Tusitusiga Paia
Mataupu Faavae ma Feagaiga 51


Vaega 51

Faaaliga na tuuina mai e ala mai ia Iosefa Samita le Perofeta, i Tomasone, Ohaio, i le aso 20 o Me, 1831. O le taimi lea na amata ona taunuu mai ai le Au Paia na malaga mai setete i sasa’e i Ohaio, ma sa tatau ai ona faia ni fuafuaga ma’oti mo le faanonofo mautuina o i latou. Ona o lenei galuega o se mea faapitoa lava lea e a le tofi o le epikopo, o lea na saili ai e Epikopo Eteuati Paterika se faatonuga e faatatau i le mataupu, ma o lea na ole atu ai le Perofeta i le Alii.

1–8, Ua tofia Eteuati Paterika e pulea matafaioi ma meatotino; 9–12, E tatau i le Au Paia ona faamaoni i mea e fai ma tausia tutusa; 13–15, E tatau ona i ai ia i latou se faleteuoloa o le epikopo ma faatulaga meatotino e tusa ma le tulafono a le Alii; 16–20, Ia fai Ohaio ma nofoaga lē tumau e faapotopoto i ai.

1 Faalogo mai ia ia te a’u, ua fetalai mai ai le Alii lo outou Atua, ma o le a Ou tautala atu i la’u auauna o aEteuati Paterika, ma tuu atu ia te ia ni faatonuga; aua e tatau ona maua e ia faatonuga e faatatau i le ala e faatulaga ai lenei nuu.

2 Aua e tatau ona faatulagaina i latou e tusa ai ma a’u atulafono; afai e ese ai, o le a vavaeeseina i latou.

3 O le mea lea, ia tuu atu i la’u auauna o Eteuati Paterika, ma i latou o e ua ia filifilia, o e ua Ou fiafia lava i ai, latou te tofi atu i lenei nuu a latou vaega, ia atutusa uma tagata taitoatasi e tusa ai ma lona aiga, e tusa ai ma ona tulaga ma ona manaoga ma emea ua tatau ai mo ia.

4 Ma ia tuu atu i la’u auauna o Eteuati Paterika, o le a ia tuu atu i se tagata lana vaega, ia tuu atu ia te ia se pepa tusia e faamau ai ia te ia lana vaega, ia umia e ia, lea lava aiā ma lea lava tofi i le ekalesia, seia vagana ai ua solitulafono o ia ma lē faitau agavaaina e le leo o le ekalesia, e tusa ai ma tulafono ma afeagaiga o le ekalesia, e auai i le ekalesia.

5 Ma afai e solitulafono o ia ma ua lē faitau agavaa e auai i le ekalesia, o le a lē maua e ia le aiā e maua ai le vaega lena na ia faapa’ia atu i le epikopo mo e ua matitiva ma e ua lē tagolima o la’u ekalesia; o lea, o le a lē mafai e ia ona taofia le meaalofa, ae o le a nao le vaega lena na faamau atu ia te ia e aiā i ai.

6 Ma ia faapea ona faia o mea uma ma le mautinoa, e atusa ai ma etulafono o le laueleele.

7 Ma ia tuu mea e a lenei nuu e tofi atu i lenei nuu.

8 Ma o le atupe e totoe mai i lenei nuu—ia tofia se sui i lenei nuu, na te ave le etupe e maua mai ai ni meaai ma lavalava, e tusa ma manaoga o lenei nuu.

9 Ma ia tuu atu i tagata uma taitoatasi ia afaamaoni i mea e fai, ma ia tutusa i totonu o lenei nuu, ma maua tutusa, ina ia etasi outou, e pei lava ona ou poloaiina ai outou.

10 Ma ia tuu mea e a lenei nuu ia lē avea ma tuuina atu i se atasi aulotu.

11 O le mea lea, afai e fia maua e se tasi aulotu se tupe mai i le aulotu lenei, ia tuu atu ia te i latou ia toe totogi mai i le aulotu lenei e pei ona latou malilie i ai.

12 Ma ia faia lenei mea e ala atu i le epikopo po o le sui, lea ia tofia e ala i le aleo o le aulotu.

13 O lenei foi, ia tuu atu i le epikopo e faatuina se afaleteuoloa mo lenei aulotu; ma ia tuu atu mea uma e aofia ai tupe ma meaai, ua tele atu nai lo mea ua emanaomia mo manaoga o lenei nuu, ia tausia e lima o le epikopo.

14 Ma ia tuu atu foi ia te ia e faasao mo ia lava ni mea mo ona lava manaoga, ma mo manaoga o lona aiga, ona o le a faigaluega o ia i le taulimaina o lenei mataupu.

15 Ma ua faapea ona ou tuu atu i lenei nuu se avanoa e faatulaga ai i latou lava e tusa ai ma a’u atulafono.

16 Ma ua ou faapaiaina mo i latou alenei laueleele mo se vaitau itiiti, seia oo ina faia e A’u, o le Alii, se isi mea mo i latou, ma poloaiina i latou e o atu i ai;

17 Ma o le itula ma le aso e lei tuuina atu ia te i latou, o le mea lea ia tuu atu ai ia te i latou ia galulue i luga o lenei laueleele e peiseai ua mo ni tausaga e tele, ma o le a liliu mai lenei mea ia te i latou mo lo latou lelei.

18 Faauta, ia avea lenei mea ma ase faataitaiga i la’u auauna o Eteuati Paterika, i isi nofoaga, i aulotu uma.

19 Ma ai se e maua o ia o se atausimea faamaoni, fai mea tonu, ma atamai, o le a ulufale atu i le eolioli o lona Alii, ma o le a maua e ia le ola e faavavau.

20 E moni, Ou te fai atu ia te outou, o A’u o Iesu Keriso, o lē ua vave ona asau, i se eitula tou te lē mafaufauina. E faapea lava. Amene.