Dagiti Nasantuan a Kasuratan
Doktrina ken Katulagan 33


Benneg 33

Paltiing a naited kada Ezra Thayre ken Northrop Sweet babaen ni Joseph Smith a Propeta, iti Fayette, Nueva York, idi Oktubre 1830 (History of the Church, 1:126–127). Iti panangisurat ti Propeta iti daytoy a paltiing, pinasingkedanna a “ti… Apo kanayon a sisasagana a mangiwanwan kadagiti naregta a mangtunton iti pammati” (History of the Church, 1:126).

1–4, Maawagan dagiti agtartrabaho a mangipakdaar iti ebanghelio iti maikasangapulo-ket-maysa nga oras; 5–6, Maipasdek ti Simbaan, ket maummong dagiti pili; 7–10, Agbabawikayo, ta asidegen ti pagarian ti langit; 11–15, Mabangon ti Simbaan iti panuli ti ebanghelio; 16–18, Agsaganakayo iti yaay ti Nobio.

1 Adtoy, kunak kadakayo, katulongak nga Ezra ken Northrop, luktanyo dagiti lapayagyo ket denggenyo ti timek ti Apo a Diosyo, a ti abalikasna napartak ken nabileg, natadtadem ngem ti dua ti tademna nga espada, a mamagsisina kadagiti susuop ken pata, kararua ken espiritu; ken isu ti mannukod kadagiti panunot ken bpanggep ti puso.

2 Ta pudno, pudno, kunak kadakayo a naawagankayo a mangipigsa iti timekyo a kas iti aaweng ti trumpeta, a mangipakdaar iti ebangheliok kadagiti killo ken barusngi a kaputotan.

3 Ta adtoy, purawen ti akataltalonan a pagapitan; ken bmaikasangapulo-ket-maysan nga oras, ken ti cmaudi a gundaway a panagayabko iti agtrabaho iti bangkagko.

4 Ket anadadaelen a namimpinsan ti bbangkagko; ket sumagmamano laeng ti agar-aramid iti cnasayaat; ket dnagbiddutda iti namin-adu a gundaway gapu kadagiti epanaginsasaserdote, nga addaan amin iti narugit a pampanunot.

5 Ket pudno, pudno, kunak kadakayo, nga aimpasdekko daytoy a bsimbaan ken inyawagko manipud iti langalang.

6 Ken kasta met nga aummongek dagiti pilik manipud iti buppat a suli ti daga, a kas iti kaadu ti mamatinto kaniak, ken dumngeg iti timekko.

7 Wen, pudno, pudno, kunak kadakayo, a purawen ti kataltalonan a pagapitan; gapuna, ipakanyo dagiti kumpayyo, ket aganikayo iti amin a kabaelan, panunot ken pigsayo.

8 aUngapenyo dagiti ngiwatyo ket mapunnodanto, ket agbalinkayonto a kas iti daydi nagkauna a bNephi, a nagdaliasat iti langalang manipud iti Jerusalem.

9 Wen, ungapenyo dagiti ngiwatyo ket saankayo nga aggudeng, ket agbaklaykayonto iti abinettek, ta ngarud, addaak kadakayo.

10 Wen, ungapenyo dagiti ngiwatyo ket mapunnodanto, nga agkuna: Agbabawikayo, aagbabawikayo, ket isaganayo ti dalan nga agturong iti Apo, ket aramidenyo a nalinteg dagiti danana; ta asidegen ti pagarian ti langit;

11 Wen, agbabawi ken aagpabuniagkayo, tunggal maysa kadakayo, para iti pannakaugas ti basbasolyo; wen, agpabuniagkayo iti danum, sa kalpasanna umay ti pannakabuniag iti apuy ken iti Espiritu Santo.

12 Adtoy, pudno, pudno, kunak kadakayo, daytoy ti aebangheliok; ket laglagipenyo a mamatidanto kaniak wenno awanto a pulos ti pannakaisalakanda;

13 Ket iti daytoy a abato bangonekto ti simbaanko; wen, iti daytoy a bato ti bangonenkayo, ket no agtultuloykayo, saanto nga agballigi kadakayo dagiti bruangan ti impierno.

14 Ket malagipyonto dagiti asinurat ken katulagan ti simbaan a tungpalenyo.

15 Ket asino man nga addaan iti pammati apatalgedanyonto iti simbaanko, babaen ti panangipatay kadagiti bdakulap, ket isagutkonto kadakuada ti csagut ti Espiritu Santo.

16 Ket intedko ti Libro ni Mormon ken dagiti anasantuan a kasuratan a bmangiwanwan kadakayo; ket ctignayen ti bileg ti Espirituk amin a banag.

17 Gapuna, agbalinkayo a napudno, a kanayon nga agkararag, a sigagangat ken agdardarang dagiti silawyo, ken seddenyo, tapno sisasaganakayo iti yaay ti aNobio

18 Ta adtoy, pudno, pudno, kunak kadakayo, nga aumayakto a di agtantan. Pudno a kasta. Amen.