iVolanikalou
Vunau kei na Veiyalayalati 88


Wase 88

Na ivakatakila sa soli yani mai vei Josefa Simici na Parofita mai Katiladi, Oaio, ena 27 kei na 28 ni Tiseba 1832, kei na 3 ni Janueri, 1833. Sa vakatoka na Parofita me “‘drau ni olive’ … sa beti mai na Kau ni Parataisi, na nona itukutuku ni veivakacegui na Turaga ki vei keda.” A soli na ivakatakila ni oti na nodra masumasu “yadua kei na masu ena domolevu vua na Turaga me vakatakila na lomana me baleta na kena tarai cake ko Saioni,” ena dua na koniferedi.

1–5, Era na rawata na Yalododonu yalodina na Dauveivakacegui, sai koya na yalayala ni bula tawamudu; 6–13, Sa liutaki ka lewai na ka kecega ena rarama i Karisito; 14–16, Sa yaco rawa na Tucake Tale ena vuku ni Veivueti; 17–31, Na nodra talairawarawa ki na lawa vakasilesitieli, teresitieli se na tilesitieli, sa na vakarautaki ira na tamata ki na veimatanitu oqori; 32–35, Era na dukadukali tiko ga ko ira sa lomadra me ra ia tiko na ivalavala ca; 36–41, Sa tu na lawa me cicivaki kina na veimatanitu kecega; 42–45, Sa virikotora na Kalou na lawa ni veika kecega; 46–50, Sa na qai kila na Kalou na tamata; 51–61, Na vosa vakatautauvata ni dua na itaukei ni were sa talai ira na nona tamata ki na were, ka qai sikovi ira yani; 62–73, Toro voleka yani vua na Turaga, ko na qai raica na Matana; 74–80, Dou vakatabui kemudou ka veivakavulici vakai kemudou ena ivakavuvuli ni matanitu; 81–85, Na tamata yadua sa rogoca na vunau, me vunauci ira sara na wekana; 86–94, Sa vakaraitaki na nona lesu mai na Turaga ena yaco ni ivakatakilakila e so, na tavuki ni vanua kei na agilosi; 95–102, Era sa tucake veitaravi mai na sa mate ena domo ni nodra davui na agilosi; 103–116, Sa tukuni tale ga ena domo ni nodra davui na agilosi na vakalesui mai ni kosipeli, na lutu nei Papiloni, kei na nona ivalu na Kalou levu; 117–126, Dou segata sara mo dou vuli ka kila ka; dou tauyavutaka na vale ni Kalou (na valetabu) ka mo dou vakaisulutaki kemudou ena ivau ni loloma uasivi; 127–141, Sa virikotori na ivakarau ni nodra Koronivuli na Parofita, kei na cakacaka vakalotu ni veivui yava.

1 Sa kaya vakaidina vakaoqo na Turaga vei kemudou sa soqoni vata mai mo dou rogoca na nona lewa me baleti kemudou:

2 Raica, sa ka talei vua na nomudou Turaga na ka oqo, ka ra sa areki kina na agilosi ena vukumudou; io sa rogo yani na bsoli ka ni loloma ni nomudou masu ki na daligadra na Turaga ni cSaboca, ka sa volai ena divola ni yacadra ko ira sa vakatabui, io ko ira ena vuravura vakasilesitieli.

3 Ia, au na tala yani vei kemudou e dua tale na aDauveivakacegui, io vei kemudou na wekaqu, me tiko e lomamudou, io na bYalo Tabu ni yalayala; ia oqo na Dauveivakacegui tale ka dua ka’u a yalataka vei iratou na noqu tisaipeli, me vaka sa vakadinadinataka ko Joni.

4 Raica na Dauveivakacegui oqo sai koya na yalayala ni abula tawamudu au sa solia vei kemudou, io na blagilagi ena matanitu silesitieli;

5 Na lagilagi oqori sai koya na nona lotu na aUlumatua, io na lotu ni Kalou, o koya sa savasava duadua mai na ka kecega, ena vukui Jisu Karisito na Luvena—

6 Raica sai akoya sa lako cake, sai koya tale ga sa lako bsobu mai ki ra sara, a sa ckila na ka kecega ko koya ka sa curuma na ka kecega; io na drarama ni dina;

7 Io na dina sa serau. Sai koya oqo na ararama i Karisito. Me vaka ni sa tiko ena matanisiga, kei na rarama ni matanisiga, kei na kena kaukauwa sa bbuli mai kina.

8 Me vaka talega ni sa tiko ena vula, ka sa rarama ni vula, kei na kena kaukauwa sa buli mai kina;

9 Me vaka talega kina na rarama ni kalokalo, kei na kena kaukauwa sa buli mai kina;

10 Kei na vuravura talega, kei na kena kaukauwa, io na vuravura sara ga ko atucake tu kina.

11 Kei na rarama sa cila, ka sa vakararamataki iko, sa mai vua sa vakararamataka na matamu, sai koya na rarama vata ga sa vakabulabulataka na nomu akila ka;

12 Sai koya na ararama sa cila mai na iserau ni Kalou me bvakasinaita na maliwa lala—

13 Ia na rarama oqo sa tiko ena ka akecega; sa solia na bbula ki na ka kecega, sai koya na clawa sa cicivaki kina na ka kecega; io na kaukauwa ni Kalou o koya sa tiko ena nona itikotiko vakaturaga, o koya sa tiko ena lomasere ni gauna tawamudu, ka sa tiko ena ka kecega.

14 Oqo, au sa kaya vakaidina vei kemudou, ena vuku ni aveivueti sa vakayacori vei kemudou, sa yaco kina na tucake tale mai na mate.

15 Ia na ayalo kei na byago sa yaco me tamata cvakayalo.

16 Kei na atucake tale mai na mate sai koya na vueti ni yalo.

17 Ia na vueti ni yalo sa rawa ena vukui koya sa vakabulabulataka na ka kecega; e lomaserena sa yalataki kina ni ra na taukena na avanua ko ira sa bdravudravua kei ira sa cyalomalua.

18 O koya, sa dodonu kina me vakatabui mai na veika kecega e sega ni dodonu, me vakarautaki kina ki na lagilagi avakasilesitieli;

19 Ia ni sa vakayacori oti na inaki a buli kina, ena qai vakaisalataki vakatui ena alagilagi, io ena iserau ni Kalou na Tamada;

20 Ia era na ataukena me sega ni mudu ka sega ni mudu na yago ena matanitu silesitieli; ni sai koya oqori na binaki a caka ka tauyavu kina, kei na inaki oqori sa cvakatabui kina.

21 Ia ko ira sa sega ni vakatabui ena lawa au sa solia vei kemudou, io na lawa i Karisito, sa dodonu me ra vakaivotavota ena dua tale na matanitu, io na matanitu teresitieli, se na matanitu tilesitieli.

22 Raica ko koya sa sega ni rawa ni muria na alawa ni matanitu silesitieli, ena sega ni tiko rawa ena lagilagi vakasilesitieli.

23 Kei koya sa sega ni rawa ni muria na lawa ni matanitu teresitieli, ena sega ni tiko rawa ena lagilagi avakateresitieli.

24 Kei koya sa sega ni rawa ni muria na lawa ni matanitu tilesitieli, e na sega ni tiko rawa ena lagilagi avakatilesitieli; o koya sa sega ni ganiti koya kina e dua na matanitu vakalagilagi. Ia me sa na tiko kina ena dua na matanitu ka sega ni matanitu vakalagilagi.

25 Kei na dua tale, au sa kaya vakaidina vei kemudou, sa muria tiko ko avuravura na lawa ni matanitu silesitieli, raica sa vakayacora na inaki a buli kina, ka sa sega ni talaidredre ki na lawa—

26 O koya, ena avakatabui kina; io, e dina ni na qai bmate, ena vakabulabulataki tale, io ena vosota na kaukauwa sa vakabulabulataki kina, ka ra na ctaukena na dyalosavasava.

27 E dina ga era na mate, ia era na atucake tale, ena yago bvakayalo.

28 Ko ira na yalo vakasilesitieli era na rawata na yago vata ga era a taukena eke; io dou na rawata na yagomudou, ia na nomudou alagilagi sa lagilagi ni yago dou sa bvakabulabulataki kina.

29 Koi kemudou sa vakabulabulataki ena dua na ivakatagedegede ni lagilagi avakasilesitieli, dou na qai rawata na kena vata ga oqori, io sa rawa ni ra rawata taucoko sara.

30 Ia ko ira tale ga sa vakabulabulataki ena dua na ivakatagedegede ni lagilagi avakateresitieli, era na rawata vakaidina na kena isau, io sa rawa ni ra rawata taucoko sara.

31 Kei ira talega sa vakabulabulataki ena dua na ivakatagedegede ni lagilagi avakatilesitieli, era na rawata vakaidina na kena isau, io sa rawa ni ra rawata taucoko sara.

32 Kei ira talega na kena vo era na avakabulabulataki; ia, era na dui lesu tale ki na nodra tikina, me ra marautaka na veika era bvinakata me ra rawata, baleta ni ra a sega ni vinakata me ra marautaka na kena a dodonu me ra rawata.

33 A cava na kena yaga vua na tamata kevaka sa soli tu na isolisoli me nona, ka qai sega ni taura? Raica, sa sega ni marautaka na isolisoli sa soli vua, io sa sega tale ga ni marautaki koya sa solia.

34 Kei na dua tale, au sa kaya vakaidina vei kemudou, na veika sa cicivaki ena lawa ena maroroi talega ena lawa, ka na vakataucokotaki ka avakatabui talega kina.

35 Ia ko koya sa abeca e dua na lawa, ka sega ni muria na lawa, ia sa segata me muria ga na lomana, ka sa lomana me ia tiko ga na ivalavala ca, ka sa bula tiko ga ena ivalavala ca, ena sega ni vakatabui ena lawa, io ena sega tale ga ena bloloma cecere, na clewa dodonu, se na lewa. O koya, era na ddukadukali tiko ga kina.

36 Raica sa tu na lawa ni veimatanitu kecega;

37 Ia sa levu tu na amatanitu; ni sa tu ena maliwa lala kecega eso na matanitu, ka sa tu ena veimatanitu kecega eso na maliwa lala, io na matanitu lelevu se na matanitu lalai.

38 Ia na matanitu kecega sa tu na kena alawa; ia na lawa kece sa tu na kena ivakarau kei na ka sa vauci kina.

39 Ia ko ira kecega sa sega ni muria na kena aivakarau, era sa sega ni bvakadonui.

40 Ni veika avuku e rau na sala vata ga kei na veika vuku; na byalomatua ena ciqoma na yalomatua; na cdina sa rekitaka ga na dina; na divalavala savasava ena taleitaka ga na ivalavala savasava; na erarama sa sala vata ga kei na rarama; na loloma cecere sa ftokona ga na loloma cecere, ka kaya ni sa nona ko ira na nona; raica ena vakayacori ga na lewa dodonu ka kaya ni sa nona ko ira na nona; ia na lewa sa liu e matai koya sa tiko ena itikotiko vakaturaga ka sa liutaka tiko ka vakayacora na ka kecega.

41 Raica sai koya sa akila na ka kecega; sa tu e matana na ka kecega, ka vakavolivoliti koya na ka kecega; io sa ubia na ka kecega, ka sa tiko ena ka kecega, ka lako sivita na ka kecega; sa vakavolivolita na ka kecega; raica sa vu mai vua ka baleti koya na ka kecega, io na Kalou sa sega ni mudu ka sega ni mudu!

42 Kei na dua tale, au sa kaya vakaidina vei kemudou; sa virikotora ko koya na lawa ena ka kecega; era sa veitosoyaki kina ena kedra agauna kei na kedra yabaki;

43 Ka sa tudei tu na nodra dui sala, io na sala mai lomalagi kei vuravura, io na vuravura oqo kei na vuravura tale eso.

44 Ka ra sa dui aveivakararamataki ena nodra dui gauna kei na nodra dui draki, ena nodra dui miniti, ena nodra dui auwa, ena nodra dui siga, ena nodra dui macawa, ena nodra dui vula, ena nodra dui yabaki—na veigauna kece oqori sa bdua ga na yabaki vua na Kalou, ia e sega ni vakakina vua na tamata.

45 Sa sowiri ko vuravura ena nona itosotoso, ka sa solia na nona rarama na amatanisiga ena siga, ka solia na nona rarama na vula ena bogi, sa solia vaka talega kina na nona rarama na kalokalo, ni ra sa sowiri voli ena lagilagi, ena loma ni nona bkaukauwa na Kalou.

46 Meu na vakatauvatana beka kei na cava na veimatanitu oqo mo dou kila kina?

47 Raica, ko ira kecega era sa dui matanitu, ia na tamata sa raica e dua vei ira se dua sa lailai sara, sa araica tiko na lagilagi kei na kaukauwa ni Kalou.

48 Au sa kaya vei kemudou, dou sa raici koya vakaidina; e dina, ni a lako mai ko koya vei ira na anona ka qai sega ni kilai.

49 A sa cilava na butobuto na ararama, ia na butobuto sa sega ni kunea; ia ena yaco na siga dou na bkila kina na Kalou, ni dou sa vakabulabulataki ki vua mai vua.

50 Dou na qai kila ni dou sa raici au, ka kila ni sai Au, ka ni sai Au na rarama dina sa tu vei kemudou, ka dou sa tu vei au; ia kevaka e sega dou sa ka wale ga.

51 Raica, au na vakatautauvatana na veimatanitu oqo kei na dua na tamata sa tu e dua na nona were, a sa talai ira yani na nona tamata me ra la’ki cukita.

52 A sa kaya vua na imatai: Mo lako ko iko ka cakacaka ena were, ia ena imatai ni auwa, au na qai lako yani vei iko, ia ko na raica na marau e mataqu.

53 A sa kaya vua na kena ikarua: Mo lako tale ga ko iko ki na were, ia ena ikarua ni auwa, au na qai lako yani vei iko ena marau e mataqu.

54 Ka sa vaka tale ga kina vua na ikatolu, sa kaya kina: Au na qai lako yani vei iko;

55 Kei na ikava, ka vaka tiko kina me yacova na ikatinikarua.

56 Ia sa qai lako yani na itaukei ni were vua na imatai ena imatai ni auwa, a sa tiko vata kei koya ena loma ni auwa oqori, raica sa marau ko koya ni sa raica na mata ni nona turaga.

57 Oti sa qai toki mai vua na imatai me lako talega vua na kena ikarua, kei na kena ikatolu, kei na kena ikava, ka vaka tiko kina me yacova na ikatinikarua.

58 Ka sa vakaoqori na nodra ciqoma kece na rarama ni matai koya na nodra turaga, na tamata yadua ena nona auwa, kei na nona gauna lokuci, kei na nona gauna donu—

59 A sa tekivu vua na imatai, ka vaka tiko kina me yacova na aiotioti, ka vakakina mai vua na iotioti ki vua na imatai, kei na imatai vua na iotioti;

60 Io na tamata yadua ena nodra veitarataravi, me yacova ni sa oti na nodra dui auwa, io me vaka sa vakarota na nona turaga, io me vakalagilagi na nona turaga ena vukuna kei koya ena vuku ni nona turaga, io me ra vakalagilagi kecega.

61 Ia, au na vakatautauvatataka ki na vosa vakatautauvata oqo na veimatanitu oqo, kei ira na alewena—na matanitu yadua ena kena auwa, kei na kena gauna lokuci, kei na kena draki donu, io me vaka na lawa sa virikotora tu na Kalou.

62 Kei na dua tale, au sa kaya vakaidina vei kemudou, na awekaqu, au sa tukuna na veika oqo mo dou bvakananuma e lomamudou, vata kei na ivakaro au sa solia vei kemudou, mo dou cmasuti au niu sa tu voleka vei kemudou—

63 Dou atoro voleka mai vei au ka’u na qai toro voleka yani vei kemudou; dou bvakasaqarai au vagumatua dou na qai ckunei au; dou kerekere ka na soli vei kemudou; dou tukituki ka na dolavi vei kemudou.

64 Ia na ka kecega dou sa akerea vei Tamaqu ena yacaqu ena soli vei kemudou, io na veika me bganiti kemudou;

65 Ia kevaka dou sa kerea na ka sa sega ni aganiti kemudou, ena vuki me bvakacacani kemudou.

66 Raica, na ka dou sa rogoca sa vaka na adomona e dua sa kacikaci ena loma ni lekutu—ena loma ni lekutu, baleta ni sega ni rawa ni dou raici koya—na domoqu, baleta ni domoqu e bYalo; na Yaloqu sai koya na ka dina; na cdina e tudei ka sega na kena icavacava; ia kevaka sa tu vei kemudou, dou na bula sautu sara.

67 Ia kevaka sa avakatabakidua na matamudou ki na noqu blagilagi, ena vakasinaiti ena rarama na yagomudou taucoko, ka na sega na tikimudou e butobuto; ia na yago sa vakasinaiti tu oqori ena rarama ena ckila na ka kecega.

68 O koya, mo dou avakatabui kemudou me vagolei kina vakatabakidua vua na Kalou na nomudou bvakanananu, ka me yaco mai kina na veisiga mo na craici koya; ni na cereka na ilati ni matana vei iko, ia ena yaco ena nona gauna ga, ena sala sa kilikili vua, ka me vaka na nona lewa.

69 Dou nanuma na iotioti ni noqu yalayala cecere vei kemudou; dou biuta tani vakayawa sara mai vei kemudou na vakanananu asega na betena kei na bdredredre vakasivia.

70 Dou tiko mada, dou tiko mada eke ka kaciva kina e dua na soqoni tabu, io me ra soqoni mai kina ko ira era a tauyavutaka na cakacaka ni matanitu oqo.

71 Me ra masuta na Turaga o ira era a aveivakasalataki kina ena nodra veilakoyaki voli, me ra vakasamataka e yalodra na ivakasala sa soli vei ira, me tei dua mada na gauna.

72 Raica ka rogoca, au na taqomaka na nomudou qele ni sipi, io au na kacivi ira na italatala qase ka tala yani vei ira.

73 Raica, au na kitaka kusarawa na noqu cakacaka ena kena gauna.

74 Kau na tukuna vei kemudou, dou a tauyavutaka na acakacaka ena iotioti ni matanitu oqo, e dua na ivakaro mo dou vakasoqoni kemudou vata, dou cokonaki kemudou, ka vakarautaki kemudou, ka bvakatabui kemudou; io, dou vakasavasavataka sara na lomamudou, ka csavata na ligamudou kei na yavamudou e mataqu, meu dvakasavasavataki kemudou kina;

75 Me rawa niu vakadinadinataki kemudou kina vua na aTamamudou, na nomudou Kalou, ka noqu Kalou, ni dou sa savasava mai na nodra dra na itabatamata caka ca oqo; io me’u vakayacora kina na iotioti ni noqu yalayala cecere vei kemudou ena gauna ka’u sa lewa.

76 Au sa vakaroti kemudou tale ga mo dou ia tiko ga na amasumasu kei na blolo mai na gauna oqo ka lako yani.

77 Kau sa solia talega vei kemudou e dua na ivakaro mo dou aveivakavulici vakai kemudou ena bivakavuvuli ni matanitu.

78 Ia mo dou gumatua sara ena veivakavulici ena qai tiko vata kei kemudou na noqu aloloma soli wale, mo dou bdusimaki vakavinaka cake kina ena vuli, ena ivakavuvuli, ena ivunau, ena lawa ni kosipeli, kei na veika kece e baleta na matanitu ni Kalou, e dodonu mo dou kila;

79 Na veika ruarua mai alomalagi kei vuravura, kei na rukui vuravura; na veika sa oti yani, na veika ni gauna oqo, kei na veika ena qai yaco mai ena dua na gauna lekaleka; na veika ena noda vanua, na veika mai vanua tani; na nodra bveivaluvaluti ka kidroa na veimatanitu, kei na lewa sa tau tu me baleta na vanua oqo; kei na kila ka talega me baleta na veivanua kei na veimatanitu—

80 Me rawa ni dou sa vakarau tu ena veika kecega, ena gauna au na talai kemudou yani kina mo dou vakalevulevuya na ilesilesi au sa lesi kemudou kina, kei na ilesilesi au sa lesia vei kemudou.

81 Raica, au sa talai kemudou yani mo dou wasea na nomudou aivakadinadina ka vunauci ira na tamata, ka sa yaco kina me nona itavi na tamata yadua sa vunauci me bvunauca na wekana.

82 O koya, sa na sega kina na nodra iulubale, ia ena saumi e uludra na nodra ivalavala ca.

83 Raica ko koya sa avakasaqarai au bkusarawa, ena kunei au vakaidina, io au na sega ni biuti koya.

84 O koya, mo dou tiko mada ka cakacaka vagumatua, me rawa kina ni dou na vakataucokotaki ena nomudou itavi mo dou lako yani vei ira na aMatanitu Tani ena iotioti ni gauna, vei ira kecega ena cavuta mai na yacadra na Turaga, me ra bvauca vata na lawa ka dregata na ivakadinadina, ka vakarautaki ira na yalododonu ki na auwa ni veilewai ena qai yaco mai;

85 Me kakua kina ni yaco ki yalodra na cudru ni Kalou, na aveivakarusai ni veika vakasisila sa waraki ira tu na tamata dau caka ca, ena vuravura oqo kei na vuravura sa bera mai. Au sa kaya vakaidina vei kemudou, me ra ia tiko ga na cakacaka ena were ni vaini ko ira na italatala qase taumada, me yacova ni sa bkacivi ira na gusu ni Turaga, ni sa bera ni yaco mai na nodra gauna; e sa bera ni csavasava na nodra isulu mai na nodra dra na itabatamata oqo.

86 Ia mo dou tudei sara ena aveisereki dou sa bgalala rawa mai kina; dou kakua tale ni ctacori ena divalavala ca, ia mo dou evakasavasavataka tiko na ligamudou me yacova ni sa lako mai na Turaga.

87 Raica ena sega mada ni oti e vica na siga sa na asakure ka tataivatia ko bvuravura vaka ka vaka me vaka na tamata mateni; ka na vunia na matana na cmatanisiga, ena sega ni via solia mai na rarama; ena damudamu me vaka na ddra na vula; era na rarawa vakalevu na ekalokalo, ka ra na viritaki ira sobu mai me vaka na vua ni lolo sa lutu mai na vuna.

88 Raica ni sa oti na nomudou ivakadinadina sa na qai yaco mai vei ira na tamata na cudruvi kei na veivakararawataki.

89 Io ni sa oti na nomudou ivakadinadina sa na qai yaco mai na ivakadinadina ni atavuki ni vanua ka na vakavuna na vutugu e vuravura, era na bale sobu na tamata ki na qele ka sega ni tucake rawa.

90 Ia ena qai yaco talega mai na ivakadinadina ni adomo ni kurukuru, kei na domo ni tibi ni liva, kei na domo ni cava, kei na domo ni ua ni waitui ni sa ulabaleta na kena iyalayala.

91 Raica ena ayavavala na ka kecega; ia sa dina sara, ni ra na kani yatedra na tamata; ka rere na tamata kecega.

92 A ra na vuka na aagilosi ena maliwa kei lomalagi, ka kaci ena domo levu, era na uvuca na davui ni Kalou, ka kaya: Dou vakarau, dou vakarau, Oi kemudou na lewei vuravura; ni sa yaco mai na lewa ni Kalou. Raica ka rogoca, sa lako mai na bTagane sa qai Vakawati; dou lako yani ka veitata kaya.

93 Ia ena qai rairai vakasauri mai lomalagi e dua na ivakatakilakila acecere, ka ra na raica vata na tamata kecega.

94 Ena uvuca na nona davui e dua tale na agilosi, ka kaya: Raica na alotu bcecere koya, na ctinadra na veika vakasisila, io ko koya sa vakamatenitaki ira na veivanua kecega ena waini ni cudru ni nona dveidauci, sa vakararawataki ira na yalododonu ni Kalou, sa vakadavea na nodra dra—sai koya sa tiko ena vuqa na veivanua e vuravura, kei na veiyanuyanu ni wasawasa—raica, sai koya na esila ca ni vuravura; io sa vauci vata ena ivau eso; sa vakadreti matua sara na kena ivau ka sega na tamata e sereka rawa; o koya sa vakarau tu kina me fvakamai. Ia ena uvuca vakabalavu ka vakadomoilevu na nona davui ko koya na agilosi, me ra rogoca na veimatanitu kecega.

95 Raica ena qai avakanomodi ko lomalagi me veimama ni auwa; ia ni sa oti ko ya ena qai cereki na ilati kei lomalagi, me vaka sa sereki na bivola balavu sa vivigi tu; io ena qai cereki na iubi ni cmatana na Turaga;

96 Ia ko ira na yalosavasava ka ra sa bula tu e vuravura ena gauna ko ya, era na vakabulabulataki ka akau cake me veitata kaya.

97 Ia ko ira sa moce no ena nodra ibulubulu era na atucake mai ni sa tadola na kedra ibulubulu; io era na kau cake tale ga me ra veitata kaya ena maliwa ni duru kei lomalagi—

98 Sai ira oqo na nei Karisito, ka ra sa kena aivua taumada, ko ira era na lako sobu mai kei koya e liu, kei ira era sa tu e vuravura ena nodra ibulubulu, kei ira sa kau cake me ra veitata kaya, sa yaco na ka kece oqo mai na domo ni davui ka uvuca tiko na agilosi ni Kalou.

99 Ia ni sa oti oqo ena qai uvuca na ikarua ni davui e dua tale na agilosi; sa na qai yaco na nodra vueti o ira era sa nei Karisito ni sa lako mai ko koya; ko ira era a tiko ena avale ni veivesu ko ya ka sa vakarautaki tu me baleti ira, me ra ciqoma kina na kosipeli, ka blewai me vakataki ira na tamata ena bula vakayago.

100 Kei na dua tale, ena uvu tale e dua na davui, na ikatolu ni davui; era na qai lako mai na ayalo ni tamata me ra lewai, io ko ira sa dodonu me ra bcudruvi;

101 Ia sai ira oqo na vo ni amate; ka ra na sega ni vakabulai tale me yacova ni sa oti e dua na budolu na yabaki, ka segai tale ga me yacova na ivakataotioti kei vuravura.

102 Ka na qai uvuci tale e dua na davui, sai koya na ikava ni davui, ka vaka: Sai ira ga era na vo tiko me yacova na iotioti ni siga sa levu koya mai muri, io na ivakataotioti, sai ira era na adukadukali tiko ga.

103 Ia ena qai uvuci tale e dua na davui, sai koya na ikalima ni davui, oqori na ikalima ni agilosi ka solia na akosipeli tawavakaiyalayala—ni vuka voli ena maliwa kei lomalagi, ki na veimatanitu kecega, na veimataqali, na duivosavosa, kei ira na tamata;

104 Ia ena vakaoqo na rorogo ni nona davui, ka kaya vei ira kecega na tamata mai lomalagi kei vuravura, kei na ruku i vuravura—ni na rogoca na daliga avakayadua, ka btekiduru na duru vakayadua, ka vakatusa na yame kecega, ni ra sa rogoca na domo ni davui, ni sa kaya: Dou crerevaka na Kalou ka vakalagilagi koya sa tiko ena itikotiko vakaturaga me sega ni mudu ka sega ni mudu; raica sa yaco mai na auwa ni nona lewa.

105 A sa dua tale na agilosi sa uvuca na nona davui, na ikaono ni agilosi, ka kaya: Sa abale ko koya sa vagunuvi ira na veimatanitu kecega ena waini ni cudru ni nona veidauci; raica sa bale, io sa bale!

106 A sa uvuca tale na nona davui e dua na agilosi, na ikavitu ni agilosi, ka kaya: Sa oti, sa oti! Sa avakamalumalumutaka ka bsikaraka taudua ga na ikeli ni waini na cLami ni Kalou, io na ikeli ni waini ni cudru waqawaqa ni Kalou Kaukauwa.

107 Ia era na qai vakaisalataki na agilosi ena lagilagi ni nona kaukauwa, era na vakasinaiti na ayalododonu ena nona blagilagi, ka ciqoma na nodra civotavota vakawa ka ra na dtautauvata ga kei koya.

108 Ena qai uvuca tale na nona davui na imatai ni agilosi me ra rogoca na tamata bula kecega, ka na avakatakila mai na veika sa kitaka vuni na tamata, kei na cakacaka e veivakurabuitaki ni Kalou ena bimatai ni dua na udolu na yabaki.

109 Ena qai uvuca na ikarua ni agilosi na nona davui, ka vakatakila mai na veika sa kitaka vuni na tamata, na nanuma lo kei na gagadre ni lomadra, kei na cakacaka e veivakurabuitaki ni Kalou ena ikarua ni dua na udolu na yabaki—

110 Ka na vaka tiko kina me yacova ni sa uvuca na nona davui na ikavitu ni agilosi; a sa tucake tu ena vuravura kei na wasawasa ka bubului ena yaca i koya sa tiko ena itikotiko vakaturaga, ni sa oti na agauna; ia ena qai vesu ko bSetani na gata makawa ko ya, o koya sa vakatokai me tevoro, raica ena vesu tu me oti mada e dua na cudolu na yabaki.

111 Ia ena qai asereki mada vakalekaleka me soqoni ira vata na nona mataivalu.

112 Ia ko aMaikeli, na ikavitu ni agilosi, na agilosi liu ena qai vakasoqoni ira vata na nona mataivalu, io ko ira na lewei lomalagi.

113 Ia ena vakasoqona vata na nona mataivalu ko koya na tevoro; io ko ira na lewei eli, ka ra na qai lako yani me veivala vata kei Maikeli kei na nona mataivalu.

114 Ena qai yaco na aivalu ni Kalou cecere; ka ra na qai biu tani na tevoro kei na nona mataivalu ki na nodra tikina, me ra na sega tale ni rawai ira na yalododonu.

115 Raica ena vala ena vukudra ko Maikeli, ka vakamalumalumutaki koya sa asegata me taura na itutu nei koya sa tiko ena itikotiko vakaturaga, io ko koya na Lami.

116 Oqo na nona lagilagi na Kalou, kei ira era sa avakatabui; ia era na sega tale ni bmate.

117 O koya, au sa kaya kina vakaidina vei kemudou na awekaqu, dou kaciva e dua na soqoni tabu me vaka au sa vakarota vei kemudou.

118 Ia me vaka ni sa sega ni taucoko sara na nomudou vakabauta, dou gumatua sara mo dou aveivakavulici vakataki kemudou ena vosa ni byalomatua; io, dou vakasaqara mai na civola vinaka na vosa ni yalomatua; dou vakasaqara na kila ka, io ena vuli kei na vakabauta.

119 Dou cokonaki kemudou; dou vakarautaka na veika sa yaga vei kemudou; dou tauyavutaka e dua na avale; io me vale ni masumasu, me vale ni lolo, me vale ni vakabauta, me vale ni vuli, me vale ni lagilagi, me vale vakaivakarau, me vale ni Kalou;

120 Ia mo dou curu kina ena yaca ni Turaga; ka lesu tale ena yaca ni Turaga; ia na nomudou veikidavaki kece sara me vakayacori ena yaca ni Turaga, ka me laveti cake kina na ligamudou vei koya sa Cecere Sara.

121 Ia mo dou amuduka sara na veivosaki tawayaga, na bveidredrevaki, kei na cgarogaro ca ni lomamudou, io na nomudou dqaciqacia kei na vakasama sega na betena, kei na nomudou caka ca kecega.

122 Dou lesia e dua me nomudou qasenivuli, ia mo dou kakua ni vakamacala kecega ena dua vata na gauna; raica me dua ga e vosa ka ra vakarorogo na kena vo ki na nona ivakamacala, ia ni dou sa vosa oti kece, dou sa vuli ka veivakavulici kece tale ga, raica ena soli vakatautauvata na dodonu ki na tamata yadua.

123 Dou raica mo dou dau aveilomani vakataki kemudou; dou kakua sara ni bdaukocokoco; dou veivukei vakataki kemudou me vaka e gadrevi ena kosipeli.

124 Dou kakua ni adauvakawelewele; dou vakasavasavataki kemudou; dou kakua ni dau bveidusi vakataki kemudou; dou kakua ni daumoce sivia; dou moce vakayakavi mo dou bulabula kina; dou yadra vakamataka lailai, me makutu kina na yagomudou kei na nomudou vakasama.

125 Ia me kena ilutua dou vakaisulu ena ivau ni aloloma uasivi, me vaka sa nomudou itutuvi, io sai koya na ivau sa uasivi sara kei na bvakacegu.

126 Dou adaumasu tiko ga mo dou kakua ni malumalumu, me yacova ni’u sa blesu tale mai. Raica, ka rogoca, au na lako kusarawa mai ka kauti kemudou vei au. Emeni

127 Kei na dua tale, na ivakarau ni mataveiliutaki ena nodra akoronivuli na parofita, sa tauyavutaki me ra vulica kina na veika kecega sa yaga vei ira, io ko ira na bvakailesilesi kece ni lotu, se ena dua tale na kena vosa, ko ira era sa kacivi ki na dua na ilesilesi vakalotu, io mai vei ira na bete levu ka kauta sara vei ira na dikoni—

128 Raica ena vakaoqo na ivakarau ni mataveiliutaki ena koronivuli: Ena tucake tu ena vanua sa vakarautaki vua ko koya sa lesi me peresitedi, se qasenivuli.

129 O koya, ena liu taumada ki na vale ni Kalou, io ena tiko ena vanua me ra rogoca ka kila vinaka kina na nona vosa ko ira na ivavakoso, io ena domo vakarauta ga.

130 Ia ni sa curu yani ki na vale ni Kalou, ni sa dodonu me liu duadua kina ko koya—raica oqo sa itavi bibi sara, ni sa kilikili me ivakaraitaki vei ira na kena vo ko koya—

131 Me tekiduru ka acabori koya ena masu vua na Kalou, me ivakatakilakila se ivakananumi ni veiyalayalati tawavakaiyalayala.

132 Ia ni ra qai curu ko ira era muri yani vua, me qai tucake ko qasenivuli, ka laveta cake na ligana ki lomalagi, io me laveta cake vakadodonu ka kidavaka na wekana se ko ira na wekana ena veivosa oqo:

133 Ko sa wekaqu se dou sa wekaqu? Au sa kidavaki kemudou ena yaca ni Turaga ko Jisu Karisito, me ivakatakilakila se ivakananumi ni veiyalayalati tawavakaiyalayala, io na veiyalayalati au sa ciqomi akemudou kina, raica au sa gadreva sara me tudei, sega ni yavalati, ka sega ni veiveisau, io me’u sa nomudou itokani ka bwekamudou ena loloma soli wale ni Kalou ka me kena ivau na loloma, io me’u muria na vunau kecega ni Kalou ka sega ni cala kina, ka vakavinavinaka tiko ga me sega ni mudu ka sega ni mudu. Emeni.

134 Ia ko koya sa kunei ni sega ni ganiti koya na veikidavaki oqo, me kakua ni tiko ena kemudou maliwa; raica dou kakua ni laiva me avakadukadukalitaka na noqu vale ko koya.

135 Ia ko koya sa curu kina ka sa yalodina tiko vei au, se lewe dua se ra lewe vuqa na veiwekani, era na laveta cake na ligadra ki lomalagi ka kidavaka na peresitedi se qasenivuli, ena masu kei na veiyalayalati vata oqo, se ena nodra vaka-Emeni, ena ivakatakilakila vata oqo.

136 Raica, au sa kaya vakaidina vei kemudou, me vakaoqo na ivakarau ni nomudou veikidavaki vakataki kemudou ena vale ni Kalou, ena nodra koronivuli na parofita.

137 Ia dou sa vakaroti mo dou kitaka vakakina ena masumasu kei na vakavinavinaka, raica ena vakatakila vei kemudou na Yalo na veika kece mo dou kitaka ena vale ni Turaga, ena nodra koronivuli na parofita, io me yaco kina me vale ka itikotiko ni Yalo Tabu mo dou avakatataki cake kina.

138 Ia mo dou kakua ni vakacuruma vei kemudou ena koronivuli oqo e dua, kevaka e sega ni savasava mai na nodra adra na itabatamata oqo;

139 Ia sa rawa ni qai vakacurumi kevaka sa vakayacori vua na cakacaka vakalotu ni aveivuiyava, raica oqo ga na ka sa virikotori kina na cakacaka vakalotu ni veivuiyava.

140 Kei na dua tale, me vakayacora ga na cakacaka vakalotu ni veivuiyava ko koya na peresitedi, se ko koya na italatala qase vakatulewa ni lotu.

141 Ia me tekivutaki ena masu; ia ni sa oti na akana madrai kei na gunu waini, me qai vauca na tolona me vaka na kena bivalavala sa tukuni ena ivola i Joni wase tinikatolu, na nona ivakadinadina me baleti au. Emeni.