Dagiti Nasantuan a Kasuratan
Doktrina ken Katulagan 49


Benneg 49

Paltiing a naited kada Sidney Rigdon, Parley P. Pratt, ken Leman Copley, babaen ni Joseph Smith a Propeta, iti Kirtland, Ohio, idi Marso 1831 (History of the Church, 1:167–169). (Sumagmamano a nagadawan iti pakasaritaan ti mangted iti petsa daytoy a paltiing a Mayo 1831.) Inawat ni Leman Copley ti ebanghelio ngem naggudeng pay laeng kadagiti sumagmamano a pannursuro dagiti Shaker [Manangbutbuteng] (Gunglo Dagiti Mamati iti Maikadua a Panagparang ni Cristo), a sigud a pakaibilanganna. Sumagmamano kadagiti pammati dagiti Shaker a napasamaken ti maikadua a yaay ni Cristo ken nagparang iti langa ti babai, a ni Ann Lee; saan a maibilang a nasken ti panagbuniag iti danum; naipangpangruna a maipawil ti panagsida iti baboy, ken adu ti di nagsida iti ania man a karne; ken maibilang a nangatngato nga agpang ti di panangasawa ngem iti panagasawa. Iti panangirugina iti daytoy a paltiing, insurat ti Propeta, “Tapno nalawlawag ti pannakaawat iti daytoy a saritaan, nagsaludsodak iti Apo, ket naawatko ti sumaganad” (History of the Church, 1:167). Barusngien ti paltiing ti sumagmamano a nakaibatayan ti kapanunotan ti ragup dagiti Shaker. Intugot dagiti kabsat a naagapad ti kopia ti paltiing iti purok dagiti Shaker (iti asideg ti Cleveland, Ohio) ket binasada a sibubukel, ngem dida inawat.

1–7, Agtalinaedto a di ammo ti aldaw ken oras a yaay ni Cristo agingga a dumteng; 8–14, Nasken nga agbabawi ti tao, mamati iti ebanghelio, ken agtungpal kadagiti ordinansa tapno maisalakan; 15–16, Imbilin ti Dios ti panagasawa; 17–21, Maipalubos ti panagsida iti karne; 22–28, Rumang-ayto ti Zion ken agbukar dagiti Lamanite a kas iti rosas sakbay ti Maikadua a Yaay.

1 Imdenganyo ti balikasko, katulongak a Sidney, ken Parley, ken Leman; ta adtoy, pudno kunak kadakayo, a bilinenkayo a mapan amangikasaba iti ebangheliok nga inawatyo, a kas iti pannakaawatyo, kadagiti Shaker.

2 Adtoy, kunak kadakayo, a tarigagayanda a maammuan ti paset laeng ti kinapudno, ngem saan nga amin, ta saanda a apudno kaniak ket masapul nga agbabawida.

3 Gapuna, ibaonkayo, katulongak a Sidney ken Parley, a mangikasaba iti ebanghelio kadakuada.

4 Ket nasken a maordenan ni katulongak a Leman iti daytoy a trabaho, tapno maikalinteganna ida, a saan a maibatay iti inawatna kadakuada, ngem maibatay iti aisuroyonto a katulongak kenkuana; ket iti panangaramidna, bendisionakto, no saan saanto a rumang-ay.

5 Kastoy ti kinuna ti Apo; ta siak ti Dios, ket aimbaonko ti Bugbugtong nga Anakko iti lubong para iti bpannakasubbot ti lubong, ket impaulogko nga isu nga umawat kenkuana maisalakanto, ket isu a di umawat kenkuana cmailunodto

6 Ket inaramidda iti aAnak ti Tao a kas iti panangilistada; ket innalana ti bilegna iti bmakanawan ti cdayagna, ket agturay ita iti langit, ket agturay agingga a bumaba iti daga tapno dilupekna dagiti kabusorna, iti asidegen a panawen—

7 Siak, ti Apo a Dios, nasaokon; ngem awan ti tao a makaammo iti aaldaw ken oras, uray pay dagiti anghel iti langit, wenno maammuandanto agingga nga umay.

8 Gapuna, kayatko nga agbabawi dagiti amin a tao, ta anagbasolda amin, malaksid dagiti inlatangko, dagiti bnasantuan a tao a diyo am-ammo.

9 Gapuna, kunak kadakayo nga impatulodko kadakayo ti agnanayon a akatulagak, a kas iti dayta a manipud iti punganay.

10 Ken dayta nga inkarik tungpalek, ket aagtamed dagiti bpagilian iti daga; ket, no saan a ti bagbagida, bumabadanto, ta ti nangitan-ok iti bagina ita cmaibabanto ti bilegna.

11 Gapuna, bilinenkayo a amapan kadagitoy a tao, ket ibagayo kadakuada, a kas iti apostolko a nagkauna, a ni Pedro:

12 Mamatikayo iti nagan ti Apo a Jesus, nga adda idi iti daga, ken dumtengto, ti pangrugian ken ti panungpalan;

13 aAgbabawikayo ken agpabuniag iti nagan ni Jesucristo, a maibatay iti nasantuan a bilin, para iti pannakaugas dagiti basol;

14 Ket asino man a mangaramid iti daytoy umawatto iti asagut ti Espiritu Santo, babaen ti panangipatay kadagiti bdakulap dagiti elder ti simbaan.

15 Ket manen, pudno kunak kadakayo, nga asino man a amangipawil iti panagasawa saanto nga ordenan ti Dios, ta inordenan ti Dios iti tao ti bpanagasawa.

16 Gapuna, nainkalintegan a nasken a maaddaan iti maysa nga aasawa, ket agkappengda a bmaymaysa, ket amin dagitoy tapno matungpal ti cdaga ti pannakaparsua;

17 Ket iti kasta mapno iti bilang ti tao, a maibatay iti apannakaparsuana bsakbay ti pannakaaramid ti lubong.

18 Ket asino man a amangipawil iti panagsida iti bkarne, tapno saan met nga agsida dayta a tao, saan nga inordenan ti Dios;

19 Ta, adtoy, dagiti aayup iti talon ken dagiti tumatayab iti tangatang, ken ti agtaud iti daga, naordenan nga aramaten ti tao a taraon ken aruaten, ket tapno maaddaan iti kinabuslon.

20 Ngem saan a naited a agamgamen ti maysa a tao iti ad-adu ngem ti sabali, gapuna managbasol ti blubong.

21 Ket ay-ayto pay ti tao a amamagsayasay iti dara wenno mangdadael iti lasag a dina kasapulan.

22 Ket manen, pudno kunak kadakayo, a saan nga aumay ti Anak ti Tao iti langa ti babai, wenno tao nga agbambaniaga iti daga.

23 Gapuna, saankayo a apaallilaw, ngem ituloyyo ti kinatibkeryo, a bkumitkita iti langit a madayyegto, ken ti daga nga agarigenggen ken aggayonggayongto a kasla nabartek a tao, ken dagiti cpatad a maitan-ok, ken dagiti dbantay a maipababanto, ken dagiti narusanger a lugar a mapalinisto—ket amin dagitoy inton puyoten ti anghel ti etrumpetana.

24 Ngem sakbay a dumteng ti naindaklan nga aldaw ti Apo, rumang-ayto ni aJacob iti langalang, ket bagbukarto dagiti Lamanite a kas iti rosas.

25 aRumang-ayto ti Zion kadagiti bturod ken agragsak kadagiti bantay, ket aguummongdanto a sangsangkamaysa iti lugar nga intudingko.

26 Adtoy, kunak kadakayo, mapankayo a kas imbilinko kadakayo; agbabawikayo kadagiti amin a basolyo; adumawatkayo ket maikkankayonto; agtuktokkayo ket malukatanto kadakayo.

27 Adtoy, umayakto kadakayo ket asarunuenkayo; ket addaakto iti btengngayo, ket saankayonto a cmabainan.

28 Adtoy, siak ni Jesucristo, ket umayak a di aagtaktak. Pudno a kasta. Amen.