Ebʼ li loqʼlaj hu
Tzol’leb’ ut Sumwank 38


Tasal 38

K’utb’esinb’il na’leb’ k’eeb’il rik’in xtz’uumal re laj Jose Smith li Profeet, sa’ Fayette, Nueva York, 2 Enero 1831. Ki’uxman sa’ jun ch’utub’aj-ib’ re li Iglees.

1–6, Li Kristo kixyo’ob’tesi chixjunil li k’a’aq re ru; 7–8, A’an wan sa’ xyiheb’ laj santil paab’anel, li chi seeb’ te’iloq re; 9–12, Chixjunil li tz’ejwalej po’b’il ru chiru a’an; 13–22, A’an kixk’uula choq’ reheb’ lix santil paab’anel jun ch’och’ li yeechi’inb’il sa’ li yu’am a’in ut sa’ li junelik q’e kutan; 23–27, Eb’ laj santil paab’anel taqlanb’ileb’ chi wank chi junajaqeb’, ut chixk’oxlankil rib’ chirib’ileb’ rib’ jo’ as iitz’inb’ej; 28–29, Nayeeman naq taawanq li pleet; 30–33, Eb’ laj santil paab’anel taak’eemanq reheb’ li wankilal chalenaq chaq taqe’q, ut te’xik sa’ xyanqeb’ chixjunil li tenamit; 34–42, Li Iglees taqlanb’il chirilb’aleb’ li neb’a’ ut li maak’a’eb’ wan re, ut chixsik’b’al li b’ihomal re li junelik q’e kutan.

1 Jo’ka’in naxye li Qaawa’ lee Dios, a’an ajwi’ li Jesukristo, li Xnimal ru aLaa’inin, li Alfa ut li Omega, lix btiklajik ut li roso’jik, a’an ajwi’ li ki’ilok re xnimal ru xheelam li junelik q’e kutan, ut chixjunil li cteep chi lemtz’ anjel re choxa, drub’elaj naq ekiyiib’aman li ruchich’och’;

2 A’an ajwi’ li ananawok re chixjunil li k’a’aq re ru, xb’aan naq bchixjunil li k’a’aq re ru wan chi k’utk’u chiru lix naq’ wu;

3 Laa’in ajwi’ li kin’aatinak, ut akiyiib’aman li ruchich’och’, ut chixjunil li k’a’aq re ru kichal inb’aan.

4 Laa’in ajwi’ li kink’uluk re li aSion re laj Enok chire tz’aqal inch’ool; ut chi yaal ninye, jo’ k’ihaleb’ ajwi’ li bke’paab’ank re lin k’ab’a’, xb’aan naq laa’in li Kristo, ut sa’ tz’aqal lin k’ab’a’, xb’aan xchaab’ilal li ckik’elej li kinhoy, kintz’aaman chiru li Yuwa’b’ej choq’ reheb’.

5 A’ut k’ehomaq reetal, li rela’eb’ alaj maak kink’uula sa’ bb’ak’leb’ ch’iich’ re q’ojyin toj reetal li craqb’a-aatin re li xnimal ru kutan, li taachalq sa’ roso’jik li ruchich’och’.

6 Ut chi jo’kan tintaqla naq te’k’uulamanq laj maak, li ink’a’ te’ab’inq re lix yaab’ inkux, li te’xkawob’resi b’an li raameb’, ut rahilal, rahilal, rahilal li xk’ulumaqeb’.

7 A’ut k’ehomaq reetal, chi yaal, chi yaal, ninye eere, naq wan lix anaq’ wu sa’ eeb’een. Laa’in wankin sa’ beeyi, ut ink’a’ nekexru chiwilb’al;

8 A’b’anan chi seeb’ taachalq li kutan naq atineeril, ut teenaw naq wankin; xb’aan naq li tz’apleb’ t’ikr re q’ojyin sa’ junpaat chik taapejliiq, ut li ani moko bsaqob’resinb’il ta ru ink’a’ ctixkuy xnumsinkil li kutan.

9 Jo’kan ut, b’ak’omaq lee yiitoq ut chexwanq chi kawresinb’il. K’ehomaq reetal, eere laa’ex li aawa’b’ejihom, ut laj xik’ ilonel ink’a’ taaq’axoq-u.

10 Chi yaal ninye eere, ach’ajb’ilex, a’b’an moko chixjunil ta; ut maa’ani chik wan li bnasaho’ wi’ chi tz’aqal inch’ool;

11 Xb’aan naq chixjunil li atz’ejwalej po’b’il ru chiwu; ut eb’ li wankilal re bq’ojyin neke’numta sa’ li ruchich’och’, sa’ xyanqeb’ li ralal xk’ajoleb’ li winq, sa’ rilob’aal chixjunil li teep re choxa—

12 Xb’aan li na’awa’b’ejin wi’ li ch’anch’ookilal, ut wan sa’ arahilal chixjunil li junelik q’e kutan, ut eb’ li banjel yookeb’ chiroyb’eninkil li nimla taqlahom re cxq’olb’al chaq li ruchich’och’, re xch’utub’ankil li dyib’ aj pim re naq etaak’atmanq; ut k’ehomaq reetal, ch’utub’anb’il laj xik’ ilonel.

13 Ut anajwan nink’ut cheru jun li muqmuukil na’leb’, jun na’leb’ k’uulanb’il chaq sa’eb’ li muqmuukil na’ajej, re xk’eeb’al chi uxmank toj reetal aeesachlijik chirix xnumikeb’ li kutan, ut moko xenaw ta;

14 A’ut anajwan ninye a’an eere, ut osob’tesinb’ilex, moko xb’aan ta lee maa’usilal, chi moko lee ch’ool wan wi’ xmaak’a’il li paab’aal; xb’aan naq chi yaal wankeb’ eere li wankeb’ xmaak chiwu, a’ut laa’in tinwuxtaana eeru sa’ xq’unal eemetz’ew.

15 Jo’kan ut, akawaq eemetz’ew chalen anajwan; bmexxuwak, xb’aan naq eere laa’ex li awa’b’ejihom.

16 Ut choq’ re lee kolb’al nink’e eere jun taqlahom, xb’aan naq wab’ihom lee tij, ut eb’ li aneb’a’ xe’tz’uyin chiwu, ut eb’ li bb’ihom keb’inyo’ob’tesi, ut we laa’in chixjunil li tz’ejwalej, ut maawa’in aj ctihoneleb’ ru li winq.

17 Ut kinkanab’ chi b’ihom li ruchich’och’, ut k’ehomaq reetal, a’an axxaqleb’aal li woq, jo’kan naq jun sut chik tinxaqliiq sa’ xb’een.

18 Ut ninyeechi’i sa’ wuq’ ut naxk’ulub’a inch’ool xk’eeb’al eere li b’ihomal q’axal nim wi’chik, a’an ajwi’ jun ch’och’ li yeechi’inb’il, jun ch’och’ nab’utun wi’ li leech ut xya’al kab’, sa’ xb’een li maak’a’aq wi’ li majewank naq taak’ulunq li Qaawa’;

19 Ut tink’e eere choq’ xch’och’il eereechanihom, wi nekesik’ chi anchal eech’ool.

20 Ut a’inaq lin sumwank eerik’in, teek’ul choq’ xch’och’il eereechanihom, ut choq’ areechanihomeb’ lee ralal eek’ajol chi junelik, naq toj xaqxooq li ruchich’och’, ut teereechani wi’chik sa’ li junelik q’e kutan, chi ink’a’ chik taa’oso’q.

21 A’b’an chi yaal ninye eere naq sa’ li yu’am a’in moko taawanq ta eerik’in junaq rey chi moko aj taqlanel, xb’aan naq laa’inaq lee arey ut texink’aak’ale.

22 Jo’kan ut, ab’ihomaq lix yaab’ inkux ut ataaqehomaqin, ut laa’exaq jun bach’ab’anb’il tenamit, ut maajunaq eechaq’rab’, ka’ajwi’ inchaq’rab’ laa’in naq tink’ulunq, xb’aan naq laa’in aj ck’ehol chaq’rab’ cheru, ut k’a’ru tab’i’ naru chi ramok re li wuq’?

23 A’ut chi yaal ninye eere, atzolomaq eerib’ cherib’il eerib’ jo’ chanru li opiis li kexinxaqab’ wi’;

24 Ut li junjunq chi winq achixk’oxla li ras riitz’in jo’ naxk’oxla rib’ a’an, ut chixk’anjela li bsaq ruhil na’leb’ ut csantilal chiwu.

25 Ut jun sut chik ninye eere, li junjunq chi winq chixk’oxla li ras riitz’in jo’ naxk’oxla rib’ a’an.

26 Xb’aan naq k’a’ru tab’i’ chi winq sa’ eeyanq li wan kab’laju li ralal, ut moko tiib’il ta ru narileb’, ut neke’k’anjelak chiru rik’in ab’ink chiru, ut naxye re li jun: Chattiqib’aaq rik’in b’aatal ut k’ojlan arin; ut re li jun chik: Chattiqib’aaq rik’in q’eel t’ikr ut chunlan le’—ut narileb’ li ralal ut naxye naq tiik ru xna’leb’?

27 K’ehomaq reetal, a’in kink’e eere jo’ jaljookil ru aatin, ut a’an ajwi’ jo’ wankin laa’in. Ninye eere, ajunajaqex, ut wi ink’a’ junajex, moko wehex ta.

28 Ut jo’kan wi’chik, ninye eere naq laj xik’ ilonel sa’eb’ li muqmuukil na’ajej naxsik’ aeeyu’am.

29 Nekerab’i resil li apleet sa’ li najtil ch’och’, ut nekeye naq chi seeb’ taawanq ninqi pleet sa’eb’ li najtil ch’och’, a’ut ink’a’ nekenaw xch’ooleb’ li winq sa’ lee ch’och’ laa’ex.

30 Ninye eere li k’a’aq re ru a’in xb’aan lee tij; jo’kan ut, ak’uulahomaq li bchaab’il na’leb’ sa’ lee ch’ool, maare anchal lix maa’usilaleb’ li winq tixk’utb’esi li k’a’aq re ru a’in cheru xb’aan lix maa’usilaleb’, re naq chi jo’kan taa’aatinaq sa’ eexik rik’in jun xyaab’ kuxej q’axal kaw wi’chik chiru li taachiq’oq re li ruchich’och’; a’b’anan wi kawresinb’ilex ink’a’ texxuwaq.

31 Ut re naq texruuq chixkolb’al eerib’ chiru lix wankil laj xik’ ilonel, ut texch’utub’aaq wik’in, jun tenamit tiik xch’ool, chi maak’a’ aeetz’ajnil ut maak’a’ eejitb’al—

32 Jo’kan ut, xb’aan a’in naq kink’e eere li taqlahom naq texxik sa’ li aOhio; ut aran tink’e eere lin bchaq’rab’; ut aran ctextiqib’aaq rik’in wankilal chalen chaq taqe’q;

33 Ut chalen chaq aran, yalaq ani nawaj ataaxik sa’ xyanqeb’ chixjunileb’ li tenamit, ut taayeemanq reheb’ k’a’ru te’xb’aanu; xb’aan naq wan jun li xnimal ru k’anjel k’uulanb’il inb’aan, xb’aan naq taakole’q bIsrael, ut tink’ameb’ xb’e yalaq b’ar nawaj, ut maajun wankilal ctaaramoq re li wuq’.

34 Ut anajwan, nink’e re li iglees sa’eb’ li na’ajej a’in jun taqlahom, naq junjunq li winq sa’ xyanqeb’ te’xaqab’aaq, ut eb’ a’an te’xaqab’aaq xb’aan lix ayaab’ xkux li iglees;

35 Ut eb’ a’an te’rileb’ li neb’a’ ut eb’ li maak’a’eb’ wan re, ut texk’anjelaq re axk’eeb’al xtenq’ankileb’ re naq ink’a’ te’xk’ul rahilal, ut te’xtaqlaheb’ sa’ li na’ajej li kink’e wi’ xtaqlankileb’.

36 A’inaq ut lix k’anjeleb’, xjolominkil li na’ux rik’in li k’a’ru re li iglees a’in.

37 Ut eb’ li ani wankeb’ xch’och’ileb’ li awimq li ink’a’ neke’ru chi k’ayimank, chikanab’amanq malaj chito’nimanq, jo’ neke’xk’oxla naq us.

38 Cheril naq chik’uulamanq chixjunil li k’a’aq re ru; ut chirix naq eb’ li winq ak atiqib’anb’ileb’ rik’in wankilal chalen chaq taqe’q ut taqlanb’ileb’, chixjunil li k’a’aq re ru a’in taach’utub’amanq sa’ xch’ool li iglees.

39 Ut wi nekesik’ li ab’ihomal li wan rajom li Yuwa’b’ej xk’eeb’al eere, laa’exaq li jun tenamit q’axal b’ihom chiru chixjunil chik, xb’aan naq taawanq eerik’in li b’ihomal re junelik q’e kutan; ut tento taa’uxq naq lix bb’ihomal li ruchich’och’ we laa’in re xk’eeb’al; a’b’anan cheril eerib’ chiru li cq’etq’etil, maare anchal texwanq jo’eb’ laj dNefita najter chaq.

40 Ut anajwan, ninye eere, nink’e eere jun taqlahom, naq li junjunq chi winq, jo’ xb’eenil, jo’ aj tij, jo’ aj tzolonel, ut jo’kaneb’ ajwi’ li komon, chixik rik’in xnimal xmetz’ew, rik’in xk’anjel li aruq’, re xkawresinkil ut xb’aanunkil li k’a’aq re ru kintaqla.

41 Ut li aatin ateejultika, chiwanq choq’ xyaab’ kuxej re btije’k, li junjunq chi winq chiru li ras riitz’in, rik’in q’unil aatin ut tuulanil.

42 Ut aelenqex chaq sa’ xyanqeb’ laj maak. Kolomaq eerib’, Ch’ajb’ilaqex laa’ex li nekexk’amok re lix k’uleb’aal li Qaawa’. Chi jo’kan. Amen.