iVolanikalou
Vunau kei na Veiyalayalati 76


Wase 76

Na raivotu a soli vei Josefa Simici na Parofita kei Sidini Rikitoni, e Airame, Oaio, ena 16 ni Feperueri, 1832. E tukuni ena itukutuku makawa kei Josefa Simici me ikau ni raivotu oqo: “Ena noqu lesu mai ena koniferedi mai Emeusi, au sa mai tomana tale na vakadewataki ni ivolanikalou. Mai na ivakatakila eso sa ciqomi oti, sa kilai kina ni vuqa na veika bibi e baleta na nodra vakabulai na tamata e sa kau tani mai na iVolatabu, se sa yali ena gauna e sa bera ni biu vata kina. Ia sa macala vakasigalevu mai na veika dina e sa vo toka, ni kevaka ena sauma na Kalou vua na tamata me vaka na nona ivalavala ena bula oqo, na vosa ‘Lomalagi,’ me vaka na kena inaki, me nodra vale tawamudu na Yalododonu, e dodonu me tiko kina e vuqa na matanitu ka sega ni dua ga. O koya, … ni keirau vakadewataka tiko na Kosipeli sa vola ko Joni, keirau qai raica kei Elder Rikitoni na raivotu oqo.” Ena gauna e soli mai kina na raivotu oqo, a vakadewataka tiko na Parofita na Joni 5:29.

1–4, E Kalou ko koya na Turaga; 5–10, Ena vakatakilai na veika vuni ni matanitu vei ira kecega sa yalodina tiko; 11–17, Era na tucake tale mai na mate na tamata kecega, ko ira na yalododonu kei ira na sega ni yalo dodonu; 18–24, Sa yaco rawa me ra luve ni Kalou ko ira na kai vuravura ena vuku ni Veisorovaki nei Jisu Karisito; 25–29, A lutu tani e dua na agilosi ni Kalou ka sa yaco me tevoro; 30–49, Era na cudruvi me tawamudu na luve ni veivakarusai; ia ko ira na kena vo era na rawata na ivakatagedegede ni veivakabulai eso; 50–70, Sa vakamacalataki na kedra lagilagi kei na veika era na rawata ko ira era na vakacerecerei ena matanitu silesitieli; 71–80, Sa vakamacalataki ko ira era na rawata na matanitu vakateresitieli; 81–113, Sa vakamacalataki na kedra ituvaki ko ira sa tiko ena lagilagi vakatilesitieli, teresitieli kei na silesitieli, 114–119, Era na raica ka kila na veika vuni ni matanitu ni Kalou ena kaukauwa ni Yalo Tabu ko ira kecega sa yalodina.

1 Dou arogoca na lomalagi, ka vakatudaligamudou na vuravura, io dou reki koi kemudou sa tiko kina, raica sa bKalou ko koya na Turaga, ka sai koya cga na diVakabula.

2 Sa acecere na nona vuku, e bvakasakiti na nona cakacaka, ka na sega ni kilai rawa na rabailevu ni ka sa kitaka ko koya.

3 Ena sega ni daro na nona ainaki, ia ena sega tale ga e dua e tarova rawa na ligana.

4 Io sai akoyakoya tiko ga ko koya mai na gauna tawamudu ki na gauna tawamudu, a sa sega ni byalani na nona gauna.

5 Ni sa kaya vakaoqo na Turaga—Koi Au, na Turaga, au sa ayalololoma ka lomani ira era sa brerevaki au, ia sa ka ni marau me’u vakalagilagi ira era sa cqaravi au ena yalo sa dina ka dodonu, me yacova na ivakataotioti.

6 Ena vakaitamera na kedra isau ka tawamudu na nodra alagilagi.

7 Ka’u na avakatakila vei ira na veika bvuni kecega, io, na veika vuni kecega ni noqu matanitu mai na gauna e liu sara, kei na veitabagauna ena muri mai, io au na vakaraitaka vei ira na noqu lewa loloma ena vuku ni veika kece sara ni noqu matanitu.

8 Io, era na kila na veika veivakurabuitaki ni gauna tawamudu, io au na vakatakila vei ira na veika e sa bera ni yaco, io na veika ni veitabatamata e vuqa.

9 Ia ena ka levu na nodra avuku, ka yacovi lomalagi na nodra bkila ka; ia ena cyali e matadra na nodra vuku na tamata vuku, ka na tawayaga tale ga na nodra kila na dau vakataulewa maqosa.

10 Ni’u na avakararamataki ira ena bYaloqu, ka’u na vakaraitaka vei ira na veika vuni ni noqu lewa ena noqu ckaukauwa—io, na veika sara mada ga e se bera ni raica na dmata, se rogoca na daliga, se curuma na loma ni tamata.

11 Ia koi keirau ko Josefa Simici Lailai kei Sidini Rikitoni, ni sa acurumi keirau na Yalo ena ikatini kaono ni siga ni vula ko Feperueri, ena yabaki e dua na udolu walu na drau tolusagavulu karua ni noda Turaga—

12 Ena kaukauwa ni aYalo Tabu sa dolavi kina na bmatai keirau ka vakararamataki na neirau vakasama, me keirau raica ka kila na veika vuni ni Kalou—

13 Na veika a tu mai liu sara ni se bera ni buli ko vuravura, io na veika sa lesia ko Tamada, mai vua na Luvena e Duabau ga, io ko koya sa tiko ena lomaserei Tamana mai na aivakatekivu;

14 Ko koya keirau sa tukuna; io na itukutuku keirau sa tukuna sai koya na taucoko ni kosipeli i Jisu Karisito, o koya na Luvena, o koya keirau sa raica ka aveivosaki kaya ena braivotu vakalomalagi.

15 Raica ni keirau sa qarava tiko na cakacaka ni avakavakadewa, me vaka sa lesi keirau kina na Turaga, keirau yacova yani na ivola i Joni wase e lima, tikina e ruasagavulu kaciwa

16 A tukuna tiko na nodra tucake tale ko ira sa mate, io ko ira sa tucake tale ni ra sa arogoca na domona na bLuve ni Tamata;

17 Ka ni sa lako mai na gauna; me ra okati kina ena nodra atucake tale na bula bdodonu, ko ira sa caka cvinaka; kei ira na caka ca ena nodra tucake tale ni sega ni bula dodonu.

18 A ka oqo keirau sa kurabui vakalevu kina, ni a mai solia vei keirau na Yalo.

19 Ia ni keirau sa avakasamataka tiko na veika oqo, sa tara na mata ni neirau vakanananu na Turaga ka sa tadola kina, ka sa cila vakavolivoliti keirau na lagilagi ni Turaga.

20 Ka keirau sa raica na alagilagi ni Luvena, ena liga bimatau nei cTamana, ia keirau sa vakataucokotaki kina;

21 Keirau sa raici ira na aagilosi yalosavasava, kei ira sa bvakatabui, ni ra sa tiko ena mata ni nona itikotiko vakaturaga, raica era sa vakarokorokotaka tiko na Kalou kei na Lami, era sa cvakarokorokotaki koya tiko ga me sega ni mudu ka sega ni mudu.

22 Ia oqo, ni sa oti na ivakadinadina kece sara e tukuni me baleti koya, sai koya oqo na aivakadinadina, na kena iotioti me yacova edaidai, me keirau tukuna me baleti koya: Ni bbula dina tiko!

23 Ni keirau a araici koya, ni sa tiko ena liga imatau ni bKalou; keirau sa rogoca tale ga na domo sa tukuna ni sai koya na cLe Duabau ga nei Tamana—

24 Ia na avuravura sa buli mai bvua, ena vukuna, ka baleti koya, ka vakatalega kina ni ra sa cluvena tagane ka luvena yalewa daulomani na Kalou o ira kece sara na lewena.

25 Keirau sa raica tale ga oqo, ka vakadinadinataka, e dua na aagilosi ni Kalou ka sa tu vua na kaukauwa ena iserau ni Kalou, raica sa vorati Koya na Luvena e Duabau ga sa daulomana ko Tamana ka sa dau tiko ena lomaserei Tamana, a sa debelaki tani kina ko koya mai na iserau ni Kalou kei na Luvena.

26 Ka sa vakatokai ko Veivakarusai, ni sa tagicaki koya ko lomalagi—sai koya ko aLusefa na kalokalo ivolasiga.

27 Ia keirau sa rai tu ka raica ni sa alutu sobu ko koya! Io sa lutu sobu na kalokalo ivolasiga!

28 Ia ni sa tiko ga kei keirau na Yalo, sa vakarota na Turaga me keirau vola na raivotu oqo; ia keirau sa raici Setani, na agata makawa ko ya, io sai koya na btevoro, a cvorata na Kalou ka segata me taura na nona matanitu na noda Kalou kei na Karisito—

29 Ia, sa avaluti ira na yalododonu ni Kalou, io sa viribaiti ira ka vakavolivoliti ira.

30 Ia keirau sa raica ena raivotu na nodra rarawa ko ira sa valuta ka rawa ko koya, ni sa rogo mai vakaoqo vei keirau na domo ni Turaga ka kaya:

31 Sa kaya vakaoqo na Turaga ena vukudra era sa kila na noqu kaukauwa, ka ra sa vakaivotavota kina, ka ra qai soli ira me arawai ira na kaukauwa ni tevoro, ka me ra cakitaka na ka dina ka beca na noqu kaukauwa—

32 Raica sai ira oqo na aluve ni bveivakarusai, io ko ira ka’u a kaya ni vinaka cake me ra kakua ga ni sucu mai;

33 Raica era sa vakasinaiti ena cudruvi, era sa vakacacani me ra sotava na cudru ni Kalou, vata kei na tevoro kei ira na nona agilosi ena gauna tawamudu;

34 Me baleti ira au sa cavuta sa sega na aveivosoti ena vuravura oqo ka vakakina ena vuravura sa bera mai—

35 Era acakitaka na Yalo Tabu ni ra sa ciqoma oti, ka ra sa cakitaka na Luvena e Duabau na Tamada, ni ra sa bvakoti koya vakataki ira ki na kauveilatai ka vakamaduataki koya ena matana votu.

36 Raica sai ira oqo era na biu ki na adrano bukawaqa kei na sulifure, vata kei na tevoro kei ira na nona agilosi—

37 Ia sai ira wale ga oqo ena rawai ira na ikarua ni amate;

38 Io, sa dina sara, sai aira wale talega oqo era na sega ni vueti ena nona gauna na Turaga, ni ra sa sotava oti na rarawa ni nona cudru.

39 Ia ko ira kece na kena vo, era na alako mai ena nodra btucake tale na mate, ena vuku ni nona qaqa kei na nona lagilagi na cLami, o koya ka a vakamatei, o koya a tiko ena lomaserei Tamana ni se bera ni buli ko vuravura.

40 Raica sai koya oqo na akosipeli, na itukutuku rekitaki sa tukuna vei keirau na domo mai lomalagi—

41 Ni a lako mai ki vuravura ko koya, io ko Jisu, me mai avakamatei ena kauveilatai ena vukui vuravura, ka me bcolata na ivalavala ca ni cvuravura, ka me dvakatabuya na vuravura, ka evakasavasavataka mai na veika tawadodonu kecega;

42 Raica era na avakabulai ena vukuna ko ira kecega, me vaka na kaukauwa kei na lewa sa solia vua ko Tamana;

43 A sa vakalagilagi Tamana, ka vakabulai ira kece na ibulibuli ni ligana, vakavo ga ko ira na luve ni veivakarusai ka ra a cakitaka na Luvena ni sa vakatakilai koya oti vei ira ko Tamana.

44 Ia, ena vakabula ko koya na tamata kecega ka vakavo ga ko ira oqo—era na lako tani ki na aitotogi btawavakaiyalayala, sai koya na itotogi tawacava, sai koya na itotogi tawamudu, me ra na vakatulewa vata kei na ctevoro kei ira na nona agilosi ena gauna tawamudu; ia ena sega ni mate na kedra dbaca, ka sega tale ga ni bokoci na kedra bukawaqa; io oqori na nodra rarawa—

45 Ia na kena aicavacava, se na vanua ko ya, se na nodra rarawa, sa sega na tamata e kila;

46 A sega ni vakatakilai, se sa vakatakilai edaidai, se me na qai vakatakilai mai ki na tamata, ia vei ira ga era na vakaivotavota kina;

47 Ia koi Au na Turaga, au sa vakaraitaka oti ena raivotu vei ira e lewevuqa, ia ni oti ga au sogota tale;

48 Ia, na kena icavacava, na rabana, na kena cecere, na kena atitobu, kei na kena yaluma, era sega ni kila, e sega sara ni dua na tamata e kila, vakavo ga ko ira era sa blewai me ra ctotogitaki vakaoqo.

49 Keirau a rogoca ni sa kaya na domo: Vola na raivotu oqo, raica sa cava eke na raivotu sa baleta na nodra rarawa ko ira sa sega ni vakalou.

50 Ia keirau sa tukuna tale—ni keirau sa raica ka rogoca, ka sai koya na aivakadinadina ni kosipeli i Karisito me baleti ira era na lako mai ena nodra btucake tale na bula dodonu—

51 Sai ira oqo sai ira era sa rogoca na ivakadinadina kei Jisu, ka avakabauta na yacana ka ra sa bpapitaiso me vaka na civalavala ni nona bulu, ena nodra dbuluti ena wai ena yacana, ia oqo me vaka na ivakaro sa solia ko koya—

52 Ena nodra talairawarawa ki na ivakaro era na asavai ka bvakasavasavataki kina mai na nodra ivalavala ca kece sara, ka ciqoma na Yalo Tabu ena veitabaki ni cliga mai vei koya sa dlesi ka vauci ki na ekaukauwa oqo;

53 Io ko ira sa rawa na ka kecega ena vakabauta, ka ra sa avauci ena bYalo Tabu ni yalayala ka sa sovaraka ko Tamada vei ira kecega sa dina ka dodonu.

54 Sai ira oqo sai ira na lewe ni nona lotu na aUlumatua.

55 Sai ira oqo sai ira sa solia ki ligadra ko Tamada na ka akecega

56 Sai ira oqo sai ira era sa abete ka tui, io ko ira era sa rawata na nona veivakataucokotaki kei na nona lagilagi;

57 Ka ra sa abete i Koya sa Cecere Sara, me vaka na kena ivakarau vei Melikiseteki, ka a muria na kena ivakarau mai vei bInoki, me vaka na civakarau ni Luvena e Duabau ga.

58 Ia, me vaka sa volai tu, era sa akalou, io era sa bluvena na cKalou

59 Ia, sa nodra na ka akecega, se na bula se na mate, se na veika sa tu oqo se na veika ena qai yaco mai, sa nodra kece ka ra sa nei Karisito, ka sa nona na Kalou na Karisito.

60 Ka ra na arawa na ka kecega.

61 Ia me kakua ni dua na tamata me avakalagilagia na tamata; ia me bvakalagilagia ga na Kalou, o koya ena cvakamalumalumutaka na meca kecega e ruku ni yavana.

62 Ko ira oqo era na atiko ena biserau ni Kalou kei na nona Karisito me sega ni mudu ka sega ni mudu.

63 Ko aira oqo sai ira ena kauti ira mai ko koya, ni sa blako sobu mai ena o ni lomalagi me cliutaki ira na nona tamata e vuravura.

64 Ko ira oqo sai ira era na vakaivotavota ena aimatai ni tucake tale.

65 Ko ira oqo sai ira era na lako mai ena nodra atucake tale na bula dodonu.

66 Ko ira oqo sai ira era na lako mai ki na aUlunivanua ko bSaioni na nona koro na Kalou bula, na vanua vakalomalagi, sa savasava sara mai na veivanua kecega.

67 Ko ira oqo sai ira era sa duavata kei ira na isoqosoqo ni agilosi e sega ni wili rawa, io ki na soqoni raraba kei na isoqosoqo lotu nei aInoki, kei na nona na bUlumatua.

68 Ko ira oqo sai ira sa avolai tu na yacadra mai lomalagi, na vanua erau sa blewa kina na ka kecega na Kalou kei na Karisito.

69 Ko ira oqo sai ira na tamata adodonu sa yaco me ra buasivi sara ena vukui Jisu na dauveivakaduavatataki ni cveiyalayalati vou, ko koya sa vakayacora na dveisorovaki e uasivi sara ena liviraki ni nona edra.

70 Ko ira oqo sai ira sa yago avakasilesitieli, a nodra blagilagi sa vaka na cmatanisiga, io na lagilagi ni Kalou, sa uasivia na ka kecega, io sa volai ni sa tautauvata kei na iserau ni matanisiga mai lagi na nona lagilagi.

71 Keirau sa raica tale ga na vuravura avakateresitieli, ka rai yani ka raica, ko ira oqo sai ira sa vakateresitieli, a nodra lagilagi sa duidui mai na kena ena nona lotu na Ulumatua ka sa rawata na kena taucoko mai vei Tamada, io sa vaka na bvula ka duidui mai na iserau ni matanisiga mai lagi.

72 Raica sai ira oqo era sa mate ka ra asega ni kila na blawa;

73 Ka vakatalega kina na ayalodra na tamata era a tu ena bvale ni veivesu, a veisiko kina na Luvena, ka cvunautaka vei ira na dkosipeli, me rawa ni ra qai lewai me vaka na tamata vakayago;

74 Ko ira era a sega ni vakabauta na aivakadinadina kei Jisu ni ra se vakayago, ia era a qai vakabauta e muri.

75 Ko ira oqo sai ira na tamata dodonu ni vuravura ka ra a vakamatabokotaki ena nodra ilawaki qaseqase na tamata.

76 Ko ira oqo sai ira era sa rawata na nona lagilagi, ia era sa sega ni vakataucokotaki ena nona iserau.

77 Ko ira oqo sai ira ena dau mai sikovi ira ga na Luvena, ia era na sega ni raica na vakataucokotaki nei Tamana.

78 Ia, era sa ayago vakateresitieli, ka sega ni yago vakasilesitieli, io sa duidui tale ga na nodra lagilagi, me vaka sa duidui na iserau ni vula mai na matanisiga.

79 Ko ira oqo sai ira era sa sega ni agumatua ena nodra ivakadinadina me baleti Jisu; ia, era sa sega ni rawata na isala vakaturaga ena nona matanitu na noda Kalou.

80 Raica sa yala eke na raivotu keirau a raica me baleta na teresitieli, ka a vakarota na Turaga me keirau vola ni sa tiko ga kei keirau na Yalo.

81 Ia keirau a raica tale ga na lagilagi ni vuravura avakatilesitieli, ia sa lailai sobu, me vaka ni sa lailai sobu na iserau ni kalokalo mai na iserau ni vula mai lomalagi.

82 Ko ira oqo sai ira era a sega ni vakabauta na kosipeli i Karisito, se na aivakadinadina kei Jisu.

83 Ko ira oqo sai ira era sa sega ni cakitaka na Yalo Tabu.

84 Ko ira oqo sai ira era sa debelaki sobu ki aeli.

85 Ko ira oqo sai ira era na sega ni vueti tani mai vua na atevoro me yacova na biotioti ni tucake tale, io me yacova ni sa vakaotia na nona cakacaka na Turaga, io ko Karisito na cLami.

86 Ko ira oqo sai ira era sa sega ni rawata na taucoko ni nona iserau ena vuravura tawamudu, ia na iserau ga ni Yalo Tabu, era na mai qaravi ira ko ira na lewe ni vuravura vakateresitieli;

87 Kei na vuravura vakateresitieli, era na mai aqaravi ira ko ira na lewe ni vuravura vakasilesitieli.

88 Kei ira talega ena vuravura vaka-tilesitieli era na rawata ena nodra veiqaravi na agilosi ka ra lesi me ra qaravi ira, se ko ira era sa lesi me ra yalo dauveiqaravi vei ira; ni ra sa itaukei tale ga ni veivakabulai.

89 Ka keirau sa raica tale ga ena raivotu vakalomalagi oqo, na lagilagi ni vuravura vaka-tilesitieli, ni sa uasivia na ka kecega;

90 Ia sa sega na tamata e kila, ko koya ga sa vakatakila vua na Kalou.

91 Keirau sa raica tale ga na lagilagi ni vuravura vakateresitieli, ni sa uasivia ena ka kecega na lagilagi ni vuravura vaka-tilesitieli, io ena lagilagi, kei na kaukauwa, kei na cecere, kei na lewa.

92 Keirau sa raica tale ga na lagilagi ni vuravura vakasilesitieli, ni sa uasivi sara ena ka kecega—sa lewa mai kea na Kalou ko Tamada ena nona itikotiko vakaturaga me sega ni mudu ka sega ni mudu;

93 Ia era sa cuva ka avakarokoroko ena yalomalumalumu vua ena nona itikotiko vakaturaga, na ka kecega, ka vakalagilagi koya me sega ni mudu ka sega ni mudu.

94 Ko ira era sa tiko ena nona aiserau sai ira na nona lotu na bUlumatua; ka ra raica me vaka era sa laurai, ka ckila me vaka era sa kilai, ni ra sa ciqoma na taucoko ni nona iserau kei na nona dloloma soli wale;

95 A sa solia vei ira ko koya me ra atautauvata ga ena kaukauwa, kei na igu, kei na lewa.

96 Ia sa duatani ga na lagilagi ni vuravura vakasilesitieli, me vaka ni duatani ga na lagilagi ni amatanisiga.

97 Ka sa dua tani na lagilagi ni vuravura vakateresitieli, me vaka ni duatani na lagilagi ni vula.

98 Ka sa dua tani ga na lagilagi ni vuravura vakatilesitieli, me vaka ni duatani ga na lagilagi ni kalokalo; me vaka ni duidui na lagilagi ni dua na kalokalo mai na dua tale na kalokalo, sa duidui vakakina na kedra dui lagilagi ena vuravura vakatilesitieli;

99 Ni ko ira oqo sai ira era sa nei aPaula, kei Apolosa kei Kifa.

100 Ko ira oqo, sai ira era sa kaya eso vei ira ni ra sa nei ka, ka so tale era sa kaya ni ra sa nei ka—eso era nei Karisito ka so era nei Joni, eso era nei Mosese, eso era nei Iliesa, eso era nei Iseia, ka so era nei Aisea ka so era nei Inoki;

101 Ia era sa sega ni vakabauta na kosipeli, se na ivakadinadina kei Jisu, se ko ira na parofita, ka vakakina na aveiyalayalati tawavakaiyalayala.

102 Me kena iotioti, ko ira kece oqo sai ira era na sega ni okati vata kei ira na yalododonu, me ra laki alewena na nona blotu na Ulumatua, ka ra kau cake ena o.

103 Ko ira oqo sai aira na bdaulasulasu, kei ira na daucakaisausau, kei na cdauveibutakoci kei na dauyalewa kei ira sa dau taleitaka na lasu ka dau lasulasu.

104 Ko ira oqo sai ira era na sotava na acudru ni Kalou e vuravura.

105 Ko ira oqo sai ira era na sotava na aveisaumi ena bukawaqa tawamudu.

106 Ko ira oqo sai ira era sa biu sobu ki aeli ka bvakararawataki ena cudru ni cKalou Kaukauwa, me yacova na dtaucoko ni gauna, ni sa evakamalumalumutaki ira na meca kecega na Karisito ena ruku ni yavana, ka fvakacavara vakavinaka na nona cakacaka;

107 Ena qai solia na matanitu, ka vakaraitaka vei Tamana, ni sa vakasavasavataka, ka kaya: Au sa vakamalumalumutaka ka asikaraka duadua na bikeli ni waini, io na ikeli ni waini ni cudru waqawaqa ni Kalou Kaukauwa.

108 Ena qai vakaisalataki ena isala ni nona lagilagi, me dabe ena aidabedabe vakatui ni nona kaukauwa me veiliutaki kina me sega ni mudu ka sega ni mudu.

109 Ia raica ka kila ni keirau sa raica na kedra lagilagi na lewe ni vuravura vakatilesitieli, ni sa vaka na levu ni kalokalo ni lomalagi se na nuku ni matasawa na kedra lewe levu;

110 Ka rogoca na domo ni Turaga ni sa kaya: Ko ira kece oqo era na tekiduru, ka na avakatutusa na yame vakayadua ki vei koya sa dabe ena idabedabe vakatui me sega ni mudu ka sega ni mudu.

111 Ni ra na lewai me vaka na nodra ivalavala, ka na rawata na tamata yadua me vaka na nona acakacaka, ena nona tikina ena bvanua sa vakarautaki tu;

112 Raica era na tamata ga i Koya sa Cecere Sara; ia era na asega ni lako rawa ki na nodrau bitikotiko na Kalou kei na Karisito, me tawamudu.

113 Sa yala eke na raivotu keirau a raica, ka a vakaroti me keirau vola ni sa tiko ga vei keirau na Yalo.

114 Ia sa ka alevu ka veivakurabuitaki na nona cakacaka na Turaga, kei na veika bvuni ni nona matanitu a vakaraitaka vei keirau, ka sa uasivia na veika kecega e kilai rawa ena lagilagi, na kaukauwa, kei na lewa.

115 Ka a vakarota me keirau kakua ni vola ni sa tiko vei keirau na Yalo, sa sega ni avakatarai me tukuna na tamata na veika oqo;

116 Sa sega talega ni arawata na tamata me vakatakila, ni ra na qai laurai ga ka bkilai ena kaukauwa ni Yalo Tabu, ka na vakatikora na Kalou vei ira era lomani koya, ka vakasavasavataki ira e matana;

117 Io vei ira wale ga sa solia kina na galala ko koya me ra raica ka kila vakai ira;

118 Ia ena kaukauwa kei na veivakatakilai ni Yalo ena bula vakayago oqo, sa rawa kina vei ira me ra raica na kena iserau ena vuravura lagilagi.

119 Raica sa nona na Kalou kei na Lami na lagilagi, kei na vakarokoroko, kei na lewa me sega ni mudu ka sega ni mudu. Emeni.