iVolanikalou
Vunau kei na Veiyalayalati 73
iVakamacala e botona e ra
Ulutaga

Wase 73

Na veika sa vakatakilai vei Josefa Simici na Parofita kei Sidini Rikitoni mai Airame, Oaio, ena 10 ni Janueri, 1832. Me tekivu mai na itekivu ni Tiseba sa oti, erau sa vunau voli kina na Parofita kei Sidini, ia ena vuku ni ka oqo sa rawa kina me seyavu yani na yalo ca ka sa tubu cake tiko mai me baleta na Lotu (raica na ulutaga ni wase 71).

1–2, Me ra na vunau tikoga na italatala qase; 3–6, Me rau vakuria tale tiko ga na vakadewataki ni iVolatabu me yacova ni sa oti ko Josefa Simici kei Sidini Rikitoni.

1 Ni sa kaya vakaidina vakaoqo na Turaga; sa kilikili vei au me arau tomana tiko na nodrau vunautaka na kosipeli, ka veivakauqeti ki na veisoqosoqo lotu ena veiyasana vakavolivolita, me yacova na koniferedi;

2 Ka qai raica, ni na vakatakilai vei rau, ena adomodra na lewenilotu ena koniferedi, na nodrau itavi e vuqa.

3 Oqo, au sa kaya vakaidina vei kemudrau na noqu tamata, ko Josefa Simici Lailai, kei Sidini Rikitoni, sa kaya na Turaga, sa akilikili mo drau bvakavakadewa tale;

4 Ia, ena veigauna kecega e rawa kina, mo drau vunau ena veiyasana vakavolivolita me yacova na koniferedi; ia ni oti oya sa kilikili me tomani tale na cakacaka ni vakavakadewa me yacova na gauna sa oti kina.

5 Ia me vakaoqo na kena ivalavala vei ira na italatala qase me yacova ni qai vakaroti tale vei ira eso na ka, me vaka sa volai.

6 Oqo sa tei yala mada eke na noqu vosa vei kemudou. Dou avakadreta na ivau ni tolomudou, ka yalomatua. A sa vakakina. Emeni.