iVolanikalou
    Vunau kei na Veiyalayalati 87
    iVakamacala e botona e ra
    Theme

    Wase 87

    Na ivakatakila kei na parofisai ni ivalu, sa soli yani mai vei Josefa Simici na Parofita, mai Katiladi se voleka kina, ena 25 ni Tiseba 1832. Ena gauna oqo sa labuebue voli kina na veiletitaki ni veivakabobulataki e Amerika kei na nona sega ni vinakata tiko na yasana o Ceva kei Karolaina me solia e dua na ivakacavacava ki na matanitu o Amerika. E tukuni ena itukutuku makawa kei Josefa Simici ni sa “laurai levu tiko mai na veilecalecavi ena veimatanitu” vua na Parofita, “ni vakatauvatani ki na gauna sa tekivuna kina na Lotu na kena ilakolako tani mai na lekutu.”

    1–4, Sa tukuni na nodrau na vala na Veiyasana ena Vualiku kei na Veiyasana ena Ceva; 5–8, Era na sota kaya na veika rarawa lelevu ko ira na kai vuravura.

    1 Sa kaya vakaidina vakaoqo na Turaga ena vuku ni ivalu ka na qai yaco ena dua na gauna lekaleka mai oqo; ena tekivu ena nodra veisaqasaqa mai aCeva kei Karolaina, ka ra na bale vakalewe levu kina na tamata;

    2 Ka na yaco mai na gauna ni na yaco na aveivaluvaluti ena veimatanitu kecega, ka na tekivu yani ena vanua oqo.

    3 Ia raica, erau na tawase ka veilecalecavi na Veiyasana ena Ceva kei na Veiyasana ena Vualiku; ia na Veiyasana ena Ceva ena qai kere veivuke ki na veimatanitu, io ki na matanitu sara mada ga ko Peritania Levu, me vaka e vakatokai kina, ia era na kere veivuke talega ki na veimatanitu tale eso, me rawa ni taqomaki koya mai na veimatanitu tale eso; ia ena qai dewa yani na aveivaluvaluti ki na veimatanitu kecega.

    4 Ka na qai yaco, ni sa bogi vuqa mada, era na qai yavala na abobula ka vorati ira na nodra turaga, ni ra sa vakarautaki ka vakavulici tu me baleta na ivalu.

    5 Ka na qai yaco talega me ra na vakarautaki ira ki na ivalu ko ira na ivovo ka ra tu laivi ena vanua ko ya, era na yaco me ra cudru sara vakalevu, ka ra na vakararawataki ira na kai Matanitu Tani ena veivakararawataki levu.

    6 Ka sa vakaoqori, na vu ni nodra alolosi na kai vuravura, ena iseleiwau kei na vakadave dra; kei na bdausiga, kei na mate dauveitauvi, kei na tavuki ni vanua kei na kurukuru mai lomalagi, io ena tibi ni liva rerevaki, ka ra na kila kina na lewei vuravura ni sa dodoka yani na ligana cdauveivunauci e dua na Kalou Kaukauwa ka tauca vei ira na nona cudru, na yaluma kei na ka rarawa; io me yacova ni ra sa dkawaboko na veimatanitu me vaka sa lewai oti tu;

    7 Me na mudu kina ni rogo cake tiko yani ki na daligana na Turaga ni aSabaoca, na nodra tagi na yalododonu, kei na nodra bdra na yalododonu, mai vuravura, me saumi vei ira na nodra meca.

    8 Ia, mo dou atudei ena vanua tabu ka kakua ni yavalati rawa, me yacova na siga ni sa yaco mai na siga ni Turaga; raica ena lako bkusarawa mai, sa kaya na Turaga. Emeni.