iVolanikalou
Vunau kei na Veiyalayalati 47


Wase 47

Na veika sa vakatakilai yani mai vei Josefa Simici na Parofita, mai Katiladi, e Oaio, ena 8 ni Maji, 1831. A sega ni vinakata taumada ko Joni Witima, o koya a sa veiqaravi oti mada vakavunivola vua na Parofita me taura na itutu vaka daunitukutuku makawa ka daunivolaitukutuku, me sosomitaki Oliva Kaudari. A vola kina, “Au sega ni via cakava kevaka e vakatau vei au ia au vinakata me vakayacori ga na loma ni Turaga, ia kevaka e vinakata ko koya, au gadreva me vakatakila mai vei Josefa na Daurairai.” Ni oti nona ciqoma o Josefa Simici na ivakatakila oqo. A ciqoma o Joni Witima ka veiqaravi ena itutu sa lesi kina.

1–4, Sa lesi ko Joni Witima me qarava na itukutuku ni Lotu ka me vunivola tale ga vua na Parofita.

1 Raica au sa lewa me itavi i Joni na noqu tamata, me dau vola ka maroroya tiko e veigauna e dua na aitukutuku ni lotu, ka me vukei iko Josefa na noqu tamata, me vola na itukutuku ni veika kece sa vakatakilai vei iko, me yacova ni sa kacivi ki na veitavi tale eso.

2 Dua tale, au sa kaya vakaidina vei iko, sa rawa tale ga me laveta cake na domona ena veisoqoni kevaka e vinakati.

3 Ka dua tale, au sa kaya vei iko, me na lesi ko koya me na dau vola na itukutukuvolai ni lotu kei na itukutuku makawa ni’u sa lesi Oliva Kaudari ki na dua tale na cakacaka.

4 Ia, ena soli vua, ena veigauna e yalodina kina, mai vua na aDauveivakacegui, me vola na veika oqo. A sa vakakina. Emeni.