Mwakoro 58
Kaotioti ae kaotaki rinanon Iotebwa Timiti te Burabeti, i Tion, te Aono ae Jackson, Missouri, n Aokati 1, 1831. N te moan Tabati i mwin rokon te burabeti ao raona ni mwananga n te Aono ae Jackson, Missouri, e karaoaki botakin te ekaretia, ao uoman kaain te botaki a bwabetitoaki ao ni butimwaeaki. I nanon te wiki anne, a roko tabeman Aomata aika Itiaki mai Colesville man te Mwanga i Thompson ma tabeman riki (taraa mwakoro 54). A mwaiti ake a ingainga ni kan ata ana kantaninga te Uea ni kaineti ma aroia n te tabo ni ikotaki ae e boou.
1–5, Naake a teimatoa n te rawawata a na bon baunaki ma te mimitong; 6–12, Aomata aika a Itiaki a na riai ni katauraoia ibukin ana mare te Tiibu te Teei ao ana amwarake te Uea; 13–18, Bitiobi bon taan tia moti i Iteraera; 19–23, Aomata aika a Itiaki a na riai n ongeaba nakon tuan te aba; 24–29, Aomata a na riai ni kamanena inaomataia n rinerine ni karaoa ae e raoiroi; 30–33, E tua te Uea ao e kamaunai; 34–43, N rairi nanoia, aomata a na riai ni kaoti ao ni kitan aia bure; 44–58, Aomata aika Itiaki a na riai ni kabooi abaia ni bwaibwai ao ni ikotaki i Missouri; 59–65, Te euangkerio e na riai n tataekinaki nakoia aomata ni kabane.
1 Ongora, O ngkami unimwaanen au ekaretia, ao anga taningami nakon au taeka, ao reiakinii bwaai mai irou aika au kantaninga ibukimi, ao aika a kaineti naba nakon te aaba aei are I kanakoingkami nako iai.
2 Bwa e koaua ae I tuangkami, a na kakabwaiaki ake aa kawakini au tua, n te maiu aei ke n te bmate; ao ane e ckakaonimaki n tain te drawawata, e na karekea te kanuanga ae e korakora riki n abanuean karawa.
3 Kam aki kona n nooria ni matami, n te tai aio, ana baire aAtuami ni kaineti ma bwaai akekei ake a na riki n taai aika a na roko, ao te bmimitong are e na rimwiin karawawata aika a mwaiti.
4 Bwa i mwin akarawawata aika a mwaiti e na roko taian bkakabwaia. Mangaia are e na roko te bong are kam na cbaunaki ma te dmimitong ae e mwaiti; te tai e tuai roko, ma e a kaan.
5 Uringa aio, ake I tuangingkami mai i mwaaina, bwa kam na akaraua ni iangoia raoi, ao ni butimwaai bwai ake i mwina.
6 Nooria, e koaua ae I tuangkami, bwa aio bukin ae I kanakoingkami—bwa kam aonga n ongeaba, ao bwa a aonga ni akatauraoaki nanomi ni kaota ami bkoaua ibukin bwaai aika a na roko;
7 Ao bwa kam aonga naba ni karekea te karineaki ni kawenea aan, ao ni kakoauai bwaai ake a kaineti ma te aba are e na tei i aon ana aTion te Atua;
8 Ao bwa e aonga naba te baka n amwarake aika a rangi ni kangkang ni katauraoaki ibukiia akainnano; eng, te baka n amwarake aika a rangi ni kangkang, mooi wain ma bmantoana aika a bane itiakiia, bwa e aonga te aonaba n ataia bwa aia taeka burabeti a na bon koro bukiia;
9 Eng, te amwarake n umwan te Uea, e katauraoaki raoi, are a na bane aaba nako ni kaoaki nako iai.
10 Moanibwai, naake a kaubwai ao ake a rabakau, naake a wanawana ao ake a kakannato;
11 Ao i mwin anne e na roko bongin mwaakau; i mwina naake a kainnano, mwauku, ao mataki, ao bonotaninga, a na rin nako n ana amare te Tiibu te Teei, ao ni kana ana bamwarake te Uea, are e katauraoaki ibukin te bong ae kakannato ae e na roko;
12 Nooria, Ngai, te Uea, I a tia n taekini;
13 Ao n te aro anne e na waaki nako te akakoaua mai Tion, eng, man wiin kaawan te aba ni bwaibwai iroun te Atua—
14 Eng, ibukin aei I a tia ni kanakoko nakon te tabo aei, ao n tia n rinea au tia mwakuri ae aEdward Partridge, ao man anganna ana mition n te aba aei.
15 Ma ngkana e aki raira nanona man ana bure, aika te aki kakoaua ao matakiin nanona, e na tarataraia bwa e kawa ni abwaka.
16 Nooria e anganaki ana mition nakoina, ao e aki kona ni manga anganaki riki.
17 Ao ane e karaoa te mition aei e bon rineaki bwa te atia moti i Iteraera, n ai arona n taai ake ngkoa, ni bwenauai aaba ake aaba ni bwaibwai iroun te Atua nakoia bnatina.
18 Ao ni motikitaekaia ana aomata man aia koaua naake a raoiroi, ao man aia ibuobuoki taan ibuobuoki, ni kaineti ma tuan abanuean te Atua are a tia n anganaki irouia ana aburabeti te Atua.
19 Bwa e koaua ae I tuangkami, au tua a na riai ni kawakinaki n te aba aio.
20 A na akea te aomata ae e na iangoia bwa ngaia te tia tautaeka; ma te Atua e na tautaekana ane e motikitaeka, ni kaineti nakon oin nanona, ke, n taekinana teuana, teuare e anga taeka n reirei ke e tekateka i aon te kaintekateka ni motikitaeka.
21 A na akea te aomata ae na urua atuan te aba, bwa ane e kawakina ana tua te Atua e aki riai n urua tuan te aba.
22 Mangaia are, kam na mena i aaia naake a tautaeka i aomi, ni karokoa te tai are ae tautaeka iai teuare iai inaomatana n tautaeka, ao ni kaaki taan kairiribai ni kabane i aan waena.
23 Nooria, atua ake kam a tia ni karekei mai baiu bon tuan te ekaretia, ao kam na kaoti nakoia n te aro aei. Noria, aio te wanawana.
24 Ao ngkai, n aron ae I a tia n taetae ni kaineti ibukin au tia mwakuri ae Edward Partridge, te aba aei bon ana tabo ni maeka, ao naake e rineia bwa ana taan ibuobuoki; ao te aba naba ibukin ana tabo ni maeka teuare I a tia n rineia bwa te tia kawakina au abata ni kaikobwai.
25 Mangaia are, a na uotii mai aia utu nakon te aba aei, ngkai a na reirei i bon imarenaia ao Ngai.
26 Bwa nooria, e aki riai bwa N na tuangko bwaai ni kabane; bwa ane e kairoroaki ni bwaai ni kabane, bon te tia mwakuri ngaia ae ataningaroti ao e aki wanawana; mangaia are e na bon aki karekea kanuangana.
27 E koaua ae I taku, aomata a na riai ni aingainga ni kan karaoa te waki ae e raoiroi, ao ni karaoi bwai aika a mwaiti n oin nanoia, ao ni kakoroa bukin te raoiroi ae e mwaiti;
28 Bwa e mena te mwaaka irouia, ngaia are a ainaomata ni karaoa are a taku. Ao ngkana a karaoa ae e raoiroi aomata ao a na bon aki kona ni kabua kanuangaia.
29 Ma ane e aki karaoa te bwai teuana ni karokoa ae e tuangaki, ao ni butimwaea te tua ma te nanokokoraki, ao ni karaoia ma te taningaroti, e na bon akabuakakaaki.
30 Antai Ngai ae I akarika te aomata, e taku te Uea, ao N na kaakea ana bure ae e aki ongeaba nakon au tua?
31 Antai Ngai, e taku te Uea, ae I a tia ni aberita ao n aki kakoroi bukina?
32 I anga te tua ao aomata aki ongeaba; I akamaunai au tua ao aki karekea te kakabwaia.
33 Ao ngkanne a taku inanoia: Tiaki ana mwakuri te Uea aio, bwa a aki koro bukin ana berita. Ma a na reke kaia, bwa e na roko kanuangaia mai ainano, ao tiaki mai eta.
34 Ao ngkai I anganiko riki kaetieti ni kaineti ma te aba aei.
35 Bon te wanawana aei irou bwa au tia mwakuri ae Martin Harris e na riki bwa te banna ni katooto nakon te ekaretia, ni akatukan ana mwane imatan te bitiobi n te ekaretia.
36 Ao aio naba te tua nakoia aomata ni kabane ake a nakomai nakon te aba aei ni karekea abaia ni bwaibwai; ao e na karaoa ana mwane ni kaineti ma are e taekinaki n te tua.
37 Ao bon te wanawana naba bwa e na riai n iai aaba aika a na kaboaki i Independence, bwa te tabo ibukin te bata ni kaikobwai, ao ibukin naba te auti ni abooreeti.
38 Ao tabeua riki kaetieti ni kaineti ma au tia mwakuri ae Martin Harris e na bon anganaki mai iroun te Tamnei, bwa e aonga ni karekea ana bwaibwai n aron nooran raoiroina irouna;
39 Ao e na raira nanona man ana bure, ngkai e ukoukora akamoamoakina n te aonaba.
40 Ao au tia mwakuri ae aWilliam W. Phelps e na tei n te nakoa are I a tia n rineia nako iai, ao ni karekea ana bwaibwai n te aba.
41 Ao e kainnanoa naba te rairanano, bwa Ngai, te Uea, I aki rangi ni kukurei irouna, bwa e ukoukora te kan rietata, ao e aki tau ana nanorinano i matau.
42 Nooria, ane e tia n araira nanona man ana bure, ao e na bon bkabwaraaki ana bure, ao Ngai, te Uea, N na aki manga curing ana bure.
43 Ao n te aro aei kam na ataa te aomata ae rairananona man ana bure—nooria, e na bon akaotii ana bure ao ni bkiitan.
44 Ao ngkai, e koaua ae I taekinna ni kaineti ma nikiraia unimwaanen te ekaretia, te tai e tuai moa n roko, i nanon ririki aika mwaiti, ibukiia bwa a na karekea abaia ni bwaibwai n te aba aei, ti ngkana e korakora nanoia iai rinanon te tataro n onimaki, ti ngkana a anganaki iroun te Uea.
45 Bwa, nooria, a na bon abutuia aomata ni ikotiia ni kabane mai tabon te aonaba.
46 Mangaia are, ikotingkami ni kabane; ao naake aki rineaki bwa a na tiku n te aba aei, a na riai n tataekina te euangkerio n taabo ake a uakaan; ao i mwin anne a na oki rikaaki nakon mwengaia.
47 A na riai n tataekin i aoni kawaia, ao ni akaoti koaua ibukin te koaua n taabo nako, ao ni bubutiia naake a kaubwai, naake a rietata ao naake a rinano, ao naake a kainnano bwa a na rairi nanoia.
48 Ao a na katei amwanga n te ekaretia, ngkana kaain te aonaba a rairi nanoia.
49 Ao e na riai n rineaki temanna te tia tei mani bwanaaia kaain te ekaretia, ibukin te ekaretia i Ohio, ni karekea te mwane ni kabooi aaba i aTion.
50 Ao I anga nakon au tia mwakuri ae Sidney Rigdon te tua, bwa e na riai ni akorea kabwarabwaraan te aba are Tion, ao te koroboki ibukin ana kantaninga te Atua, n aron are e na bon kaotaki nakoina mai iroun te Tamnei.
51 Ao te reta ma te beeba ae a kona ni korea araia iai, bwa e na kaotaki nakon mwangan te ekaretia ni kabane ibukin karekean mwaane, ni kaakaki i nanon bain te Bitiobi, i bon irouna ke te tia tei, n aron nooran raoiroina irouna ke n anga te babaire, ni kabooi aaba ibukin abaia ni bwaibwai natin te Atua.
52 Bwa, nooria, e koaua ae I tuangkami, te Uea e kaantaningaia bwa au taan reirei ao natia aomata a na riai ni kauki nanoia, ibukin kabooan te aono aei ni kabwaninna n te aba, n te tai ae e waekoa are e angaraoi iai.
53 Nooria, aio te wanawana. A na karaoa aio bwa a kaawa n aki reke aaia bwaibwai, ma ti ngkana a katinakoa te raraa.
54 Ao teuana riki, ngkana arona bwa iai te aba ae e karekeaki, a na riai ni iai taani mwakuri n aekaia nako bwa a na kanakoaki nakon te aba aei, bwa a na mwakuri ibukiia ana aomata te Atua aika itiaki.
55 A na riai ni karaoaki bwaai aikai ni kabane n etin aroia; ao kabwaia man te aba a na kaotaki man te tai teuana nakon te tai teuana, mai iroun te Bitiobi ke te tia tei n te ekaretia.
56 Ao te mwakuri ibukin te ikoikotaki e na aki karaoaki n te ienikuri, ke man te birinako; ma e na karaoaki ni kaineti nakon aia reirei unimwaanen te ekaretia n tain te maungatabu, ni kaineti ma te atatai are a karekea man te tai teuana nakon te tai teuana.
57 Ao e riai au tia mwakuri ae Sidney Rigdon ni kakabwaia ao ni katabua te aba aei, ao te tabo ibukin te atembora, nakon te Uea.
58 Ao e na teweaki te botaki ni maungatabu; ao i mwina a riai au tia mwakuri aika Sidney Rigdon ao Iotebwa Timiti te Ataei, n oki rikaaki, ao Oliver Cowdery naba ma ngaiia, ni katiai nikiran mwakuri ake I a tia n anganiia n oin abaia, ao nikiran mwakuri ake a na abaireaki man te maungatabu.
59 Ao e na akea temanna ae e na oki rikaaki man te aba aei tii ngkana e akaota ana koaua i aon kawaia, ni kaineti ma are e ataia ao man rang ni kakoaua raoi.
60 Te bwai are e a tia n anganaki Ziba Peterson e na manga anaaki mai irouna; ao e na kateaki bwa ngaia kaain te ekaretia, ao ni mwakuri ma oin baina, ma kaain te ekaretia, ni karokoa e tia ni akatuaeaki ibukin ana bure ni kabane; bwa e aki kaotii ana bure, ao e iangoia bwa e na karabai ana bure.
61 A riai nikiraia unimwaanen te ekaretia aei, ake a na roko n te aba aei, tabeman mai i buakoia a bon rangi n riao kakabwaiaakiia, n tewea naba te maungatabu n te aba aei.
62 Ao au tia mwakuri ae Edward Partridge e na kaira te maungatabu are e na teweaki irouia.
63 Ao a na oki rikaaki naba, n tataekina te euangkerio i aoni kawaia, ni kaota aia koaua ni bwaai ake a tia n kaotaki nakoia.
64 Bwa, e koaua, bwa e riai ni waaki nako te rongoaa man te tabo aei nakon te aonaba ni kabane, ao nako tabotabon te aonaba ni kabanea—e riai n atataekinaki te euangkerio nakoia aomata ni kabane, ao naake a kakoaua a na karekei bkanikina.
65 Ao nooria Natin te aomata e na aroko. Amen