iVolanikalou
Vunau kei na Veiyalayalati 68


Wase 68

Na veika sa vakatakilai yani mai vei Josefa Simici na Parofita mai Airame, Oaio, ena 1 ni Noveba, 1831, me isau ni masumasu me vakatakilai na lomana na Turaga me baleti iratou o Osoni Aidi, Luke S. Jonesoni, Laimeni E. Jonesoni kei Viliame E. Makilelini E dina ni a vagolei e dua na iwase ni ivakatakila oqo ena vukudratou na lewe va na turaga oqo, e vuqa na lewena e baleta na Lotu raraba. A qai vakarabailevutaki na ivakatakila oqo ena veidusimaki nei Josefa Simici ena kena tabaki na itabataba ni Vunau kei na Veiyalayalati ni 1835.

1–5, Sa vakatokai me ivolanikalou na vosa era tukuna na italatala qase ni lotu ena veivakauqeti ni Yalo Tabu; 6–12, Me ra vunau ka veipapitaisotaki na italatala qase, ena qai soli na ivakatakilakila vei ira sa vakabauta vakaidina; 13–24, Me ra taura na itutu vaka- Bisopi Vakatulewa ko ira na tagane ulumatua ena kawa i Eroni, (oya, me ra taura na idola vakaveiliutaki ni ra bisopi) ena nodratou veidusimaki na Mataveiliutaki Taumada; 25–28, Era sa vakaroti na itubutubu me ra vakavuvulitaka na kosipeli vei ira na luvedra; 29–35, Me ra vakarokorokotaka na Yalododonu na Siga ni Vakacecegu, dau cakacaka vagumatua ka daumasu.

1 Na noqu tamata, ko Osoni Aidi a kacivi ena nona ilesilesi me kacivaka yani na noqu kosipeli tawavakaiyalayala, ena aYalo ni Kalou bula, mai na dua na matatamata ki na dua tale na matatamata, ka vakakina mai na dua na vanua ki na dua tale na vanua, ena nodra ivavakoso na dau caka ca, ena nodra veivalenilotu, me vakamacalataka ka tasereka na ivolanikalou kece sara ki vei ira.

2 Ka mo dou raica, ka kila, ni sa kena ivakaraitaki oqo vei ira kece sara sa tabaki ki na matabete oqo, na kena itavi sa lesi ki vei ira me ra lako yani—

3 Ka sai koya oqo na kena ivakaraitaki vei ira, me ra avosa ni ra sa vakayavalati ena Yalo Tabu.

4 Ia na ka kecega era sa tukuna ena veivakauqeti ni aYalo Tabu sa ivolanikalou, sa loma ni Turaga, sa nanuma ni Turaga, sa vosa ni Turaga, sa domo ni Turaga, ka sa bkaukauwa ni Kalou me ia kina na veivakabulai.

5 Raica, oqo na nona yalayala na Turaga vei kemudou, Oi kemudou na noqu tamata.

6 O koya mo dou marau kina, ka kakua ni arere, ni’u sa tiko vata kei kemudou koi Au na Turaga, kau na tu e yasamudou; ka mo dou na tukuni au yani, io ko Jisu Karisito, ni sai Au na Luve ni Kalou bula, Ni’u a bula e liu, Au bula tiko edaidai, Ka’u na bula tikoga ena gauna mai muri.

7 Sai koya oqo na vosa ni Turaga vei kemudou, vei aOsoni Aidi na noqu tamata, ka vakakina vei Luke Jonesoni na noqu tamata, kei Laimeni Jonesoni na noqu tamata, kei Viliame E. Makilelini talega na noqu tamata, kei ira kece talega na italatala qase yalodina ni noqu lotu—

8 Dou alako yani ki vuravura taucoko, ka bvunautaka na kosipeli vei ira na ctamata kecega, mo dou cakacaka ena ddodonu au sa solia vei kemudou, ka eveipapitaisotaki ena yaca ni Tamada, kei na Luvena kei na Yalo Tabu.

9 Ia ko akoya sa vakabauta ka papitaiso ena bbula, ia ko koya sa sega ni vakabauta ena ccudruvi.

10 Ia ko koya sa vakabauta ena soli vua na aivakatakilakila eso, me vaka sa volai.

11 Ia ena soli vei kemudou mo dou kila na aivakatakilakila ni veigauna, kei na ivakatakilakila ni nona lesu tale mai na Luve ni Tamata;

12 Ia ko ira kecega sa vakadonui ira ko Tamaqu, ena soli vei kemudou na kaukauwa mo dou avauci ira vata ki na bula tawamudu. Emeni.

13 Ia oqo, me baleta eso tale me ikuri ni veiyalayalati kei na ivakaro, sai ira oqo—

14 Era na tu ena veigauna mai muri, ena gauna sa lewa na Turaga, me ra na vakatikori ki na lotu eso tale na abisopi, me ra vakayacora na cakacaka me vakataki koya sa lesi tu;

15 Ia me ra abete levu bula kilikili, ka me ra lesi mai na bMataveiliutaki Taumada ni Matabete i Melikiseteki, vakavo ga kevaka era kawa dina sara nei cEroni.

16 Ia kevaka era kawa dina sara nei aEroni sa nodra dodonu vakalawa me ra bisopi, kevaka era ulumatua tagane ni kawa i Eroni,

17 Ni sa tu vua na ulumatua na dodonu ki na mataveiliutaki ni matabete oqo, ka vakakina na aidola kei na kaukauwa ni matabete vata oqori.

18 E sega ni dua na tamata e tu vua na dodonu vakalawa ki na itutu oqo, me taura na idola ni matabete oqo, vakavo kevaka e acoke dina sara ka ulumatua ena kawa i Eroni.

19 Ia, me vaka ni tu vei ira na abete levu ena Matabete i Melikiseteki na dodonu me vakaitavi ena veitutu kece sara e ra, sa rawa kina ni vakaitavi ena itutu bvakabisopi kevaka e sega ni kune e dua na kawa dina sara i Eroni, ia ena rawa walega kevaka e kacivi, vakatikori ka tabaki ki na kaukauwa oqori, ena ligadratou na Mataveiliutaki Taumada ni Matabete i Melikiseteki.

20 Ia na kawa dina talega i Eroni, e dodonu me ratou lesi koya ko iratou na Mataveiliutaki, ka me kunei ni sa kilikili kaya, me alumuti, ka btabaki ena ligadratou na Mataveiliutaki, kevaka e sega sa sega ni vakadonui vakalawa me vakaitavi ena nona matabete.

21 Ia, ena vuku ni lawa ka vauci kina na nodra dodonu ki na matabete ka veisolisolitaki mai vei tamana ki vei luvena tagane, sa rawa ni ra kaya ni nodra na veilumuti kevaka e rawa ni ra vakadinadinataka na nodra kawa, se kevaka e vakadeitaki ena ivakatakila mai vua na Turaga ena ligadra na Mataveiliutaki sa cavuti e cake.

22 Kei na dua tale, me kakua ni dua na bisopi se bete levu ka na vakatikori me baleta na itavi oqo me vakatarogi se cudruvi me baleta e dua na cala, mai vei iratou ga na aMataveiliutaki Taumada ni lotu;

23 Ia ni sa kunei na nona cala mai vei iratou na Mataveiliutaki oqo, ena ivakadinadina ka sega ni rawa ni vakalasui, me na qai cudruvi;

24 Ia kevaka sa veivutuni me qai avosoti, me vaka na veiyalayalati kei na ivakaro ni lotu.

25 Kei na dua tale, ena veigauna kece ni ra sa vakaluveni na aitubutubu e Saioni, se ena dua tale na kena biteki sa tauyavutaki tu, ka ra qai sega ni cvakavulica vei ira me ra kila na ivakavuvuli ni veivutuni, vakabauta na Karisito na Luve ni Kalou bula, kei na papitaiso kei na isolisoli ni Yalo Tabu ena veitabaki ni liga, ena gauna era sa yabaki dwalu kina, sa koto kina e buradeladra na itubutubu na eivalavala ca.

26 Ni sa na okati oqo me lawa vei ira na lewei aSaioni, se ena dua na kena iteki sa tauyavu tu.

27 Ka me ra na apapitaiso na luvedra me baleta na bbokoci ni nodra ivalavala ca ena gauna era sa yabaki cwalu kina, ka ra ciqoma na veitabaki ni liga.

28 Ka me ra vakavulici ira talega na luvedra me ra dau amasu, ka lako vakadodonu e matana na Turaga.

29 Ka me ra dau rokova talega na lewei Saioni na Siga ni aVakacecegu ka vakatabuya.

30 Ka me ra na nanuma talega na lewei Saioni na nodra cakacaka, ena veigauna kece era lesi kina me ra cakacaka, ena yalodra dina sara; ni na tarogi ira na Turaga, o ira sa vakasavuliga.

31 Oqo, koi au na Turaga au sega ni marautaka eso na lewei Saioni; ni ra sa tu ena kedra maliwa eso na dau avakasavuliga; kei ira talega na luvedra era sa tubu cake tiko ena caka bcala; era sa sega talega ni csegata vagumatua na iyau ni gauna tawamudu, ia sa sinai ena kocokoco na matadra.

32 E sega ni kilikili me yaco tiko na veika oqo, ka me muduki tani sara mai na kedra maliwa; o koya, me lako yani kina na noqu tamata ko Oliva Kaudari ka vunautaka na veika oqo ena vanua ko Saioni.

33 Ka’u sa solia talega vei ira e dua na ivakaro—ko koya sa sega ni adaumasu vua na Turaga ena kena gauna, me na btarogi kina ena nodra turaganilewa na noqu tamata.

34 Raica sa dina ka dodonu na aitukutuku oqo; ia, dou kakua ni talaidredre se bkauta laivi mai kina e dua na tikina.

35 Raica, koi Au na aAlifa kei na Omeka, ka’u na blako vakidacala mai. Emeni.