iVolanikalou
Vunau kei na Veiyalayalati 42


Wase 42

Na veika sa vakatakilai yani ena rua na iwasewase mai vei Josefa Simici na Parofita mai Katiladi e Oaio, ena 9 kei na 23 ni siga ni Feperueri, 1831. Na imatai ni wasewase mai na tikina e 1 ki na 72, a ciqoma e matadratou na italatala qase e le tinikarua, ka vakataucokotaki kina na veika sa yalataka oti tu na Turaga, ni na qai mai soli e Oaio na “lawa” (raica na wase 38:32). Na ikarua ni wasewase mai na tikina e 73 ki na 93. Sa vakamacalataka na Parofita ni ivakatakila oqo e “lewena na lawa ni Lotu.”

1–10, Era sa lesi na italatala qase ni lotu me ra vunautaka na kosipeli, papitaisotaki ira sa saumaki mai ka tara cake na Lotu; 11–12, Sa kilikili me ra kacivi ka tabaki, ka ra vakavulica na ivakavuvuli ni kosipeli, me vaka e kunei ena ivolanikalou; 13–17, Me ra veivakatavulici ka parofisai ena kaukauwa ni Yalo Tabu; 18–29, Era sa vakaroti na Yalododonu me ra kakua ni laba, butako, lasu, gagano ca, veibutakoci se vosa veivakacacani; 30–39, Sa virikotori na lawa e baleta na iyau sa vakatabui ki na Lotu; 40–42, Era na cudruvi na qaciqacia kei na dau vakasavuliga; 43–52, Me ra na vakabulai na tauvimate ena veimasulaki ka cabo ena vakabauta; 53–60, Sa yavu ni vakavulewa ena Lotu na ivolanikalou ka me ra vunautaki yani ki vuravura taucoko; 61–69, Ena vakatakilai mai na vanua me tara kina ko Jerusalemi vou, kei na veika vuni ni matanitu vakalomalagi; 70–73, Me vakayagataki na iyau sa vakatabui ki na Lotu me ra vukei kina na vakailesilesi ni Lotu; 74–93, Sa virikotori na lawa e vauca na veidauci, na veibutakoci, na laba, na butako kei na vakatusai ni ivalavala ca.

1 Dou vakatudaliga, oi kemudou na italatala qase ena noqu lotu, dou sa soqoni vata mai ena yacaqu, io na yacai Jisu Karisito na Luve ni Kalou Bula na nodra iVakabula na kai vuravura; io koi kemudou sa vakabauta na yacaqu ka muria na noqu ivakaro.

2 Au sa kaya tale vei kemudou, dou vakatudaliga mo dou rogoca ka talairawarawa ki na alawa ka’u na tukuna vei kemudou.

3 Niu sa kaya vakaidina, me vaka ni dou sa soqoni vata mai me vaka na aivakaro ka’u sa vakarota vei kemudou, ka dou sa lomavata ena bvuku ni ka oqo, ka kerea vei Tamaqu ena yacaqu, raica dou na rawata vakakina.

4 Raica, au sa kaya vakaidina vei kemudou, au sa solia vei kemudou na imatai ni ivakaro, mo dou lako yani ena yacaqu, koi kemudou vakayadua ga, io me rau qai vo ga na noqu tamata, ko Josefa Simici Lailai kei Sidini Rikitoni.

5 Ia au sa vakarota tale ga vei rau me rau na lako yani me yacova e dua na gauna, ia ena vakatakila vei rau na kaukauwa ni aYalo Tabu na gauna me rau lesu tale mai kina.

6 Raica dou na lako yani ena kaukauwa ni noqu Yalotabu, ia dou na lakolako ayarua yani ka vunautaka na noqu kosipeli, ena yacaqu, ka tabalaka cake na domomudou me vaka na rorogo ni davui, ka vunautaka na noqu vosa me vakataki ira na agilosi ni Kalou.

7 Mo dou lako yani ka papitaisotaki ira ena wai, ka kaya: Dou veivutuni, dou veivutuni, ni sa voleka na matanitu vakalomalagi.

8 Ia mai na vanua oqo mo dou cavutu ka lako yani kina ki na veiyasana ena ra; ia ni dou sa kunei ira ga era vakabauti kemudou mo dou tauyavutaka sara na noqu lotu ena veiyasana kecega—

9 Me yacova ni sa yaco mai na gauna me na qai vakatakilai kina vei kemudou mai lomalagi, na gauna me na tara kina na akoro ko bJerusalemi Vou, ia mo dou csoqoni vata mai ka yaco me duabau ga, mo dou noqu dtamata, ka me’u nomudou Kalou.

10 Au sa kaya tale ga vei kemudou, ena taura tiko ga ko aEtuwate Patereji na itutu ka’u sa lesi koya kina. Ia kevaka sa talaidredre, au na lesia e bdua me kena isosomi. Ena yaco vakakina. Emeni.

11 Au sa kaya tale vei kemudou, ni na sega ni vakatarai vua e dua me la’ki avunautaka na noqu kosipeli, se tara cake na noqu lotu, io vei koya wale ga sa btabaki me kitaka vakakina mai vua e dua ka tu vua na kena cdodonu, ka sa kilai raraba tu ena lotu ni ratou sa solia vua na kaukauwa ni veitabaki ko iratou na iliuliu ni lotu.

12 Ka dua tale, ko ira na aitalatala qase, na bete kei na ivakavuvuli ni lotu oqo me ra bvunautaka yani na ivakavuvuli ni noqu kosipeli sa tabaki tu ena ciVolatabu, kei na diVola i Momani, ka sa tu kina na taucoko ni ekosipeli.

13 Ia me ra nanuma me ra rokova na aveiyalayalati ka muria na lawa ni lotu, ia oqo na veika me ra vakavuvulitaka, me vaka na veivakauqeti ni Yalo.

14 Ia ena soli vei kemudou na Yalo ni dou sa amasu ena vakabauta; ia kevaka sa sega vei kemudou na bYalo mo dou kakua ni veivakavulici.

15 Ia mo dou nanuma mo dou kitaka na veika kece oqo me vaka au sa vakarota vei kemudou me baleta na veika mo dou vakavuvulitaka, me yacova ni sa soli na taucoko ni noqu aivolanikalou.

16 Ia ni dou sa tabalaka cake na domomudou me vaka sa vakauqeti kemudou kina na aDauveivakacegui, io mo dou vunau ka parofisaitaka na ka sa vinaka vei au;

17 Ia raica, sa kila na ka kecega ko Koya na Dauveivakacegui, a sa dau tukuni Tamada kei na Luvena.

18 Ia oqo, raica, au sa na vosa ki na lotu. Mo kakua ni alaba; ia ko koya sa blaba, ena sega ni vosoti ena bula oqo kei na bula sa bera mai.

19 Io me’u kaya tale, Mo kakua ni laba; ia ko koya sa laba ena amate vakaidina.

20 Mo kakua ni abutako; ia ko koya sa butako ka sega ni veivutuni, ena muduki tani.

21 Mo kakua ni alasu; ia ko koya sa lasu ka sega ni veivutuni, ena muduki tani.

22 Mo alomana na watimu ena lomamu taucoko, ka mo bkabiti koya duadua ga.

23 Ia ko koya yadua ena raica na yalewa me agagano kina, sa cakitaka na vakabauta ka na biuti koya na Yalo; ia kevaka sa sega ni veivutuni, ena muduki tani.

24 Mo kakua ni ia na aveibutakoci; ia ko koya sa ia na veibutakoci ka sega ni veivutuni, ena muduki tani.

25 Ia ko koya sa ia na veibutakoci ka sa aveivutunitaka vakaidina ena lomana taucoko, ka sa biuta tani ka sega ni kitaka tale, ena bvosoti;

26 Ia kevaka sa qai kitaka atale, sa na sega sara ni vosoti, io ena muduki tani.

27 Mo kakua ni avosavakacacataka na kai nomu, se kitaka vua e dua na ka ca.

28 Mo kila ni sa soli tu na noqu lawa ni veika oqo ena ivolanikalou; ia ko koya sa ivalavala ca ka sega ni veivutuni, ena amuduki tani.

29 Kevaka ko sa alomani au, mo bmuri au ka ctalairawarawa ki na noqu ivakaro.

30 Ia mo lomani ira na adravudravua ka bvakatabuya na nomu iyau me cyaga vei ira, ia me caka na kena veiyalayalati ka tabaki na kena ivola me tudei tu.

31 Ia na veika kecega ko sa akitaka mo vukei ira kina na bdravudravua, ko sa kitaka vei au; io me soli vua na cbisopi ni noqu lotu kei rau na nona daunivakasala, e rua na italatala qase, se bete levu, me qai lesi rau se a sa lesi rau oti ka dvakatikori rau ena cakacaka oqori.

32 Ka na qai yaco, ena gauna sa soli kina vua na bisopi ni noqu lotu, ka ni sa ciqoma oti ko koya na ivakadinadina me baleta na kena avakatabui na iyau ni noqu lotu, ka na sega ni rawa ni kau tani tale mai na noqu lotu, me vaka na noqu ivakaro, na tamata yadua ena mai bsaumi taro vei au, e dua ka cqarava na nona iyau, se na iyau sa ciqoma ena vakatatabu, me vaka sa yaga vua kei na nona dmatavuvale.

33 Kei na dua tale, kevaka sa vo tu eso na aiyau ena liga ni lotu, se vua e dua na lewena, ni sa rauta na veika me bula kina ni sa oti na imatai ni vakatatabu oqo, me qai soli vua na bisopi, me na qai maroroi me ra qaravi kina o ira era dau sotava na leqa ena veigauna eso, me na soli kina ki na tamata yadua na veika e gadreva.

34 O koya me na dau maroroi tu kina ena noqu lololo na kena vo, me ra dau qaravi kina na dravudravua kei ira na vakaleqai, me vaka na nodratou veidusimaki na matabose e cake ni lotu, kei na bisopi kei rau na nona matabose;

35 Ia ena inaki ni kena voli na qele me yaga raraba ena lotu, ka tara kina na valenisokalou, kei na kena tara cake na aJerusalemi Vou ka na qai vakatakilai yani ena dua na gauna e muri—

36 Ka me ra soqoni vata kina na noqu tamata ni veiyalayalati ena siga koya kau na alako mai kina ki na noqu bvaletabu. Kau na vakayacora oqo me baleta na nodra vakabulai na noqu tamata.

37 Ka na qai yaco, me amuduki tani mai na lotu ko koya sa ivalavala ca ka qai sega ni veivutunitaka, ka na sega ni ciqoma lesu tale na veika sa bvakatabuya me baleti ira na dravudravua kei ira na vakaleqai tu ena noqu lotu, se ena dua tale na kena itukutukuni, vei au—

38 Ni ka kecega ko sa acakava vua e dua sa lailai vei ira oqo, ko sa cakava vei au.

39 Ka na qai yaco, me na vakayacori na veika au sa tukuna mai na gusudra na noqu parofita; niu na vakatabuya na nodra iyau o ira era sa ciqoma na noqu kosipeli vei ira na kai Matanitu Tani, me baleti ira na noqu tamata, na mataqali i Isireli era sa dravudravua.

40 Kei na dua tale, me kakua sara vei iko na yalo aviavialevu; me rawarawa ga na bisulu dou dau daramaka, ia na kena totoka me totoka ga ni cakacaka ni ligamu;

41 Ia na ka kecega me caka vakasavasava e mataqu.

42 Mo kakua ni avucesa; raica ko koya sa vucesa ena sega ni kania na kena kakana se tokara na nona isulu na daucakacaka.

43 Ia kevaka e so vei kemudou sa atauvimate, ka sa sega vei ira na vakabauta me ra vakabulai kina, ia ka sa tu ga na nodra vakanuinui ni ra na bula, mo dou qaravi ira vinaka, io me vusoi na medra wai ka ra vakani ena kakana e ganita, ia me qarauni me kakua mai na ligadra na meca.

44 Me rau qai kacivi e rua se sivia na italatala qase, me rau masulaki ira ka tabaki ira e aligadrau ena yacaqu; ia kevaka era qai mate, era na bmate vei au, kevaka era bula, era sa na bula tale ga vei au.

45 Mo dou qai abula vata ena bveilomani, mo dou ctagicaki ira vata kina era sa mate, vakabibi ko ira era sega ni dvakanuinui ki na lagilagi ni tucake tale.

46 Ka na qai yaco ni ko ira sa mate vei au, era na sega ni tovolea na amate, ni na bkamikamica vei ira;

47 Ia ena ca ko ira sa sega ni mate vei au, ni na gaga vei ira na mate.

48 Kei na dua tale, ena qai yaco ni ko koya sa avakabauti au me bvakabulai, ka sa sega ni clewai me mate, ena bula ga.

49 Ko koya sa vakabauta ni na rai rawa, ena rai ga.

50 Ia ko koya sa vakabauta ni na rogo na daligana, ena rogo ga.

51 Ia na lokiloki sa vakabauta ni na rawa ni lade, ena lade ga.

52 Ia ko ira sa sega ni vakabauta me ra rawata na veika oqo, ka ra sa vakabauti au ga, sa tu vei ira na kaukauwa me ra yaco rawa me ra aluvequ; ia ko ira kecega sa sega ni talaidredre ki na noqu lawa, mo bvosota na nodra malumalumu.

53 Ia mo vakayacora vakadodonu na itavi ni nomu aveiqaravi.

54 Mo kakua ni taura wale ga na nona isulu na wekamu; ia mo sauma na ka kecega ko sa taura mai vua na wekamu.

55 Ia kevaka sa levu na ka ko sa arawata ka sa ulabaleta na ka e yaga vei iko, mo solia me maroroi ena noqu blololo, io me vakayacori na ka kecega me vaka ka’u sa vakarota.

56 Mo kerea mada, ia ena qai vakatakilai vei iko na noqu aivolanikalou, me vaka ka’u sa lewa, ia me bmaroroi vinaka tu;

57 Sa kilikili kina me tiko lo mada ga vei iko na veika oqo, ia mo kakua ni vunautaka me yacova ni ko sa ciqoma taucoko.

58 Au sa solia vei iko e dua na ivakaro ni sa oti oya mo qai vunautaka yani vei ira kecega na tamata; io ena vunautaki vei ira akecega na veimatanitu, veimataqali, duivosavosa kei ira na tamata.

59 Ia mo okata na veika au sa vakatakila oqo vei iko, ka sa soli yani vei iko mai na noqu ivolanikalou me lawa, me noqu lawa me cicivaki kina na noqu lotu;

60 Ia ko koya sa amuria na veika oqo ena bula, ia ko koya sa talaidredre kina, ena bcudruvi kevaka ena kitaka tikoga.

61 Ia kevaka ko na kerea, ko na ciqoma na aivakatakila ena ivakatakila, na bkila ka ena kila ka, me rawa ni dou kila na veika cvuni ka dveivakacegui—na kena ena kauta mai na ereki, na kena ena kauta mai na bula tawamudu.

62 Mo kerea mada, ka na qai vakatakilai vei iko ena gauna e dodonu vei au, na vanua ena tara kina ko aJerusalemi Vou.

63 Ka raica, ena qai yaco ni ra na talai yani na noqu italai ki na tokalau kei na ra, ki na vualiku kei na ceva.

64 Ia oqo mada ga, mo laivi koya ka na lako ki na ara me vakavulici ira era na saumaki mai me ra dro ki na ra, ia oqo ena vuku ni veika sa vakarau yaco mai ki vuravura, kei na bisoqosoqo vuni.

65 Raica mo kitaka na veika kece oqo, ni na levu na kena isau vei iko; raica sa soli vei iko mo kila na veika vuni ni matanitu, ia sa sega ni soli me ra kila ko ira e vuravura.

66 Mo dou muria na lawa sa soli vei kemudou, ka mo dou yalodina kina.

67 Ka dou na qai ciqoma malua tale na aveiyalayalati ni lotu, me na rauta mo dou tauyavutaki kina, eke ka vakakina ena Jerusalemi Vou.

68 O koya sa lailai vua na ayalomatua, me kerea vei au, io au na solia vakalevu vua, ni’u sa sega ni dauveivakadirideini.

69 Laveta cake na yalomudou ka marau, raica sa soli vei kemudou na amatanitu, se ena dua tale na kena itukutukuni, sa soli vei kemudou na bidola ni kena cicivaki na lotu. A sa vakakina. Emeni.

70 Raica era na adauveiqaravi ko ira na bbete kei na civakavuvuli, me vakataki ira na lewe ni lotu.

71 Ia ko ira na italatala qase kei ira na bete levu ka ra lesi me ra vukea na bisopi vakadaunivakasala ena veika kece sara, era na votai na nodra vuvale ena iyau sa avakatabui vua na bisopi me ra qaravi kina na vakaloloma kei na dravudravua, kei na inaki tale eso me vaka sa vakamacalataki oti;

72 Se me ra saumi ena isau e ganita na nodra cakacaka se na itavi vakaveiqaravi se dua tale, io me vakatau ki na ka sa lewa na bisopi kei rau na nona daunivakasala.

73 Ia na bisopi tale ga me wasei na ka me baleta na nona bula, se me saumi ena isau e veiganiti kei na veika kece e qarava ena lotu.

74 Raica, au sa kaya vakaidina vei kemudou, ko koya vei kemudou sa biuta na watina ena vuku ni nona aveidauci, se ena dua tale na kena itukutukuni, ka sa vakadinadinataka vakakina ena yalo lokumi sara, dou kakua ni muduki koya tani mai vei kemudou;

75 Ia kevaka dou sa raica e dua sa biuta na watina ni sa aveibutakoci tiko ko koya, ka rau sa cala tiko, ni se bula tiko na dui watidrau, dou bmuduki koya tani mai vei kemudou.

76 Au sa kaya tale vei kemudou, Dou aqarauna matua ka vakataroga vinaka mo dou kakua ni ciqoma vei kemudou e dua sa vakaoqo kevaka sa vakamau tu;

77 Ia kevaka era sa sega ni vakamau, me ra veivutunitaka na nodra ivalavala ca, ia kevaka e sega, dou kakua ni vakacurumi ira.

78 Kei na dua tale, na tamata kecega sa lewe ni lotu i Karisito oqo, me ra raica me ra muria na ivakaro kei na veiyalayalati kecega ni lotu.

79 Ka na qai yaco, ni kevaka e dua vei kemudou sa alaba me na soli yani me tau vua na lewa me vaka na lawa ni vanua; mo dou nanuma tiko ni na sega sara ni vosoti; ia me vakadinadinataki na nona cala me vaka na lawa ni vanua.

80 Raica na tagane se yalewa yadua sa ia na veibutakoci, me rau na lewai koya e le rua se sivia na italatala qase ni lotu, ia na vosa kece ena beitaki kina ko koya e rau na vakataudeitaka e rua na ivakadinadina ni lotu, ka sega ni dua na meca ni lotu; ia kevaka e sivia na rua na ivakadinadina ena daumaka sara.

81 Ia ena beitaki ko koya ena nodrau ivakadinadina na lewe rua; ka me rau qai vakaraitaka na cala ki na lotu na italatala qase ni lotu, ka me ra qai laveta na ligadra na lewe ni lotu me ra saqati koya kina, me na qai tau kina vua na lewa me vaka na lawa ni Kalou.

82 Ia kevaka e rawa, ena kilikili me tiko tale ga kina na bisopi.

83 Ia mo dou kitaka vakaoqo ena cala kecega sa kau mai vei kemudou.

84 Ia kevaka e dua na tagane se yalewa sa butako, me na soli yani me tau vua na lewa me vaka na lawa ni vanua.

85 Ia kevaka e dua na tagane se yalewa sa ataura vakailoa e dua na ka, me na soli yani me tau vua na lewa me vaka na lawa ni vanua.

86 Ia kevaka e dua sa alasu, me na soli yani me tau vua na lewa me vaka na lawa ni vanua.

87 Ia kevaka e dua sa kitaka e dua na ka ca, me na soli yani me tau vua na lewa me vaka na lawa, io na lawa ni Kalou.

88 Ia kevaka sa caka acala vei iko e dua na bwekamu, mo segata sara mo drau veivosakitaka taurua na cala oqori; ia kevaka sa cvakatusa na nona cala, mo drau na veivakaduavatataki.

89 Ia kevaka sa sega ni vakatusa na nona cala, mo na soli koya yani ki na lotu, raica me kakua ni vakaraitaki vei ira na lewe ni lotu, ia me vakaraitaki ga vei ira na italatala qase. Ia me na vakayacori ena dua na bose, ka kakua ena matana levu.

90 Ia kevaka sa caka cala na wekamu vei ira na lewe vuqa, me na avunauci tale ga e matadra na lewe vuqa.

91 Ia kevaka e dua sa cala e matana levu, me vunauci tale ga e matana levu me madua kina. Ia kevaka sa sega ni vakatusa na nona cala, me na soli yani me tau vua na lewa me vaka na lawa ni Kalou.

92 Ia kevaka e dua sa ka vuni ga na nona caka cala, me vunauci vuni tale ga, io me soli vua na sala me rawa ni tusanaki koya vuni kina vei koya a caka cala vua, io me tusanaki koya tale ga vua na Kalou, ka me ra kakua ni vosacataki koya na lewe ni lotu.

93 Ia me vakaoqo na nomudou ivalavala ena ka kecega.