1 Koute vwa Jezikri, Redanmtè w la, Gran ^aMwen Menm nan, moun ponyèt ^bmizèrikòd li te ^cekspye peche w yo;

2 Ki pral ^arasanble pèp li a menm jan yon manman poul rasanble ti poul li yo anba zèl li yo, menm tout moun ki koute vwa m epi ki gen ^bimilite devan m, epi ki rele m nan priyè ki pisan.

3 Gade, an verite, an verite, m di nou, kounyea peche nou yo ^apadone, se poutèt sa nou resevwa bagay sa yo; men, sonje pou nou pa peche ankò, pou malè pa tonbe sou nou.

4 An verite, m di nou, m chwazi nou pami mond lan pou nou deklare levanjil mwen an avèk yon son lakontantman, tankou ^avwa yon twonpèt.

5 Leve kè nou epi kontan, paske m ^apami nou, epi m se ^bavoka nou devan Papa a; epi li gen bon dezi pou l ba nou ^cwayòm nan.

6 Epi jan sa te ekri a—Nenpòt sa nou ^amande avèk ^blafwa, si nou ^creyini ansanm nan priyè daprè kòmandman mwen an, n ap resevwa l.

7 Epi nou te resevwa apèl pou nou reyalize ^arasanbleman moun ke m ^bchwazi yo; paske moun mwen chwazi yo ^ctande vwa m epi yo pa fè ^dkè yo di;

8 Se poutèt sa, yon dekrè soti nan men Papa a pou yo ^arasanble nan yon sèl plas sou sifas peyi sa a, pou yo ^bprepare kè yo epi pou yo prepare nan tout bagay kont jou lè ^ctribilasyon ak dezolasyon desann kont mechan yo.

9 Paske, Senyè tout Lame yo di, lè a pre epi jou a pral rive talè pou tè a mi; epi tout ^aògeye yo ak moun ki fè mechanste yo pral tankou ^bpay; epi m ap ^cboule yo, pou mechanste sispann sou tè a.

10 Paske lè a pre, epi bagay apot mwen yo te ^apale a dwe akonpli; paske jan yo te pale a se konsa sa pral pase;

11 Paske m pral revele tèt mwen depi nan syèl la avèk pouvwa epi gwo laglwa, avèk tout ^alame syèl yo, pou m rete nan ^blajistis avèk lèzòm sou tè a pandan ^cmil ane, epi mechan yo p ap kapab kanpe.

12 Epi ankò, an verite, an verite, m di w, epi sa te soti nan yon dekrè fèm, avèk volonte Papa a, pou fè konnen, ^aapot mwen yo, Douz yo ki te avè m nan ministè mwen an nan Jerizalèm, ap kanpe a dwat mwen, jou m ap vini m nan yon kolòn ^bdife a, y ap abiye avèk wòb lajistis, avèk kouwòn sou tèt yo, nan ^claglwa menm jan avèk mwen, pou yo ^djije tout kay Izrayèl la, tout sila yo ki te renmen m epi ki te respekte kòmandman m yo, epi pèsonn lòt moun ankò.

13 Paske yon ^atwonpèt pral sonnen pandan lontan epi byen fò, menm jan avèk sou Mòn Sinayi a, epi tout tè a pral tranble, epi yo ^bpral resisite—wi, sa ki te ^cmouri nan mwen yo, pou yo resevwa yon ^dkouwòn lajistis, epi pou yo abiye, ^emenm jan avèk mwen, pou nou kapab youn.

14 Men, gade, m di nou, anvan gwo ^ajou sa a rive, ^bsolèy la ap pral fènwa, epi lalin nan ap tounen san, epi zetwal yo ap sot tonbe nan syèl la, epi ap gen pi gwo ^csiy anlè nan syèl la ak anba sou tè a.

15 Epi ap gen kriye ak ^arèl pami lèzòm;

16 Epi ap gen yon gwo ^asiklòn lagrèl pou detwi jaden yo sou tè a.

17 Epi se pral konsa, akoz mechanste mond lan, m ap tire ^arevanj sou ^bmechan yo, paske yo pa vle repanti; paske tas endiyasyon m nan ranpli; paske gade ^csan mwen p ap netwaye yo si yo pa tande m.

18 Se poutèt sa, mwen menm Senyè Bondye a, m ap voye sou sifas tè a mouch, k ap kouvri abitan tè yo, k ap manje chè kò yo, epi k ap fè vè monte sou kò yo;

19 Epi lang yo ap mare pou yo pa kapab ^apale kont mwen; epi chè kò yo ap tonbe soti sou zo yo, epi boul je yo ap tonbe soti nan twou je yo;

20 Epi se pral konsa ^abèt nan forè yo ak zwazo rapas anlè yo pral devore yo.

21 Epi gwo legliz ^aabominab la, ki se ^bpwostitye sou tout tè a, ap detwi anba yon dife ^cdevoran, menm jan bouch Ezekyèl, pwofèt la te pale a konsènan bagay sa yo ki pa ko rive, men ki ^ddwe rive kanmèm, menm jan m vivan an, paske abominasyon p ap pral renye.

22 Plis ankò, an verite, an verite, m di nou, lè ^amil lane yo fin pase, epi lèzòm kòmanse nye Bondye yo a ankò, lè sa a m ap epanye tè a pandan yon ti ^bkras tan sèlman;

23 Epi ^alafen an ap vini, epi syèl la ak tè a pral konsonmen epi yo pral ^bpase, epi pral gen yon nouvo syèl ak yon ^cnouvèl tè.

24 Paske tout bagay ansyen pral ^apase, epi tout bagay pral vin nouvo, menm syèl la ak tè a, ak tout plenitid yo, lèzòm ak bèt yo, epi zwazo anlè yo, ak pwason yo ki nan lanmè a;

25 Epi ni yon grenn ^acheve ni yon ti pay p ap pèdi, paske se travay men mwen.

26 Men, gade, an verite, m di nou, anvan tè a pase, ^aMichèl, ^bakanj mwen an pral sonnen ^ctwonpèt li a, epi apre sa tout mò yo pral ^dleve, paske tonb mò yo pral louvri, epi yo ^epral parèt—wi, yo tout.

27 Epi moun ki ^ajis yo pral rasanble sou kote ^bdwat mwen pou lavi etènèl; epi mechan yo sou kote goch mwen, m pral wont pou m rekonèt yo devan Papa a;

28 Se poutèt sa, m ap di yo—^aWete kò nou kote m, moun modi, ale nan ^bdife etènèl la, ki te pare pou ^cdyab la ak zanj li yo.

29 Epi kounyeya, gade, m di nou, m pa t janm deklare avèk bouch pa m yo ta pral retounen, paske yo pa kapab vini ^akote m ye a, paske yo pa gen pouvwa.

30 Men, sonje, lèzòm pa resevwa tout jijman mwen yo; epi jan pawòl yo soti nan bouch mwen an se konsa yo ap akonpli, pou ^apremye yo kapab vin dènye, epi pou dènye yo kapab vin premye nan tout bagay m te kreye avèk pawòl pouvwa mwen, ki se pouvwa Lespri m.

31 Paske se avèk pouvwa Lespri m mwen te ^akreye yo; wi, tout bagay ^bespirityèl ak tout bagay tanporèl—

32 Premyèman, ^aespirityèl, dezyèmman, tanporèl ki se kòmansman travay mwen an; epi ankò, premyèman, tanporèl, dezyèmman, espirityèl ki se dènye travay mwen an—

33 M pale avèk nou pou nou kapab konprann natirèlman; men, pou mwen menm, travay mwen yo pa gen ^afinisman, ni kòmansman; men m ban nou l pou nou kapab konprann, paske nou te mande m epi nou te dakò.

34 Se poutèt sa, an verite, m di nou, tout bagay espirityèl pou mwen, epi nan okenn moman m pa janm ba nou okenn lalwa ki tanporèl; ni okenn moun, ni pitit lèzòm yo; ni Adan, papa nou, mwen te kreye a.

35 Gade, m te fè l chwazi pou ^atèt pa li; epi m te ba li kòmandman, men m pa t ba li kòmandman tanporèl, paske ^bkòmandman m yo espirityèl; yo pa natirèl ni tanporèl, ni chanèl ni sansyèl.

36 Epi se te konsa paske dyab la te tante Adan—paske, gade, ^adyab la te la anvan Adan, epi li te fè ^brebèl kont mwen, li te di, ban m ^conè w la, ki se ^dpouvwa mwen an; epi li te pouse yon ^etyè nan ^flame syèl la kont mwen akoz ^glib abit yo;

37 Epi m te chase yo desann, epi se konsa ^adyab la ak ^bzanj li yo te vini;

38 Epi gen yon kote ki te prepare pou yo depi nan kòmansman, kote sa a se ^alanfè.

39 Epi li nesesè pou dyab la ^atante pitit lèzòm, san sa yo pa t ap kapab chwazi pou tèt pa yo; paske si yo pa t janm goute ^banmè yo pa t ap konnen sa ki dous—

40 Se poutèt sa, se te konsa dyab la te tante Adan, li te manje nan ^afwi defandi a, epi li te transgrese kòmandman an, konsa li te vin ^bsoumèt anba volonte dyab la paske li te bay tantasyon priyorite.

41 Se poutèt sa, mwen menm Senyè Bondye a, m te fè ^achase l nan Jaden ^bEdenn an, devan prezans mwen, poutèt transgresyon l lan, ki te fè l vin mouri ^cespirityèlman an, ki se premye lanmò a, sa vle di menm lanmò sa a ki se dènye ^dlanmò a, ki espirityèl, ki pral pwononse sou mechan yo lè m di: wete kò nou ^emadichon.

42 Men, gade, m di nou, mwen menm Senyè Bondye a, m te fè Adan ak desandan li yo pa ^amouri, daprè lanmò tanporèl la, jistan mwen menm, Senyè Bondye a, m voye ^bzanj pou deklare yo ^crepantans ak ^dredanmsyon, pa mwayen lafwa nan non ^eSèl Pitit Gason Literal mwen an.

43 Epi se konsa, mwen menm Senyè Bondye a, m te fikse pou lòm, jou ^aeprèv li yo—pa mwayen lanmò natirèl li a, pou l kapab ^bleve nan ^cimòtalite pou l ^dviv etènèl, menm tout moun ki kwè;

44 Epi moun ki pa kwè yo, pou ^adanasyon etènèl; paske yo pa kapab rachte anba chit espirityèl yo a, paske yo pa repanti;

45 Paske yo renmen fènwa plis pase limyè, epi ^azèv yo move, epi yo resevwa ^brekonpans yo nan men moun yo te chwazi pou yo obeyi a.

46 Men gade, m di nou, ^atimoun piti yo ^brachte depi nan fondasyon mond lan pa lantremiz Sèl Pitit Literal mwen an;

47 Se poutèt sa, yo pa kapab fè peche, paske Satan pa resevwa pouvwa pou l ^atante timoun piti yo, jistan yo vin ^bresponsab devan m;

48 Paske m fikse pou yo, jan m vle, daprè bon plezi pa m, pou gwo responsablite soti nan men ^apapa yo.

49 Epi ankò, m di nou, nenpòt moun ki gen konesans, èske m pa kòmande yo pou yo repanti?

50 Epi yon moun ki pa gen ^akonpreyansyon, se zafè pa m pou m fè daprè jan sa te ekri a. Epi kounyeya, m p ap deklare ou plis pou kounyeya. Amèn.