Benneg 35
Paltiing a naited kada Joseph Smith a Propeta ken Sidney Rigdon, iti wenno asideg ti Fayette, Nueva York, idi Disiembre 1830 (History of the Church, 1:128–131). Iti daytoy a panawen, dandani inaldaw nga ipatpatarus ti Propeta ti Biblia. Narugian ti panagipatarus ti kas iti kasapa ti Hunio 1830, ket agpadpada da Oliver Cowdery ken John Whitmer a nagpaay a para surat. Gapu iti pannakatudingda itan kadagiti sabali pay a pagrebbengan, natudingan ni Sidney Rigdon babaen ti nadiosan a pannutok nga agbalin a para surat ti Propeta iti daytoy nga aramid (kitaen ti bersikulo 20). Kas pakauna iti kasuratanna iti daytoy a paltiing insurat ti Propeta: “Simmangpet ni Sidney Rigdon idi Disiembre [manipud iti Ohio] tapno agsaludsod iti Apo, ket simmurot kenkuana ni Edward Partridge. … Saan unay a nabayag simmangpet dagitoy dua a kabsat, kastoy ti kinuna ti Apo” (History of the Church, 1:128).
1–2, Kasano nga agbalin dagiti tao nga annak ti Dios; 3–7, Natudingan ni Sidney Rigdon a mamuniag ken mangitalek iti Espiritu Santo; 8–12, Gutugoten ti pammati dagiti tanda ken milagro; 13–16, Ipilianto dagiti katulongan ti Apo dagiti pagilian babaen ti bileg ti Espiritu; 17–19, Iggem ni Joseph Smith dagiti tulbek ti kinadatdatlag; 20–21, Agtungpalto ti napili iti aldaw a yaay ti Apo; 22–27, Maisalakanto ti Israel.
1 Denggenyo ti timek ti aApo a Diosyo, nga isu ti bAlpha ken Omega, ti pangrugian ken ti panungpalan, a maysa nga inggana a panagrikus ti cturongna, disu met laeng ita idi kalman, ken iti agnanayon.
2 Siak ni Jesucristo, ti Anak ti Dios, a anailansa iti krus para kadagiti basol ti lubong, a kas iti kaadu ti bmamatinto iti naganko, tapno agbalinda nga cannak ti Dios, nga dagmaymaysada kaniak a kas iti ekinamaymaysami iti Ama, a kas iti kinamaymaysa ti Ama kaniak, tapno maymaysakami.
3 Adtoy, pudno, pudno, kunak kenka katulongak a Sidney, naimutektekankan ken dagiti aramidmo. Nangngegkon dagiti kararagmo, ket insaganakan iti ad-adu nga aramid.
4 Mabendisionanka, ta agaramidkanto iti naindaklan a bambanag. Adtoy naibaonka, a kas ken ni aJuan, a mangisagana iti dalan ti yaayko, ken ti yaay ni bElias a propeta nga umay, a dimo ammo.
5 Namuniagka iti danum iti panagbabawi, ngem dida ainawat ti Espiritu Santo;
6 Ngem ita itedko kenka ti bilin, a amamuniagkanto iti danum, ket umawatdanto iti bEspiritu Santo babaen ti panangipatay kadagiti cdakulap, a kas kadagiti nagkauna nga apostol.
7 Ket mapasamakto nga addanto naindaklan nga aramid iti daga, uray pay kadagiti aGentil, ta maipakitanto ti kinabaribar ken dagiti makarimon nga aramidda kadagiti amin a tao.
8 Ta siak ti Dios, ket saan a amapaababa ti takiagko; ket mangipakitaakto kadagiti bmilagro, ctanda, ken pagsidsiddaawan, kadagiti amin a dmamati iti naganko.
9 Ket asino man a dumawatto iti naganko a asipapammati, bpaksiatendanto dagiti csairo; dpaimbagendanto dagiti masaksakit; aramidendanto a makakita dagiti bulsek, ken dagiti tuleng a makangngeg, ken dagiti umel a makapagsao, ken dagiti pilay a makapagna.
10 Ket napardasto ti yaay ti panawen tapno maipakitanto dagiti naindaklan a banag kadagiti annak ti tattao;
11 Ngem awanto ti ania man a banag ti maipakita no aawan ti pammati malaksid ti bpannakadadael ti cBabilonia, a kas met laeng iti naaramid iti amin a pagilian nga uminum iti arak ti pungtotna gapu iti dkinaderrepna.
12 Ket aawan ti agaramid iti naimbag malaksid dagiti sisasagana nga umawat iti pakabuklan ti ebangheliok, nga impatulodko iti daytoy a kaputotan.
13 Gapuna, ayabak dagiti anakapsut a banag iti lubong, dagiti saan a bnakaadal ken maab-abi, a mangummong kadagiti pagilian babaen ti bileg ti Espirituk;
14 Ket takiagkonto dagiti takiagda, ket siakto ti akalasag ken barikesda; ket patibkerekto dagiti lomoda, ket makirupakdanto a simamaingel gapu kaniak; ket ilupekdanto dagiti bkabusorda; ket ipaluboskonto nga cagdisso dagiti espada para iti pagimbaganda, ket taginayonekto ida babaen ti dapuy ti pungtotko.
15 Ket maikasabanto ti ebanghelio kadagiti anakurapay ken bnaemma, ket cur-urayendanto ti panawen a yaayko, ta dasidegen—
16 Ket maadaldanto ti pangngarig ti aigos, ta uray ita asidegen ti kalgaw.
17 Ket impatulodkon ti apakabuklan ti ebangheliok babaen ti ima ti katulongak a ni bJoseph; ket binendisionak ti pagkapsutanna;
18 Ket intedko kenkuana dagiti atulbek ti kinadatdatlag dagidiay bnaitalimeng a banag, a kas kadagiti banag manipud iti cpamuon ti lubong, ken dagiti banag a dumtengto manipud itoy a kanito agingga iti panawen a yaayko, no tungpalennak, ket no saan, mangimulaakto iti sabali a sukatna.
19 Gapuna, siputam tapno saan a kumapsut ti pammatina, ket maitedto babaen ti aMangliwliwa, ti bEspiritu Santo, a makaammo iti amin a banag.
20 Ket itedko kenka ti bilin—nga aisuratam; ket maitedto dagiti nasantuan a kasuratan, a kas iti kaaddada iti barukongko, iti pannakaisalakan dagiti bpilik;
21 Ta denggendanto ti atimekko, ken makitadakto, ket saandanto a matmaturog, ket bagtungpalda iti aldaw a cyaayko; ta mapatarnawdanto, a kas iti dkinatarnawko.
22 Ket ita kunak akenka, kaduaem ket agdaliasat a kaduanaka; dimo baybay-an, ket awan duadua a matungpal dagitoy a banag.
23 Ket ano la ket saanka nga agsursurat, adtoy, maitedto kenkuana nga ipadtona; ket ikasabamto ti ebangheliok ken awagam bdagiti nasantuan a propeta a mangpaneknek kadagiti balikasna, a kas maiteddanto kenkuana.
24 aTungpalem amin dagiti bilin ken katulagan a nakaikariam; ket aramidekto ti bpannakadayyeg ti langit a para iti pagimbagam, ket agtigergerto ni cSatanas ket dagrag-onto ti Zion kadagiti turod ket rumang-ayto;
25 Ket amaisalakanto ti bIsrael iti naituding a panawenko; ket maiturongdanto babaen dagiti ctulbek nga intedko, ket awanton ti matikaw.
26 Itag-ayyo dagiti pusoyo ket agragsakkayo, asidegen ti apannakasubbotyo.
27 Saankayo nga agbuteng, babassit nga arban, kukuayo ti apagarian agingga nga umayak. Adtoy, bumayak a di agtantan. Pudno a kasta. Amen.