Icandelo 59
Isityhilelo esinikwe ngoJoseph Smith uMprofeti, eZiyon, eJackson Khawunti, eMissouri, Agasti 7, 1831. Okukhokela esi sityhilelo, umhlaba wangcwaliswa, njengokuba iNkosi yathi yayalela, kwaye isiza setempile yexesha elizayo sabingelelwa. Ngomhla esi sityhilelo safunyanwayo, uPolly Knight, inkosikazi kaJoseph Knight Omkhulu, wafa, ilungu lokuqala leBandla ukufa eZiyon. Amalungu akuqala afuzisela esi sityhilelo nje “ngomyalelo wabaNgcwele ekubeni angayigcina njani isabatha kwaye angazila aze athandaze njani.”
1–4, AbaNgcwele eZiyon abathembekileyo baya kusikelelwa; 5–8, Bamele ukuthanda nokukhonza iNkosi kwaye bagcine imiyalelo; 9–19, Ngokugcina umhla weNkosi ungcwele, abaNgcwele bayasikelelwa ngokwasenyameni nasemoyeni; 20–24, Amalungisa athenjiswa uxolo kweli hlabathi nobomi obungunaphakade kwihlabathi elizayo.
1 Qaphela, banoyolo, itsho iNkosi, abathe benyukela kweli lizwe angeliso elijonge kuphela kuzuko lwam, ngokunxulumene nemiyalelo yam.
2 Kuba abo baphilayo baya akudla ilifa umhlaba, kwaye nabo bbafayo baya kuphumla kwimisebenzi yabo, kwaye nemisebenzi yabo iya kubalandela; kwaye baya kuzuza cisithsaba dendlwini kaBawo eneendawo ezininzi, endithe ndabalungiselela yona.
3 Ewe, banoyolo abo banyawo zabo zimi phezu kwelizwe laseZiyon, abathe bathobela ivangeli yam; kuba baya kuzuza ngokomvuzo wabo izinto ezilungileyo zomhlaba, kwaye uya kuzisa angokwamandla wawo.
4 Kananjalo baya kuthweswa ngeentsikelelo ezivela phezulu, ewe, nakwakunye nemiyalelo engembalwa, nakwakunye anezityhilelo ngexesha labo—abo bbanyanisekileyo kwaye cbekhuthele phambi kwam.
5 Ngako oko, ndibanika umyalelo, ndisithi ngolu hlobo: Uze auyithande iNkosi uThixo wakho bngentliziyo yakho iphela, ngamandla akho onke, ngengqondo, nokomelela; nasegameni likaYesu Krestu uze cumkhonze.
6 Uze umthande aummelwane wakho njengokuba uzithanda. Uze bungebi; cungakrexezi, dnakubulala, nakwenza nayiphina into enjalo.
7 Uze auyibulele iNkosi uThixo wakho ezintweni zonke.
8 Uze unikele aumbingelelo kwiNkosi uThixo wakho bngobulungisa, nangako oko kwentliziyo eyaphukileyo cnomoya otyumkileyo.
9 Nokokuba uze uzigcine ngokupheleleyo ngakumbi aungenachaphaza ehlabathini, uze uye endlwini yokuthandaza uze unyusele imithendeleko yakho bngomhla wam ongcwele;
10 Kuba inene lo ngumhla obekelwe wena ukuba uphumle emisebenzini yakho, kwaye aunikele imithandazo yakho koseNyangweni:
11 Nangona kunjalo izifungo zakho ziya kunikelwa phezulu ngobulungisa yonke imihla nangamaxesha onke;
12 Kodwa khumbula okokuba ngalo mhla, umhla weNkosi, uya kunikela angeminikelo yakho nemithendeleko koseNyangweni, buvuma izono zakho kubazalwana bakho, naphambi kweNkosi.
13 Kwaye ngalo mhla uze ungenzi nanye enye into, kuphela yenza ukudla kwakho kulungiswe ngentliziyo enye ukuze ainzila yakho ibe nokugqibelela, okanye, ngamanye amazwi, ukuze bukugcoba kwakho kugqibelele.
14 Inene, le yinzila nomthandazo, okanye ngamanye amazwi, kukugcoba nomthandazo.
15 Kwaye njengokuba nizenza ezi zinto angombulelo, bngeentliziyo cezichwayitileyo neembonakalo, ingabi dkukugigitheka okungakumbi, kuba oku kusisono, kodwa ngentliziyo eyonwabileyo nembonakalo echwayitileyo—
16 Inene ndithi, njengokuba nikwenza oku, inzaliseko yomhlaba yeyenu, amarhamncwa asendle neentaka zezulu, nezo zikhwela phezu kwemithi nezihamba phezu komhlaba;
17 Ewe, nemifuno, nezinto ezilungileyo ezivela emhlabeni, nokokuba zezokutya okanye zezokunxiba, okanye zezezindlu, okanye zezoovimba, okanye zezezitiya zeziqhamo, okanye zezitiya, okanye zezezidiliya;
18 Ewe, zonke izinto ezivela aemhlabeni, ngexesha lazo, zenzelwe inzuzo nokusetyenziswa ngabantu, kunye zikholise iliso nokonwabisa intliziyo;
19 Ewe, ukutya nokunxiba, incasa nokujoja, ukomeleza umzimba nokuvuselela umphefumlo.
20 Kwaye kuyamkholisa uThixo ukuba ethe wazinika abantu zonke ezi zinto; kuba zazenzelwe oku, ngokuziqikelelela, ingabi kukungazeyisi, ingabi kukuphanga.
21 Kwaye akukho nto umntu athi aakhathaze uThixo ngayo, okanye akukho nanye into enokuphembelela umsindo wakhe, ngaphandle kwabo bbangasivumiyo isandla sakhe kwizinto zonke, baze bangayithobeli imiyalelo yakhe.
22 Qaphelani, oku kunxulumene nomthetho nabaprofeti; ngako oko, ungandikhathazi kwakhona ngokunxulumene nalo mba.
23 Kodwa funda okokuba lowo wenza imisebenzi ayobulungisa uya kuzuza bumvuzo wakhe, ckwanoxolo kweli hlabathi, dnobomi obungunaphakade kwihlabathi elizayo.
24 Mna, iNkosi, nditshilo, noMoya unika ubungqina. Amen.