Tasal 40
K’utb’esinb’il na’leb’ k’eeb’il re laj Jose Smith li Profeet ut laj Sidney Rigdon, sa’ Fayette, Nueva York, 6 Enero 1831. Rub’elaj xyeeb’al resil li k’utb’esinb’il na’leb’ a’in, lix tz’iib’anb’il esil li Profeet naxye, “Rik’in naq laj James [Covel] kixtz’eqtaana li raatin li Qaawa’, ut kisutq’i rik’in li na’leb’ ut li tenamit kiwan wi’ chaq, li Qaawa’ kixk’e we laa’in ut re laj Sidney Rigdon li k’utb’esinb’il na’leb’ a’in” (chi’ilmanq tasal 39).
1–3, Xb’aan xxuwankil li rahob’tesiik ut xk’oxlankil li k’a’aq re ru re ruchich’och’ na’ux xtz’eqtaanankil li evangelio.
1 K’ehomaq reetal, chi yaal ninye eere, naq lix ch’ool lin moos aj aJames Covel tiik naq kiwan chiwu, xb’aan naq ki’ok sa’ sumwank wik’in naq tixpaab’ li waatin.
2 Ut akixk’ul li aatin rik’in sahil ch’oolejil, a’b’an tikto laj Satanas kiraale, ut sa’ xk’ab’a’ li xiw chirix li brahob’tesiik ut sa’ xk’ab’a’ li nachal wi’ xk’a’uxl li ruchich’och’, ckixtz’eqtaana li aatin.
3 Jo’kan naq kixq’et lin sumwank, ut a’ yaal we laa’in xb’aanunkil re jo’ nink’oxla naq us. Amen.