Kyerɛwsɛm
Nkyerɛkyerɛ na Ahyɛmudzi 59


Ɔfã 59

Nyikyerɛ a wɔnam Joseph Smith Nkɔnhyɛnyi no do dze mae, wɔ Zion, Jackson County, Missouri, Dzifuu 7, 1831. Ansaana nsa rebɛkã nyikyerɛ yi no, wɔtseew asaase no ho dɛ mbrɛ Ewuradze see hɔn dɛ wɔnyɛ no, na wotuu bea a ndaamba wobesi temple no hyɛɛ Ewuradze ne nsa. Da no a nsa kãa nyikyerɛ no, nna Polly Knight, Joseph Knight Panyin ne yer wui, Asɔrba a odzi kan a owuu wɔ Zion. Asɔrmba abɔasefo fa nyikyerɛ yi dɛ “nkyerɛkyerɛ a wɔdze ma Ahotseweefo no wɔ mbrɛ wonsi nsie ahomgyeda no na mbrɛ wonsi ndzi mbuada na wɔmbɔ mpaa.”

1–4, Wobehyira Ahotseweefo nokwafo no a wɔwɔ Zion; 5–8, Ɔwɔ dɛ wɔdɔ Ewuradze, wɔsom no na wodzi Ne mbrasɛm do; 9–19, Sɛ Ahotseweefo no sie Ewuradze Ne da no krɔnkrɔn a, wobehyira hɔn wɔ honam nye sunsum mu; 20–24, Wɔbɔ atseneneefo no anohoba dɛ wobenya asomdwee wɔ wiadze yi mu nye onnyiewiei nkwa wɔ wiadze a ɔreba no mu.

1 Hwɛ, Ewuradze se, nhyira akã hɔn a wɔaba asaase yi do a wɔdze aenyiwa kor hwɛ m’enyimnyam dɛ mbrɛ me mbrasɛm no se.

2 Na hɔn a wɔbɛtsena nkwa mu no benya aasaase yi edzi, na hɔn a bwobowu no bɔhom efi hɔn berɛ nyina mu, na hɔn ndwuma bedzi hɔn ekyir; na wobenya cahenkyɛwdm’Egya fie no a mesiesie ama hɔn no mu.

3 Nyew, nhyira akã hɔn a hɔn anamɔn si Zion asaase do, hɔn a wɔayɛ setsie ama m’asɛmpa no; na hɔn akatua nye dɛ wobenya asaase no do ndzepa nyina na ɔbɔsow aba wɔ an’ahoɔdzen mu.

4 Na wɔdze nhyira so a ofi sor bɛhyɛ hɔn ahenkyɛw; nyew, mbrasɛm a ɔkã ho no nnyɛ kuma, nye anyikyerɛ wɔ n’aber mu—hɔn a bwodzi nokwar na cwosi nketse wɔ m’enyim no.

5 Dɛm ntsi, medze mbrasɛm yi ma hɔn se dɛ: Hom mfa hom aakoma nyina, nye hom ahom, hom adwen, nye hom ahoɔdzen nyina bndɔ Ewuradze hom Nyankopɔn, na hom cnsom no wɔ Jesus Christ ne dzin mu.

6 Hom ndɔ hom anyɛnko dɛ homankasa homho. Mma hom bnnwia adze; mma hom cnntõ awar, na mma hom dnndzi ewu so, anaadɛ mma hom nnyɛ biribiara a ɔtsetse dɛm.

7 Hom anda Ewuradze hom Nyankopɔn ase wɔ adze nyina mu.

8 Hom mbɔ aafɔr mma Ewuradze hom Nyankopɔn wɔ btseneneeyɛ mu, hom mfa akoma a abobɔ nye csunsum a abotow mpo nyɛ.

9 Aama hom eetum aaatsew homho efi wiadze nkekãa ho, hom nkɔ mpaabɔ fie wɔ me bda krɔnkrɔn no mu nkedzi sacrament no;

10 Na nokwar, iyi nye da a woeyi esi hɔ ama hom dɛ hom nhom mfi hom ndwuma nyina ho, na hom ansom Ɔsorsornyi no;

11 Naaso, hom tum bɔ hom anohoba wɔ tseneneeyɛ mu da biara na aber biara.

12 Mbom hom nkaa dɛ Ewuradze ne da yi, ɔwɔ dɛ hom bɔ hom aafɔr ma Ɔsorsornyi no, na hom dzi hom sacrament no, na hom bnkã hom bɔn nkyerɛ hom nuanom, na wɔ Ewuradze enyim.

13 Na ɔnnsɛ dɛ hom yɛ biribiara wɔ dɛm da yi mu, na mbom hom mfa komakor nyɛ hom edziban ama hom aakɔnkye eedzi mu, anaa yɛbɛkã dɛ, ama hom benyigye aahyɛ mã.

14 Nokwar, iyi nye akɔnkye na mpaabɔ, anaa yɛbɛkã dɛ, enyigye na mpaabɔ.

15 Na mber dodow a hom dze aakoma a benyigye ahyɛ no mã nye enyimtsewee cda ase wɔ ndzɛmba yinom ne yɛ ho, na hom nnyɛ no datwetwesi mu, osiandɛ iyi yɛ bɔn, na mbom hom dze enyigye akoma nye enyimtsewee yɛ—

16 Nokwar mese dɛ, mber dodow a hom yɛ iyi no, asaase ne mãhyɛ yɛ homdze, hamu mbowa nye wimu ntumbowa nye dza wɔfow ndua nye dza wɔnantsew asaase do nyina;

17 Nyew, nye ahataw, nye ndzepa a ofi asaase mu ba, dɛ ɔyɛ dza wodzi anaa wɔdze yɛ efuradze, anaa wɔdze si adan, anaa asɛn anaa nduaba kwã, anaa ture anaa wenyin ture;

18 Nyew, ndzɛmba nyina a ofi aasaase mu ba, wɔ ne ber ano no, wɔyɛe dze maa nyimpa ne yieyɛ, dɛ ɔnsɔ enyi na ɔmfa dɛw nhyɛ akoma mu;

19 Nyew, wɔmfa nyɛ edziban nye efuradze, ama wɔayɛ dɛw, na wɔayɛ huam, wɔahyɛ honandua no dzen na woekenyan ɔkra no.

20 Na ɔyɛ Nyame enyigye dɛ ɔdze ndzɛmba yinom ama nyimpa; na dɛm ntsi na ɔyɛe, na dɛ wonsusu ne ndzii ho, na mma wonndzi no ntrado, na mma wɔmmbɔ epoo so wɔ ho.

21 Na biribiara nnyi hɔ a nyimpa nam do afom Nyankopɔn, anaa obiara nnyi hɔ a n’ebufuhyew dzɛw no do, kã hɔn a bwɔnngye nnto mu dɛ ne nsa wɔ biribiara mu, na wonndzi ne mbrasɛm do.

22 Hwɛ, iyi nye dza mbra no nye nkɔnhyɛfo no akã; dɛm ntsi, mma hom nnhaw me bio wɔ asɛm yi ho.

23 Mbom hom nhu dɛ nyia ɔyɛ atsenenee ndwuma no benya bn’akatua, obenya casomdwee so mpo wɔ wiadze yi mu, nye donnyiewiei nkwa wɔ wiadze a ɔreba no mu.

24 Emi, Ewuradze na makã dɛm, na Sunsum no gye ho dase. Amen.