Tasal 47
K’utb’esinb’il na’leb’ k’eeb’il rik’in xtz’uumal re laj Jose Smith li Profeet, sa’ Kirtland, Ohio, 8 Marzo 1831. Laj John Whitmer, li ak kik’anjelak chaq jo’ aj tz’iib’ choq’ re li Profeet, kiwiib’an xch’ool naq kipatz’man re naq taak’anjelaq jo’ aj k’uulanel esilal ut aj tz’iib’anel re li Iglees, jo’ reqaj laj Oliver Cowdery. A’an kixtz’iib’a, “Ink’a’ raj twaj xb’aanunkil a’ut xinye naq chi’uxmanq li rajom li Qaawa’, ut wi a’an taa’ajoq re, laa’in twaj naq tixk’utb’esi rik’in xtz’uumal re laj Jose aj Ilol Na’leb’.” Chirix naq laj Jose Smith kixk’ul li k’utb’esinb’il na’leb’ a’in, laj John Whitmer kixk’ulub’a ut kik’anjelak sa’ li opiis xaqab’anb’il wi’.
1–4, Laj John Whitmer na’eetaliik re tixk’uula li resilal li Iglees ut taatz’iib’aq choq’ re li Profeet.
1 K’e reetal, aajel ru choq’ we naq lin moos aj John tixtz’iib’a ut tixk’uula jun aesilal chi tustu, ut naq tatxtenq’a, at inmoos Jose, sa’ xtz’iib’ankil chixjunil li k’a’aq re ru li k’eeb’ilaq aawe, toj reetal naq taab’oqe’q chixb’aanunkil jalan chik k’anjel.
2 Jo’kan wi’chik, chi yaal ninye aawe naq naru ajwi’ chixtaqsinkil xyaab’ xkux sa’eb’ li ch’utam, yalaq jo’q’e taa’ajmanq ru.
3 Ut jo’kan wi’chik, ninye aawe naq xaqab’anb’ilaq choq’ re a’an xtz’iib’ankil resilal ut xhuhil li iglees chi rajlal, xb’aan naq laj Oliver Cowdery kinxaqab’ sa’ jalan chik opiis.
4 Jo’kan ut, taak’eemanq re a’an, a’ yaal jo’ naq tiik chi paab’ank, rik’in laj aK’ojob’anel Ch’oolej, xtz’iib’ankil li k’a’aq re ru a’in. Chi jo’kan. Amen.