Vunau kei na Veiyalayalati 84
    Footnotes

    Wase 84

    Na ivakatakila sa soli yani mai vei Josefa Simici na Parofita mai Katiladi, Oaio, ena 22 kei na 23 ni Sepiteba, 1832. Ena vula ko Sepiteba, era sa tekivu tadu lesu tale tiko yani na italatala qase ka ra kaulotu ki na veivanua mai na tokalau me ra laki solia na itukutuku ni nodra veiqaravi. A ciqomi na itukutuku oqo ena nodra tiko vata ena gauna ni marau oqo. Sa mani lewa kina na Parofita me sa ivakatakila me baleta na matabete.

    1–5, Me na tara ko Jerusalemi Vou kei na valetabu mai Misuri; 6–17, Sa tuvai na ilesilesi vakabete, me tekivu vei Mosese ka kauta lesu ki vei Atama; 18–25, Sa tiko ena matabete cecere na idola ni nona kilai na Kalou; 26–32, Sa tiko ena matabete lailai na idola ni nodra veiqaravi na agilosi kei na kosipeli ni vakavakarau; 33–44, Era na rawata na bula tawamudu ko ira na tamata ena bubului kei na veiyalayalati ni matabete; 45–53, Sa vakararamataki ira na tamata na Yalo i Karisito, a ra sa bula ivalavala ca na lewei vuravura; 54–61, Me ra vakadinadinataka na yalododonu na veika era sa ciqoma; 62–76, Me ra vunautaka yani na kosipeli, ka na qai muri mai na ivakatakilakila; 77–91, Me ra kakua ni kau ilavo se taga ivaqa ko ira na italatala qase ni ra sa lako yani, ia ena vakaceguya na nodra leqa na Turaga; 92–97, Sa waraki ira tu o ira era na sega ni ciqoma na kosipeli na mate veitauvi kei na veicudruvi; 98–102, Sa soli mai na sere vou ni kena vakabulai ko Saioni; 103–110, Na tamata yadua me vakayacora na nona itavi me vaka na ilesilesi sa kacivi kina; 111–120, Me ra vunautaka yani na italai ni Turaga na veika vakasisila kei na veivakarusai ena yaco ena veisiga mai muri.

    1 E dua na ivakatakila nei Jisu Karisito ki vua na nona tamata ko Josefa Simici Lailai, kei iratou e lewe ono na italatala qase, ena nodratou vakaduavatataka na lomadratou ka atabalaka cake na domodratou ena masu.

    2 Io, na vosa ni Turaga me baleta na nona lotu, sa tauyavutaki ena veisiga e muri oqo me baleta na nodra avakalesui mai na nona tamata, me vaka sa tukuna mai na gusudra na nona bparofita, kei na nodra vakasoqoni na nona cyalododonu me ra tu ena dUlunivanua ko Saioni, sai koya na eJerusalemi Vou.

    3 Na koro oqo ena tara, me tekivu mai na tikina ni avaletabu, me vaka a lesi ena iqaqalo ni ligana na Turaga, ena iyalayala ni Yasana ko Misuri vaka ki na ra, ka vakatabui mai na ligai Josefa Simici Lailai, vata kei ira sa dau taleitaka vakalevu na Turaga.

    4 Sai koya vakaidina oqo na vosa ni Turaga, ni na tara na koro ko aJerusalemi Vou ena nodra sa vakasoqoni vata mai na yalododonu, me tekivu ena vanua oqo, na tikina ni bvaletabu, na valetabu ka na tara ena itabatamata oqo.

    5 Ni se bera vakaidina ni takali kece yani na itabatamata oqo sa na tara e dua na vale vua na Turaga, ia ena vakaruguta e dua na o, raica na o ni nona alagilagi na Turaga, io ena vakasinaita na loma ni vale.

    6 Kei ira na luvei Mosese, me vaka na Matabete Tabu ka a ciqoma mai na aligai na vugona, ko bJecoro;

    7 Ia a ciqoma ko Jecoro mai na ligai Kelepi;

    8 Ia a ciqoma ko Kelepi mai na ligai Ilaiu;

    9 Ia ko Ilaiu mai na ligai Jeremi;

    10 Ia ko Jeremi mai na ligai Kata;

    11 Ia ko Kata mai na ligai Iseia;

    12 Ia ko Iseia a ciqoma mai na liga ni Kalou.

    13 Raica a bula ko Iseia ena gauna i Eparaama, ka a vakalougatataki mai vei koya—

    14 Ko aEparaama oqo a ciqoma na matabete mai vei bMelikiseteki, ko koya a ciqoma ena kena veitarataravi sobu mai vei ira na nona qase me yaco sara yani vei cNoa;

    15 Ia mai vei Noa ka kauta lesu vei aInoki, ena kena veitarataravi sobu mai vei ira na nodrau qase;

    16 Ia mai vei Inoki ki vei aEpeli, o koya a vakamatei ena binaki nei tuakana, ka a cciqoma na matabete ena ivakaro ni Kalou ena ligai tamana ko dAtama, o koya na imatai ni tamata—

    17 Sa mai tudei tu na amatabete oqo ena nona lotu na Kalou ena veitabatamata kecega, ka sa sega na itekivu ni kena siga se na icavacava ni kena yabaki.

    18 Ia sa vakadeitaka talega na Turaga vei aEroni kei ira na nona kawa e dua na bmatabete ena nodra veitabatamata kecega, ia ena tudei tu na matabete oqo ka na dau csala vata tiko me sega ni mudu kei na matabete ena kena ivakarau e savasava duadua vua na Kalou.

    19 Ia na matabete cecere ena cakacakataka na kosipeli ka na taura tu na idola ni veika avuni ni matanitu, io na idola sara mada ga ni nona bkilai na Kalou.

    20 Ia, ena vakatakilai mai na kaukauwa ni bula vakalou ena kena aveicakacaka vakalotu.

    21 Ia kevaka e sega na kena veicakacaka vakalotu, kei na adodonu ni matabete, ena sega ni vakaraitaki vua na tamata ena bula vakayago oqo na kaukauwa ni bula vakalou;

    22 Io kevaka sa sega na veika oqo ena sega ni raica rawa na atamata na matana na Kalou, io na Tamana, me qai bula tiko.

    23 Ia na veika oqo a vakavulici ira kina vakamatata na luvei Isireli ko aMosese ena loma ni lekutu, ka segata kina vagumatua me bvakatabui ira na nona tamata me rawa kina ni ra craica na mata ni Kalou;

    24 Ia era sa avakaukauwataka ga na lomadra ka sega ni tiko rawa ena nona iserau; o koya, ni sa waqa na bcudru ni Turaga ena vukudra; sa bubului kina ena nona cudru, ni ra na sega ni ccuru ki na nona ivakavakacegu ni ra sa tiko ga ena lekutu, io na vakacegu oqo sai koya na taucoko ni nona lagilagi.

    25 O koya oqo, sa toki aMosese tani kina ena kedra maliwa, ka vakatalega kina na bMatabete Tabu;

    26 Ia a qai tiko ga na ilesilesi ni amatabete lailai, na matabete oqo e tiko kina na bidola ni nodra cveiqaravi na agilosi kei na kosipeli ni vakavakarau;

    27 Na kosipeli oqori e kosipeli ni aveivutuni kei na bpapitaiso, kei na cvakabokoci ni ivalavala ca, kei na dlawa ni ivakaro ni bula evakayago, ka a vakavuna na Turaga ena nona cudru me tomani tikoga ena kawa i Eroni vei ira na luvei Isireli me yacovi fJoni, o koya ka a vakatubura na Kalou, ka sa gvakasinaiti tu ena Yalo Tabu mai na ketei tinana.

    28 Ni a papitaisotaki ko koya ni sa gone lailai ga, ka tabaki koya na agilosi ni Kalou ki na kaukauwa oqo ni sa qai bogi walu, me vakamalumalumutaka na matanitu vaka-Jiu, ka me avakadodonutaka na nona sala na Turaga e matadra na nona tamata, me ra vakarautaki kina ena nona lako mai na Turaga, o koya sa soli e ligana na kaukauwa bkecega.

    29 Ka dua tale, sa kilikili me tu na ilesilesi vakaitalatala qase kei na bisopi, io erau sa aitutu ga ena matabete levu.

    30 Raica sa kilikili tale ga me tu na ilesilesi ni ivakavuvuli kei na dikoni, ia erau sa itutu ena matabete e ra; io na matabete a vakadeitaki vei Eroni kei ira na nona kawa.

    31 Ia, me vaka au a tukuna me baleti ira na kawa i Mosese—ko ira na kawa i Mosese kei ira talega na kawa i Eroni era na cabora na aivakacacabo ka na isolisoli sa dodonu ena vale ni Turaga, io na vale oqori ena tara ena itabatamata oqo me nona na Turaga, ena tara ena bvanua vakatabui ka’u sa dusia oti—

    32 Era na vakasinaiti na kawa i Mosese kei na kawa i Eroni ena alagilagi ni Turaga, ena bUlunivanua ko Saioni ena nona vale na Turaga, dou sa nodrau kawa, koi kemudou; kei na vuqa tale au sa kaciva ka tala yani me ra tara cake na noqu clotu.

    33 Ni ko koya sa ayalodina ena kena rawati na bmatabete ruarua au sa tukuna tiko oqo, ka vakalevulevuya na itavi era kacivi kina, era na cvakatabui ena Yalo ka na vakavoui na yagodra.

    34 A sa yaco me ra luvei Mosese ka luvei Eroni ka ra sa akawa i bEparaama, kei na lotu kei na matanitu, ka ra sa cdigitaki ni Kalou.

    35 Ia ko ira kece era sa ciqoma na matabete era sa ciqomi au, sa kaya na Turaga;

    36 Ni ko koya sa ciqoma na noqu italai sa aciqomi au;

    37 Ia ko koya sa aciqomi au sa ciqomi Tamaqu;

    38 Ia ko koya sa ciqomi Tamaqu sa ciqoma na matanitu i Tamaqu; o koya ena soli kina vua na ka akecega sa tu vei Tamaqu.

    39 Ka sa vakaoqori na abubului kei na veiyalayalati e nona na matabete.

    40 Ia, ko ira kece era sa ciqoma na matabete, era sa ciqoma na bubului kei na veiyalayalati oqo nei Tamaqu, ka na sega vakadua ni voroka ko koya, ena sega talega ni rawa ni yavalati.

    41 Ia ko koya ena avoroka na veiyalayalati ni sa ciqoma oti, ka qai vuki tani vakadua mai kina, ena bsega sara ni vosoti na nona ivalavala ca ena bula oqo se na bula sa bera mai.

    42 Raica ena ca vei ira kece sa sega ni curu ki na matabete oqo dou sa ciqoma, ka’u sa vakadeitaka oqo vei kemudou sa tiko eke edaidai, ena domoqu sa rogo mai lomalagi; raica au sa lesi ira na kai lomalagi kei ira na noqu aagilosi me ra vakatawai kemudou.

    43 Kau sa solia vei kemudou e dua na ivakaro mo dou qarauni kemudou kina, mo dou gumatua ni amuria na veivosa ni bula tawamudu.

    44 Ni dou na abula ena vosa kecega e tau mai na gusuna na Kalou.

    45 Ni dina na avosa ni Turaga, ia ni ka kecega e bdina e vu ni rarama, ia na ka kecega e vu ni rarama e Yalo Tabu, io na Yaloi Jisu Karisito.

    46 Ia na Yalo sa avakararamataki ira na tamata bkecega era sa lako mai ki vuravura; ka vakakina ni Yalo sa vakararamataki ira na tamata kecega e vuravura, era vakatudaliga ki na domo ni Yalo.

    47 Ia ko ira kecega sa vakatudaliga ki na domo ni Yalo era na lako yani vua na Kalou, io na Tamada.

    48 Ka na avakavulici koya ko Tamada ena bveiyalayalati sa vakavouya ka vakadeitaka vei kemudou, sa vakadeitaki vei kemudou me yaga vei kemudou, e sega ni yaga walega vei kemudou, ia me yaga ki vuravura kecega.

    49 Ka ra sa bula ivalavala ca na tamata kecega e avuravura, ia era sa vutugu ena bbutobuto kei na veivakabobulataki ni ivalavala ca.

    50 Ia ena vuku ni ka oqo dou na kila kina ni ra sa avakabobulataki tu ena bivalavala ca, ni ra sa sega ni lako mai vei au.

    51 Ni ko ira kecega sa sega ni lako mai vei au era sa vakabobulataki tu ena ivalavala ca.

    52 Ia ko koya sa sega ni ciqoma na domoqu, sa sega ni kila na adomoqu, io sa sega ni noqu.

    53 Ia ena ka oqo dou na kilai ira kina na dodonu mai na ivalavala ca, ka vakakina ni sa avutugu tu ko bvuravura taucoko ena civalavala ca kei na butobuto io ena gauna sara ga oqo.

    54 Ka sa dau vakabutobutotaki na nomudou vakanananu ena veigauna sa oti ena vuku ni atawavakabauta, ka vakakina ena nomudou dau vakawalena na veika dou sa ciqoma—

    55 Na adokadoka kei na tawavakabauta oqori sa vakavuna na kena cudruvi na lotu raraba.

    56 Io na cudruvi oqori sa tau vei ira na lewei Saioni, ia vei ira taucoko.

    57 Ia era na cudruvi tu ga me yacova na gauna era sa veivutuni ka nanuma kina na aveiyalayalati vou, io na biVola i Momani kei na ivakaro au sa solia ctaumada vei ira, sega walega me ra tukuna, ia me ra dcakava me vaka na veika au sa vola—

    58 Io me ra vuataka na vua e kilikili kei na matanitu i Tamadra; kevaka e sega ena wawa tiko ga na veivakanakuitataki kei na veilewai me na tau vei ira na luvei Saioni.

    59 Era na vakadukadukalitaka li na noqu vanua tabu ko ira na lewe ni matanitu? Au sa kaya vakaidina vei kemudou, E segai sara.

    60 E dina, e dina au sa kaya vei kemudou dou sa rogoca na noqu avosa, sai koya na domoqu, dou na kalougata ena gauna kece dou ciqoma kina na veika oqo;

    61 Niu na avosoti kemudou ena nomudou ivalavala ca ena ivakaro oqo—mo dou tudei tikoga ena nomudou vakanananu ena bgauna kecega, kei na yalo ni masumasu, ena wasei ni ivakadinadina ki vuravura taucoko me baleta na veika sa vakatakilai vei kemudou.

    62 O koya, mo dou alako yani kina ki vuravura kecega; kei na veivanua kecega dou sega ni rawa ni lako kina mo dou talatala yani kina, me na tete yani kina na ivakadinadina mai vei kemudou ki vuravura kecega ki vei ira na tamata kecega.

    63 Ia me vaka au a tukuna vei iratou na noqu iapositolo, au na tukuna tale ga vei kemudou, ni dou sa noqu aiapositolo, raica dou sa bete levu ni Kalou; io sai kemudou sa bsolia vei au ko Tamaqu; raica dou sa cwekaqu;

    64 Ia, me vaka au a tukuna vei iratou na noqu iapositolo, au na tukuna tale ga vei kemudou, raica ko aira yadua sa bvakabauta na nomudou veivosa ka papitaiso e wai me cbokoci kina na ivalavala ca, era na ciqoma na dYalo Tabu.

    65 Ia na aveivakatakilakila oqo, era na cakava ko ira sa vakabauta—

    66 Era na kitaka na acakacaka e veivakurabuitaki e vuqa ena yacaqu;

    67 Era na vakaseva tani na tevoro ena ayacaqu;

    68 Era na avakabulai ira sa tauvimate ena yacaqu;

    69 Era na rawata me ra rai na mataboko ka rogo na didivara, ena yacaqu;

    70 Ka na vosa rawa na yamedra na galu;

    71 Ia kevaka e dua sa via avagagai ira, era na sega ni ca kina;

    72 Ka na sega talega na kaukauwa ni gata weli gaga me vakaleqai ira.

    73 Ia au sa solia vei ira e dua na ivakaro, me ra kakua ni adokadokataka na veika oqo, io me ra kakua tale ga ni ra tukutukuni ira kina ki vuravura; raica sa soli vei kemudou na veika oqo, me yaga vei kemudou ka mo dou vakabulai kina.

    74 E dina, e dina au sa kaya vei kemudou, ko ira sa sega ni vakabauta na nomudou vosa, ka sega ni apapitaiso e wai ena yacaqu me bokoci kina na nodra ivalavala ca, ka ra ciqoma na Yalo Tabu, era bna cudruvi, io era na sega ni rawata na matanitu i Tamaqu, na vanua keirau sa tiko kina kei Tamaqu.

    75 Ia na ivakatakila oqo vei kemudou, kei na ivakaro, me sa tekivu vakayacori sara ga ena auwa oqo e vuravura taucoko, io me vunautaki yani na kosipeli vei ira kecega era sa bera ni rogoca.

    76 Ia, au sa kaya vakaidina vei ira kecega sa soli vei ira na matanitu—me na vunautaki yani vei ira mai vei kemudou, me ra veivutunitaka na caka cala kecega era dau cakava tu e liu; raica era na cudruvi ena nodra loma ca ka tawavakabauta, ka vakakina ko ira na wekamudou mai Saioni ni ra a saqati kemudou, ni’u sa talai kemudou yani.

    77 Raica au sa kaya tale ga vei kemudou na wekaqu, au sa vakatokai kemudou me tekivu oqo ka lako yani mo dou wekaqu, raica sa kilikili me’u tukuna vei kemudou na ivakaro oqo, io mo dou sa wekaqu me vakataki ira na wekaqu ena gauna au a tiko voli kina ena kedra maliwa, raica era a lako yani ka vunautaka na kosipeli ena noqu kaukauwa;

    78 Ia au a vakatara vei ira me ra kakua ni kau ailavo se na taga ivaqa, io me kakua tale ga ni rua na nodra kote.

    79 Raica au sa talai kemudou yani mo dou vunauci ira na kai vuravura, ka na kilikili kaya na kena aisau na tamata daucakacaka.

    80 Raica ko koya sa lako yani ka avunautaka na bkosipeli oqo ni matanitu ka sega ni guce me yalodina tiko ena ka kecega, ena sega ni lomaocaocataka e dua na ka, io ena sega ni butobuto na yalona, se na yagona, na sui, se na isema, ena kilai ni sa lutu ki na qele e dua na cdrau ni uluna. Raica era na sega tale ga ni viakana se viagunu.

    81 O koya, mo dou kakua ni alomaocaoca ena vuku ni mataka; me baleta na ka mo dou kania se na ka mo dou gunuva, se na ka mo dou vakaisulu kina.

    82 Dou nanuma na viavia ni veikau, era sa tubu vakaevei, era sa sega ni daucakacaka se dautali; raica na matanitu kecega e vuravura ena kedra lagilagi kecega, sa sega ni ukutaki me vaka e dua vei ira oqo.

    83 Raica sa akila tiko na bTamamudou, o koya sa tiko mai lomalagi, ni dou gadreva na veika kece oqo.

    84 O koya mo dou laiva kina na siga ni mataka me alomaocaocataka na kena veika.

    85 Dou kakua ni lomaocaocataka na aka mo dou kaya; ia mo dou bkumuna cake ena nomudou vakasama e veigauna na vosa ni bula, ka na qai csoli vei kemudou ena kena auwa na veika me tukuni me ganita na tamata yadua.

    86 O koya me kakua kina ni dua na tamata vei kemudou ena lako yani me vunautaka na kosipeli ni matanitu, mai na gauna oqo ka lako yani me kauta na taga ni ilavo se na taga ivaqa, ni ivakaro oqo sa baleti ira na ayalodina sa kacivi ira na Kalou ena lotu me baleta na matanitu.

    87 Raica, au sa atalai kemudou yani mo dou vunauci ira na kai vuravura ena nodra cakacaka tawadodonu kecega, io mo dou tukuna vei ira na veilewai ena qai yaco mai.

    88 Ia ko koya sa aciqomi kemudou, au sa tiko talega kina koi au, ni’u na liu e matamudou. Au na tiko e yasamudou imatau ka tiko tale ga e yasamudou imawi, ia na Yaloqu ena tiko e lomamudou, era na vakavolivoliti kemudou na noqu bagilosi me ra laveti kemudou cake.

    89 Ia ko koya sa ciqomi kemudou sa ciqomi au tale ga; raica sai koya ena vakani kemudou, vakasulumi kemudou, ka soli ilavo vei kemudou.

    90 Ia ko koya sa vakani kemudou, se vakasulumi kemudou, se soli ilavo vei kemudou, ena sega sara ni acalata na kena isau.

    91 Ia ko koya sa sega ni kitaka na veika oqo, sa sega ni noqu tisaipeli; raica a ka oqo dou sa kilai ira kina na anoqu tisaipeli.

    92 Ia ko koya sa sega ni ciqomi kemudou, mo dou lako tani duadua mai vua ka asavata na yavamudou ena wai, me wai savasava, na wai katakata se na wai batabata, ka vakadinadinataka vua na Tamamudou o koya sa tiko mai lomalagi, ka kakua tale ni lesu vua na tamata ko ya.

    93 Ia mo dou kitaka tale ga vakakina ena veikoro kei na koro lelevu kecega dou sa lako kina.

    94 Ia, dou vakasaqaqara vagumatua ka kakua ni soreva; ena ca ki na vale koya, se na koro ko ya se na koro levu koya ka na sega ni ciqomi kemudou, se na nomudou vosa, se na nomudou ivakadinadina me baleti au.

    95 Ena ca, au sa kaya tale, ki na vale, se na koro se koro levu koya ka na sega ni ciqomi iko, se na nomu vosa, se na nomu ivakadinadina me baleti au;

    96 Koi Au, ko Koya sa aKaukauwa Sara, au sa dodoka yani na ligaqu ki na veivanua ka bvakanakuitataki ira ena vuku ni nodra ccaka ca.

    97 Ena lako yani na mate dauveitauvi, ka ra na sega ni kau tani mai vuravura me yacova ni’u sa vakacavara na noqu cakacaka; io ena vakayacori akusarawa ena buladodonu—

    98 Me yacova ni ra sa kilai au na tamata kecega sa bula tiko, ko ira na tawavanua kei ira na turaga; io era na veikilai vakaidina kei na Turaga, ka ra aveirai ena matana votu, ia era na tabalaka cake na domodra, ka ia vata ena nodra blagata vata na sere vou oqo:

    99 Sa vakalesui Saioni tale mai na Turaga;Io na Turaga sa asereki ira na nona tamata, na bIsireli,Me vaka na cdigitaki ena dloloma soli wale,Ka sa vakayacori ena vakabautaKei na nodra eveiyalayalati na nodra qase.

    100 Sa sereki ira na nona tamata na Turaga;Sa avesu ko Setani ka sa oti na nona gauna.Sa soqona vata na ka kecega na Turaga me bdua.Io na Turaga tale ga sa kauti cSaioni sobu mai cake.Sa dlaveti Saioni cake tale ga e vuravura na Turaga.

    101 Sa taratara ko avuravura ka vakasucuma mai na nona kaukauwa;Ia na dina sa vakadeitaki e lomana;A sa rekitaki koya ko lomalagi;Ia sa vakaisulu ena blagilagi ni nona Kalou;Ni sa tucake ko koya ena kedra maliwa na nona tamata.

    102 Ia na lagilagi kei na vakarokoroko, na kaukauwa kei na lewa,Me nona tiko ga na noda Kalou; ni sa sinai ena aloloma cecere,Na lewa dodonu, na loloma soli wale, kei na bvakacegu,Me sega ni mudu ka sega ni mudu. Emeni.

    103 Kei na dua tale, e dina, e dina au sa kaya vei kemudou, ni sa kilikili, ko ira yadua sa lako yani me vunautaka na noqu kosipeli tawavakaiyalayala, kevaka e tiko na nodra dui matavuvale, me ra qai vakauta lesu kina na ilavo e lolomataki vei ira, io me ra vakauta lesu se volia kina na ka era gadreva, me vaka sa vakatakila vei ira na Turaga, raica oqo sa dodonu vei au.

    104 Ia ko ira e sega na nodra matavuvale, me ra vakauta na ailavo e soli vakailoloma vei ira vua na bisopi mai Saioni, se vua na bisopi mai Oaio, io me vakatabui ena vakarautaki kei na kena tabaki na ivakatakila, kei na kena tauyavutaki ko Saioni.

    105 Ia kevaka e dua na tamata sa solia vua e dua vei kemudou e dua na kote, se dua na kote kei na kena isulu, dou solia sara na nomudou ka makawa vei ira na adravudravua ka lako ena marau.

    106 Ia kevaka e dua vei kemudou sa vakasinaiti ena Yalo, me rau asala vata kei na dua sa malumalumu, me vakatataki cake kina ena byalomalua; io ena rawa ni kaukauwa sara kina ko koya.

    107 Ia, dou kauti ira era sa tabaki ki na amatabete lailai, dou talai ira yani me ra liu ka lokuca rawa na sota, ka vakarautaka na ilakolako, ka matataki kemudou ena veivanua sa lokuci oti tu ka dou na sega ni tiko rawa kina.

    108 Raica, sa vakaoqo na ivakarau eratou a tara cake kina na noqu lotu na noqu iapositolo ena gauna e liu.

    109 Ia, me vakayacora ga na tamata yadua na nona itavi, ka cakacakataka na nona ilesilesi; ia me kakua ni kaya na ulu ki na yava ni sa sega ni yaga vua na yava; raica kevaka sa sega na yava ena qai tucake ena cava na yago?

    110 Ka vakakina ni gadreva na yago na aveitikina kece sara, me ra na veivakatataki cake vakataki ira, me na taucoko tiko kina na nona cakacaka.

    111 Ia raica, e dodonu me ra lako yani na abete levu, ka vakakina o ira na italatala qase, ka vakakina vei ira na bbete lalai; ia me ra lesi na cdikoni kei na divakavuvuli me ra eyadrava tiko na lotu, me ra italatala tudei ena lotu.

    112 Ia me veilakoyaki tale ga ko Niueli K. Witini na bisopi, ka sikova na veivavakoso ni lotu, ia me vakasaqarai ira na dravudravua ka avukea na nodra leqa ena nodra bvakayalomalumalumutaki na vutuniyau kei na tamata rogo.

    113 Ia me lesia tale ga e dua na nona aitini me vakatulewa ena nona itavi vakayago me vaka na nona veidusimaki.

    114 Ia, me lako na bisopi ki na koro levu ko Niu Ioka, kei na koro levu ko Alipani, ka vakakina na koro levu ko Bositoni, ka vunauci ira na tamata ena veikoro lelevu oqori ena rorogo ni kosipeli, ena domo levu, me baleta na aveivakarusai kei na veivakararawataki sa waraki ira tu kevaka era sega ni ciqoma na veika oqo.

    115 Ni kevaka era sega ni ciqoma na veika oqo, sa voleka na auwa ni nodra veilewai, ka na alala didi na nodra veivale.

    116 Ia me avakararavi vei au ko koya me kakua kina ni bvakamaduataki; ka me kakua ni sega ni kilai ni lutu e dua na cdrau ni uluna ki na qele.

    117 Kau sa kaya vei kemudou, na vo ni noqu italai, dou lako yani ena ilesilesi dou sa dui kacivi kina, me vaka sa kilikili kei kemudou, ki na veikoro lelevu kei na veikoro lalai, ka vunauci ira vakadodonu na tamata ena nodra caka cala kecega kei na nodra itovo sega ni vakalou, dou tukuna vakamatata sara vei ira me ra kila na veika vakasisila ka dauveivakarusai ena yaco ena veisiga mai muri.

    118 Ni sa kaya na Turaga Kaukauwa, au na ayanaraka vata kei iko na nodra veimatanitu; au na sega walega ni bkuretaka na vuravura, ia ena sakure talega na lomalagi.

    119 Ia koi au na Turaga au sa dodoka yani na ligaqu me’u vakatakila na kaukauwa mai lomalagi; dou sa sega ni raica rawa edaidai, ia me tei vakalailai mada dou na qai raica, ka kila ni sai Au, au na alako mai ka blewai ira na noqu tamata.

    120 Koi Au na aAlifa kei na Omeka, na ivakatekivu kei na ivakataotioti. Emeni.