1 Ահա, այսպես է ասում Տերը ձեզ՝ իմ ծառաներին. Ինձ նպատակահարմար է, որ իմ եկեղեցու երեցները նամակով կամ ինչ-որ այլ ձևով կանչվեն մեկտեղ՝ արևելքից և արևմուտքից, հյուսիսից և հարավից:

2 Եվ պիտի լինի այնպես, որ, որքան որ նրանք հավատարիմ լինեն և հավատք գործադրեն առ ինձ, ես իմ ^աՀոգին կթափեմ նրանց վրա, այն օրը, երբ նրանք միասին կժողովվեն:

3 Եվ պիտի լինի այնպես, որ նրանք պիտի առաջ գնան դեպի մերձակա շրջանները, և ապաշխարություն ^աքարոզեն մարդկանց:

4 Եվ շատերը պիտի ^ադարձի գան, այնպես որ դուք զորություն պիտի ունենաք՝ կազմակերպվելու մարդկանց օրենքների ^բհամաձայն.

5 Որ ձեր ^աթշնամիները զորություն չունենան ձեզ վրա. որ դուք կարողանաք պահպանվել բոլոր բաներում. որ ձեզ հնարավորություն տրվի պահել իմ օրենքները. որ ամեն կապանք քանդվի, որով թշնամին փնտրում է կործանել իմ ժողովրդին:

6 Ահա, ասում եմ ձեզ, որ դուք պետք է ^աայցելեք աղքատներին ու կարիքավորներին և սպասավորեք՝ ի սփոփանք նրանց, որ նրանք պահպանվեն, մինչև բոլոր բաները հնարավոր լինի կատարել համաձայն իմ օրենքի, որը դուք ստացել եք: Ամեն: