerɛn yi, dza ɔma hom kan yi, dua ɔno no mu na obue hom enyi, dɛm kan yi ara so na okenyan hom antseasee;

12 Dɛm akan yi na ofi Nyankopɔn n’enyim ba bbɛhyɛ bea a ɔda hɔ pan kɛsenara no no mã—

13 Kan a ɔwɔ andzɛmba nyinara mu, dza ɔma ndzɛmba nyinara bnkwa no, dza ɔyɛ cmbra a ɔhwɛ ndzɛmba nyinara do no, Nyankopɔn a ɔtse n’ahengua do no tum no mpo, nyia ɔwɔ mbersantsen no bo mu no, nyia ɔtse ndzɛmba nyina finimfin no.

14 Afei, nokwar, mese hom dɛ, ɔnam aɔpon a wɔayɛ ama hom no do dze nyan a wonyan fi ewufo mu no aba.

15 Na asunsum na bhonandua no nye cnyimpa ne kra.

16 Na aowusoɛr fi ewufo mu no nye ɔkra ne ɔpon.

17 Na ɔkra ne ɔpon nam nyia okenyan ndzɛmba nyinara no do, ɔno no bo mu na wɔhyɛɛ ɔmom dɛ aehiafo na bhɔn a wɔdwe wɔ casaase yi benya ayɛ hɔn dze.

18 Dɛm ntsi, obehia dɛ wɔbɛtsew ho efi dza ɔnntsen nyina ho, ama woeesiesie no dze ama acelestial enyimnyam no;

19 Na sɛ odzi ne mbɔe ho botae do a, wɔdze aenyimnyam bɔbɔ no abɔtsir, wɔ Nyame Egya no mpo enyim;

20 Ama nyimpadua a wɔyɛ celestial ahenman mu mba no enya aayɛ hɔn dze afebɔɔ kesi afebɔɔ; na osian biyi ntsi wɔyɛe na wɔbɔe, na iyi ho so ntsi na cwɔtseew ho.

21 Na hɔn a woenndua mbra a medze ama hom no do anntsew hɔnho no, dza ɔyɛ Christ ne mbra no mpo, benya ahenman fofor edzi, terrestrial ahenman anaadɛ telestial ahenman no.

22 Na nyia oenntum enndzi acelestial ahenman ne mbra do no nnkotum atsena celestial enyimnyam no mu.

23 Na nyia oenntum enndzi aterrestrial ahenman ne mbra do no nnkotum atsena terrestrial enyimnyam no mu.

24 Na nyia oenntum enndzi telestial ahenman ne mbra do no nnkotum atsena atelestial enyimnyam no mu; dɛm ntsi ɔmmfata ahenman a ɔwɔ enyimnyam. Dɛm ntsi otwar dɛ ɔtsena ahenman a ɔnnyɛ enyimnyam ahenman mu.

25 Na bio, nokwar, mese hom dɛ, aasaase dzi celestial ahenman ne mbra do, osiandɛ oedzi ne mbɔe ho botae, na ɔnntõ mbra no—

26 Dɛm ntsi awɔbɛtsew ho, nyew, ɔmmfa ho dɛ bobowu, wobekenyan no bio, na oegyina tum a wɔdze kenyaan no ano, na catseneneefo na dwobenya edzi.

27 Na sɛ wowu mpo a, wɔdze asunsum nyimpadua bbɔsoɛr bio.

28 Hɔn a wɔwɔ celestial sunsum no benya dɛm nyimpadua kor noara a nna ɔyɛ nokwar nyimpadua n’awo su no; hom benya hom nyimpadua no ara mpo, na hom enyimnyam bɛyɛ aenyimnyam kor no ara a bokenyan hom nyimpadua no.

29 Hom a acelestial enyimnyam ne fã bi ekenyan hom no benya ne mãhyɛ dɛmara mpo.

30 Na hɔn a aterrestrial enyimnyam ne fã bi ekenyan hɔn no benya ne mãhyɛ dɛmara mpo.

31 Na hɔn so a atelestial enyimnyam ne fã bi ekenyan hɔn no benya ne mãhyɛ dɛmara mpo.

32 Na hɔn a wɔbɛka no so wɔdze ankenyan bɛma hɔn; eso wɔbɛsan hɔn ekyir akɔ hɔnankasa hɔn bea do, akɛgye hɔn enyi wɔ dza hɔnankasa bwɔpɛ dɛ wonya no ho, osiandɛ wɔammpɛ dɛ wɔgye hɔn enyi wɔ dza nkyɛ ɔsɛ dɛ wonya no ho.

33 Na ebɛn mfaso na sɛ wɔma nyimpa akyɛdze na ɔanngye dɛm akyɛdze no a onya? Hwɛ, n’enyi nngye dza wɔdze ama no no ho, nna n’enyi nngye nyia ɔdze akyɛdze rema no no ho.

34 Na bio, nokwar, mese hom dɛ adze a mbra hwɛ do no ara so na ɔbɔ ho ban, na ɔma odzi mu na aɔtsew ho.

35 Na nyia aɔtõ mbra, na onndzi mbra do, na mbom ɔper dɛ ɔbɛyɛ mbra ama noho, na ɔpɛ dɛ ɔtsena bɔn mu, na adze nyina mu ɔtsena bɔn mu no, mbra nnkotum atsew no ho, anaa behumbɔbɔr, cpɛrpɛrdzi anaa atsɛmbu. Dɛm ntsi otwar dɛ wɔda ho tsena d mu.

36 Wɔama ahenman nyina ho mbra.

37 Na aahenman pii wɔ hɔ; na bea pan biara nnyi hɔ a ahenman nnyi ho; nna ahenman biara so nnyi hɔ a bea pan biara nnyi ho, dɛ ɔyɛ ahenman kɛse anaa ahenman kumabaa no.

38 Na ahenman biara wɔama no ambra; na mbra biara wɔ mbrɛ ne hẽ na ne nhyehyɛɛ so tse.

39 Abɔdze nyinara a wonndzi dɛm anhyehyɛɛ yi do no bwommbu hɔn bem.

40 Osiandɛ aenyansafo fua enyansafo; bnyansa nya nyansa; cnokwar fua nokwar; dɔbrayɛ dɔ ɔbrayɛ, ekan takyer kan, fayamuhyehye tse ma ehumbɔbɔr na ɔfa no yɛ nedze; pɛrpɛrdzi kɔ do yɛ n’edwuma dɛ mbrɛ ɔsɛ na ɔfa nankasa nedze yɛ nedze; atsɛmbu fi nyia ɔtsena ahengua no do bu na ɔyɛ ndzɛmba nyinara yie.

41 Ɔno na aonyim adze nyinara, na adze nyinara so da n’enyim, na ndzɛmba nyinara so etwa no ho ehyia; na ɔbɔ ndzɛmba nyinara do, na ɔwɔ ndzɛmba nyinara mu, na ɔnam ndzɛmba nyinara so mu, na ɔbɔ adze nyinara ho aprɔw, na ndzɛmba nyinara so fi no hɔ, na ɔno so na ɔyɛe, Nyankopɔn afebɔɔ kesi afebɔɔ no mpo.

42 Na bio, nokwar, mese hom dɛ, ɔama ndzɛmba nyinara mbra, na wodzi hɔn dwuma wɔ hɔn aaber na hyɛber ano;

43 Na wɔakyerɛ obiara no kwan a ɔfa do dzi no dwuma, a asaase na okyin nworaba nyina kã ho.

44 Na wɔma hɔnho akan wɔ hɔn aber na hyɛber ano, wɔ sima mu, wɔ hɔn ndɔnhwer mu, wɔ hɔn nda mu, wɔ hɔn adapɛn mu, wɔ hɔn abosoom mu, wɔ hɔn mfe mu—iyinom nyina yɛ bafe kor ma Nyame, na ɔnnyɛ dɛm mma nyimpa.

45 Asaase pirepirew wɔ ne ntsaban do, na aewia ma ne kan adzekyee, na bosoom ma ne kan adzesaa, na nworaba so ma hɔn kan, ber a wopirepirew wɔ hɔn ntsaban do wɔ hɔn enyimnyam mu, wɔ bNyame no tum ne finimfin.

46 Ebɛnadze na memfa nto dɛm ahenman yinom ho, ma hom ntse ase?

47 Hwɛ, iyinom nyina yɛ ahenman, na obiara a oehu iyinom anaa oehu no mu kumaabi no aehu Nyankopɔn a ɔnam n’ahentum nye no tum mu.

48 Mese hom dɛ, oehu no; eso onyia no baa nankasa anedze hɔ na wɔanntse no ase.

49 aKan no hyerɛɛn sum mu na sum no annkyer no; eso da bi bɛba a hom bbɛtse no Nyankopɔn no mpo ase, a wɔnam no do dze nkenyan bɛma hom wɔ no mu.

50 Afei hom bohu dɛ hom ehu me, dɛ mowɔ hɔ, na dɛ emi nye nokwar kan no a ɔwɔ hom mu no, na dɛ hom wɔ mo mu; sɛ ɔnntse dɛm a nkyɛ hom rennyɛ prɔmprɔm.

51 Hwɛ, medze ahenman yi bɔto nyimpa bi a ɔwɔ kwã na ɔsomaa no nkowaa wɔ kwã no mu dɛ wonkotutu kwã no mu.

52 Na ɔsee dza odzi kan no dɛ: Kɔ kɛyɛ edwuma wɔ mo kwã no mu, na mebɛba wo nkyɛn dɔn a odzi kan no mu, na ibohu m’enyim enyigye.

53 Na ɔsee dza otsĩa ebien no so dɛ: Wo so kɔ kwã no mu, na mebɛba dɔn a otsĩa ebien no medze m’enyim enyigye bɛba abɛsera wo.

54 Na dza otsĩa ebiasa no so ɔsee no dɛ: mebɛba abɛsera wo.

55 Na ɔsee dza otsĩa anan no dɛmara kesii dza otsĩa duebien no do.

56 Na kwã no wura no kɔr dza odzi kan no hɔ wɔ dɔn a odzi kan no mu, na otsintsimii wɔ ne nkyɛn hɔ dɛm dɔnhwer no nyinara mu, na kan a ɔwɔ no wura n’enyim no maa n’enyi gyee kɛse.

57 Na ɔtwee noho fii dza odzi kan no nkyɛn ama oeetum akɛsera dza otsĩa ebien no so, na dza otsĩa ebiasa nye anan, dɛm araa dze kesii duebien no do.

58 Na iyi maa hɔn nyinara nyaa hɔn wura n’enyim kan no, hɔn mu biara wɔ nankasa no dɔn na ne mber, na ne hyɛber mu.

59 Ɔhyɛɛ ase fii dza odzi kan no do dze kesii dza aodzi ewiei no do, na ofii dza odzi ewiei no do dze kesii dza odzi kan no do, na ofii dza odzi kan no do dze kesii dza odzi ewiei no do.

60 Obiara wɔ n’esiado esiado, kɛpem dɛ no dɔn no sõe, dɛ mbrɛ no wura ahyɛ no no pɛpɛɛpɛr, ama wɔaahyɛ no wura no enyimnyam wɔ no mu, na no so wɔ no mu, ama wɔaahyɛ hɔn nyinara hɔnho enyimnyam.

61 Dɛm ntsi, dɛm abɛbu yi na medze to ahenman yinom nyina ho, nye hɔn a awɔwɔ mu nyina—ahenman biara wɔ noara no dɔm, na ne mber, na ne hyɛber, dɛ mbrɛ Nyankopɔn ahyɛ ɔmom no.

62 Na bio, nokwar mese hom, a hom yɛ am’anyɛnkofo, dɛ migya dɛm asɛm yi mu ma hom dɛ hom bndwendwen ho wɔ hom akoma mu, na mbrasɛm a medze ma hom nye dɛ hom cmfrɛ me ber a mebɛn—

63 Hom antwe mbɛn me na mobɔtwe abɛn hom; hom bnhwehwɛ me enyiberdo na hom cbohu me; hom mbisa na hom nsa bɛkã; hom mbɔ mu, na wobobue ama hom;

64 Biribiara a hom abebisa Egya no wɔ me dzin mu na ho bhia ma hom no, wɔdze bɛma hom;

65 Na sɛ hom bisa biribi a ho annhia mma hom a, ɔbɛdan ayɛ bafɔbu ama hom.

66 Hwɛ, dza hom tse yi tse dɛ obi ne andze a ɔretsẽa mu wɔ sar no do—wɔ sar no do osiandɛ hom nnkotum ehu no—me ndze, osiandɛ me ndze yɛ bSunsum; mo Sunsum nye nokwar no; cnokwar tsim hɔ daa na onnyi ewiei; na sɛ iyi wɔ hom mu a hom bɛyɛ prɔmprɔm.

67 Na sɛ hom enyiwa yɛ akor dze ma bm’enyimnyam a, kan bɛhyɛ hom nyimpadua nyina mu mã, na sum biara nnkɛba hom mu; na dɛm nyimpadua no a kan ahyɛ no mã no ctse ndzɛmba nyina ase.

68 Dɛm ntsi, hom antsew homho ama hom badwen aayɛ kor dze ama Nyame, na nda bɛba a hom cbohu no; na obeyi n’enyim akyerɛ hom, na iyi bɛyɛ hɔ wɔ nankasa ne ber mu, na nankasa no kwan do, dɛ mbrɛ nankasa ne pɛ tse.

69 Hom nkaa anohoba kɛse a odzi ewiei a medze bɔɔ hom no; hom nyi aakwadwer adwendwen mu nye batwetwesi mbordo no mfi hom mu.

70 Hom ntweɔn, hom ntweɔn wɔ dɛm bea yi do, na hom nhyia mu, nkanka hɔn a wɔyɛ edwumayɛfo edzikamfo wɔ ahenman a odzi ewiei yi mu no.

71 Na hom mma hɔn a awɔabɔ hɔn kɔkɔ wɔ hɔn akwantu mu no mfrɛ Ewuradze, na wɔndwen kɔkɔbɔ a hɔn nsa akã no ho wɔ hɔn akoma mu hyɛber kakra.

72 Hom nhwɛ, na hom bohu dɛ mobɔhwɛ hom nguankuw do, na mibeyi elderfo na masoma hɔn wɔ hɔn nkyɛn.

73 Hwɛ, merebɛyɛ edwuma ntsɛm wɔ ne ber mu.

74 Na hom a hom yɛ aedwumayɛfo edzikamfo wɔ ahenman a odzi ewiei yi mu, mbrasɛm a medze ma hom nye dɛ hom nhyia mu, na hom mboaboa hom ho na hom nsiesie homho, na hom bntsew homho; nyew hom ntsew hom akoma mu, na hom cntsew hom nsa na hom anan ho wɔ m’enyim, ama dmaatsew hom ho;

75 Ama maagye hom ho dase akyerɛ hom aEgya, na hom Nyankopɔn, na me Nyankopɔn, dɛ hom atsew homho efi dɛm ebusuasantsen emumuyɛfo yi hɔn bɔgyaa ho; ama meedzi anohoba yi, dɛm anohoba kɛse a odzi ewiei a medze abɔ hom yi do, wɔ ber a mepɛ.

76 Mbrasɛm a medze ma hom so nye dɛ hom nkɔ do wɔ ampaabɔ nye bakɔnkye mu ofi aber yi dze kɔ.

77 Na mbrasɛm a medze ma hom nye dɛ hom mfa ahenman ne ankyerɛkyerɛ no bnkyerɛkyerɛ homho nkorkor.

78 Hom nkyerɛkyerɛ enyiberdo na am’adom bɛba hom do, na bɔbɛkyerɛkyerɛ hom wɔ emudzi mbordo mu, wɔ adwenkyerɛ nsɛm ho, nye fapem mu, nye asɛmpa ne nkyerɛkyerɛ mu, wɔ ndzɛmba nyinara a ɔfa Nyankopɔn n’ahenman ho a ohia dɛ hom tse ase no mu.

79 Ɔfa ndzɛmba a ɔwɔ asor nye asaase do, nye asaase n’ase; ndzɛmba a esi dada, ndzɛmba a ɔwɔ hɔ, ndzɛmba a ɔnnkɛkyɛr na aba; ndzɛmba a ɔwɔ fie, ndzɛmba a ɔwɔ ekyirekyir; na aman mu bakõkoekõ nye ɔhaw, nye atsɛmbu a ɔwɔ asaase do; nye nkurow na ahenman mu nyimdzee so—

80 Ama sɛ mosoma hom bio a, hom eetum esiesie homho wɔ ndzɛmba nyinara mu, na hom etu mpon wɔ frɛ a medze afrɛ hom nye somdwuma a medze ahyɛ hom nsa no mu.

81 Hwɛ, mosomaa hom dɛ hom nkɔ ankɛgye dase na hom mbɔ nkorɔfo kɔkɔ na ɔmba no dɛ obiara a hom abɔ no kɔkɔ no, no so bbɔbɔ no nua kɔkɔ.

82 Dɛm ntsi, ɔbɛba dɛ worinnya asɛm biara nnkã mmfa nngye hɔnho, na hɔn bɔn bogu hɔnankasa hɔn etsifi.

83 Nyia aɔhwehwɛ me bntsɛm no bohu me, na wɔrommpow no.

84 Dɛm ntsi, hom ntweɔn wɔ hɔ na hom nyɛ edwuma enyiberdo, ama hom eedzi mu wɔ hom somdwuma ne yɛ mu, na mber a odzi ewiei no hom aakɔ aAmanamamfo mu, na nyimpa dodow biara a Ewuradze bobue n’ano afrɛ hɔn no, wɔmfa dasegye bnkyekyer mbra no na wɔnsɔw ano, na wonsiesie ahotseweefo no mfa ntweɔn atsɛmbu ber no a ɔbɛba no;

85 Ama wɔaagye hɔn akra efi Nyankopɔn n’ebufuhyew mu, aamamfoyɛ ekyiwadze a ɔrotweɔn emumuyɛfo wɔ wiadze yi nye dza ɔbɛba mu no. Nokwar, mese hom dɛ hom mma hɔn a wɔnnyɛ elderfo akandzifo no nkɔ do nyɛ edwuma wɔ wenyin ture no mu nkesi ber a Ewuradze bobue n’ano bafrɛ hɔn, osiandɛ hɔn mber nnsõe; hɔn ntar ho cnntsewee mmfii dɛm ebusuasantsen yi hɔn bɔgyaa ho.

86 Hom ntsena aahotɔ a ama hom enya bfahodzi no mu; mma hom mmfa cbɔn dnnkyekyer homho, mbom hom mma hom nsa ho entsew nkesi dɛ Ewuradze bɛba.

87 Na ɔnnkɛkyɛr biara na aasaase bapopo na ɔatɔ ntentan na oehimahima tse dɛ ɔsãbowfo, na cewia dze n’enyim bosuma, na ɔbɔpow dɛ ɔbɛma ne kan ahyerɛn; na dbɔgya bɛyɛ bosoom ho; na enworaba no hɔn bo bofuw kɛse, na wɔbɛtsew atotɔ famu, tse dɛ adɔmba a ɔtsetsew fi adɔmbadua do tɔ famu.

88 Na hom dasegye ekyir no na ebufuhyew na ntsẽa bɛba nkorɔfo no do.

89 Na hom dasegye ekyir no na aasaasewosow bɛba abɛgye dase, na ɔbɛma sũ wenwen aba ne finimfin, na nyimpa bɔhwehwe ase na worunntum nnsoɛr nngyina.

90 Na dasegye so a ɔbɛba nye awimu mpaapaamu ndze, nye enyinam ndze, nye ehum dzendzen ndze; na po asorɛkye worubu tra hɔn ahe do ndze.

91 Ndzɛmba nyinara bɛyɛ abegyabegya; na nokwar, adasa hɔn akoma botutu; na suro bɛba nkorɔfo nyinara do.

92 Na aabɔfo botu ekyin sor, dze ndze kɛse atsẽa mu, ahɛn Nyankopɔn no totorobɛnto ase dɛ: Hom nsiesie homho, hom nsiesie homho, O hom a hom wɔ asaase do; na Nyankopɔn n’atsɛmbu aba. Hwɛ, na hu dɛ bAyeforkun no reba; hom mpue nkehyia no kwan.

93 Na ntsɛmara, ansɛnkyerɛdze kɛse bi bopue sor, na nkorɔfo nyinara bɔbɔ mu ehu.

94 Na bɔfo bi so bɛhɛn totorobɛnto ase dɛ: Dɛm aasɔr bkɛse no, cebusudze ne nã no, a ɔmaa aman nyinara noom n’ebufuhyew dndwamanbɔ wenyin no, nyia ɔtseetsee Nyame n’ahotseweefo no, nyia ɔkãa hɔn bɔgyaa gui no—ɔno a ɔtse esu pii nye po n’esupruw do no—hwɛ, ɔno nye asaase do enworahaban no; wɔakyekyer no efiefi; wɔayɛ ne nkyehoma no dzen, ɔdasanyi biara nnkotum esian; dɛm ntsi wɔayɛ krado dɛ fwɔrebɛhyew no. Na ɔbɛhɛn no totorobɛnto dzendzenndzen ma akyɛr, na aman nyinara bɛtse.

95 Na sor bɛtaa adzinn bɛyɛ dɔnhwer fã na iyi ekyir no, wɔbɛpa sor nkataenyim no ntsɛmara, tse dɛ worisiansian bnwoma mbobɔwee mu, na Ewuradze cn’enyim bɛda hɔ;

96 Na wɔdze nkenyan bɛma ahotseweefo a wɔwɔ asaase do a wɔtse nkwa mu no, na awobohwim hɔn akɔ sor ekehyia no kwan.

97 Na hɔn a wɔadeda wɔ hɔn nda mu no abɔsoɛr epue, osiandɛ hɔn nda do bobuebue; na hɔn so wɔbɛfa hɔn akɔ sor ekehyia no kwan wɔ sor fadum ne finimfin—

98 Wɔyɛ Christ dze, aeduaba kan no, hɔn na wobedzi kan nye no esian, na hɔn a wɔwɔ asaase do nye hɔn a wɔwɔ hɔn nda mu, hɔn a wodzii kan kehyiaa no no; na iyi nyinara besi ber a Nyankopɔn no bɔfoe no bɛhɛn totorobɛnto no.

99 Na iyi ekyir no, bɔfo bi so bɛhɛn abɛn, na iyi nye totorobɛnto a otsĩa ebien no; na iyi ekyir hɔn a wɔyɛ Christ dze a ɔapon hɔn no aber a ɔbae no bɛba; hɔn a wonyaa hɔn kyɛfa wɔ aefiadze a wosiesiei maa hɔn no ama hɔn nsa aakã asɛmpa no, na bwoeebu hɔn atsɛn tse dɛ nyimpa a wɔwɔ honam mu.

100 Na bio, wɔbɛhɛn totorobɛnto bi so, iyi nye totorobɛnto a otsĩa ebiasa; na iyi ekyir no nyimpa a ɔsɛ dɛ wobu hɔn atsɛn no hɔn aesunsum bɛba, na wobohu hɔn dɛ wɔhyɛ bafɔbu ase;

101 Na woyinom nye aewufo a wɔaka no; na wɔnnkɛtsena nkwa mu bio kesi dɛ bmfe apem no bɛba n’ewiei, eso wɔnnkɛba bio, kesi wiadze n’ewiei.

102 Na wɔbɛhɛn totorobɛnto bi so bio, ɔno nye totorobɛnto a otsĩa anan no, bɛse dɛ: Woehu hɔn a ɔsɛ dɛ wɔka kɛpem da kɛse a odzi ewiei no mu, na ekyir no mpo, hɔn a wɔaka no bɛda ho ayɛ aefĩfĩfo.

103 Na wɔbɛhɛn totorobɛnto kor bi so, ɔno nye totorobɛnto a otsĩa enum no, ɔno nye ɔbɔfo a otsia enum no na ɔno na aasɛmpa a ɔwɔ hɔ daapem no hyɛ ne nsa—obotu ekyin wimu, wɔ sor, wɔ aman, ebusuakuw, kasahorow, nye nkorɔfo nyinara do;

104 Na ɔbɛhɛn no totorobɛnto no ase nkorɔfo a wɔwɔ sor nye asaase do nyinara, nye hɔn a wɔwɔ asaase n’ase—na aaso biara bɛtse, na anankoroma biara bbobu ntwɛr, na tɛkyerɛma biara agye dase, ber a wɔbɛtse totorobɛnto yi ndze, rese dɛ: Hom cnsuro Nyankopɔn, na hom mfa enyimnyam mma nyia ɔtse ahengua no do no afebɔɔ kesi afebɔɔ; osiandɛ n’atsɛmbuber no asõ.

105 Na bio, ɔbɔfo bi so bɛhɛn totorobɛnto, na ɔno nye bɔfo a otsĩa esia no, na ɔbɛse dɛ: Ɔbaa no a ɔmaa aman nyina noom n’ebufuhyew edwamanbɔ wenyin no aahwe ase; ɔahwe ase, ɔahwe ase!

106 Na bio, ɔbɔfo bi so bɛhɛn totorobɛnto, ɔno nye bɔfo a otsĩa esuon no, na ɔbɛse dɛ: Oewie; oewie! Nyankopɔn an’Eguambaa no nko na boedzi konyim na coetsia wenyintwer no do, Otumfo Nyankopɔn n’ebufuhyew dzendzen wenyintwer no mpo.

107 Na afei wɔdze no tum enyimnyam kyɛw no bɔsoa abɔfo no, na wɔdze an’enyimnyam no ahyɛ bahotseweefo no mã, na hɔn nsa akã hɔn cegyapadze no na wɔama dwɔnye no abɛyɛ pɛr.

108 Na afei, ɔbɔfo a odzi kan no bɛhɛn no totorobɛnto no bio egu atseasefo nyinara asomu, na aoeyi adasa hɔn nsumaamu ndzeyɛɛ ato gua, nye Nyankopɔn no tum ndwuma wɔ mfe bapem a odzi kan no mu.

109 Na afei, ɔbɔfo a otsĩa ebien no bɛhɛn no totorobɛnto no, na oeyi adasa hɔn nsumaamu ndzeyɛɛ ato gua, nye hɔn adwen mu nye hɔn akoma mu nsusui, nye Nyankopɔn no tum ndwuma wɔ mfe apem a otsĩa ebien no mu—

110 Dɛmara, kɛpem dɛ ɔbɔfo a otsĩa esuon no bɛhɛn no totorobɛnto no; na ɔbɔsoɛr egyina asaase na po do, na ɔakã ntam wɔ nyia ɔtse ahengua do no ne dzin mu, na amber nnyi hɔ bio; na bwɔbɛkyekyer Satan, dɛm abowatsena dadaw no a wɔfrɛ no abɔnsam no, na worinnsian no bɛyɛ cmfe apem ntamu.

111 Na afei, awobesian no mber kakra, ama oeetum aboaboa no nsordaafo ano.

112 Na aMichael, ɔbɔfo a otsĩa esuon no, bɔfopanyin no, bɔboaboa no nsordaafo ano sor dɔmtutuw no mpo.

113 Na abɔnsam no so bɔboaboa no nsordaafo ano; hɛl dɔm no, na wɔbɛba na wɔnye Michael na no nsordaafo no abɔkõ.

114 Na afei, Nyankopɔn Kokroko no a no besi, na wɔbɔtow abɔnsam na no nsordaafo no akyen hɔnankasa hɔn bea do, amma woeennya tum bio wɔ ahotseweefo no do.

115 Osiandɛ, Michael bɔkõ ama hɔn, na obedzi nyia aɔrohwehwɛ agye nyia ɔtse ahengua no do no, ɔyɛ Eguambaa no mpo, n’ahengua no no do konyim.

116 Iyi nye Nyankopɔn n’enyimnyam na hɔn a awɔatsew hɔnho no; na worunnhu bowu bio.

117 Dɛm ntsi, nokwar, mese hom, am’anyɛnkofo, hom mfrɛ hom awɔse nhyiamu no, dɛ mbrɛ mahyɛ hom no.

118 Na dɛ mbrɛ hom nyina nnyi gyedzi no, hom mper nhwehwɛ enyiber do na hom ankyerɛkyerɛ homho benyansasɛm no nkorkor; nyew, hom nhwehwɛ mfi enyansasɛm cnwoma a odzi mu no mu; hom mper nsũa nwoma na hom ndua adzesua mpo nye gyedzi so do.

119 Hom mboaboa homho; na hom nsiesie biribiara a ohia no yie; na hom nsi aofi, ofi a wɔbɔ mpaa wɔ mu, ofi a wɔkyen kɔm wɔ mu, gyedzi fi, nwomasũa fi, enyimnyam fi, ofi a no mu ndzɛmba wɔyɛ no esiado esiado, Nyankopɔn ne fi;

120 Ama hom mbae aayɛ wɔ Ewuradze ne dzin mu; ama hom nkɔree ayɛ wɔ Ewuradze ne dzin mu ama hom nkyia nyina aayɛ wɔ Ewuradze ne dzin mu, na hom ama hom nsa do wɔ sor dze ama Ɔsorsornyi no.

121 Dɛm ntsi, hom angyaa hom kasahun no, na hom ngyaa hom batwetwesi, hom ngyaa cakɔndɔbɔn no, nye hom dahantanyɛ, nye hom adwenhun no, na hom ngyaa hom emumuyɛdze no.

122 Hom nyi kyerɛkyerɛnyi mma homho, na mma hom nyina mmbɔ mu nnkasa prɛko, mbom hom nkasa nkorkor na hom mma obiara ntsie nyia ɔrekasa no, ama sɛ hom nyinara kasa wie a, hom nyina aama homho ntowdo, na hom ndzinoa aayɛ pɛr.

123 Hom nhwɛ andodɔ homho nkorkor; hom nngyaa dɛ hom yɛ bedzifodzipɛfo; hom nsũa dɛ hom mmfa hom ahodze mmema homho nkorkor dɛ mbrɛ asɛmpa no kyerɛ.

124 Hom nngyaa dɛ hom yɛ aenyihaw; hom nngyaa dɛ hom yɛ efĩfĩdze; hom nngyaa dɛ hom bhwehwɛ mfom wɔ hom ho nkorkor; hom nngyaa dɛ hom bɛda ma ɔatra do; hom nda ntsɛm, amma hom aammfona; hom nsoɛr ntsɛm, ama hom mpɔw mu aayɛ hom dzen na hom adwen mu so aatsew.

125 Na ndzɛmba nyinara ekyir no, hom mfa aayamuyie mfura homho, iyi nye emudzi na basomdwee mapã.

126 Hom mbɔ ampaa aber nyina amma hom aanntɔ bitsi, kɛpem dɛ bmebɛba. Hom nhwɛ na hom nhu dɛ, mebɛba ntsɛm, na mabɛfa hom akɔ mankasa me nkyɛn. Amen.

127 Na bio, dan a wosiesiei dze maa ankɔnhyɛfo skuul ne president na n’apamfo no, dza wosii maa hɔn ma wɔakyerɛkyerɛ hɔn ndzɛmba nyinara a ohia ma hɔn no, asɔr no mu bdzibewdzifo no nyina mpo, mekyerɛ hɔn a wɔafrɛ hɔn wɔ ɔsomdwumadzi mu wɔ asɔr no mu no, ɔhyɛ ase fi asɔfompanyin do dze besi deaconfo do—

128 Na iyi nye nhyehyɛɛ a wɔayɛ a ɔfa president na n’apamfo a ɔbɔhwɛ skuul no do ho! Nyia woeyi no esi hɔ dɛ president anaadɛ kyerɛkyerɛnyi no, wobu no dɛ ogyina ne gyinabew, wɔ dan a woesiesie ama no no.

129 Dɛm ntsi obedzi kan wɔ Nyame ne fie hɔ, na oegyina bea a mboanofo a wɔwɔ hɔ no botum atse ne nsɛm a ɔrekã no yie, nnyɛ dɛ ɔbɛkasa dzendzenndzen bi.

130 Na sɛ ɔreba Nyame ne fie a, ɔsɛ dɛ ɔno na odzi kan kɔ fie no mu—Hwɛ, dɛm na ɔyɛ fɛw, ama ɔaayɛ fasusu—

131 Hom mma ombu ntwɛr mbɔ mpaa mfa noho ambɔ afɔr mma Nyankopɔn, mfa nkyerɛ anaa mfa nkaa ahyɛmu a ɔwɔ hɔ daapem no.

132 Na sɛ obi si n’ekyir ba a, ɔsɛ dɛ kyerɛkyerɛnyi no soɛr na ɔma ne nsa do kyerɛ sor, nyew, na ɔtsen wɔ no do, na okyia no nua no anaa no nuanom no na ɔkã dɛm nsɛm yi:

133 Ana eyɛ onua anaadɛ hom yɛ enuanom? Mikyia hom wɔ Ewuradze Jesus Christ ne dzin mu dze kaa ahyɛmudzi a ɔwɔ hɔ daapem no, dɛm ahyɛmu no na medze gye wo wɔ afɛkuwbɔ mu, wɔ nhyehyɛɛ a otsim, onnhihim, na ɔnnsakyer da mu, dɛ mebɛyɛ wo nyɛnko na wo bnuabanyin wɔ Nyankopɔn n’adom a ɔwɔ ɔdɔ fɛkuwbɔ mu no, yɛbɛnantsew Nyankopɔn ne mbrasɛm nyinara mu, dɛ afɔdzi nnyi ho wɔ ndaase mu, afebɔɔ kesi afebɔɔ. Amen.

134 Na nyia wobohu no dɛ onndzi mu dɛ wokyia no dɛm nkyia yi no, ɔnnsɛ dɛ ɔtsena hom mu; osiandɛ ɔnnsɛ dɛ wɔma kwan ma obogu me fie a.

135 Na nyia ɔbɛba mu no, sɛ ɔyɛ nokwafo wɔ m’enyim, na sɛ ɔyɛ onua, anaadɛ wɔyɛ enuanom a, wɔbɛma hɔn nsa do wɔ sor na wɔdze dɛm mpaabɔ na ahyɛmudzi nkyia yi so ara ekyia president no anaadɛ kyerɛkyerɛnyi no, anaadɛ wɔbɛse Amen, dze agye ne nkyia no do.

136 Hwɛ, nokwar, mese hom dɛ, iyi nye nhwɛdo nkyia a ɔsɛ dɛ hom dze kyiakyia homho nkorkor wɔ Nyame ne fie, wɔ nkɔnhyɛfo skuul hɔ.

137 Na wɔafrɛ hom dɛ hom mfa mpaabɔ na ndaase nyɛ dɛm adze yi, dɛ mbrɛ Sunsum no bɛkyerɛ hom dɛ hom nyɛ wɔ hom nyɛe nyinara mu wɔ Ewuradze ne fie, wɔ nkɔnhyɛfo skuul hɔ, ama hɔ aayɛ krɔnkrɔnbea, Sunsum Krɔnkrɔn ne ntamadan, ama hom eenya antowdo.

138 Na mma hom nngye obiara nnkã homho wɔ dɛm skuul ha, gyedɛ onyia no atsew noho efi dɛm ebusuasantsen yi abɔgyaa ho;

139 Na sɛ wɔbɛgye no ato mu a, ɔsɛ dɛ wɔyɛ aananho hohor ayɛdze no ma no, osiandɛ iyi ho ntsi na wɔyɛɛ dɛm ananho hohor ayɛdze no.

140 Na bio, dɛm ananho hohor ayɛdze yi no, asɔr no mu president, anaa elder banodzinyi no na ɔsɛ dɛ ɔyɛ.

141 Sɛ wɔrebɛyɛ a, ɔsɛ dɛ wɔdze mpaabɔ hyɛ ase; na sɛ awodzi paanoo na wɔnom wenyin no so wie a, ɔwɔ dɛ ɔbɔ n’asen do dɛ bnhwɛdo a wɔakyerɛw wɔ John ne dasegye nwoma ne tsir duebiasa mu no a ɔfa mo ho no. Amen.