Dagiti Nasantuan a Kasuratan
Doktrina ken Katulagan 63


Benneg 63

Paltiing a naited babaen ni Joseph Smith a Propeta, iti Kirtland, Ohio, iti arinunos ti Agosto 1831 (History of the Church, 1:206–211). Simmangpet ti Propeta, da Sidney Rigdon, ken Oliver Cowdery iti Kirtland iti 27 ti Agosto, manipud iti isasarungkarda iti Missouri. Iti pakauna ti panangisuratna iti daytoy a paltiing, insurat ti Propeta, “Kadagitoy maladaga nga aldaw ti Simbaan, adda nagpaiduma a gagar a manggun-od iti balikas ti Apo iti tunggal pagsasaritaan a mabalin a pakaseknan ti pannakaisalakantayo; ket gapu ta ti daga ti Zion ti kapatgan ita iti imatang iti naindagaan, nagsaludsodak iti Apo iti pakaammuan maipapan iti panaguummong dagiti Santo, ken iti panaggatang iti daga, ken dadduma pay a banag” (History of the Church, 1:207).

1–6, Umayto ti aldaw ti pungtot kadagiti nadangkes; 7–12, Umay dagiti tanda babaen ti pammati; 13–19, Tallikudanto dagiti napeklan a mannakikamalala ti pammati ket maipuruakdanto iti dan-aw nga apuy; 20, Umawatto dagiti napudno iti tawid iti daga a nabalbaliwan-langana; 21, Ti sibubukel a pakaammuan kadagiti pasamak iti Bantay a Pakabalbaliwan-langa saan pay a naipalgak; 22–23, Awaten dagiti natulnog dagiti pagsidsiddaawan iti pagarian; 24–31, Nasken a magatang dagiti tawid iti Zion; 32–35, Ipaulog ti Apo ti gubgubat, ket papatayento dagiti nadangkes dagiti nadangkes; 36–48, Nasken nga aguummong dagiti Santo iti Zion ket mangtedda iti kuarta a pangbangon iti daytoy; 49–54, Naipatalged kadagiti napudno dagiti bendision iti Maikadua a Yaay, iti Panagungar, ken bayat ti Millennium; 55–58, Daytoy ti aldaw ti ballaag; 59–66, Binarengbareng dagiti nangaramat iti nagan ti Apo nga awanan iti turay.

1 Imdenganyo, O dakayo a tao, ket luktanyo ti puspusoyo ken denggenyo nga adda iti adayo; ken dumngegkayo, dakayo a mangibilang iti bagbagiyo a tattao ti Apo, ket denggenyo ti balikas ti Apo ken ti pagayatanna maipanggep kadakayo.

2 Wen, pudno, kunak, denggenyo ti timek ti naaronan ti pungtotna kadagiti nadangkes ken anasukir;

3 A siaayat a mangala kadagiti kayatna nga aalaen, ket pagtalinaedenna a sibibiag dagiti taginayonenna;

4 A mangbangon a maibatay iti bukodna a pagayatan ken pakaragsakan; ken mangdadael no kayatna, ket kabaelanna nga ipuruak iti impierno ti kararua.

5 Adtoy, siak, ti Apo, ipeksak ti timekko, ket matungpalto.

6 Gapuna, pudno kunak, pagdenggenyo dagiti nadangkes, ket pagbutngen ken pagarigenggenenyo dagiti nasukir; ket papengdanyo kadagiti di mamatpati dagiti bibigda, ta umayto kadakuada ti aaldaw ti pungtot a kasla balipugpog, ket cmaammuanto ti amin a lasag a siak ti Dios.

7 Ket isu nga agsapul kadagiti tanda makakitanto kadagiti atanda, ngem saan iti pannakaisalakan.

8 Pudno, kunak kadakayo, adda kadakayo dagiti agsapul kadagiti tanda, ket adda kasta uray pay idi punganay;

9 Ngem, adtoy, saan a dumteng ti pammati babaen dagiti tanda, ngem sumaruno dagiti tanda kadagiti mamati.

10 Wen, dumteng dagiti tanda babaen ti apammati, saan a babaen ti pagayatan dagiti tao, wenno iti pakaragsakanda, ngem babaen ti pagayatan ti Dios.

11 Wen, dumteng dagiti tanda babaen ti pammati, kadagiti naindaklan nga aramid, ta no awan ti apammati awan ti tao a makaparagsak iti Dios; ket saan a maragsakan ti Dios kadagiti kagurana; gapuna, saan a mangipakita kadagiti tanda kadagitoy, bpungtot laeng a cpakakednganda.

12 Gapuna, siak, ti Apo, saanak a maragsakan kadakayo nga agsapul kadagiti tanda ken pagsidsiddaawan para iti pammati, ket saan a para iti pagimbagan dagiti tao iti gloriak.

13 Nupay kasta, mangtedak kadagiti bilin, ket adu ti kimmayakay kadagiti bilinko ken saan a nagtungpal kadakuada.

14 Adda kadakayo ti amannakiabig; sumagmamano kadakuada ti kimmayakayen kadakayo, ket nagtalinaed kadakayo ti dadduma a maipalgakto kalpasan daytoy.

15 Pagannaden ken pagbabawyenyo a madagdagus dagita, amangan ta dumteng kadakuada ti panangukom a kasla palab-og, ket maipakita ti kinamauyongda, ket suroten ida dagiti aramidda kadagiti mata dagiti tao.

16 Ket pudno kunak kadakayo, kas nasaokon idi, isu a akumita iti babai a bsigagartem, wenno asino man nga agaramid iti cpannakiabig iti puspusoda, awanto kadakuada ti Espiritu, ngem tallikudanda ti pammati ket agbutengda.

17 Gapuna, siak, ti Apo, nakunak a dagiti amanagbuteng, ken dagiti di mamatpati, ken amin dagiti bulbod, ken asino man nga agayat ken cagaramid iti inuulbod, ken ti mannakiabig, ken ti managan-anito, addanto lugarda iti dayta ddan-aw a dumardarang iti apuy ken asupre, nga isu ti emaikadua nga ipapatay.

18 Pudno kunak, nga awanto ti lugarda iti aumuna a panagungar.

19 Ket ita adtoy, siak, ti Apo, kunak kadakayo a dikayo amaikalintegan, gapu ta adda kadakayo dagitoy a banag.

20 Nupay kasta, isu a amakaibtur a sipapammati ken mangaramid iti pagayatak, makaruk-atto, ket umawatto iti btawid iti daga inton dumteng ti aldaw ti panagbalbaliw-langa;

21 Inton amabalbaliwan-langa ti bdaga, a kas maibatay iti pagtuladan a naipakita kadagiti apostolko iti cbantay; a diyo pay naawat ti pakabuklan ti pasamak.

22 Ket ita, pudno kunak kadakayo, a kas nasaokon nga ipakaammok kadakayo ti pagayatak, adtoy ipakaammok kadakayo, saan a babaen ti pammilin, ta adu ti di mangtungtungpal kadagiti bilinko.

23 Ngem kenkuana a mangtungtungpal kadagiti bilinko ti pangtedak kadagiti akinadatdatlag iti pagariak, ken isu met laeng ti yan ti bubon ti bnabiag a danum, nga cagburayok iti agnanayon a biag.

24 Ket ita, adtoy, daytoy ti pagayatan ti Apo a Diosyo maipanggep kadagiti santona, a nasken nga ummongenda ti bagbagida a sangsangkamaysa iti daga ti Zion, a saan nga agdardaras, amangan ta adda pannakatikaw, a mangyeg iti panagsagaba.

25 Adtoy, ti daga ti aZion—siak, ti Apo, taripatuek kadagiti imak;

26 Nupay kasta, siak, ti Apo, yawatko ken ni aCesar dagiti banag a para ken ni Cesar.

27 Gapuna, siak nga Apo kayatko a gatangenyo dagiti daga, tapno ad-adda ti gundawayyo iti lubong, tapno adda kalinteganyo iti lubong, tapno saanda a magutugot nga agpungtot.

28 Ta naipastreken ni aSatanas iti pusoda ti pungtot a maibusor kadakayo, ken iti panagsayasay ti dara.

29 Gapuna, saanto a magun-od ti Zion no di babaen ti pananggatang wenno babaen ti dara, no saan awan ti tawidenyo.

30 Ket no babaen ti pananggatang, adtoy mabendisionankayo;

31 Ket no babaen ti dara, ta maiparit ti panamagsayasayyo iti dara, ngarud, umay kadakayo dagiti kabusoryo, ket masayyasayyakayo iti tunggal siudad, ken tunggal sinagoga, ket manmanonto ti mabati nga umawat iti tawid.

32 Siak, ti Apo, kapungtotko dagiti nadangkes; laplapdak ti Espirituk kadagiti agindeg iti daga.

33 Inkarik iti pungtotko, ket impaulogko dagiti agubat iti rabaw ti daga, ket papatayento dagiti nadangkes dagiti nadangkes, ket dumtengto ti buteng iti tunggal tao;

34 Ket marigatanto met nga aglibas dagiti asanto; nupay kasta, siak, ti Apo, addaakto kadakuada, ket bbumabaakto iti langit manipud iti imatang ti Amak ket padapuekto dagiti cnadangkes iti di masebseban nga dapuy.

35 Ket adtoy, saan pay nga ita, ngem into no kua.

36 Gapuna, makita a siak, ti Apo, impaulogko amin dagitoy a banag iti rabaw ti daga, pagayatak nga aguummong dagiti santok iti daga ti Zion;

37 Ket tunggal tao nasken nga awatenna ti akinalinteg kadagiti imana ken kinapudno kadagiti lomona, ket ipukkawna ti pamallaag a btimek kadagiti agindeg iti daga; ket ipakdaarna babaen ti balikas ken babaen ti ipapanaw tapno dumteng kadagiti nadangkes ti cliday.

38 Gapuna, paurnosyo kadagiti disipulok iti Kirtland ti naindagaan a pakaseknanda, nga agtaeng iti daytoy a talon.

39 Pailakoyo iti katulongak a ni Titus Billings, nga agay-aywan iti daytoy, ti daga, tapno makasagana iti umadani a kalgaw nga agdaliasat a mapan iti daga ti Zion, a tumipon kadagiti agnaed sadiay, malaksid kadagiti inlatangko a para kaniak, a saan a mapan agingga a diak bilinen ida.

40 Ket paitulodyo amin a kuarta a maurnong, awan ti aniamanna kaniak no bassit wenno dakkel, iti daga ti Zion, kadakuada a tinudingak nga umawat.

41 Adtoy, siak, ti Apo, itedko iti katulongak a ni Joseph Smith, Jun., ti bileg tapno kabaelanna a atingitingen babaen ti Espiritu dagiti mapan iti daga ti Zion, ken kadagiti disipulok nga agbati.

42 Paibatiyo iti katulongak a ni Newel K. Whitney ti pagtagilakuanna, wenno iti sabali a pannao, ti pagtagilakuan, iti bassit pay a panawen.

43 Nupay kasta, paibinglayyo kenkuana ti kuarta a mabalinna nga ibinglay, a maipatulod iti daga ti Zion.

44 Adtoy, adda dagitoy a banag kadagiti imana, paaramidyo kenkuana a maibatay iti pagsiriban.

45 Pudno kunak, ordenanyo a pannakabagi dagiti disipulo nga agbati, ket ordenanyo iti daytoy a bileg;

46 Ket ita darasenyo ti sumarungkar kadagiti simbaan, nga ilawlawagyo dagitoy a banag kadakuada, babaen ti katulongak a ni Oliver Cowdery. Adtoy, daytoy ti pagayatak, manggun-od iti kuarta a kas iti panangiturongko.

47 Isu a anapudno ken makaibtur maparmeknanto ti lubong.

48 Isu a mangipatulod iti kinabaknang iti daga ti Zion umawatto iti atawid iti daytoy a lubong, ket sumurotto kenkuana dagiti aramidna, ken kasta met ti gunggona iti masungad a lubong.

49 Wen, ket nagasat dagiti natay a anatay iti Apo, ta manipud ditoy, inton umay ti Apo, ken blumabasen dagiti daan a banag, ken agbalin a baro amin a banag, cbumangondanto manipud kadagiti natay ket saandanton a dmatay kalpasanna, ket umawatdanto iti tawid manipud iti Apo, iti nasantuan a siudad.

50 Ket isu a nagbiag inton umay ti Apo, ken nangtungpal iti pammati, anagasat; nupay kasta, naituding kenkuana a bmatay iti tawen ti tao.

51 Gapuna, adumakkelto dagiti ubbing agingga a mataenganda; matay dagiti nataengan; ngem saandanto a maturog iti katapokan, ngem bagbaliwdanto iti apagkirem.

52 Gapuna, gapu iti daytoy ti nangikasabaan dagiti apostol iti lubong ti panagungar dagiti natay.

53 Dagitoy a banag ti banag a nasken a kitaenyo; ket, iti panagsaoda a kas iti wagas ti Apo, aasidegdan, ket iti umay a panawen, a kas iti aldaw a yaay ti Anak ti Tao.

54 Ket agingga iti dayta nga oras addanto dagiti maag a abirhen kadagiti masirib; ket iti daytanto nga oras ti yaay ti sapasap a panagsisina dagiti nalinteg ken dagiti nadangkes; ket iti daytanto nga aldaw ti panangibaonko kadagiti anghelko a bmangisina kadagiti nadangkes ket ipuruakda ida iti saan a maiddep nga apuy.

55 Ket ita adtoy, pudno kunak kadakayo, siak, ti Apo, saanak a maragsakan iti katulongak a ni aSidney Rigdon; bintan-okna ti bagina iti pusona, ket saan nga immawat iti pammagbaga, ngem pinagladingitna ti Espiritu;

56 Gapuna saan a maawat iti Apo ti asinuratna, ket mangaramidto iti sabali; ket no saan nga awaten ti Apo, adtoy saanton a maikari iti takem nga intudingko kenkuana.

57 Ket manen, pudno kunak kadakayo, aisuda a naimpusuan nga agtarigagay, a sieemma, a bmangballaag kadagiti managbasol nga agbabawi, maordenanda koma iti daytoy a bileg.

58 Ta daytoy ti aldaw a panamallaag, ken saan nga aldaw ti adu a sarsarita. Ta siak, ti Apo, saanakto a malais kadagiti maudi nga aldaw.

59 Adtoy, naggapuak iti ngato, ket adda iti baba ti bilegko. Siak ti kangatuan iti amin, ken iti amin, ken babaen ti amin, ken amangsukimat iti amin a banag, ket dumteng ti aldaw a paiturayan ti amin a banag kaniak.

60 Adtoy, siak ti aAlpha ken Omega, nga isu ni Jesucristo.

61 Gapuna, pagannadenyo amin a tao no kasano ti panangagapadda iti anaganko

62 Ta adtoy, pudno kunak, nga adu ti adda iti babaen daytoy a panangeddeng, a nangaramat iti nagan ti Apo, ken mangaramat iti barengbareng, ta awananda iti turay.

63 Gapuna, paibabawiyo iti simbaan dagiti basolda, ket siak, ti Apo, alaekto ida; no saan maisinadanto.

64 Laglagipenyo a asagrado dayta naggapu iti ngato, ket nasken a naannad ti bpannakaisaona, ken babaen ti pananggutugot ti Espiritu; ket iti daytoy awan ti pangngeddeng, ket awatenyo ti Espiritu cbabaen ti kararag; gapuna, adda mabati a pangngeddeng no awan daytoy.

65 Pagsapulenyo dagiti katulongak, a da Joseph Smith, Jun., ken Sidney Rigdon, iti balayda, kas insuro kadakuada ti Espiritu babaen ti akararag.

66 Agtalinaed dagitoy a banag a mangrimbaw babaen ti anus, tapno umawatda iti aglaplapusanan ken agnanayon ti abilegna a bgloria, no saan, nakarkaro a pangngeddeng. Amen.