Vunau kei na Veiyalayalati 56
    Footnotes

    Wase 56

    Na veika sa vakatakilai yani mai vei Josefa Simici na Parofita mai Katiladi, Oaio, ena 15 ni June, 1831. A vunauci ena ivakatakila oqo o Esera Tea ena nona a sega ni muria e dua na ivakatakila e liu (na “ivakaro” ka tukuni tiko ena tikina e 8), ka a ciqoma o Josefa Simici ena vukuna, ka vakaroti kina o Tea me baleta na nona itavi ena qele ni teitei nei Veretariki G. Viliame, ka vakaitikotiko kina. Na ivakatakila e muri oqo e sa bokoci talega kina na ilesilesi nei Tea me lako vata kei Tomasi B. Masi ki Misuri (raica na wase 52:22).

    1–2, Sa dodonu me ra colata na nodra kauveilatai na Yalododonu ka muria na Turaga me rawa ni ra vakabulai kina; 3–13, Na Turaga ga ena solia ka veisautaka tale na ivakaro, io ko koya sa talaidredre kina ena muduki tani; 14–17, Ena ca vei kemudou na vutuniyau ni dou sa sega ni vukei ira na dravudravua, ia ena ca vei kemudou na dravudravua sa sega ni raramusumusu na yalomudou; 18–20, Sa kalougata ko ira sa dravudravua ka savasava na lomadra, ni ra na taukena na vuravura.

    1 Dou vakatudaliga, koi kemudou sa ataura na yacaqu, sa kaya na Turaga na nomudou Kalou, ia raica, sa waqa sara na noqu cudru vei ira na dau veisaqasaqa; io era na kila na kaukauwa ni ligaqu kei na noqu cudru, io ena siga au na btotogitaki ira kina na veimatanitu kecega ena noqu cudru waqawaqa.

    2 Ia ko koya sa sega ni colata na nona akauveilatai me bmuri au, ka muria na noqu ivakaro, ena sega ni vakabulai.

    3 Raica, au sa veivakaroti koi au na Turaga; ia ko koya sa atalaidredre ena bmuduki tani ena gauna au sa lewa, ni sa oti na noqu veivakaroti ka sa voroki na noqu ivakaro.

    4 Ia koi au na Turaga, sa veivakaroti ka abokoca tale na ivakaro, me vaka na noqu lewa; ia na ka oqo ena saumi e uludra ko ira sa btalaidredre, sa kaya na Turaga.

    5 Ia, au sa bokoca na noqu ivakaro vei rau ko aTomasi B. Masi kei Esera Tea na noqu tamata, kau sa solia kina e dua na ivakaro vou vei Tomasi na noqu tamata, me lako kusarawa ki na vanua ko Misuri, ia me na lako vata yani kei koya ko Sela J. Kirivini na noqu tamata.

    6 Ia raica, au sa bokoca na ivakaro ka a soli vei rau ko Sela J. Kirivini kei Niueli Naiti na noqu tamata, ena vuku ni nodra domodomoqa kei na nodra veisaqasaqa na noqu tamata mai Tomuseni.

    7 Ia, me tiko vata ga mai kei ira ko Niueli Naiti na noqu tamata; raica ko ira kecega sa vakamalumalumutaki ira vei au, ka ra sa via lako, me na liutaki ira yani ko koya ki na vanua au sa lesia.

    8 Kei na dua tale, au sa kaya vakaidina vei kemudou, me veivutunitaka sara ko Esera Tea na noqu tamata na nona aqaciqacia, kei na nona yalokocokoco, ka me talairawarawa ki na ivakaro taumada au a tukuna vua me baleta na vanua e tiko kina.

    9 Ia kevaka sa kitaka vakakina, me vaka ni na sega ni wasewasei na qele, e se lesi tikoga ko koya me lako ki na vanua ko Misuri;

    10 Kevaka e sega sa na suka vua na ilavo sa sauma oti, ka me biuta na vanua oqo, ka na amuduki tani mai na noqu lotu, sa kaya na Turaga na Kalou ni lewe vuqa;

    11 Ia ena takali yani ko lomalagi kei vuravura, ia na vosa oqo ena sega ni atakali, ena yaco kecega.

    12 Raica kevaka sa sauma na ilavo ko Josefa Simici Lailai, na noqu tamata, au na sauma lesu vua koi au na Turaga ena vanua ko Misuri, ia ko ira yadua sa soli mai kina, ena saumi lesu vei ira me vaka na levu ni nodra isolisoli;

    13 Ni ena vakatau ena veika era solia na veika era na ciqoma, ia ena vanua sara mada ga ena nodra ivotavota vakawa.

    14 Raica, sa kaya vakaoqo na Turaga vei ira na noqu tamata—sa levu sara na ka mo dou kitaka kei na ka mo dou veivutunitaka; ia raica, sa kuvu cake mai vei au na nomudou ivalavala ca, ia dou sa sega ni vosoti, ni dou sa amuria ga na nomudou ivakasala.

    15 Raica sa sega ni cegu rawa na lomamudou. Dou sa talaidredre ki na ka dina, ia dou sa arekitaka ga na itovo ca.

    16 Ena ca vei kemudou na tamata avutuniyau, ni dou sa sega ni bsolia na nomudou iyau vei ira sa cdravudravua, ia na nomudou diyau ena veveka kina na yalomudou; raica na ka oqo dou na tagi kina ena siga ni veitotogitaki, kei na veilewai, kei na veicudruvi: Ni sa cava na etatamusuki, sa oti na vula i katakata, ka sega ni vakabulai na yaloqu!

    17 Ena ca vei kemudou na tamata adravudravua, sa sega ni raramusumusu na lomamudou, ka sega ni bibivoro na yalomudou, ka sega ni mamau rawa na ketemudou, ka sega ni tarovi rawa na ligamudou ena kovei ni nodra iyau na tani, ka sa sinai ena bkocokoco na matamudou, ka dou sa sega ni rawa ni cakacaka e ligamudou!

    18 Ia era sa kalougata ko ira na adravudravua ka savasava na lomadra, ka sa braramusumusu na lomadra, ka bibivoro na yalodra, ni ra na raica ni sa yaco mai na cmatanitu ni Kalou ena kaukauwa levu kei na lagilagi me vakabulai ira; ni ra na taukena na ka vinaka kecega e dvuravura.

    19 Ia raica, ena lako mai na Turaga, ka na lako vata kaya mai na nona aveisausaumi, ena mai saumi ira na tamata yadua, ia era na marau na dravudravua;

    20 Ia era na qai ataukena na vuravura na nodra itabatamata mai na itabatamata ki na itabatamata, me sega ni mudu ka sega ni mudu. Raica sa tei yala mada eke na noqu vosa vei kemudou. Io ena vakakina. Emeni.