Dagiti Nasantuan a Kasuratan
Doktrina ken Katulagan 38


Benneg 38

Paltiing a naited babaen ni Joseph Smith a Propeta, iti Fayette, Nueva York, idi 2 ti Enero 1831 (History of the Church, 1:140–143). Taripnong ti Simbaan ti pasamak.

1–6, Pinarsua ni Cristo amin a banag; 7–8, Adda iti tengnga dagiti Santona, a makakitanton kenkuana; 9–12, Agrupsa amin a lasag iti imatangna; 13–22, Inlatangna ti naikari a daga para kadagiti Santona ita ken iti agnanayon; 23–27, Nabilin dagiti Santo nga agkaykaysa ket agpipinnategda iti tunggal maysa a kasla agkakabsat; 28–29, Naipadles dagiti gubat; 30–33, Maikkan dagiti Santo iti bileg manipud iti ngato ket mapanda kadagiti amin a pagilian; 34–42, Mabilin ti Simbaan a mangtaripato kadagiti nakurapay ken agkasapulan ken mangtunton iti agnanayon a kinabaknang.

1 Kastoy ti kinuna ti Apo a Diosyo, uray pay ni Jesucristo, ti Naindaklan a aSiak, nga Alpha ken Omega, ti bpangrugian ken ti panungpalan, nga isu met laeng ti nangkita iti nakayaplagan ti kinaagnanayon, ken amin dagiti kasla serafin a cpangen iti langit, dsakbay ti epannakaaramid ti lubong;

2 Isu met laeng ti amakaammo iti bamin a banag, ta maimatangak amin a banag;

3 Siak met laeng ti nagsao, ket anaaramid ti lubong, ket pinataudko amin a banag.

4 Siak met laeng ti nangappupo iti aZion ni Enoc; ket adtoy, kunak, a kas iti kaadu ti bnamati iti naganko, ta siak ni Cristo, ket iti naganko, babaen ti cdara nga imbuyatko, indawdawatko ida iti Ama.

5 Ngem adtoy, ainkadenak iti kasipngetan ti bnabati kadagiti nadangkes agingga iti cpanangukom iti naindaklan nga aldaw, a dumtengto iti panungpalan ti daga;

6 Ken kasta met nga ibilinko ti pannakaitalimeng dagiti nadangkes, a di dumngeg iti timekko ngem pinatangkenda ketdi ti puspusoda, ket ay-ay, ay-ay, ay-ay pay ti gasatda.

7 Ngem adtoy, pudno, pudno, kunak kadakayo a asipsiputankayo. Addaak iti btengngayo ngem didak makita;

8 Ngem asidegen ti aldaw a apannakakitayo kaniak, ket ammoyonto a siak; ta mawaknitton ti belo ti kinasipnget, ket isu a saan a bmapatarnaw saannanto a cmatungpal ti aldaw.

9 Gapuna, patibkerenyo dagiti lomoyo ket agsaganakayo. Adtoy, kukuayo ti apagarian, ket saanto a marimbawan ti kabusor.

10 Pudno kunak kadakayo, anadaluskayo, ngem saan nga amin; ket awanen ti sabali a bpakaay-aywak;

11 Ta agrupsa amin a alasag iti imatangko; ket agturayto ti bileg ti bkasipngetan iti daga, kadagiti annak ti tattao, iti imatang ti amin a pangen ti langit—

12 A mamagturay iti ulimek, ket aagtutuokto ti amin nga agnanayon, ket ur-urayen dagiti banghel ti naindaklan a bilin nga cagapit iti daga, a mangurnong kadagiti druot tapno emapuoranda; ket, adtoy, nagtitipon dagiti kabusor.

13 Ket ita ipakitak kadakayo ti kinadatdatlag, ti banag a mapaspasamak iti nalimed a siled, a para iti apakadadaelanyo iti apagkanito, ket diyo ammo;

14 Ngem ibagak ita kadakayo, ket mabendisionankayo, saan a gapu iti basolyo, wenno ti kinaawan ti naimpusuan a pammatiyo; ta pudno a sumagmamano kadakayo ti nagbasol kaniak, ngem manangngaasiak kadagiti pagkapsutanyo.

15 Ngarud, agbalinkayo koma a anapigsa manipud ita; dikayo bagbuteng, ta kukuayo ti pagarian.

16 Ket para iti pannakaisalakanyo itedko kadakayo ti bilin, ta nangngegko dagiti kararagyo, ket immasug kaniak dagiti anakurapay, ket inaramidko dagiti bnabaknang, ket kukuak amin a lasag, ket awan ti cidaddadumak a tattao.

17 Ket pinabaknangko ti daga, ket adtoy isu ti apagbatayak, gapuna, agtakderak manen iti daytoy.

18 Ket idiayak ken kalikagumak ti mangted kadakayo iti ad-adu a kinabaknang, a kas iti naikari a daga, ti daga a pagayusan ti gatas ken diro, a ditoy awan ti lunod inton umay ti Apo;

19 Ket itedkonto kadakayo ti daga a tawidenyo, no kalikagumanyo a sipupuso.

20 Ket daytoyto ti katulagak kadakayo, a maalayonto a daga a tawidenyo, ken atawidento dagiti annakyo iti agnanayon, bayat ti kaadda ti daga, ket tagikuaenyonto manen iti agnanayon, nga awanen ti patinggana.

21 Ngem, pudno kunak kadakayo nga iti apagkanito maawanankayonto iti ari wenno agturay, ta siakto ti aariyo ken mangaywan kadakayo.

22 Gapuna, denggenyo ti timekko ket asurotendak, ket agbalinkayonto a bnawaya a tattao, ket awanto ti lintegyo malaksid dagiti lintegko inton umayak, ta siak ti cagit-ited iti lintegyo, ta asino ti manglapped iti imak?

23 Ngem, pudno kunak kadakayo, aisuroyo ti tunggal maysa a maibatay iti takem nga intudingko kadakayo;

24 Ket nasken nga aipateg ti tunggal tao ti kabsatna a kas iti bagina, ket agaramid iti bkinasaguday ken ckinasanto iti imatangko.

25 Ket manen kunak kadakayo, nasken nga ipateg ti tunggal tao ti kabsatna a kas iti bagina.

26 Ta ania a tao kadakayo ti addaan iti sangapulo-ket-dua nga annak a lallaki, ket saanna ida nga idaddaduma, ket pagserbianda a situtulnog, ket kunana iti maysa: Agaruatka iti roba ket agtugawka ditoy; ket iti sabali: Agaruatka iti rutrot ket agtugawka ditoy—sa kumita kadagiti annakna ket kunana awan ti ipangpangrunak?

27 Adtoy, intedko daytoy kadakayo a kasla pangngarig, ket kasla siak daytoy. Kunak kadakayo, aagkaykaysakayo; ket no saankayo nga agkaykaysa saankayo a kukua.

28 Ket manen, kunak kadakayo a gandaten ti kabusor iti nalimed a siled ti abiagyo.

29 Mangngegyo dagiti agubat kadagiti adayo a pagilian, ket kunayo nga addanto dadakkel a gubat kadagiti adayo a pagilian, ngem diyo ammo ti kaunggan dagiti tao iti mismo a dagayo.

30 Ibagak kadakayo dagitoy a banag gapu kadagiti kararagyo; gapuna, aipategyo ti bpagsiriban iti kaungganyo, amangan ta ipalgak ti kinadangkes dagiti tao dagitoy a banag kadakayo babaen ti kinadangkesda, iti wagas a maibaga kadakayo iti timek a napigpigsa ngem iti mamagkintayeg iti daga; ngem no nakasaganakayo saankayo nga agbuteng.

31 Ken tapno malibasanyo ti bileg ti kabusor, ket maummongkayo kaniak a nalinteg a tattao, nga awanan iti amulit wenno pakababalawanna—

32 Gapuna, gapu iti daytoy itedko kadakayo ti bilin a mapan iti aOhio; ket sadiay itedko kadakayo ti bpaglintegak; ket sadiay cmatalugadingankayo iti bileg manipud iti ngato;

33 Ket manipud dita, asino man a pagayatak mapan iti aamin a pagilian, ket maibaganto kadakuada ti aramidenda; ta adda napateg nga aramidko nga agur-uray, ta bmaisalakanto ti Israel, ket idauluakto ida iti ania man a pagayatak, ket awan ti bileg a cmanglapped iti imak.

34 Ket ita, itedko iti simbaan kadagitoy a paset ti bilin, a sumagmamano a tao kadakuada ti matudinganto babaen ti atimek ti simbaan;

35 Ket kitaendanto dagiti nakurapay ken makasapul, ket atarabayendanto ida tapno saanda nga agsagaba; ket ibaonda ida iti lugar nga imbilinko kadakuada;

36 Ket daytoyto ti aramidda, a mangimaton kadagiti aramid ti kukua ti simbaan.

37 Ket isuda nga addaan iti pagmumulaan a saan a malako, bay-anyo a mabatida wenno maupaan a kas iti namnamaenda a pagsayaatanda.

38 Kitaenyo a mataginayon amin a banag; ket no amatalugadingan dagiti tao iti bileg nga aggapu iti ngato ket maibaonda, amin dagitoy a banag maummongda iti uneg ti simbaan.

39 Ket no gamgamenyo ti akinabaknang a pagayatan ti Ama nga ited kadakayo, dakayonto ti kabaknangan kadagiti amin a tao, ta addanto kadakayo ti kinabaknang ti kinaagnanayon; ket nasken unay a siak ti mangted iti bkinabaknang ti daga; ngem agannadkayo iti ckinapalangguad, amangan ta agbalinkayo a kas kadagiti nagkauna a dNephite.

40 Ket manen, kunak kadakayo, itedko kadakayo ti bilin, a tunggal tao, agpapada dagiti elder, saserdote, maestro ken kasta met ti kameng a mapan iti amin a kabaelanna, iti aramid dagiti aimana, a mangisagana ken mangipatungpal kadagiti banag nga imbilinko.

41 Ket bay-anyo a ti apanangaskasabayo ti agbalin a timek a bmamallaag, tunggal tao iti padana a tao, a siaalumamay ken sipapakumbaba.

42 Ket asuminakayo kadagiti nadangkes. Isalakanyo ti bagbagiyo. Agtalinaedkayo a nadalus a mangimet iti pagikkan ti Apo. Pudno a kasta. Amen.