1 Adtoy, ibagak kenka, nga iti panagtarigagay ti katulongak a ni ^aMartin Harris a saksi a naggapu kaniak, a sika, katulongak a Joseph Smith, Jun., naalam dagiti ^bpinanid a pinaneknekam ken insuratmo nga inawatmo kaniak;

2 Ket ita, adtoy, daytoy ti ibagamto kenkuana—isu a nakisao kenka, imbagana kenka: Siak, nga Apo, ti Dios, ket intedko kenka dagitoy a banag, katulongak a Joseph Smith, Jun., ket binilinka a nasken a tumakderka a ^asaksi kadagitoy a banag;

3 Ket kayatko a nasken a sumrekka iti katulagak, a nasken a dimo ipakita kadakuada malaksid kadagiti ^atao nga imbagak kenka; ken awan ti ^bbilegmo kadakuada malaksid no ikkanka.

4 Ket addaanka iti sagut a mangipatarus kadagitoy a pinanid; ket daytoy a sagut ti umuna nga itedko kenka; ket binilinka nga agpammarang nga awan ti sabali a sagut agingga a matungpal ti panggepko iti daytoy; ta saanka nga ikkan iti sabali a sagut agingga a malpas.

5 Pudno, kunak kenka, nga ay-ayto dagiti agindeg iti daga no ^adida dumngeg kadagiti balikasko;

6 Ta manipud ditoy ^amaordenankanto ken mapanka ket idanonmo dagiti ^bbalikasko kadagiti annak ti tattao.

7 Adtoy, no dida ^amamati kadagiti balikasko, didanto mamati kenka, katulongak a Joseph, no mabalin nga ipakitam kadakuada amin dagitoy a banag nga imbilinko kenka.

8 O, daytoy di ^amamatpati ken ^bnasukir a kaputotan—simged ti pungtotko kadakuada.

9 Adtoy, pudno kunak kenka, ^ainlatangko dagidiay a banag nga intalekko kenka, katulongak a Joseph, a kaniak nainsiriban a panggep, ket maipakaammonto kadagiti sumaruno a kaputotan;

10 Ngem awatento kenka daytoy a kaputotan ti balikasko;

11 Ken mainayon pay iti ^apammaneknekmo, ti pammaneknek dagiti tallo a katulongak, nga awagakto ken ordenan, a pangipakitaak kadagitoy a banag, ket mapandanto a balonda dagiti balikasko a naited babaen kenka.

12 Wen, maammuandanto nga awan duadua a pudno dagitoy a banag, ta manipud iti langit ipakdaarkonto kadakuada.

13 Ikkakto ida iti bileg tapno maimatangan ken mabuyada dagitoy a banag iti talaga a langada;

14 Ket ^aawanto ti sabali a pangtedak iti daytoy a bileg, nga umawat iti isu met la a pammaneknek nga aggapu iti daytoy a kaputotan, iti daytoy ti pangrugian ti ibabangon ken idadateng ti ^bsimbaanko manipud iti langalang—nalawag a kas iti ^cbulan, ken napintas a kas iti init, ken nakaam-amak a kas iti buyot nga addaan iti wagayway.

15 Ket ti pammaneknek dagiti tallo a ^asaksi ti pangitulodko iti balikasko.

16 Ket adtoy, asino man a ^amamati kadagiti balikasko, isudanto ti ^bsarungkarak a ^cpakaipakitaan ti ^dEspirituk; ket ^emaipasngaydanto kaniak, uray iti danum ken iti Espiritu—

17 Ket nasken nga agurayka pay iti bassit a panawen, ta saanka pay a ^anaordenan—

18 Ket ipaneknekdanto met iti ^apanangeddeng daytoy a kaputotan no patangkenenda ti puspusoda a maibusor kadakuada;

19 Ta maipaayto kadagiti agindeg iti daga ti naliday a ^apannusa, ket agtultuloyto a maibukbok iti sagpaminsan, no saanda nga ^bagbabawi, agingga nga ^cubbawton ti daga, ken maibuston ken awan duadua a madadael dagiti agindeg dita babaen ti lawag ti ^dyaayko.

20 Adtoy, ibagak kenka dagitoy a banag, a kas met iti ^apanangibagak kadagiti tao ti pannakadadael ti Jerusalem; ket mapaneknekanto iti daytoy a kanito ti ^bbalikasko a kas iti pannakapanekneknan ditoy.

21 Ket ita bilinenka, katulongak a Joseph, nga agbabawi ken magna a nalinlinteg iti sangok, ket saankan a sumuko kadagiti uy-uyot dagiti tao;

22 Ken agbalinka a natibker iti ^apanangsurotmo kadagiti bilin nga intedko kenka; ket no aramidem daytoy, adtoy itedko kenka ti agnanayon a biag, uray pay no ^bmapapatayka.

23 Ket ita, manen, ibagak kenka, katulongak a Joseph, maipanggep iti ^atao nga agtarigagay iti saksi—

24 Adtoy, kunak kenkuana, intan-okna ti bagina ket saan a naan-anay ti panagpakumbabana kaniak; ngem no agtamed kaniak, ket ipakumbabana ti bagina iti naindaklan a kararag ken pammati, iti kinapudno ti pusona, palubosak a ^amangbuya kadagiti banag a tarigagayanna a makita.

25 Sananto kuna kadagiti tao iti daytoy a kaputotan: Adtoy, nakitak dagiti banag nga impakita ti Apo ken ni Joseph Smith, Jun., ket ^aammok nga awan duadua a pudnoda, ta nakitak ida, ta naipakitada kaniak babaen ti bileg ti Dios a saan ketdi a ti tao.

26 Ket siak nga Apo bilinek, ti katulongak a ni Martin Harris, a saanen nga agsao pay kadakuada iti maipanggep kadagitoy a banag, malaksid no kunana: Nakitak ida, ket naipakitada kaniak babaen ti bileg ti Dios; ket dagitoy a balikas ti ibagana.

27 Ngem no ilibakna daytoy dadaelenna ti katulagan nga intulagna kaniak, ket adtoy, makedngan.

28 Ket ita, malaksid no ipakumbabana ti bagina ken annugotenna kaniak dagiti banag a naaramidna a biddut, ket makitulag kaniak a tungpalenna dagiti bilinko, ken mamati kaniak, adtoy, kunak kenkuana, awanto ti mabuyana, ta awanto ti ipabuyak kenkuana kadagiti banag a nasaokon.

29 Ket no kastoy ti mapasamak, bilinenka, katulongak a Joseph, nga ibagamto kenkuana, a saannan nga aramiden, wenno riribukennak pay maipanggep iti daytoy a banag.

30 Ket no kastoy ti mapasamak, adtoy, kunak kenka Joseph, no nakaipataruskan iti sumagmamano pay a panid agsardengka iti maysa a panawen, uray agingga a bilinenka manen; sakanto manen makaipatarus.

31 Ket malaksid no aramidem daytoy, adtoy, saankan a maaddaan pay iti sagut, ket alaek amin dagiti banag nga intalekko kenka.

32 Ket ita, gapu iti masirsirmatak nga agur-uray a pakadadaelam, wen, masirsirmatak a no saan nga agpakumbaba ti katulongak a ni Martin Harris ket umawat iti saksi kaniak, a matnagto iti pagbasolan;

33 Ket adu dagiti agur-uray a ^apakadadaelam iti rabaw ti daga; ket gapu iti daytoy, a pannakayatiddog dagiti aldawmo, naitedko kenkan dagitoy a bilin.

34 Wen, gapu iti daytoy nakunak: Agsardengka, ket agtakderka a sililinteg agingga a bilinenka, ket ^aitedko dagiti kasapulam a pakatungpalam iti banag nga imbilinko kenka.

35 Ket no ^anapudnoka nga agtungpal kadagiti bilinko, ^bmaitan-okkanto iti maudi nga aldaw. Amen.