Kyerɛwsɛm
Nkyerɛkyerɛ na Ahyɛmudzi 76


Ɔfã 76

Enyido-adzehu a wɔdze maa Joseph Smith Nkɔnhyɛnyi no na Sidney Rigdon, wɔ Hiram, Ohio, Kwakwar 16, 1832. Dza Joseph Smith n’abakɔsɛm kã dze yɛɛ dɛm enyido-adzehu no ne nyienyim nye dɛ: “Aber a mifii Amherst ehyiadzi ase bae no, mehyɛɛ ase dɛ merekyerɛ kyerɛwsɛm no ase. Sɛ yɛhwɛ nyikyerɛ dodow no a, ɔda edzi pefee dɛ woeyiyi nsɛm pii a ɔfa nyimpa no nkwagye ho no, efi Bible no mu, anaadɛ ɔyewee ansaana wɔrebɛkã aboa ano. Nokwar, dza ɔakã no da noho edzi pefee dɛ, sɛ Nyankopɔn botua ankorankor biara kaw dɛ mbrɛ no ndwuma a ɔyɛe wɔ ber a ɔtse ase no tse dze a, nna ‘Sor’ no a wɔkyerɛ dɛ ɔyɛ Ahotseweefo hɔn onnyiewiei fie no bɛyɛ ahenman pii na nnyɛ kor. Dɛm ntsi, … ber a emi na Elder Rigdon yegu do rekyerɛ Ɔhotseweenyi John n’Asɛmpa no ase no, yehun enyido-adzehu a ɔtoa do yi.” Ber a wɔdze enyido-adzehu yi mae no, nna Nkɔnhyɛnyi no rekyerɛ John 5:29 no ase.

1–4, Ewuradze nye Nyankopɔn; 5–10, Wɔbɛda ahenman no mu esumadze edzi akyerɛ nokwafo nyinara; 11–17, Nyimpa nyina befir edzi akɔ atseneneefo wusoɛr mu anaa afɔdzi wusoɛr mu; 18–24, Nkorɔfo a wɔtse wiadze horow nyinara mu no nam Jesus Christ No Werdambɔ no do bɛyɛ Nyankopɔn ne mbabanyin na ne mbabaa; 25–29, Nyame no bɔfoe hwee ase na ɔbɛyɛɛ abɔnsam; 30–49, Ɔsɛe mbambanyin no bohu amandze wɔ afɔbu a onnyiewiei no mu; na nkaa no nyinara benya nkwagye ne kyɛfa bi; 50–70, Wɔkyerɛ hɔn a wonya nkwagye ntowdo no hɔn enyimnyam na akatua wɔ celestial ahenman no mu; 71–80, Wɔkyerɛ hɔn a wobenya terrestrial ahenman no mu; 81–113, Wɔkyerɛkyerɛ hɔn a wɔwɔ telestial, terrestrial na celestial enyimnyam no hɔn gyinabew mu; 114–119, Nokwafo no bodua Sunsum Krɔnkrɔn no tum mu ehu Nyankopɔn n’aheman mu esumasɛm na wɔatse ase.

1 O Ɔsorsor, hom antsie, O asaase, hom nyɛ aso, hom nyɛ aso, na hom a hom wɔ do nyina no ndzi dɛw, na Ewuradze nye bNyame, na cAgyenkwa biara dnnyi hɔ kã no ho.

2 Ne anyansaa sõ, na bn’akwan yɛ ahobow, na obiara runnhu no ndwuma mbrɛ n’ano kɔsõ.

3 Ne atsirmpɔw annyɛ gyan da, na obiara so nnyi hɔ a obotum esianka ne nsa.

4 Ofi mbersantsen kesi mbersantsen no ɔtse adɛmara, na ne mfe bnnsã da.

5 Na dɛm na Ewuradze se—emi, Ewuradze mowɔ aehumbɔbɔr na medze adom ma hɔn a bwosuro me, na ɔyɛ me enyigye dɛ medze enyimnyam bɛma hɔn a cwɔsom me wɔ tseneneeyɛ nye nokwar mu dze kɔ ewiei.

6 Hɔn akatua bɛyɛ kɛse na onnyiewiei bɛyɛ hɔn aenyimnyam.

7 Na hɔn na amibeyi bm’esumasɛm akyerɛ, nyew, m’ahendzi ho esumasɛm nyina a ehuntsa fi tsetseberdo, nye mfesantsen a ɔreba no, na mebɛma woehu ndzepa a ɔwɔ me pɛ ho a ɔfa ndzɛmba nyina a ɔwɔ m’ahenman mu no.

8 Nyew, mbersantsen anwanwadze mpo na wobohu, na ndzɛmba a obesi no na mebɛkyerɛ hɔn, ebusuasantsen pii ho ndzɛmba no mpo.

9 Na hɔn anyansaa bɛyɛ kɛse, na hɔn bntseasee bodu sor; na hɔn enyim na enyansafo hɔn nyansaa cbɛhera, na abadwembafo hɔn ntseasee bɛyɛ kwa.

10 Na menam mo aSunsum do bbobue hɔn adwen mu, na menam mo ctum do bɛma woehu me pɛ mu esumasɛm—nyew, ndzɛmba a denyiwa mpo nnhunii, na asowa so nntsee, na onnyae nnhɛɛn nyimpa n’akoma mu.

11 Hɛn, Joseph Smith, Kakraba, na Sidney Rigdon a Kwakwar ne da a otsĩa duesia mu, wɔ hɛn Ewuradze n’afe apem, ahaawɔtwe eduasa ebien mu a nna ayɛwɔ Sunsum mu no—

12 Wɔnam aSunsum no tum do bebue hɛn enyiwa na wobuee hɛn ntseasee, ama yeehu na yaatse Nyame ne ndzɛmba ase—

13 Dɛm ndzɛmba no a ɔwɔ hɔ fi ahyɛse no ansaana wɔrobɔ wiadze no, dza Egya no nam ne Ba a Wɔwoo no Kortoo no no a ɔda no bo mu hyehyɛe fi aahyɛse no mpo;

14 Ɔno na yɛgye no ho dase; na dase a yɛgye no nye Jesus Christ n’asɛmpa ne mãhyɛ no, a ɔyɛ Ɔba no, nyia yehun no na yɛnye no akasae wɔ sor benyido-adzehu mu no.

15 Na ber a ayɛrekyerɛ ndzɛmba no ase, dɛ mbrɛ Ewuradze ase hɛn dɛ yɛnyɛ no, yebodur John asɛmpa, tsir enum ne nkyekyɛmu eduonu akron no a oyii kyerɛɛ no na odzi do yi—

16 Dza ɔkã owusoɛr ho asɛm no, ɔfa hɔn a awɔbɛtse bNyimpa Ba ne ndze, na wɔasoɛr ho no,

17 Na wobefir edzi hɔn a wɔayɛ apapa no akɔ batseneneefo cwusoɛr mu, na hɔn a wɔyɛɛ bɔn no akɔ afɔdzi wusoɛr mu.

18 Na iyi maa hɛn ho boow hɛn, osiandɛ Sunsum no na oyii kyerɛɛ hɛn.

19 Na ber a ayɛrodwendwen dɛm ndzɛmba yinom ho no, Ewuradze dze ne nsa kãa hɛn ntseasee enyi ma obuee, na Ewuradze n’enyimnyam hyerɛnee twaa hɛn ho hyiae.

20 Na yehun Ɔba no a ɔtse aEgya bn’abanyimfa no cn’enyimnyam na yenyaa ne mãhyɛ no;

21 Na yehun aabɔfo krɔnkrɔn nye hɔn a bwɔatsew hɔn ho no wɔ ahengua no enyim, na wɔrosom Nyame na Eguambaa no, hɔn na cwɔsom no afebɔɔ kesi afebɔɔ.

22 Na afei, dasegye pii a wɔdze ama wɔ no ho no, iyi nye adasegye a odzi ekyir koraa, yɛgye dase wɔ no ho dɛ: bƆtse ase!

23 Osiandɛ ayehun no, dɛ ɔwɔ bNyame n’abanyimfa; na yɛtsee ndze a ɔregye dase dɛ ɔno nye Egya ne Ba a cWɔwoo no Kortoo no—

24 Na wɔnam ano do, na wɔnam no mu, na ɔnoara so na ɔbɔɔ bwiadze, na hɔn a wɔtse do nyina wɔwoo hɔn cNyame ne mbabanyin na mbabaa.

25 Na yehun iyi so, na yɛgye ho dase, dɛ aɔbɔfo a nna wɔdze tum ahyɛ ne nsa wɔ Nyankopɔn n’enyim, na ɔtseew Ɔba a Wɔwoo no Kortoo no no a Egya dɔ no, na ɔda Egya no bo mu no do etua no, wɔtoow no fii sor kyeen asaase do fii Egya na Ɔba no hɔn enyim.

26 Na wɔfrɛɛ no Ɔsɛɛfo, osiandɛ ɔsor sũi guu no do—Ɔno nye aLucifer, anapa ba no.

27 Na yehunii, na hwɛ, aɔahwe ase! ɔahwe ase, anapa ba no mpo no!

28 Na ber a yɛda ho wɔ Sunsum mu no, Ewuradze hyɛɛ hɛn dɛ yɛnkyerɛw enyido-adzehu no; na yehun Satan, aabowatsena dadaw no, babɔnsam no mpo a, nyia cɔtseew etua wɔ Nyankopɔn do no, na ɔpɛɛ dɛ ɔgye hɛn Nyankopɔn nye ne Christ hɔn Ahenman no.

29 Dɛm ntsi, ɔnye Nyankopɔn n’ahotseweefo akõe na otwaa hɔn ho hyiae.

30 Na yenyaa enyido-adzehu a ɔfa hɔn a ɔnye hɔn kõe na odzii hɔn do konyim no hɔn amandzehu ho, na dɛm na Ewuradze ne ndze baa hɛn nkyɛn;

31 Dɛm na Ewuradze se, hɔn a wonyim mo tum, na woenya kyɛfa wɔ mu da, na wɔama hɔnho kwan ma abɔnsam nam no tum do edzi hɔn do akonyim, na wɔpow nokwar no, na wogu mo tum ho fĩ no—

32 Hɔn nye aɔsɛɛ bmbabanyin no a mese hom dɛ nkyɛ obeye ama hɔn dɛ wɔannwo hɔn koraa no;

33 Na hɔn nye ebufuw nkuraba no a wɔ nye abɔnsam na n’abɔfoe, wɔadom hɔn dɛ wonhu amandze wɔ Nyankopɔn n’ebufuhyew mu nkɔ mbersantsen mu;

34 Ɔfa dɛm nkorɔfo yinom dze, abɔnfakyɛ nnyi hɔ ma hɔn wɔ wiadze yi mu anaadɛ wiadze a ɔreba no mu—

35 Susuampaara dɛ hɔn nsa kãa Sunsum krɔnkrɔn no, na awɔpowee, na wɔpoow Egya ne Ba a Wɔwoo no Kortoo no no, na wɔabɔ no bmbeamudua mu dze ama hɔnho na wɔhyɛ no bagua mu fɛr.

36 Dɛm nkorɔfo yinom nye hɔn a wɔnye abɔnsam na n’abɔfoe bɔkɔ aogya baka na brimstone no mu—

37 Na hɔn nko na aowu mprɛnu no benya hɔn do tum;

38 Nyew, nokwar, hɔn anko na wɔasɔw n’ebufuhyew ho amandzehu ekyir no wɔremmpon hɔn wɔ Ewuradze noara ne mber do no.

39 Na hɔn a wɔaka nyinara no, wɔnam aEguambaa a wokum no, na ɔda Egya no bo mu ansaana wɔrobɔ wiadze no no konyimdzi na n’enyimnyam mu dze hɔn bbɛba cwusoɛr mu.

40 Na iyi nye aasɛmpa no, enyigyesɛm no a ndze a ofi ɔsorsor gyee ho dase kyerɛɛ hɛn no.

41 Na ɔbaa wiadze, Jesus no mpo, ama awɔaabɔ no mbeamudua mu dze ama wiadze, na bɔaasoa cwiadze bɔn, na dɔaatsew wiadze ho, na eɔaatsew ho efi dza ɔnntsen nyina ho;

42 Ama wɔnam no do aaagye obiara nkwa, hɔn a Egya yɛɛ hɔn na ɔdze hɔn ahyɛ no tum mu no;

43 Nyia ɔhyɛ Egya no enyimnyam, na ɔgye ne nsaano ndwuma nyina nkwa, gyedɛ ɔsɛɛ mbambanyin no a Egya no yii Ɔba no kyerɛe ekyir no wɔpoow no no nko.

44 Dɛm ntsi, ɔgye hɔn nyinara nkwa gyedɛ hɔn nko—Wɔbɔkɔ ntsẽa a ɔwɔ hɔ daapem mu, dza ɔyɛ antsẽa bonnyi ewiei no, ɔyɛ onnyiewiei ntsẽa no na wɔnye cabɔnsam na n’abɔfoe bedzi hen mbersantsen no, hɔ na hɔn dabowaba nnwu da, na ogya no so nndum da, iyi nye hɔn ahohyehye—

45 Na dɛm bea no, nye an’ewiei, nye hɔn ahohyehye no dze, ɔdasanyi biara nnyim;

46 Na woennyi annkyerɛ, nna wonnyii nnkyerɛe, nna worinnyi nnkyerɛ ɔdasanyi biara, gyedɛ hɔn a wɔama hɔn mu kyɛfa no nko.

47 Naaso, emi Ewuradze, mudua enyido-adzehu do yi kyerɛ dodowara na motow mu bio ntsɛmara.

48 Dɛm ntsi, n’ewiei, ne tɛtɛr, no krɔn, no abun, na no mu nkukuhwease dze, wɔnntse ase, nna ɔdasanyi biara so renntse ase, gyedɛ hɔn a bwɔahyehyɛ hɔn akɔ dɛm cafɔbu no mu no nko.

49 Na yɛtsee dɛ ndze no rekã dɛ: Kyerɛw enyido-adzehu no, na hwɛ, na iyi nye enyido-adzehu a ɔfa ndzebɔnyɛfo hɔn amandzehu ho no n’ewiei.

50 Na bio, yɛgye dase wɔ ho—osiandɛ yehunii na yɛtsee, na iyi nye Christ n’asɛmpa ho adasegye a ɔfa hɔn a wɔbɔsoɛr wɔ batseneneefo wusoɛr no mu—

51 Hɔn nye nkorɔfo a wonyaa Jesus ho dasegye, na awɔgyee ne dzin dzii na bwonumaa hɔn wɔ ne cnsiei saso mu, wɔnye hɔn dhyɛɛ nsu mu wɔ ne dzin mu, na iyi tse dɛm, dɛ mbrɛ ne mbrasɛm a ɔdze ama no tse—

52 Dɛ sɛ wodzi mbrasɛm no do a awɔbɔhohor hɔn ho na bwɔatsew hɔnho efi hɔn bɔn nyina ho, na nyia cwɔahyɛ no sɔfo na wɔasɔw ano ama dɛm dtum yi no dze ne ensa bogu hɔn do ma woeenya Sunsum Krɔnkrɔn no;

53 Na wɔdze gyedzi dzi konyim, na aanohoba Sunsum Krɔnkrɔn no a Egya no hue gu hɔn a wodzi pɛrpɛr na nokwar nyina hɔn do no bsɔɔw hɔn ano.

54 Hɔn nye aAbakamba n’asɔr no.

55 Hɔn nye nkorɔfo a Egya no dze andzɛmba nyina ahyɛ hɔn nsa mu.

56 Hɔn nye nkorɔfo a wɔyɛ aasɔfo na ahemfo, hɔn na wɔagye ne mãhyɛ, na n’enyimnyam no;

57 Na wɔyɛ aƆsorsornyi no n’asɔfoe wɔ Melchizedek nhyehyɛɛ do, nyia ɔwɔ bEnoch nhyehyɛɛ do, nyia ɔwɔ cƆba a Wɔwoo no Kortoo no nhyehyɛɛ no.

58 Dɛm ntsi, dɛ mbrɛ wɔakyerɛw no, wɔyɛ aenyame, bNyankopɔn ne cmbabanyin no mpo.

59 Dɛm ntsi, andzɛmba nyina yɛ hɔndze, dɛ nkwa anaa owu, anaa ndzɛmba a ɔwɔ hɔ sesei, anaa ndzɛmba a ɔbɛba, ne nyina yɛ hɔndze, na wɔyɛ Christ dze, na Christ so yɛ Nyankopɔn dze.

60 Na awobedzi ndzɛmba nyina do konyim.

61 Dɛm ntsi, mma ɔdasanyi biara annhyɛ noho enyimnyam wɔ nyimpa mu, mbom bɔnhyɛ noho enyimnyam wɔ Nyame mu, nyia ɔdze atamfo nyina cbɛhyɛ n’ananadze no.

62 Woyinom na awɔbɛtsena Nyame nye ne Christ no hɔn benyim afebɔɔ kesi afebɔɔ.

63 Woyinom nye ahɔn a sɛ ɔnam fua mu breba cebedzi hen wɔ no nkorɔfo do wɔ asaase do a, ɔnye hɔn bɛba.

64 Woyinom nye hɔn a wobenya kyɛfa wɔ aowusoɛr a odzi kan no mu.

65 Woyinom nye hɔn a wɔbɔsoɛr wɔ aatseneneefo wusoɛr no mu.

66 Woyinom nye hɔn a wɔaba aBepɔw bZion do, na wɔaba Nyame tseasefo no kuropɔn mu no, ɔsor bea no a ɔyɛ krɔnkrɔn mu krɔnkrɔn no.

67 Woyinom nye hɔn a wɔafora abɔfokuw mpempem no mu aba ɔdodow nhyiamu no ase, nye aEnoch n’asɔr mu, nye bAbakamba dze no mu.

68 Woyinom nye hɔn a awɔakyerɛw hɔn edzin wɔ sor, bea a Nyankopɔn na Christ yɛ adze nyina do bɔtsɛmbuafo no.

69 Woyinom nye hɔn a awɔtsen a wɔnam Jesus a ɔyɛ bahyɛmu fofor mu ntamugyinafo no do cwoedzi mu no, ɔno nankasa no dbɔgyaa a okyii dze ebɔɔ werdam a odzi mu no.

70 Woyinom nye hɔn a hɔn nyimpadua yɛ dɛ acelestial dze no, hɔn a hɔn benyimnyam tse dɛ cewia, yɛ Nyame n’enyimnyam mpo a ɔkrɔn ɔkyɛn adze nyina no, nyia n’enyimnyam wɔakyerɛw dɛ ɔtse dɛ wimu ewia no.

71 Na bio, yehun aterrestrial wiadze no, na hwɛ, na hu woyinom nye hɔn a wɔyɛ terrestrial dze no, hɔn a hɔn enyimnyam nntse dɛ Abakamba n’asɔr mu mba no a woenya Egya ne mãhyɛ no, tse dɛ mbrɛ soronko da bbosoom na ewia ntamu no mpo.

72 Hwɛ, woyinom nye hɔn a awokwetsii bmbra biara na wowui no;

73 Nye hɔn so a wɔyɛ nyimpa aesunsum a wɔdze hɔn egu befiadze no a Ɔba no kɛseraa hɔn, na cɔkãa dasɛmpa no kyerɛɛ hɔn no, ama woeebu hɔn atsɛn tse dɛ nyimpa a wɔwɔ honam mu;

74 Hɔn na woennya Jesus no ho adasegye ber a wɔwɔ honam mu no na mbom nkyii wonyae no.

75 Woyinom nye hɔn a nna wɔyɛ enyimdzefo wɔ asaase do a ndabrabafo furaa hɔn enyi no.

76 Woyinom nye hɔn a wonya n’enyimyam no na mbom nnyɛ ne mãhyɛ no.

77 Woyinom nye hɔn a wonya Ɔba no ne nkyɛn kwan no, na mbom nnyɛ Egya no ne mãhyɛ.

78 Dɛm ntsi, hɔn anyimpadua yɛ terrestrial dze, na nnyɛ celestial nyimpadua, na soronko da hɔn enyimnyam no ntamu tse dɛ mbrɛ soronko da bosoom na ewia ntamu no.

79 Woyinom nye hɔn a hɔn dasegye a ɔwɔ Jesus ho no nnyɛ adzen; dɛm ntsi, woennya Nyankopɔn n’ahenman mu ahenkyɛw no.

80 Na afei, iyi nye enyido-adzehu a yehunii wɔ terrestrial no ho no n’ewiei, dza Ewuradze hyɛɛ hɛn dɛ yɛnkyerɛw wɔ ber a nna yɛda ho wɔ sunsum mu no.

81 Na bio, yehun atelestial n’enyimnyam no, na dɛm enyimnyam no yɛ ketseaba, dɛ mbrɛ soronko da nworaba enyimnyam nye bosoom n’enyimnyam mu wɔ wimu no, dɛmara na no so tse.

82 Woyinom nye hɔn a woennya Christ n’asɛmpa no, nye Jesus ho adasegye no.

83 Woyinom nye hɔn a wɔammpow Sunsum Krɔnkrɔn no.

84 Woyinom nye hɔn a wɔatow hɔn egu ahɛl.

85 Woyinom nye hɔn a wɔrennpon hɔn mmfi aabɔnsam hɔ, gyedɛ bowusoɛr a odzi ewiei no mu, kesi dɛ Ewuradze, Christ cEguambaa no mpo, bowie n’edwuma yɛ.

86 Woyinom nye hɔn a woennya ne mãhyɛ wɔ onnyiewiei wiadze no mu, na mbom wɔnam terrestrialfo no hɔn som do benya Sunsum Krɔnkrɔn no;

87 Na terrestrialfo no so anam celestialfo no hɔn som do.

88 Na telestialfo no so nam abɔfo hɔn dwuma a wɔdze ahyɛ hɔn nsa dɛ wɔnnsom hɔn no do benya, anaadɛ hɔn a wɔahyɛ hɔn dɛ wɔnyɛ esunsum mu asomfo mma hɔn no; na hɔn so wɔbɛyɛ nkwagye n’adzedzifo.

89 Na dɛm na yehunii wɔ ɔsor enyido-adzehu no mu, telestial n’enyimnyam no, na ɔbor ntseasee nyina do;

90 Na ɔdasanyi biara nnyim gyedɛ nyia Nyame beyi akyerɛ no.

91 Na dɛm na yehun terrestrial n’enyimnyam no a ɔbɔ telestial ho ndzɛmba nyina n’enyimnyam do, wɔ enyimnyam nye tum nyina mu mpo, wɔ ahoɔdzen na ahendzi mu.

92 Na dɛm na yehun celestial n’enyimnyam no a ɔbɔ ndzɛmba nyina do no—bea a Nyankopɔn, Egya no mpo, tse dzi hen wɔ n’ahengua do afebɔɔ kesi afebɔɔ;

93 N’ahengua enyim na ndzɛmba nyina bɔ hɔn mu adze ahobrɛadze na aenyidzi mu, na wɔhyɛ no enyimnyam afebɔɔ kesi afebɔɔ.

94 Hɔn a wɔtse an’enyim nye bAbakamba n’asɔr mu mba; na cwohu dɛ mbrɛ wohu hɔn, na wonyim dɛ mbrɛ wonyim hɔn, a woeenya ne mãhyɛ nye dn’adom no;

95 Na ɔayɛ hɔn apɛr wɔ tum, nye ahoɔdzen, nye ahendzi mu.

96 Na celestial n’enyimnyam no yɛ kor, dɛ mbrɛ aewia so n’enyimnyam yɛ kor no.

97 Na terrestrial n’enyimnyam no yɛ kor, dɛ mbrɛ bosoom so n’enyimnyam yɛ kor.

98 Na telestial n’enyimnyam no yɛ kor, dɛ mbrɛ nworaba so hɔn enyimnyam yɛ kor no; na dɛ mbrɛ soronko da woraba kor nye kor ntamu wɔ enyimnyam mu no, dɛmara so na soronko da kor na kor ntamu wɔ enyimnyam mu wɔ telestial wiadze no mu;

99 Na woyinom nye hɔn a wɔyɛ aPaul, na Appollos nye Cephas dze.

100 Woyinom nye hɔn a wɔkã dɛ hɔn mu binom yɛ oyi nedze na binom so yɛ oyi nedze no—binom yɛ Christ dze, na binom yɛ John dze, na binom so yɛ Moses dze, na binom so yɛ Elias dze, na binom so yɛ Esiaias dze, na binom so yɛ Isaiah dze, na binom so yɛ Enoch dze;

101 Mbom woennya asɛmpa no, nna woennya Jesus anaa nkɔnhyɛfo no ho dasegye, anaa aahyɛmu a ɔwɔ hɔ daapem no.

102 Ewiei no, woyinom nye hɔn a wɔrennkan hɔn mmfora ahotseweefo no ma awonnhwim hɔn mmfa nsuwusiw mu nntu nnkehyia bAbakamba n’asɔr no mu.

103 Woyinom nye ahɔn a wɔyɛ batorfo, na nkaberkyerfo, cawartofo, na ndwaman, nye obiara a ɔpɛ na odzi ator.

104 Woyinom nye hɔn a wohu amandze wɔ Nyame an’ebufuw ano wɔ asaase do.

105 Woyinom nye hɔn a wohu amandze wɔ onnyiewiei aawerdzi ogya no mu.

106 Woyinom nye hɔn a wɔtow hɔn gu ahɛl na bwohu amandze wɔ cOtumfo Nyankopɔn n’ebufuw ano, kodu dmber ne mãhyɛ, ber a Christ dze n’atamfo nyina ebɛhyɛ n’ananadze na ɔama fn’edwuma edzi mu.

107 Ber a obegyaa ahenman no mu na ɔdze ama Egya no, dɛ nkekãa nnyi ho, na ɔase dɛ; medzi konyim na monko na amitsiatsiaa bwenyintwer no do no, Otumfo Nyankopɔn n’ebufuhyew wenyintwer a ɔyɛ hu no mpo.

108 Afei na wɔdze enyimnyam ahenkyɛw no bɔsoa no, ma ɔaatsena no tum aahengua no do edzi hen afebɔɔ kesi afebɔɔ.

109 Mbom hwɛ, na hu, yehun telestial wiadze n’enyimnyam no nye hɔn a wɔwɔ mu no, na hɔn dodow tse dɛ sor nworaba anaadɛ mpoano anhwea;

110 Na yɛtsee Ewuradze ndze dɛ ɔrese dɛ: Woyinom nyina bɔbɔ hɔn mu adze, na tɛkyerɛma nyina abɛkã hɔn bɔn akyerɛ nyia ɔtse ahengua do afebɔɔ kesi afebɔɔ.

111 Na wobobu hɔn atsɛn dɛ mbrɛ hɔn ndwuma tse, na mbrɛ ɔdasanyi biara no andwuma tse no na ɔbɛkyerɛ ne btsenabew a obenya wɔ efi a woesiesie no mu;

112 Na wɔbɛyɛ Ɔsorsornyi no no nkowaa; mbom abea a Nyankopɔn na Christ btse no dze, wonnkotum akɔ hɔ mbersantsen mfesantsen nyina mu.

113 Iyi nye enyido-adzehu a yehunii no n’ewiei, ɔno na wɔhyɛɛ hɛn dɛ yɛnkyerɛw ber a yɛda ho wɔ Sunsum mu no.

114 Mbom Ewuradze no ndwuma a na ɔyɛ ahobow, na n’ahenman no mu besumasɛm no a oyii kyerɛɛ hɛn no, bor ntseasee nyina a ɔwɔ enyimnyam, tum, nye ahendzi mu do.

115 A ɔhyɛɛ hɛn dɛ mma yɛnnkyerɛw wɔ ber a yɛda ho wɔ Sunsum mu no, na nyimpa nnyi ho akwan dɛ ɔkã;

116 Na nyimpa so annkotum ada no edzi, osiandɛ wɔnam Sunsum Krɔnkrɔn no tum no a Nyankopɔn dze ma hɔn a wɔdɔ no no, na wɔtsew hɔnho wɔ n’enyim no nko do na wɔdze bohu na bwɔatse ase;

117 Hɔn na ɔma hɔn ho ndzinoa ma wohu na wɔtse ase dze ma hɔnankasa hɔnho;

118 Ama ber a wɔwɔ honam mu yi, wɔnam Sunsum no tum nye edziyi do eetum egyina n’enyim wɔ enyimnyam wiadze no mu.

119 Na enyimnyam, na enyidzi, na ahendzi nyɛ Nyankopɔn na Eguambaa no hɔndze afebɔɔ kesi afebɔɔ. Amen.