Tasal 8
K’utb’esinb’il na’leb’ k’eeb’il rik’in xtz’uumal re laj Jose Smith li Profeet re laj Oliver Cowdery sa’ Harmony, Pennsylvania, Abril 1829. Naq yoo xjaltesinkil ru lix Hu laj Mormon, laj Oliver, li toj yoo chi k’anjelak jo’ aj tz’iib’anel, ut chixtz’iib’ankil li aatin yeeb’il xb’aan li Profeet, kiraj naq taaq’axtesimanq re li maatan re jaltesink ru aatin. Li Qaawa’ kixchaq’b’e lix tz’aamahom rik’in xk’eeb’al li k’utb’esinb’il na’leb’ a’in.
1–5, Nachal li k’utb’esink xb’aan xwankil li Santil Musiq’ej; 6–12, Xb’aan li paab’aal nachal li na’leb’ chirix lix muqmuukil na’leb’ li Dios ut li wankilal chixjaltesinkil ru li najter tz’iib’anb’il esil.
1 At aOliver Cowdery, chi yaal, chi yaal, ninye aawe, naq jo’ ch’olch’o naq yo’yo li Qaawa’, a’an laa Dios ut laj Tojol aawix, jo’kan ajwi’ ch’olch’o naq taak’ul baanawom chirix yalaq k’a’aq re ru ctaapatz’ rik’in paab’aal, chi maak’a’ xb’alaq’il aach’ool, rik’in xpaab’ankil naq taak’ul aanawom chirix li najter desil li tz’iib’anb’il, a’an re mayer kutan, li wan wi’ li jar raqal a’an re lin loq’laj hu li yeeb’il wi’ resil xb’aan lix ek’utb’esihom lin Musiq’.
2 Relik chi yaal, k’e reetal, atinye aawe sa’ laa k’a’uxl ut sa’ laa bch’ool, rik’in li cSantil Musiq’ej, li taachalq sa’ aab’een ut taawanq sa’ aach’ool.
3 Anajwan, k’e reetal, a’in li musiq’ej re k’utb’esink; k’e reetal, a’in li musiq’ej li ke’k’ame’ wi’ li ralal xk’ajol laj Israel xb’aan laj Moises sa’ xyi li aKaqi Palaw chiru chaqi b’e.
4 Jo’kan ut, a’in laa maatan; chatk’anjelaq rik’in, ut osob’tesinb’ilat, xb’aan naq tatxkol chaq sa’ ruq’eb’ li xik’ neke’ilok aawe, naq wi ta ink’a’ jo’kan, tate’xkamsi raj ut te’xk’am raj laa waam sa’ li sache’k.
5 Aay, chijultiko’q aawe li aaatin a’in, ut chapaab’eb’ lin taqlahom. Chijultiko’q aawe, a’in laa maatan.
6 Anajwan moko ka’aj ta wi’ a’in laa maatan, xb’aan naq wan aawik’in jun chik maatan, a’an li maatan re laj Aaron; k’e reetal, a’an ak xye k’iila k’a’aq re ru aawe;
7 K’e reetal, maajun chik wankilal wan, ka’ajwi’ lix wankil li Dios, li naru chixk’eeb’al li maatan a’in re laj Aaron chi wank aawik’in.
8 Jo’kan ut, miwiib’an aach’ool, xb’aan naq a’an xmaatan li Dios; ut laa’at taachap sa’ laa wuq’, ut taab’aanu sachb’a-ch’oolejil k’anjel; ut maajun wankilal taaruuq chi isink chaq re sa’ laa wuq’, xb’aan naq a’an lix k’anjel li Dios.
9 Ut chi jo’kan, yalaq k’a’ru taatz’aama naq tinye aawe rik’in li k’anjeleb’aal a’an, a’an tink’e aawe, ut taawanq aanawom chirix.
10 Chijultiko’q aawe naq chi maak’a’ aaapaab’aal, maak’a’ nakatru chixb’aanunkil; jo’kan ut, chatpatz’oq rik’in paab’aal. Maab’atz’unle li k’a’aq re ru a’in; bmaatz’aama li k’a’ru ink’a’ raj tento taatz’aama.
11 Chatpatz’oq re taaruuq taanaw lix muqmuukil na’leb’ li Dios, ut re tatruuq chi ajaltesink ru aatin ut chixk’ulb’al aanawom rik’ineb’ li najter tz’iib’anb’il esil a’an li muqb’ileb’ chaq, li loq’eb’; ut jo’ chanru laa paab’aal taab’aanumanq aawe.
12 K’e reetal, laa’inin li kiyehok re; ut laa’in li ki’aatinank aawe chalen chaq sa’ xtiklajik. Amen.