Dagiti Nasantuan a Kasuratan
Doktrina ken Katulagan 34


Benneg 34

Paltiing a naited ken ni Orson Pratt babaen ni Joseph Smith a Propeta, iti Fayette, Nueva York, idi 4 ti Nobiembre 1830 (History of the Church, 1:127–128). Sangapulo-ket-siam idi ni kabsat a Pratt. Napasurot ken nabuniaganen idi damo a mangngegna ti pannakaikasaba ti naisubli nga ebanghelio babaen ti in-inauna a kabsatna, ni Parley P. Pratt, innem a lawas sakbayna. Naawat daytoy a paltiing iti pagtaengan ni Peter Whitmer, Sr.

1–4, Agbalin nga annak ti Dios dagiti napudno babaen ti Pannubbot; 5–9, Isagana ti pannakaikasaba ti ebanghelio ti dana para iti Maikadua a Yaay; 10–12, Umay ti padto babaen ti bileg ti Espiritu Santo.

1 Anakko nga aOrson, imdengan ken denggem ken imutektekam no ania, Siak, nga Apo a Dios, a kas ken ni Jesucristo a Mannubbotmo, ti sawekto kenka;

2 Ti asilaw ken ti biag ti lubong, ti silaw nga agrimat iti kasipngetan ken saan a maawatan ti kasipngetan;

3 Isu a anangayat iti lubong a bnangtedanna iti bukodna a biag, tapno kas iti kaadu ti mamati makapagbalinda nga cannak ti Dios. Gapuna sika ti anakko;

4 Ket amabendisionanka gapu ta namatika;

5 Ket ad-adda pay a mabendisionanka gapu ta ainawaganka a mangikasaba iti ebangheliok—

6 A mangipigsa iti timekmo a kas iti aweng ti trumpeta, iti nabayag ken napigsa, ket ayararawmo ti panagbabawi kadagiti killo ken barusngi a kaputotan, a mangisagsagana iti dalan ti Apo iti maikadua a byaayna.

7 Ta adtoy, pudno, pudno, kunak kenka, ta asidegen ti apanawen a yaayko a mabungon iti bulep nga addaan bileg ken naindaklan a dayag.

8 Ket anaindaklanto nga aldaw ti panawen a yaayko, ta bagarigenggento amin a pagilian.

9 Ngem sakbay ti yaay dayta naindaklan nga aldaw, agsipngetto ti init, ken agarindaraento ti bulan; ket ipaidamto dagiti bituen ti rimatda, ket addanto pay matnag, ket nakaronto a pannakadadael ti agur-uray kadagiti nadangkes.

10 Gapuna, ipigsamto ti timekmo ket dimo amedmedan, ta nasaon ti Apo a Dios; ngarud mamadtoka, ket maitedto babaen ti bbileg ti Espiritu Santo.

11 Ket no napudnoka, adtoy, addaakto kenka agingga iti yaayko—

12 Ket pudno, pudno, kunak kenka, umayakto a di agtantan. Siak ti Apo ken Mannubbotmo. Pudno a kasta. Amen.