Dagiti Nasantuan a Kasuratan
Doktrina ken Katulagan 76


Benneg 76

Ti parmata a naited kada Joseph Smith a Propeta ken Sidney Rigdon, iti Hiram, Ohio, idi 16 ti Pebrero 1832 (History of the Church, 1:245–252). Iti panangirugi ti Propeta iti daytoy naisurat a parmata insuratna: “Iti panagsublik manipud iti taripnong iti Amherst, intuloyko ti nagipatarus kadagiti Nasantuan a Kasuratan. Manipud iti nadumaduma a paltiing a naawat, nalawag nga adu a napateg a punto a mangsagid iti pannakaisalakan ti tao ti naadaw manipud iti Biblia, wenno napukaw sakbay ti pannakaurnongna. Nakalawlawag kadagiti nabati a kinapudno, a no gunggonaan ti Dios ti tunggal maysa a maibatay iti aramid a naaramid iti bagi, ti balikas a ‘Langit,’ a naikari a para iti agnanayon a taeng dagiti Santo, nasken a mangiraman iti ad-adu a pagarian ngem iti maysa. Maibatay itoy, …bayat ti panangipatarusko iti Ebanghelio ni San Juan, nakitami ken ni Elder Rigdon ti sumaganad a parmata” (History of the Church, 1:245). Naited daytoy a parmata kalpasan ti panangipatarus ti Propeta iti Juan 5:29.

1–4, Dios ti Apo; 5–10, Maipakitanto kadagiti amin a napudno dagiti datdatlag iti pagarian; 11–17, Dumtengto ti amin iti panagungar dagiti nalinteg ken killo; 18–24, Annakto ti Dios dagiti agindeg iti adu a lubong babaen ti pannubbot ni Jesucristo; 25–29, Natnag ti anghel ti Dios ket nagbalin a sairo; 30–49, Agsagabanto dagiti annak a lallaki ti manangdadael iti agnanayon a lunod; magun-odto amin a sabsabali ti tukad ti pannakaisalakan; 50–70, Dagiti gloria ken gunggona dagiti naitan-ok a tao iti celestial a pagarian ket nailadawan; 71–80, Dagiti agtawidto iti terestrial a pagarian nailadawanda; 81–113, Kasasaad dagiti adda iti telestial, terestrial, ken celestial a gloria; 114–119, Mabalin a makita amin dagiti napudno ken maawatan dagiti datdatlag ti pagarian ti Dios babaen ti bileg ti Nasantuan nga Espiritu.

1 aDumngegkayo, O dakayo a langit, ket denggenyo, O daga, ket agrag-okayo nga agindeg dita, ta bDios ti Apo, ket iti sibayna cawan ti dMangisalakan.

2 aNaindaklan ti kinasiribna, bnakaskasdaaw dagiti wagasna, ket awan ti makatukod iti kinaisangsangayan dagiti aramidna.

3 Saan nga agkamtud dagiti apanggepna, wenno awan ti asino man a makaandur iti imana.

4 aIsu met laeng manipud iti agnanayon agingga iti agnanayon, ket saan nga bagkamtud dagiti tawenna.

5 Ta kastoy ti kinuna ti Apo—Siak, ti Apo, amanangngaasiak ken managparaburak kadagiti bagbuteng kaniak, ken pagaayatko a padayawan dagiti cagserbi kaniak iti kinalinteg ken kinapudno agingga iti panungpalan.

6 Naindaklanto ti gunggonada ken agnanayonto ti adayagda.

7 Ket kadakuada aipalgakkonto amin a bkinadatdatlag, wen, amin dagiti naitalimeng a kinadatdatlag ti pagariak manipud idi punganay, ken kadagiti tawen nga umay, ipakaammokto kadakuada ti naimbag a panggepko maipanggep kadagiti amin a banag nga adda pakainaigan ti pagariak.

8 Wen, uray pay dagiti pagsidsiddaawan ti kinaagnanayon maammuandanto, ket ipakitakto kadakuada dagiti dumteng a banag, uray pay dagiti banag ti adu a kaputotan.

9 Ket naindaklanto ti akinasiribda, ket tumuknonto iti langit ti bpannakaawatda; ket iti imatangda cmapukawto ti kinasirib dagiti masirib, ket awanto ti mamaay ti pannakaawat dagiti naannad.

10 Ta alawlawagak ida babaen ti bEspirituk, ken ipakaammok kadakuada dagiti palimed ti pagayatak babaen ti cpannakabalinko—wen, uray dagiti banag a di pay nakita ti dmata, wenno nangngeg ti lapayag, wenno di pay nakastrek iti puso ti tao.

11 Dakami, Joseph Smith, Jun., ken Sidney Rigdon, iti apanangsallukob kadakami ti Espiritu iti maikasangapulo-ket-innem nga aldaw ti Pebrero, iti tawen ti Apotayo a sangaribu walo gasut ken tallopulo-ket-dua—

12 Babaen ti bileg ti aEspiritu naluktan dagiti bmatami ken limmawag ti panagawatmi, tapno makita ken maawatanmi dagiti banag ti Dios—

13 Uray pay kadagiti banag manipud idi punganay sakbay ti lubong, nga inordenan ti Ama, babaen ti Bugbugtong nga Anakna, nga adda iti barukong ti Ama, uray pay idi apunganay;

14 A paneknekanmi; ket ti paneknekanmi isu ti pakabuklan ti ebanghelio ni Jesucristo, nga isu ti Anak, a nakitami ken anakasaritami iti nailangitan a bparmata.

15 Ta bayat ti apanagipatarusmi, nga intuding kadakami ti Apo, nakadanonkami iti maikaduapulo-ket-siam a bersikulo ti maikalima a kapitulo ti Juan, a naited kadakami a kas iti sumaganad—

16 Agapadenna ti panagungar dagiti natay, maipanggep kadagiti adumngegto iti btimek ti Anak ti Tao:

17 Ket dumtengto; isuda a nagaramid iti anasayaat, iti bpanagungar dagiti cnalinteg; ket isuda a nagaramid iti dakes, iti panagungar dagiti killo.

18 Ita pinagsiddaawnakami daytoy, ta inted kadakami ti Espiritu.

19 Ket bayat ti apanangam-amirismi kadagitoy a banag, sinagid ti Apo dagiti mata ti panagawatmi ket nalukatanda, ket naglawag ti dayag ti Apo iti aglawlawmi.

20 Ket naimatanganmi ti adayag ti Anak, iti bmakanawan ti cAma, ket inawatmi ti pakabuklanna;

21 Ket nakitami dagiti nasantuan nga aanghel, ken dagiti bnapasanto iti tronona, nga agdaydayaw iti Dios, ken ti Kordero, a cmangdaydayaw kenkuana iti agnanayon.

22 Ket ita, kalpasan ti adu a pammaneknek a naipaay kenkuana, daytoy ti apammaneknek, a maudi iti amin, nga ipaaymi kenkuana: A bsibibiag!

23 Ta anakitami, uray iti makanawan ti bDios; ket nangngegmi ti timek a mangpaneknek nga isu ti cBugbugtong ti Ama—

24 A babaen akenkuana, ken gapu kenkuana, ken kenkuana, mabukel ken nabukel dagiti blubong, ket nagbalin nga cannak a lallaki ken babbai ti Dios dagiti agindeg kadagitoy.

25 Ket nakitami met daytoy, ket paneknekanmi, a ti aanghel ti Dios nga addaan iti turay iti imatang ti Dios, a nangsupring iti Bugbugtong nga Anak nga inayat ti Ama ken adda iti barukong ti Ama, naigarangugong manipud iti imatang ti Dios ken ti Anak.

26 Ket naawagan iti Manangdadael, ta sinangitan dagiti langit—isu ni aLucifer, ti anak ti agsapa.

27 Ket nakitami, ket addayta, anatnag! natnag, uray ti anak ti agsapa!

28 Ket bayat ti kaaddami pay laeng iti Espiritu, binilinnakami ti Apo a nasken nga isuratmi ti parmata; ta nakitami ni Satanas, dayta lakay nga auleg, nga isu ti bsairo, a cnangsupring iti Dios, ken nagpanggep a mangala iti pagarian ti Diostayo ken ti Cristona—

29 Gapuna, nangparnuay iti agubat kadagiti santo ti Dios, ket inalikubkobna ida.

30 Ket nakitami ti parmata a panagsagaba dagiti nangparnuayanna iti gubat ken pinarmekna, ta kastoy ti yaay ti timek ti Apo kadakami;

31 Kastoy ti kinuna ti Apo maipanggep kadagiti amin a makaammo iti bilegko, ken nairanuden, ket nagsagabada babaen ti bileg ti sairo tapno amaparmek, ken mangtallikud iti kinapudno ken mangkarit iti bilegko—

32 Isuda dagiti aannak a lallaki ti bmanangdadael, a nagkunaak a nasaysayaat koma a saanda a nayan-anak;

33 Ta isuda dagiti pagikkan ti pungtot, nailunod nga agsagaba iti pungtot ti Dios, a kaduada ti sairo ken dagiti anghelna iti agnanayon;

34 Maipanggep iti nasaokon awan ti apannakapakawan iti daytoy a lubong wenno uray iti lubong nga umay—

35 Iti apanangtallikud iti Nasantuan nga Espiritu kalpasan ti panangawat, ken iti panangtallikud iti Bugbugtong nga Anak ti Ama, iti bpanangilansada kenkuana ken iti panangibabainda.

36 Dagitoy dagiti mapanto iti adan-aw nga apuy ken asupre, a kaduada ti sairo ken dagiti anghelna—

37 Ket dagitoy laeng ti kabaelanto ti bileg ti maikadua nga aipapatay;

38 Wen, pudno, aisudanto laeng ti saan a masubbot iti naikeddeng a panawen ti Apo, kalpasan ti panagsagaba iti pungtotna.

39 Ta amin dagiti dadduma amaisalakandanto babaen ti bpanagungar ti natay, babaen ti panagballigi ken ti dayag ti cKordero, a napapatay, nga adda idi iti barukong ti Ama sakbay ti pannakaaramid dagiti lubong.

40 Ket daytoy ti aebanghelio, ti naimbag a damag, a pinaneknekan kadatayo ti timek a nagtaud iti langit—

41 Nga immay iti lubong, nga isu ni Jesus, a amailansanto para iti lubong, ken bmangimet kadagiti basol ti clubong, ken dmangpasanto iti lubong, ken emangugas itoy manipud iti amin a kinadakes;

42 A babaen kenkuana mabalin a amaisalakan ti amin nga impan ti Ama iti babaen ti bilegna ken inaramidna;

43 A mangitan-ok iti Ama, ken mangisalakan kadagiti amin nga aramid dagiti imana, malaksid kadagiti annak a lallaki ti manangdadael a nangtallikud iti Anak kalpasan ti panangipalgak ti Ama kenkuana.

44 Gapuna, isalakanna ti amin malaksid kadakuada—pumanawdanto iti aagnanayon a bpannakadusa, nga isu ti awan inggana a pannakadusa, nga isu ti agnanayon a pannakadusa, nga agturay a kaduada ti csairo ken dagiti anghelna iti agnanayon, a saan a matay ti diggesda, ken saan a malpaag ti apuy, nga isu ti pagtutuokanda—

45 Ket ti apaggibusan daytoy, uray pay ti lugar daytoy, wenno ti pagtutuokanda, awan ti tao a makaammo;

46 Uray ti nakaipalgakanna, ita man, uray ti pakaipalgakannanto a tao, malaksid kadakuada a naikari a makibinglay itoy;

47 Nupay kasta, siak, ti Apo, impakitak iti adu babaen ti parmata, ngem giddato nga insardengko manen;

48 Gapuna, ti ngudona, ti kalawana, ti kangatona, ti akaunegna, ken ti kinaliday daytoy, dida maawatan, uray ti asino a tao malaksid kadagiti bnaordenan iti daytoy a cpakakedngan.

49 Ket nangngegmi ti timek a nagkuna: Isuratyo ti parmata, ta addayta, daytoy ti ngudo ti parmata iti panagsagaba dagiti saan a nadiosan.

50 Ket paneknekanmi manen—ta nakita ken nangngegmi, ket daytoy ti apammaneknek ti ebanghelio ni Cristo maipanggep kadakuada nga umayto iti bpanagungar dagiti nalinteg—

51 Isuda dagiti immawat iti pammaneknek ni Jesus, ken namati iti anaganna ken bnabuniagan a cmainaig iti pannakaitanemna, iti dpannakairareb iti danum iti naganna, ket maibatay daytoy iti bilin nga intedna—

52 A babaen ti panangtungpalda kadagiti bilin mabalin a amabugguan ken bmadalusanda kadagiti amin a basolda, ket awatenda ti Nasantuan nga Espiritu babaen ti pannakaipatay dagiti cdakulap ti dnaordenan ken napaglantip iti daytoy a ebileg;

53 Ken isu nga agballigi babaen ti pammati, ken apinaglantip ti bNasantuan nga Espiritu ti kari, nga isallukob ti Ama kadagiti amin a nalinteg ken napudno.

54 Isuda dagiti simbaan ti aInauna.

55 Isuda a nangyawatan ti Ama iti aamin a banag—

56 Isuda a asaserdote ken ari, a nangawat iti kinaan-anayna, ken iti dayagna;

57 Ken dagiti asaserdote ti Kangatuan, nga urnos ni Melchizedek, nga urnos ni bEnoc, nga curnos ti Bugbugtong nga Anak.

58 Gapuna, kas naisurat, adiosda, a kas kadagiti bannak ti cDios

59 Gapuna, kukuada aamin a banag, biag man wenno patay, wenno dagiti banag nga adda ita, wenno dagiti banag a dumteng, kukuada amin ken kukua ida ni Cristo, ken kukua ti Dios ni Cristo.

60 Ket aparmekendanto amin a banag.

61 Gapuna, awan koma ti tao a amangitangsit iti tao, ngem bitangsitna ketdi ti Dios, a cmangparmek kadagiti amin a kabusor iti babaenna.

62 aAgtaengto dagitoy iti bimatang ti Dios ken iti Cristona iti agnanayon nga awan inggana.

63 aDagitoyto ti itugotna, inton bumay kadagiti ulep ti langit nga cagturay iti daga kadagiti taona.

64 Dagitoy dagiti adda akemda iti aumuna a panagungar.

65 Dagitoy dagiti rummuarto iti apanagungar dagiti nalinteg.

66 Dagitoy dagiti umay iti aBantay bZion, ken iti siudad ti sibibiag a Dios, ti nailangitan a lugar, ti kasantuan iti amin.

67 Dagitoy dagiti umay a bayabayen ti di mabilang nga anghel, iti kangrunaan a taripnong ken simbaan ni aEnoc, ken ti bInauna.

68 Dagitoy dagiti anaisurat ti nagnaganda iti langit, a ti Dios ken ni Cristo ti bukom ti amin.

69 Dagitoy dagiti analinteg a tao a nagbalin a bnaan-anay babaen ni Jesus a mangibabaet iti baro a ckatulagan, a nangipatungpal daytoy naan-anay a dpannubbot babaen ti panagsayasay ti bukodna a edara.

70 Dagitoy dagiti addaan iti bagi a acelestial, a ti bdayagna kas iti cinit, nga isu ti dayag ti Dios, ti kangatuan iti amin, a ti dayagna naisurat a kas iti init iti tangatang.

71 Ket manen, nakitami ti aterestrial a lubong, ket adtoy ket imutektekan, dagitoy dagiti adda iti terestrial a pagarian, a maigidiat ti dayagna iti simbaan ti Inauna nga immawat iti kinaan-anay ti Ama, a kas iti bbulan a maigidiat iti init iti tangatang.

72 Adtoy, dagitoy dagiti natay nga aawanan iti bpaglintegan;

73 Ken kasta met nga isuda nga aespiritu ti tao a bnaibalud, a sinarungkaran ti Anak, ken cinkasabana ti debanghelio kadakuada, tapno maukomda a maibatay kadagiti tao iti lasag;

74 A di nangawat iti apammaneknek ni Jesus iti lasag, ngem inawatda kalpasanna.

75 Dagitoy dagiti tao a madaydayaw iti daga, a nabulsek iti kinasikap dagiti tao.

76 Dagitoy dagiti mangawat iti dayagna, ngem saan ti pakabuklanna.

77 Dagitoy dagiti mangawat iti isasarungkar ti Anak, ngem saan ti pakabuklan ti Ama.

78 Gapuna, isuda dagiti abagi a terestrial, ket saan a dagiti bagi a celestial, ket maigidiatda iti dayag a kas iti pannakaigidiat ti bulan iti init.

79 Dagitoy dagiti saan a anatured iti pammaneknek ni Jesus; gapuna, saanda a magun-od ti korona iti pagarian ti Diostayo.

80 Ket ita daytoy ti paggibusan ti parmata a nakitami iti terestrial, a binilinnakami ti Apo nga agsurat bayat ti kaaddami iti Espiritu.

81 Ket manen, nakitami ti dayag ti atelestial, a nababbaba ti dayagna, a kas iti dayag dagiti bituen a maigidiat iti dayag ti bulan iti tangatang.

82 Dagitoy dagiti saan nga immawat iti ebanghelio ni Cristo, uray pay ti apammaneknek ni Jesus.

83 Dagitoy dagiti saan a mangtallikud iti Nasantuan nga Espiritu.

84 Dagitoy dagiti naigarangugong iti aimpierno.

85 Dagitoy dagiti saanto a masubbot manipud iti asairo agingga iti bmaudi a panagungar, agingga a ti Apo, nga isu ni Cristo a cKordero, maiwakasna ti aramidna.

86 Dagitoy dagiti saan nga umawat iti pakabuklan ti agnanayon a lubong, ngem ti Nasantuan nga Espiritu babaen ti panangibabaet ti terestrial;

87 Ken ti terestrial babaen ti apanangibabaet ti celestial.

88 Ken kasta met nga awaten ti telestial babaen dagiti mangiturong nga anghel a natudingan a mangimaton kadakuada, wenno natudingan a mangiturong nga espiritu kadakuada; ta agtawiddanto iti pannakaisalakan.

89 Ket kastoy ti nakitami, iti nailangitan a parmata, ti dayag ti telestial, a mangrimbaw iti amin a pannakaawat;

90 Ket awan ti tao a makaammo iti daytoy malaksid ti nangipalgakan ti Dios.

91 Ket kastoy a nakitami ti dayag ti terestrial nga umartap kadagiti amin a banag iti dayag ti telestial, uray pay iti dayag, ken iti bileg, ken iti pigsa, ken iti masakupan.

92 Ket kastoy ti pannakakitami iti dayag ti celestial, a mangrimbaw iti amin a banag—a pagturayan ti Dios, nga isu ti Ama, iti tronona iti agnanayon nga awan inggana;

93 Iti tronona agtamed ti amin a banag iti napakumbaba a apanagraem, ken itangsitda iti agnanayon nga awan inggana.

94 Isuda nga agtaeng iti aimatangna ti simbaan ti bInauna; ket makitada a kas iti pannakakita kadakuada, ken cmaammuanda a kas iti pannakaammo kadakuada, iti panangawatda iti pakabuklanna ken iti dparaburna;

95 Ket apinagpapatasna ida iti bileg, ken iti pigsa, ken iti masakupan.

96 Ket maymaysa ti dayag ti celestial, a kas iti kinamaymaysa ti dayag ti ainit.

97 Ket maymaysa ti dayag ti terestrial, a kas iti kinamaymaysa ti dayag ti bulan.

98 Ket maymaysa ti dayag ti telestial, a kas iti kinamaymaysa ti dayag dagiti bituen; ta maigidiat ti dayag ti maysa a bituen iti sabali a bituen, a kas met iti pannakaigidiat ti dayag ti sabali iti telestial a lubong;

99 Ta dagitoy dagiti pasurot ni aPablo, ken ni Apolo, ken ni Cefas.

100 Dagitoy dagiti agkuna a pasurot ida ti maysa ken pasurot ida ti sabali—pasurot ida ni Cristo ken pasurot ida ni Juan, ken pasurot ida ni Moises, ken pasurot ida ni Elias, ken pasurot ida ni propeta Esaias, ken pasurot ida ni Isaias, ken pasurot ida ni Enoc;

101 Ngem dida inawat ti ebanghelio, uray pay ti pammaneknek ni Jesus, uray pay dagiti propeta, uray pay ti aagnanayon a katulagan.

102 Kamaudiananna, dagitoy amin dagiti saan a mailaok kadagiti Santo, a amaitayab a maikuyogto iti bsimbaan ti Inauna, ken maawat iti ulep.

103 aDagitoy dagiti bulbod, ken manggagamud, ken cmannakikamalala, ken mannakiabig, ken asino man nga agayat ken agaramid iti inuulbod.

104 Dagitoy dagiti aglak-am iti apungtot ti Dios iti daga.

105 Dagitoy dagiti aglak-am iti abales ti agnanayon nga apuy.

106 Dagitoy dagiti maigarangugong iti aimpierno ken baglak-am iti pungtot ti cMannakabalin a Dios, agingga iti dpannakatungpal dagiti panawen, no enaparmeken ni Cristo amin dagiti kabusor iti sakaananna, ken naileppasnan a fnaan-anay ti aramidna;

107 Inton idatagna ti pagarian, ket yawatna iti Ama, nga awanan mansa, a kunana: Naparmekkon ken ainlupeklupekkon a sisiak ti bpagpespesan iti ubas, a kas iti pagpespesan iti ubas a kinatadem ti pungtot ti Mannakabalin a Dios.

108 Kalpasanna maikoronanto kenkuana ti korona ti dayagna, nga agtugaw iti atrono iti bileg ti panagturayna iti agnanayon nga awan inggana.

109 Ngem adtoy, ket imutektekan, nakitami ti gloria ken dagiti agnaed iti telestial a lubong, a kas iti kaadu ti bituen iti tangatang ti kaaduda, wenno kas iti anay iti igid ti baybay;

110 Ken nangngegmi ti timek ti Apo a nagkuna: Amin dagitoy agparintumengto, ken aagpudnonto amin a dila kenkuana nga agtugaw iti trono iti agnanayon nga awan inggana;

111 Ta maukomdanto a maibatay kadagiti aramidda, ket maawatto amin a tao a maibatay kadagiti bukodna nga aaramid, iti masakupanna, kadagiti bmansion a naisagana;

112 Ket katulonganto ida ti Kangatuan; ngem aiti bpagindegan ti Dios ken ni Cristo saanda a makaumay, lublubong nga awan inggana.

113 Daytoy ti pagpatinggaan ti parmata a nakitami, a nakabilinanmi a mangisurat bayat ti kaaddami pay iti Espiritu.

114 Ngem anaindaklan ken nakaskasdaaw dagiti aramid ti Apo, ken dagiti bkinadatdatlag iti pagarianna nga impakitana kadakami, a mangrimbaw iti amin a pannakaawat iti dayag, ken iti pigsa, ken iti masakupan;

115 Nga imbilinna kadakami a dimi isursurat bayat ti kaaddami pay laeng iti Espiritu, ken saan a anainkalintegan a baliksen ti tao;

116 Kasta met a saan a akabaelan ti tao nga ipakaammo, ta makitada laeng ken bmaawatan babaen ti bileg ti Nasantuan nga Espiritu, nga isagut ti Dios kadagiti mangayat kenkuana, ken mangpatarnaw iti bagbagida iti imatangna;

117 Kadakuada a nangtedanna iti daytoy a gundaway a mangkita ken mangammo iti bagbagida;

118 A babaen ti bileg ken panangipakita ti Espiritu, bayat ti kaaddana iti lasag, mabalindanto a paneknekan ti kaaddana iti lubong a nadayag.

119 Ket itangsit, ken idayaw, ken mangituray koma ti Dios ken Kordero iti agnanayon nga awan inggana. Amen.