Vunau kei na Veiyalayalati 3
    Footnotes

    Wase 3

    Na ivakatakila sa soli vei Josefa Simici na Parofita, e Amoni, Penisilivenia, Julai 1828, me baleta na yali ni 116 na draunipepa ni ivola ka vakadewataki mai na itekivu ni iVola i Momani, ka a vakatokai na ivola i Liai. A solia vakavoraki na Parofita ena nona a maroroya tiko, ki vei Matini Erisi, o koya ka mai veiqaravi vakavunivola vakalekaleka ena vakadewataki ni iVola i Momani. A vakatakilai na veika oqo ena Urimi kei na Cumimi. (Raica na wase e 10.)

    1–4, Sa dua na iwavoki tawamudu na nona sala na Turaga; 5–15, Me veivutuni o Josefa Simici de na vakayalia na isolisoli ni vakavakadewa; 16–20, Sa yaco mai na iVola i Momani me ra na vakabulai kina na kawa i Liai.

    1 Na acakacaka, kei na ituvatuva, kei na inaki ni Kalou ena sega ni rawa ni dua e tarova, ena sega talega ni ra mai tini botoilevu tu.

    2 Ni sa sega ni dau lako na aKalou ena sala tatakelokelo, sa sega tale ga ni veigoleyaki ki na imatau se ki na imawi, sa sega ni dauveisautaka na nona vosa, o koya sa dodonu sara na nona sala, ka sa dua na iwavoki tawamudu na nona bsala.

    3 Nanuma, nanuma tiko ni sega ni dau vakatawayagataki na acakacaka ni Kalou, ia na cakacaka ga ni tamata;

    4 E dina ga ni na levu na nona ivakatakila e dua na tamata, ka tiko vua na kaukauwa me vakayacora kina na cakacaka kaukauwa e vuqa, ia kevaka sa aboletaka ga na nona kaukauwa, ka sega ni muria na bivakasala ni Kalou, ka sa muria ga na vakatulewa ni nona vakasama kei na cgagadre ni yalona, sa na bale vakaidina ka tau vua na dcudru ni Kalou yalododonu.

    5 Raica, o sa nuitaki ena veika oqo, ia e vakacava sara na bibi ni nomu ivakaro; mo nanuma talega na vosa ni yalayala a caka vei iko, kevaka ko a sega ni talaidredre vei ira.

    6 Ia raica, sa wasoma beka na nomu dau atalaidredre ki na ivakaro kei na lawa ni Kalou, ka vakayacora ga na nodra bveivakauqeti na tamata.

    7 Ia, raica, a sega ni dodonu mo arerevaka vakalevu na tamata mai vua na Kalou. E dina ga ni ra sa sega ni muria na tamata na ivakasala ni Kalou, ka bbeca na nona vosa—

    8 Ia ko iko a dodonu mo yalodina; ke a qai dodoka yani na ligana ka tokoni iko mai na agasau vidi waqa kecega ni bmeca; ka qai tiko kei iko ena veigauna kecega ni nomu cleqa.

    9 Raica, sai iko ko Josefa, ko sa digitaki mo vakayacora na cakacaka ni Turaga, ia me baleta na talaidredre, kevaka ko sa sega ni qarauni iko, ko na lutu dina.

    10 Ia mo nanuma, na Kalou sa rui yalololoma; o koya, mo veivutunitaka na veika ko sa cakava ka sega ni salavata kei na ivakaro kau sa solia vei iko, ka mo digitaki tikoga kina, ka kacivi tale ki na cakacaka;

    11 Vakavo walega kevaka o kitaka oqo, ko na muduki tani ka vakataki ira tale na tamata e so, ni sa sega tale ni dua na nomu isolisoli.

    12 Ia ni ko sa solia tani yani na veika sa solia na Kalou vei iko, o ya na rai kei na kaukauwa ni avakavakadewa, ko sa solia tani kina na veika tabu oqori ki na ligana e dua na btamata dau caka ca,

    13 Ko koya sa sega ni muria na ivakasala ni Kalou, ka voroka na veiyalayala tabu bibi duadua era a cavuti ena mata ni Kalou, ka aboletaka ga na nona vakatulewa vakataki koya ka sakitaka na nona yalomatua.

    14 Sai koya oqo na vuna ko sa mai vakayalia kina na nomu isolisoli ena dua na gauna—

    15 Ni ko sa vakatara na ivakasala ni nomu adauveidusimaki me buturaki sobu mai na ivakatekivu.

    16 Ia, na noqu cakacaka ena vakayacori ga, ni kevaka era sa kila na aiVakabula ko ira na kai vuravura, ena nodra bivakadinadina na Jiu, ena vakatalega kina na nodra ckila na noqu tamata ni dua na iVakabula—

    17 Io kivei ira na aNifaiti, kei na Jekopaiti, kei na Josefaiti, kei na Soramaiti, mai na ivakadinadina ni nodra qase—

    18 Ia era na kila na aivakadinadina oqo na bLeimanaiti, kei na Lemuelaiti, kei na Isimelaiti, ko ira era sa cmalumalumu mai ena tawavakabauta ena vuku ni ivalavala ca ni nodra qase, ko ira sa laiva na Turaga me ra dvakarusai ira na wekadra na Nifaiti, ena vuku ni nodra ivalavala ca ka itovo vakasisila.

    19 Ia ena vuku sara ga ni ainaki oqo era sa maroroi kina na bpeleti oqo, ka tiko kina na ivolatukutuku oqo—me vakayacori kina na cyalayala ni Turaga, ka a vakayacora vei ira na nona tamata;

    20 Ka ra na kila kina na aLeimanaiti na kedra itukutuku na nodra qase, ka ra na kila talega kina na yalayala ni Turaga, ka me ra bvakabauta kina na kosipeli ka cvakararavi ki na loloma i Jisu Karisito, ka dvakalagilagi ena nodra vakabauta na yacana, ka vakakina ena nodra veivutuni me ra vakabulai. Emeni.