Ebʼ li loqʼlaj hu
Tzol’leb’ ut Sumwank 33


Tasal 33

K’utb’esinb’il na’leb’ k’eeb’il rik’in xtz’uumal re laj Jose Smith li Profeet, re laj Ezra Thayre ut laj Northrop Sweet, sa’ Fayette, Nueva York, Octubre 1830. Sa’ xtikib’ankil li k’utb’esinb’il na’leb’ a’in, lix tz’iib’anb’il esil laj Jose Smith naxye xyaalal naq “li Qaawa’ … junelik wan xch’ool chixtzolb’al li ani nasik’ok chi yalb’il xq’e rik’in paab’aal.”

1–4, Eb’ laj k’anjelanel b’oqb’ileb’ chixch’olob’ankil li evangelio sa’ li xjunlaju hoonal; 5–6, Li Iglees ak xaqab’anb’il, ut eb’ li sik’b’ileb’ ru tento te’ch’utub’aaq; 7–10, Jalomaq eek’a’uxl, xb’aan naq xnach’ok chaq li awa’b’ejihom re choxa; 11–15, Li Iglees kab’lanb’il sa’ xb’een li saqoonaq re li evangelio; 16–18, Kawresihomaq eerib’ choq’ re lix k’ulunik li B’eelomej.

1 K’ehomaq reetal, ninye eere, ex inmoos Ezra ut Northrop, tehomaq lee xik ut chex’ab’inq chiru lix yaab’ xkux li Qaawa’ lee Dios, li yo’yo ut nim xwankil li araatin, q’es wi’chik ru chiru jun yok’leb’ ch’iich’ ka’pak’al xq’esnal, li najache’ wi’ ru xb’asalil li b’aqelej ut li sulutz, li aamej ut li musiq’ej, ut naxtz’il rix lix k’oxlahom ut li brajom li ch’oolej.

2 Xb’aan naq chi yaal, chi yaal, ninye eere naq b’oqb’ilex chixtaqsinkil xyaab’ eekux jo’ rik’in axyaab’ jun trompeet, ut chixch’olob’ankil lin evangelio chiru jun tasal tenamit yokotzinb’il ut po’jenaq xch’ool.

3 Xb’aan naq k’ehomaq reetal, ak aq’an ru li awimq choq’ re q’ole’k; ut ak xtaw li bxjunlaju hoonal, ut li croso’jikil sut tinb’oqeb’ wi’ aj k’anjenel sa’ lin awimq.

4 Ut ak axpo’e’ ru lin bawimq, li junjunq raqal; ut maajun wan li nab’aanunk re li cus, ka’ajwi’ junjunq ajwi’; ut eb’ a’an dneke’sach xna’leb’ naab’al sut xb’aan li etijok chi tojb’il, ut po’jenaqeb’ xk’a’uxl chixjunileb’.

5 Ut chi yaal, chi yaal, ninye eere, naq li aiglees a’in bkinxaqab’ ut kinb’oq chaq sa’ li yamyookil ch’och’.

6 Ut jo’ka’in ajwi’ ateb’inch’utub’ li sik’b’ileb’ ru inb’aan chalen chaq sa’ bxkaajachalil li ruchich’och’, jo’ k’ihaleb’ ajwi’ li te’paab’anq we, ut te’ab’inq chiru xyaab’ inkux.

7 Relik chi yaal, ninye chi tz’aqal yaal eere, naq ak q’an ru li awimq choq’ re q’ole’k; jo’kan ut, ch’ikomaq lee setleb’ ch’iich’, ut q’olonqex chi anchal eemetz’ew, eek’a’uxl, ut eekawilal.

8 aTehomaq xtz’uumal eere ut taanujaq, ut tex’ok chanchan ajwi’ laj bNefi najter, li ki’el chaq Jerusalen chiru li yamyookil ch’och’.

9 Relik chi yaal, tehomaq xtz’uumal eere ut meekotz eemetz’ew, ut taatub’laaq li aq’olom cherix, xb’aan naq ilomaq, laa’in wankin eerik’in.

10 Relik chi yaal, tehomaq xtz’uumal eere ut taanujaq, ut cheye: aChejal eek’a’uxl, chejal eek’a’uxl, ut chekawresi lix b’e li Qaawa’, ut chetiikob’resi ru li ruq’ xb’e, xb’aan naq taanach’oq chaq li awa’b’ejihom re choxa;

11 Relik chi yaal, chejal eek’a’uxl ut achikub’eeq eeha’, chejunjunqalex, choq’ re jun risinkil lee maak; relik chi yaal, chikub’eeq eeha’ rik’in ajwi’ li ha’, toja’ ut naq nachal li kub’iha’ re xam ut re li Santil Musiq’ej.

12 K’ehomaq reetal, chi yaal, chi yaal, ninye eere, a’in lin aevangelio; ut chijultiko’q eere naq te’wanq xpaab’aal chiwix, malaj ut maamin te’ruuq chi kole’k;

13 Ut sa’ xb’een li asaqoonaq a’in tinkab’la lin iglees; relik chi yaal, sa’ xb’een li saqoonaq a’in kab’lanb’ilex laa’ex, ut wi texkanaaq, li brokeb’aal xb’alb’a ink’a’ taanumtaaq sa’ eeb’een.

14 Ut taajultiko’q eere li jar araqal ut sumwank re li iglees, re xpaab’ankileb’.

15 Ut yalaq ani wan xpaab’aal ateek’ojob’ sa’ lin iglees, rik’in xk’eeb’al li buq’ej, ut laa’in tink’e li cmaatan re li Santil Musiq’ej sa’ xb’eeneb’.

16 Ut lix Hu laj Mormon ut aeb’ li santil tz’iib’anb’il hu k’eeb’ileb’ inb’aan choq’ beetzolb’al; ut lix wankil lin Musiq’ cnaxk’e xyu’am chixjunil li k’a’aq re ru.

17 Jo’kan ut, tiikaqex chi paab’ank, junelik chextijoq, chi wanq eexam chi k’uub’anb’il ut chi lochlo, ut chi wan xya’al eerik’in, re naq kawalaqex sa’ xk’ulunik li aB’eelomej

18 Xb’aan naq k’ehomaq reetal, chi yaal, chi yaal, ninye eere, naq atink’ulunq chi seeb’. Chi jo’kan. Amen.