Wase 81
Na veika sa vakatakilai yani mai vei Josefa Simici na Parofita mai Airame, Oaio, ena 15 ni Maji, 1832. Sa kacivi ko Veretariki G. Viliame me bete levu ka daunivakasala ena Mataveiliutaki ni Matabete Levu. E tukuni ena kena itukutuku ni gauna a vakatakilai kina na veika oqo ena vula ko Maji, 1832, a lesi kina ko Jese Kasi ki na itutu vakadaunivakasala vei Josefa Simici ena Mataveiliutaki. Ia ni sa sega tiko ni veisotari kei na itutu e kacivi kina na nona ivalavala, sa mani tokitaki mai vua ka soli vei Veretariki G. Viliame. E ganita me okati me itekivu ni Mataveiliutaki Taumada ni Lotu na ivakatakila oqo (ena Maji, 1832), ni a gadrevi kina vakabibi na ilesilesi oqo ena ilawalawa oya, ka vakamacalataki kina na dokai ni ilesilesi ko ya. A veiqaravi toka ena dua na gauna o Baraca Kasi, ia a mani qai muduki tani mai na Lotu ena Tiseba, ni 1832. Sa qai tabaki ki na itutu oqo ko Veretariki G. Viliame ena 18 ni Maji, 1833.
1–2, Sa na dau tu ga na idola ni matanitu vei iratou na Mataveiliutaki Taumada; 3–7, Ena rawata na bula tawamudu ko Veretariki G. Viliame kevaka sa yalodina tiko ga.
1 E dina, e dina au sa kaya vei iko Veretariki G. Viliame na noqu tamata: Mo vakarorogo ki na domoi koya sa vosa, ki na vosa ni Turaga na nomu Kalou, ka talairawarawa ki na ilesilesi ko sa lesi kina, io mo abete levu ena noqu lotu, ka dua na daunivakasala vua na noqu tamata ko Josefa Simici Lailai;
2 Ko koya au sa solia vua na aidola ni matanitu, ni sa dau tu ga na lewa oqori vei iratou na bMataveiliutaki ni Matabete Levu:
3 O koya, au sa kilai koya ka na vakalougatataki koya, ka vakakina o iko, kevaka ko sa yalodina ena nomu veivakasalataki, ena itutu au sa lesi iko kina, mo dau masu tikoga, ena masu vakadomoilevu kei na masu ni yalomu, ena matanalevu kei na tikina vuni, ka vakatalega kina ena nomu veiqaravi ena vunautaki ni kosipeli ena nodra vanua na bula, kei na kedra maliwa na wekamu.
4 Ia ena nomu vakayacora na veika oqo ko na cakava kina na ka e uasivi duadua vei ira na tamata, ka avakalagilagi koya kina na nomu Turaga.
5 Ia, mo yalodina tiko ga; mo tudei ena ilesilesi au sa kacivi iko kina; mo avukei ira sa malumalumu, laveta cake na liga sa wadamele, ka bvakaukauwataka na cduru sa malumalumu.
6 Ia kevaka ko sa yalodina tiko me yacova na ivakataotioti, ko na rawata na isala ni bula atawa mate rawa, kei na bbula tawamudu ena cveitikina au sa vakarautaka tu ena vale i Tamaqu.
7 Raica ka rogoca, oqo na vosa sa tukuna na Alifa kei na Omeka, io ko Jisu Karisito. Emeni.