Isigaba 51
Isambulo esanikwa ngoJoseph Smith umPhrofethi, eThompson, e-Ohio, ngomhlaka 20Â Meyi, 1831. Ngalesi sikhathi abaNgcwele ababethutha besuka ezifundazweni ezingasempumalanga baqala ukufika e-Ohio, futhi kwaba nesidingo sokwenza izinhlelo zokubatholela izindawo zokuhlala. Ngoba lomsebenzi ikakhulu wawuqondene nesikhundla sikambhishobhi, umBhishobhi u-Edward Partridge wafuna umyalelo ngaloludaba, futhi umPhrofethi wabuza eNkosini.
1–8, U-Edward Partridge ubekwa ukuba alawule ubuphathi nezimpahla; 9–12, AbaNgcwele kufanele bathembeke omunye komunye futhi bafumane ngokulinganayo; 13–15, Kufanele babe nendlu yengcebo kambhishobhi futhi bahlele izimpahla ngokomthetho weNkosi; 16–20, I-Ohio kufanele kube yindawo yokuhlanganela yesikhashana.
1 Ngilaleleni, kusho iNkosi uNkulunkulu wenu, futhi ngizokhuluma encekwini yami au-Edward Partridge, futhi ngizomnika izindlela; ngokuba kunesidingo sokuthi anikwe izindlela zokuthi bazohlelwa kanjani laba bantu.
2 Ngokuba kunesidingo sokuthi bahlelwe ngokwe amithetho yami; uma kungenjalo, bazosuswa.
3 Ngalokho-ke, inceku yami u-Edward Partridge, nalabo abakhethile, engithokozile kakhulu ngabo, makahlukanisele laba bantu izingxenye zabo, wonke umuntu angokulinganayo ngokomndeni wakhe, ngokwezimo zakhe nangezimfuno bnezidingo zakhe.
4 Futhi inceku yami u-Edward Partridge, uma eyohlukanisela umuntu ingxenye yakhe, makamunike okubhaliwe okokuqinisekisa kuye ingxenye yakhe, ukuthi uyobanayo, ngisho lelilungelo nalelifa ebandleni, aze one futhi engabe esabalwa njengofanele ngezwi lebandla, njengokwemithetho anezivumelwano zebandla, ukuba abe ngowebandla.
5 Futhi uma ona futhi engabalwa njengofanele ukuba ngowebandla, ngeke abe namandla okulanda leyongxenye ayinikele kumbhishobhi ukuze kuzuze abampofu nabadingayo bebandla lami; ngakho-ke, ngeke asigcine isipho, kodwa uyoba nelungelo lokuthola kuphela leyongxenye atayitelwe ngayo.
6 Futhi ngaleyo ndlela zonke izinto ziyoqinisekiswa, angokuhambisana bnemithetho yezwe.
7 Futhi lokho okungokwalaba bantu makwahlukaniselwe laba bantu.
8 Futhi aimali esale kulaba bantu—makubekhona umphatheli wabo omiselwe laba bantu, ozothatha bimali abafunele ukudla nokokwembatha, ngokwezimfuno zalaba bantu.
9 Futhi wonke umuntu amakathembeke omunye komunye, futhi afane nomunye phakathi kwalaba bantu, futhi afumane ngokufanayo, ukuze nibe bmunye, njengoba nginiyalile.
10 Futhi lokho okungokwalaba bantu makungathathwa futhi kunikwe abazalwane belinye aigatsha lebandla.
11 Ngalokho-ke, uma elinye igatsha lebandla lifuna ukuthola imali kuleligatsha lebandla, malikhokhe kuleligatsha lebandla futhi njengoba beyovumelana.
12 Futhi lokhu kuyokwenziwa ngombhishobhi noma ngomphatheli, ozobekwa angezwi lebandla.
13 Futhi phezu kwalokho, umbhishobhi makamise aindlu yengcebo yaleli gatsha lebandla; futhi makuthi konke okuyimali nokudlekayo, okungaphezulu bkokudingekile kwezimfuno zalaba bantu, kugcinwe ezandleni zikambhishobhi.
14 Futhi naye makazigcinele futhi ngokwezimfuno zakhe, nangokwezimfuno zomndeni wakhe, njengoba eyobe eqashelwe ukwenza lomsebenzi.
15 Futhi ngaleyo ndlela nginika kulaba bantu ilungelo lokuzihlela ngokwe amithetho yami.
16 Futhi nginikela kubo alendawo okwesikhashana, ngize mina, iNkosi, ngibalungiselele ngenye indlela, futhi ngize ngibayale ukuba bahambe kulendawo;
17 Futhi ihora nosuku akunikiwe kubo, ngalokho-ke mabasebenze kulendawo njengabazohlala iminyaka, futhi lokhu kuyoba nomphumela omuhle kubo.
18 Bhekani, lokhu kuyoba ayisibonelo encekwini yami u-Edward Partridge, nakwezinye izindawo, kuwo wonke amabandla.
19 Futhi lowo otholakale engothembekile, olungile, futhi nohlakaniphile aumphathi uyongena bekujabuleni kweNkosi yakhe, futhi uyodla ifa lempilo yaphakade.
20 Ngiqinisile, ngithi kini, nginguJesu Kristu, aoza masinyane, bngehora eningalicabangiyo. Ngisho kanjalo. Amen.