Vunau kei na Veiyalayalati 6
    Footnotes

    Wase 6

    Na ivakatakila sa soli vei Josefa Simici na Parofita kei Oliva Kaudari, e Amoni, Penisilivenia, Epereli ni 1829. Sa tekivuna na nona cakacaka vakavunivola ko Oliva Kaudari ena vakadewataki ni iVola i Momani, 7 ni Epereli, 1829. A sa ciqoma oti ko koya e dua na veivakadeitaki vakalou ena dina ni ivakadinadina ni Parofita me baleta na peleti ka volai tu kina na ivolatukutuku ni iVola i Momani. Sa taroga na Turaga ko koya na Parofita ena Urimi kei na Cumimi ka saumi mai me vakaoqo.

    1–6, Ko ira sa cakacaka ena were ni Turaga era na vakabulai; 7–13, Sa sega na isolisoli me uasivi cake mai na isolisoli ni bula tawamudu; 14–27, Sa vakadinadinataki rawa na dina ena kaukauwa ni Yalo Tabu; 28–37, Mo rai vei Karisito, ka caka vinaka tiko ga.

    1 E dua na cakacaka levu ka aveivakurabuitaki sa voleka ni vakayacori vei ira na luve ni tamata.

    2 Raica, koi Au na Kalou; mo rogoca matua na noqu avosa, ni sa bula ka kaukauwa, sa bgata vakalevu ka mucu ga na iseleiwau batirua, sa wasea rua na isema kei na uto ni sui; o koya mo rogoca matua kina na noqu vosa.

    3 Raica, sa matua tu na awere ka sa vakarau na tatamusuki; ia, ko koya sa gadreva me tatamusuki, me curumaka na nona isele takelo ena nona igu, ka ia na tatamusuki ni sa siga toka, me kumuna vata ki yalona na veivakabulai tawavakaiyalayala ena matanitu ni Kalou.

    4 Io, ko koya yadua sa acurumaka na nona isele takelo ka tatamusuki, sa ikoya dina sa kacivi mai vua na Kalou.

    5 O koya, kevaka dou na akerea vei au, ena soli vei kemudou; kevaka dou tukituki ena dolavi vei kemudou.

    6 Ia oqo, me vaka na nomudou kerekere, raica, au sa kaya vei kemudou, mo dou muria na noqu ivakaro, ka asegata mo dou tura ka vakadeitaka na inaki kei bSaioni;

    7 Dou kakua ni avakasaqara na biyau, ia na cyalomatua ga, ka raica, ena qai vakatakilai vei kemudou na dveika vuni ni Kalou, ka oti dou sa na qai vakavutuniyautaki. Raica, ko koya sa rawata na ebula tawamudu sa vutuniyau.

    8 E dina, e dina, au sa kaya vei iko, me vaka ko sa gadreva mai vei au e sa na vaka dina kina vei iko; ka kevaka ko sa gadreva, ko sa na idewadewa ni veika yaga e vuqa ena itabatamata oqo.

    9 Me kua tale ni dua na ka mo tukuna ia na aveivutuni ga ena itabatamata oqo; muria na noqu ivunau, ka veivuke ena kena vakayacori na noqu cakacaka, me vaka na noqu ivakaro, ia ko na vakalougatataki.

    10 Raica sa tiko vei iko e dua na isolisoli, ka ko sa kalougata ena vuku ni nomu isolisoli. Nanuma ni sa ka atabu sara ka lako mai cake—

    11 Ia kevaka ko na ataroga, ko na kila na veika bvuni e levu ka veivakurabuitaki; o koya mo cakacakataka na nomu cisolisoli, mo kila kina na veika vuni, mo na kauti ira mai kina na lewe vuqa me ra kila na dina, io, me ra dvakila vakataki ira na cala ni sala era muria.

    12 Mo kakua ni vakatakila na nomu isolisoli vua e dua, ia vei ira ga dou sa vakabauta vata. Kakua ni vakawaletaka na veika atabu.

    13 Kevaka ko sa ivalavala dodonu, io, ka avosota ena byalodina me yacova na civakataotioti, ko na vakabulai ena matanitu ni Kalou, sa isolisoli cecere duadua vei ira na isolisoli kecega ni Kalou; ni sa sega tale ni dua na isolisoli e cecere mai na isolisoli ni dbula.

    14 E dina, e dina, au sa kaya vei iko, ko sa kalougata ena ka ko sa kitaka; raica ko sa adau kerekere vei au, ka raica, ni sa levu na nomu kerekere ko sa ciqoma na idusidusi ni Yaloqu. Ke a sega o ya, ke o a sega ni lako mai ki na vanua ko sa tiko kina oqo.

    15 Raica, ko sa kila ni ko sa kerekere vei au kau sa vakararamataka na nomu avakasama; ia au sa tukuna vei iko na veika oqo mo kila ni sa vakararamataki iko na Yalo na vu ni ka dina;

    16 Io, Au sa kaya vei iko, mo kila ni sa sega tale e dua, na Kalou duadua ga e akila na nomu vakasama kei na inaki ni blomamu.

    17 Au sa tukuna vei iko na veika oqo, me ivakadinadina vei iko—ni vosa se cakacaka ko sa vola tiko era adina.

    18 O koya mo agumatua sara; mo btotaki Josefa na noqu tamata, ena yalodina, ena veika dredre cava ga ena sota kaya ena vuku ni vosa.

    19 Mo vunauci koya ena nona cala, ia mo vakarorogo vua ke sa vunauci iko. Mo dauvosota; mo yalodei; mo dau lewa matau; me tu vei iko na yalomalua, na vakabauta, na inuinui kei na loloma uasivi.

    20 Raica, ko iko Oliva, kau sa vosa vei iko ena vuku ni nomu gagadre; o koya mo atugana kina na noqu vosa ki lomamu. Mo yalodina ka gumatua ni muria sara na ivakaro ni Kalou, kau na ovici iko ena liga ni noqu loloma.

    21 Raica, Koi Au ko Jisu Karisito, na aLuve ni Kalou. Sai Au ga sa lako mai vei ira na kai bnoqu, ka ra qai sega ni ciqomi au na kai noqu. Koi Au na crarama sa cilava na dbutobuto, ia na butobuto sa sega ni kunea.

    22 E dina, e dina, au sa kaya vei iko, kevaka ko sa gadreva e dua tale na ivakadinadina, mo nanuma lesu ga na bogi ko a tagi mai kina vei au ena yalomu, mo akila kina na dina ni veika oqo.

    23 Au a sega li ni avakaceguya na nomu vakasama me baleta na ka oqo? Ai bvakadinadina uasivi cava tale ko rawa ni taukena me vakatauvatani kei na kena mai vua na Kalou?

    24 Ia oqo, raica, ko sa ciqoma e dua na ivakadinadina; ni kevaka au sa tukuna vei iko na veika e sega tale na tamata e kila, e sega li ni nomu ivakadinadina ko ya?

    25 Ia, raica, au sa solia vei iko e dua na isolisoli, kevaka ko sa gadreva mai vei au, mo avakavakadewa, me vakataki Josefa na noqu tamata.

    26 E dina, e dina, au sa kaya vei iko, sa tu tale e so na aivolatukutuku ka sa tu kina e vuqa na noqu kosipeli, era sa vunitaki tu ena vuku ni nodra btalaidredre na tamata;

    27 Ia oqo Au sa vakaroti iko, kevaka sa tu vei iko na gagadre vinaka—mo gadreva mo vakaiyau mai lomalagi—io mo veivuke ena vakayagataki ni nomu isolisoli me kau mai ki na rarama na veitiki ni noqu aivolanikalou a vunitaki tu ena vuku ni caka cala.

    28 Ia oqo, raica, Au sa solia vei iko, ka vakakina vei Josefa na noqu tamata, na idola ni isolisoli oqo, me vakatakilai mai kina na noqu cakacaka; me vakadeitaki na vosa kecega ena gusudratou na aivakadinadina e lewe rua se tolu.

    29 E dina, e dina au sa kaya vei kemudrau, kevaka era sa beca na noqu vosa, kei na tiki ni noqu kosipeli kei na cakacaka oqo, drau sa kalougata ga, ni sa sega ni rawa ni levu cake na veika era vakayacora vei kemudrau mai na veika era vakayacora vei au.

    30 Ia kevaka era sa avakayacora vei kemudrau me vaka era sa vakayacora vei au, drau sa kalougata ga, raica drau na btiko vata kei au ena clagilagi.

    31 Ia era na kalougata sara kevaka era sa sega ni avorata na noqu vosa, sa vunautaki yani ena bivakadinadina ka na soli, ia ena vuabale na nomudrau marau ena vua ni nomudrau cakacaka.

    32 E dina, e dina, au sa kaya vei kemudrau, me vaka kau sa kaya vei ira na noqu tisaipeli na tikina sa asoqoni vata kina e lewe rua se lewe tolu ena yacaqu, Au na tiko ena kedratou bmaliwa—sa dina sara o Au ena kemudou maliwa.

    33 Oi kemudrau na luvequ drau kakua ni arere ni kitaka na ka vinaka, ni veika ga drau sa bkaburaka, na ka ga oqori drau na tamusuka tale; o koya, kevaka drau sa kaburaka na veika vinaka drau na tamusuka talega na veika vinaka me kena isau vei kemudrau.

    34 O koya, ni kakua ni rere, na qele ni sipi lalai; caka vinaka; laivi vuravura kei eli me rau cokovata ka saqati iko, ni kevaka ko sa tarai cake ena noqu auluvatu, ena sega sara ni rawa ni ra qaqa.

    35 Raica, au sa vosoti kemudrau; mo drau lako ka kakua ni avalavala ca tale; vakayacora ena yalomatua na cakacaka au sa vakarota vei kemudrau.

    36 Drau avakararavi tiko mai vei au ena vakasama kece; kakua ni vakatitiqa, ka kakua ni rere.

    37 Drau ananuma tiko na we ni moto e sarisariqu kei na we ni bivako ena ligaqu kei na yavaqu; ia mo drau yalodina ka muria sara na noqu ivakaro, ia drau na crawata vakaidina na dmatanitu vakalomalagi. Emeni.