Wase 31
Na veika sa vakatakilai vei Josefa Simici na Parofita, me tukuni vei Tomasi B. Masi ena Sepiteba, 1830. Oqo ni se qai oti sara toka ga e dua na koniferedi ni Lotu (raica na ikau ni wase 30). A se qai papitaiso ga ena dua na gauna ena itekivu ni vula ko Tomasi B. Masi ka sa tabaki oti me dua na italatala qase ni Lotu ni bera ni vakatakilai mai na veika oqo.
1–6, Sa kacivi ko Tomasi B. Masi me vunautaka na kosipeli ka sa vakadeitaki vua na nodratou tiko vinaka na nona matavuvale; 7–13, Sa vakasalataki me dau vosota, dau masu tiko ga, ka muria na Dauveivakacegui.
1 I aTomasi na luvequ, ko sa kalougata ena vuku ni nomu vakabauta ena noqu cakacaka.
2 Raica, ko sa kune rarawa vakavuqa ena vukudratou na nomu matavuvale; ia au na vakalougatataki iko kei na nomu matavuvale, io, ko ira na luvemu; ka na qai yaco mai na siga era na vakabauta kina ka kila na ka dina, ka duavata kei iko ena noqu lotu.
3 Laveta cake na yalomu ka reki, ni sa yaco mai na gauna mo vakayacora kina na nomu ilesilesi; ka na sereki na wa ni yamemu, ia mo vunautaka yani na itukutuku arekitaki me ra marau vakalevu kina na itabatamata oqo.
4 Ia mo avunautaka yani na veika sa vakatakilai vei Josefa Simici Lailai na noqu italai. Mo tekivu vunau sara ga ena gauna oqo ka lako yani, io mo ia na tatamusuki ena were sa bmatua tu, ni bera ni vakamai.
5 O koya mo acurumaka kina na nomu isele takelo ena yalomu taucoko, ia ena bvosoti ka bokoci na nomu ivalavala ca, ia ko na colata e vuqa na civau sila e dakumu, io sa kilikili me soli vua na tamata ddaucakacaka na kena isau. O koya, ena bula kina na nomu matavuvale.
6 Raica au sa kaya vakaidina vei iko, mo biuti iratou vakalekaleka mada ka la’ki vunautaka na noqu vosa, ia au na vakarautaka e dua na tikina me nodratou.
7 Raica au na avakauqeta na lomadra na tamata me ra vakabauti iko. Kau na tauyavutaka e dua na lotu mai na ligamu;
8 Ia mo na avaqaqacotaki ira ka vakarautaki ira ki na gauna me ra na vakasoqoni kina.
9 Mo avosota sara na veika brarawa, io mo kakua ni vosa vakacacataki ira era sa vosa vakacacani iko. Mo tudei sara ka veiliutaki ena yalomalua ena nomu cvale.
10 Raica ko na vaka na vuniwai vei ira na isoqosoqo lewe ni lotu, ia ko sa sega ni yaga vei ira na kai vuravura, ni ra sa sega ni vakabauti iko.
11 Mo lako yani ki na vanua ka’u sa talai iko kina, ia ena vakatakila vei iko na aDauveivakacegui na vanua mo lako kina kei na veika mo la’ki kitaka.
12 Mo adaumasu tiko ga mo kakua ni rawai ena bveitemaki, ka vakayalia na kemu isau.
13 Mo ayalodina tiko ga me yacova na ivakataotioti, raica au sa tiko bvata kei iko. Na vosa oqo e sega ni nona yalayala e dua na tamata, se nodra yalayala na tamata, raica oqo na ka au sa yalataka koi au ko Jisu Karisito na nomu Dauveivueti, me vaka na clewa i Tamaqu. Emeni.