1 Hom ntsie, O hom a hom yɛ ^am’asɔrmba, hom a wɔdze ^bahenman no ama; hom ntsie, na hom nyɛ aso mma nyia ɔtoow asaase ne fapem no, nyia ^cɔbɔɔ sor nye dɔmtutuw a wɔwɔ mu nyinara no, nyia wɔnam no do yɛɛ ndzɛmba nyinara a wɔtse ase na wɔkekã hɔn ho, na wɔwɔ hɔ.

2 Na bio, mese, hom ntsie me ndze, amma ^aowu aammfa hom; wɔ ^bdɔn a hom nnsusu mu dɛ ɔhyewber botwa mu, na ^ctwaber aba ewiei, na hom akra nnyaa nkwa.

3 Hom ntsie nyia ɔyɛ ^adzimafo no wɔ Egya n’enyim, nyia ɔserɛ hom asɛm ma hom wɔ n’enyim no—

4 Se dɛ: Egya, hwɛ nyia ɔannyɛ ^abɔn no ^bn’amandzehu na no wu, ɔno a ɔsɔ w’enyi no; hwɛ wo Ba no bɔgyaa a okyii no, nyia iyii no mae ama woeekyi no bɔgyaa aahyɛ wo ^cenyimnyam;

5 Dɛm ntsi, Egya, gye mo nuanom yinom a ^awɔgye me dzin dzi no, ama wɔaaba mo hɔ na woeenya ^bdaapem nkwa.

6 Hom ntsie, O, mo nkorɔfo a hom yɛ m’asɔrmba, na hom elderfo, hom mbɔ mu ntsie, na hom ntsie me ndze wɔ ber a hom kã dɛ ^andɛ yi, na mma hom mmpirim hom akoma;

7 Na nokwar, mese hom dɛ, emi nye ^aAlpha na Omega, ahyɛse nye ewiei no, wiadze kan nye nkwa no—^bkan a ɔhyerɛn wɔ sum mu na sum no annkyer no.

8 Mebaa mankasa medze hɔ, na mankasa medze anngye me; na mbom dodowara a wɔgyee me no, memaa hɔn ^atum dɛ wɔmfa nyɛ ^betumdze pii, na wɔmbɛyɛ Nyame ne ^cmba; na hɔn a ^dwɔgyee me dzin dzii no so mpo memaa hɔn tum ma wɔdze eenya ^eonnyiewiei nkwa.

9 Na masoma ^am’ahyɛmudzi a ɔwɔ hɔ ^bdaapem no so mpo wɔ wiadze dɛ ɔmbɛyɛ kan mfa mma wiadze, na ɔnyɛ ^cesusudze mfa mma mo nkorɔfo, na ^dAmanamamfo mper nhwehwɛ no, na ɔnyɛ ^eɔsomafo ndzi m’enyim nkesiesie kwan a ɔda m’enyim no.

10 Dɛm ntsi, hom mbra ne nkyɛn, na nyia ɔba no, menye no beyi atsɛn dɛ mbrɛ menye tsetseberdomba no yii atsɛn no, na mebɛma hom ehu mbrɛ me ^anyansaa mu dɔ.

11 Dɛm ntsi, hom mbɔ mu ntsie na hom mma menkyerɛ hom me nyansaa—nyia hom kã dɛ ɔyɛ ^aEnoch na no nuanom hɔn Nyame ne nyansaa no,

12 Hɔn a ^awɔpaa hɔn fii asaase do, na megyee hɔn dze maa moho—^bkuropɔn a wɔdze esie kesi dɛ tseneneeyɛ da no bɛba—da a nyimpa ahotsewfo nyina peree hwehwɛe, na osian emumuyɛ nye ndzeyɛbɔn ntsi woennhu no;

13 Na wɔpaa mu dɛ wɔyɛ ^aanana na akwantufo wɔ asaase do;

14 Mbom wɔbɔɔ hɔn ^aanohoba dɛ wɔnhwehwɛ na wonhu wɔ honam mu.

15 Dɛm ntsi, hom ntsie na menye hom beyi atsɛn, na mebɛkasa akyerɛ hom na mahyɛ nkɔm, dɛ mbrɛ medze yɛɛ tsetseberdomba no.

16 Na medze ^abɛkyerɛ hom pefee dɛ mbrɛ medze kyerɛɛ m’esuafo no ber a migyinaa hɔn enyim wɔ honam mu, na mekasaa kyerɛɛ hɔn se dɛ: Dɛ mbrɛ hom ebisa me wɔ ^bnsɛnkyerɛdze a ɔfa me mbae ho no, wɔ da a mebɛba wɔ m’enyimnyam mu wɔ sor mununkum mu no, dɛ merebɛhyɛ anohoba a medze bɔɔ hom egyanom mã no.

17 Na dɛ mbrɛ hom ahwɛ mber tsentsen a hom ^aesunsum ^bfii hom nyimpadua mu no dɛ ɔyɛ ndɔmmumfa no, mebɛkyerɛ hom mbrɛ ɔpon da no bɛyɛ bɛba, na ber so a Israelmba a ^cwɔabɔ apetse no hɔn ^dnsanananmu.

18 Na sesei, hom hu temple a ɔwɔ Jerusalem yi, dza hom frɛ no Nyankopɔn ne fie, na hom atamfo so kã dɛ fie yi nnkɔhwe ase da,

19 Na nokwar, mese hom dɛ, dɛm amamfoyɛ yi bɛba ebusuasantsen yi do anafua dɛ owifo, na wɔbɛsɛɛ nkorɔfo yinom na wɔabɔ hɔn apetse aman nyina do.

20 Na temple yi a hom hu no sesei yi wonkegya ɔbo kor mpo a ɔda kor do wɔ hɔ a wonnkodwuruw egu famu.

21 Na ɔbɛba dɛ, Jewfo ebusuasantsen yi runntwa mu nnkɔ gyedɛ amamfoyɛ biara a makã ho asɛm akyerɛ hom no ayɛ hɔ ansaana.

22 Hom kã dɛ, hom nyim dɛ ^awiadze ewiei reba, na hom kã so dɛ hom nyim dɛ ɔsor nye asaase botwa mu;

23 Na dza hom kã wɔ iyinom ho no yɛ nokwar; osiandɛ, ɔtse dɛmara; na mbom nsɛm a makã akyerɛ hom yinom runntwa mu nnkɔ gyedɛ ne nyina ayɛ hɔ ansaana.

24 Na iyi na makã akyerɛ hom fa Jerusalem ho; na sɛ dɛm da no ba a, ^awɔbɔbɔ nkaa no apetse aman nyinara mu.

25 Mbom ^awɔbɔboaboa hɔn ano bio; na mbom wɔbɛtsena hɔara ekesi dɛ ^bAmanamamfo hɔn mber no bɛhyɛ mã.

26 Na ^adɛm da no mu no wɔbɛtse ^bakõkoekõ nye ɔkõ ho nsɛm, na asaase no do nyina bɛyɛ begyabegya, na nyimpa bɔtɔ ^cakɔtɔmborɔnsa, na wɔbɛkã dɛ Christ ^dekyinkyim ne mbae ho ekesi asaase n’ewiei.

27 Na nyimpa no dɔ bɛyɛ nwin, na emumuyɛ bɔdɔɔ sõ.

28 Na sɛ ^aAmanamamfo hɔn mber no sõ a, ^bkan bopue wɔ hɔn a wɔtse sum mu no do, na ɔbɛyɛ m’asɛmpa ne mãhyɛ.

29 Na mbom ^awɔnngye; osiandɛ wonnhu kan no, osian ^bnyimpa nkyerɛkyerɛ ntsi wɔdan hɔn ^cakoma fi me nkyɛn.

30 Na dɛm ebusuasantsen no mu na Amanamamfo hɔn mber no bɛhyɛ mã.

31 Na dɛm ebusuasantsen no mu nyimpa binom bɛtsena hɔ na worunntwamu nnkɔ kesi dɛ wobohu ^aɔhaw mbordo no; osiandɛ amamfoyɛ yarba bɛkata asaase no do.

32 Na mbom m’esuafo ^abegyina mbea krɔnkrɔn do, na worinnhihim; na mbom emumuyɛfo hɔn mu no, nyimpa bɛma hɔn ndze do na wɔakã ^bndom etsia Nyame na woewu.

33 Na ^aasaasewosow nye ɔsɛɛ pii besi mbea pii do; naaso nyimpa bepirim hɔn akoma dze etsia me, na wɔbɔtwetwe ^bnkrantsee wɔ hɔnankasa hɔn do, na wobokuku hɔnho nkorkor.

34 Na afei, ber a emi Ewuradze mekãa nsɛm yinom kyerɛɛ m’esuafo no, ɔhaaw hɔn.

35 Na mesee hɔn dɛ: Mma ^aɔnnhaw hom, osiandɛ sɛ dɛm ndzɛmba yinom si a, hom bohu dɛ anohoba a wɔdze abɔ hom no bɛhyɛ mã.

36 Na sɛ kan no hyɛ ase dɛ orupue a, ɔbɛyɛ hɔn dɛ abɛbusɛm a merekã akyerɛ hom yi—

37 Hom hwɛ ^andɔmbadua, na hom dze hom enyiwa hwɛ na hom hu dɛ ɔrefefɛw, na hɔn nhataw da ho yɛ momon a, nna ɔkyerɛ dɛ ɔhyewber abɛn;

38 Dɛmara na sɛ wohu ndzɛmba yinom a, ɔbɛyɛ wɔ dɛm da no mu, na wobohu dɛ dɔn no abɛn.

39 Na ɔbɛba dɛ nyia ^aosuro me no ^bbɔhwɛ Ewuradze ne ^cda kɛse no a ɔbɛba no kwan, wɔbɔhwɛ ^dNyimpa Ba no ne mbae ho ^ensɛnkyerɛdze no mpo.

40 Na wobohu nsɛnkyerɛdze nye anwanwadze, osiandɛ wobeyi akyerɛ wɔ sorsor no sor nye asaase n’ase.

41 Na wobohu bɔgya, na ^aogya, nye wusiw kumbɔɔ.

42 Na ansaana Ewuradze ne da no bɛba no, ^aewia bɛdan sum, na bosoom adan bɔgya, na nworaba botutu efi sor atotɔ.

43 Na wɔbɔboaboa nkaa no ano wɔ bea yi do.

44 Na wɔbɔhwehwɛ me, na hwɛ, mebɛba; na wobohu me wɔ sor mununkum mu dɛ medze tum na ^aenyimnyam kɛse, nye abɔfo krɔnkrɔn risian; na nyia ^bɔannhwɛ me kwan no wobotwa no akyen.

45 Na ansaana Ewuradze n’abasa bɛba famu no, ɔbɔfo bɛhɛn no ^atotorobɛnto no, na ahotsewfo a wɔadeda no ^bbɔsoɛr ebehyia me wɔ ^cmununkum no mu.

46 Dɛm ntsi, sɛ hom daa ^aasomdwee mu a nna nhyira akã hom; na afei hom ehu me na hom nyim dɛ Metse ase yi, dɛmara so mpo na hom ^bbɛba mo hɔ na hom akra ^cbɛtsena ase, na hom ɔpon bedzi mu; na ahotseweefo befi asaase ne mfɛndzanan nyinara aba.

47 Na Ewuradze ^an’abasa bɔtɔ aman no do.

48 Na Ewuradze dze ne nan besi ^abepɔw yi do, na no mu bɛpaa ebien, na asaase ^bapopo, na oehimahima fi ha akɔ hɔ, na ɔsorsor so ^cbɔwosow.

49 Na Ewuradze dze ne ndze bɛkasa, na asaase n’ano nyina bɛtse; na aman a wɔwɔ asaase do nyina ^aesi nkrum, na hɔn a wɔserewee no bohu hɔn nkwasea a wɔayɛ.

50 Na mbusu bogu ɔtwetwesifo do, na wɔbɛhyew ɔnokumfo; na wobotwa emumuyɛfo akyen na wɔatow hɔn akyen gya mu.

51 Na nkyii ^aJewfo no ^bbɔhwɛ me na wɔakã dɛ: Ebɛn epirakur na ɔwɔ wo nsamu nye w’anan ho yi?

52 Nkyii na wobohu dɛ emi nye Ewuradze no; osiandɛ mebɛse hɔn dɛ: Epirakur yinom yɛ ^aepirakur a minyae wɔ m’anyɛnkofo fie. Emi nye nyia wɔmaa no do no. Emi nye Jesus a wɔbɔɔ no ^bmbeamudua mu no. Emi nye Nyame ne Ba no.

53 Na nkyii osian hɔn emumuyɛ ntsi, ^awobosũ, na ɔnam dɛ wɔyɛɛ hɔn ^bhen ayakayakadze ntsi wobotwa kwadwom.

54 Na nkyii wɔbɔpon ^aaman a wɔyɛ abosonsɔrfo no, na hɔn a wonnyim mbra biara benya kyɛfa wɔ ^bowusoɛr a odzi kan no mu; na wobotum ^cegyina ano.

55 Na ^awɔbɛkyekyer ^bSatan amma oeennya adasamba hɔn akoma mu kwan.

56 Na dɛm ^ada no, sɛ meba wɔ m’enyimnyam mu a, nna abɛbu a mekãe a ɔfa ^bmbaabun du no ho no bɛhyɛ mã.

57 Na hɔn a wɔyɛ enyansafo na wɔgyee ^anokwar no, na wɔfaa Sunsum Krɔnkrɔn no dze yɛɛ hɔn ^bkwankyerɛfo, na wɔamma ^cwɔaanndaadaa hɔn no—nokwar, mese hom dɛ worunntwa hɔn nnto famu na wɔnntow hɔn nnkyen ^dogya mu, mbom, wobotum egyina wɔ da no mu.

58 Na wɔdze ^aasaase no bɛma hɔn ma ɔaayɛ hɔn ^begyapadze; na wɔbɔdɔr na hɔn ho bɛyɛ dzen, na hɔn mba ^cbenyin na wɔrennyɛ bɔn dze akɔ ^dnkwagye mu.

59 Na Ewuradze bɛtsena hɔn ^afinimfin, na n’enyimnyam bɛba hɔn do, na ɔbɛyɛ hɔn hen na hɔn ^bmbrahyɛfo.

60 Na afei, hwɛ, mese wo dɛ, wɔmmaa wo ho kwan dɛ ebohu dɛm tsir yi mu akɔ ekyir, kesi dɛ wɔbɛkyerɛ ^aAhyɛmu Fofor no ase, no mu na wɔbɛda ndzɛmba yinom edzi akyerɛ;

61 Dɛm ntsi, mema wo kwan dɛ afei kyerɛ ase, ama eesiesie woho dze ama ndzɛmba a ɔbɛba no.

62 Na nokwar, mese hom dɛ, ndzɛmba akɛse wɔ hɔ rotweɔn hom;

63 Hom tse ^aakõkoekõ wɔ anana asaase do; na hwɛ, mese hom dɛ, ɔabɛn hom, oedu hom abowano mpo, na ɔrennkyɛr na hom atse akõkoekõ wɔ homankasa hom nsaase do.

64 Dɛm ntsi, emi Ewuradze, makã dɛ hom mma hɔn a wɔwɔ ^aboka nsaase do mboa hom ano mbra, na hom nhyia, hom a hom yɛ m’asɔr mu elderfo nyina; hom nkɔ anee nkurow do nkɛse nkorɔfo a wɔwɔ hɔ no dɛ wonnu hɔnho, na mber dodowara a wobonu hɔnho no, hom nkyekyer asɔr mma me.

65 Na hom mfa akoma kor na adwen kor mboaboa hom sika ano ama hom dze ^aaatɔ egyapadze a wɔbɛkyerɛ hom ekyir yi.

66 Na wɔbɛfrɛ no ^aJerusalem Fofor no, ^basomdwee ^casaase, ^dguandɔbea kurow, Ɔsorsor Nyankopɔn n’ahotseweefo hɔn sumabew;

67 Na Ewuradze ^an’enyimnyam bɛtsena hɔ, na Ewuradze ho suro bɔwɔ hɔ so, dɛm bɛma emumuyɛfo nnkotum aba hɔ, na wɔbɛfrɛ no Zion.

68 Na ɔbɛba wɔ emumuyɛfo no mu dɛ nyimpa biara a ɔnnkɔtwe ne nkrantsee wɔ ne nyɛnko do no boguan akɔ Zion ekosuma.

69 Na nkorɔfo befi ɔman biara a ɔwɔ asaase do ^aakɔboa hɔn ano wɔ hɔ; na hɔn nko nye nkorɔfo a wɔrennye obiara nnkõ.

70 Na wɔbɛkã wɔ emumuyɛfo mu dɛ: Mma wɔmma yɛnye Zion nnkɔkõ, osiandɛ hɔn a wɔwɔ Zion no ho yɛ hu; dɛm ntsi yerunntum hɔn.

71 Na ɔbɛba dɛ wɔbɔboaboa atseneneefo ano efi aman nyinara mu na wɔaba Zion, na wɔbɔtow daapem enyigye ndwom.

72 Na afei, mese hom dɛ, hom mfa ndzɛmba yinom nsie amma aammpetse wiadze kesi dɛ ɔbɛyɛ me pɛ, ama hom etum edzi dwuma yi wɔ nkorɔfo enyim, nye hom atamfo so enyim, amma woeennhu hom ndwuma kesi dɛ hom bowie dza mahyɛ hom dɛ hom nyɛ no;

73 Ama ber a wobohu no, wɔaadwen ndzɛmba yinom no ho.

74 Na ber a Ewuradze bɛba no, no ho bɛyɛ hɔn ^ahu, na suro bekitsa hɔn, na wobegyina ekyirekyir na hɔn ho apopo.

75 Na osian Ewuradze no ho hu nye no tum ahoɔdzen no ntsi, aman nyina bosuro. Ɔnyɛ hɔ dɛm. Amen.