1 Mamela elizwini likaYesu Krestu, iNkosi yakho, uThixo wakho, noMkhululi wakho, ozwi lakhe ^alikhawulezayo kwaye linamandla.

2 Kuba, qaphela, ndithi kuwe, oko akubalulekanga oko niya kukutya okanye oko niya kukusela xa nithabatha ^aumthendeleko, ukuba ninokuwenza ngeliso elizinikele ^bkuzuko lwakhe—nikhumbulela kuBawo umzimba wam endawubekela phantsi nina, ^cnegazi lam elaphalalela ^duxolelo lwezono zenu.

3 Ngako oko, umyalelo ndiyakunika, wokokuba awusayi kuthenga wayini nasiselo sinxilisayo seentshaba zakho;

4 Ngako oko, anisayi kuthabatha nto ngaphandle kokuba yenziwe ntsha phakathi kwenu; ewe, koku ubukumkani bukaBawo buya kwakhelwa emhlabeni.

5 Qaphela, obu bubulumko kum; ngako oko, musani ukumangaliswa, kuba ilixa liyeza lokokuba ndiya ^akusela kwisiqhamo somdiliya kunye nawe emhlabeni, kwaye kunye ^bnoMoronayi, endimthumele kuwe akutyhilele iNcwadi kaMormoni, equlathe ivangeli yam yanaphakade epheleleyo, kuye endinikele izitshixo zembali ^cyentonga kaEfrayim;

6 Kananjalo kunye ^anoEliyasi, kuye endinikele izitshixo zokufezekisa ubuyiselo lwezinto zonke ezithethwe ngomlomo wabo bonke abaprofeti abangcwele ukususela ihlabathi laqalayo, ngokunxulumene nemihla yokugqibela;

7 Kananjalo uYohane unyana kaZekariya, uZekariya lowo yena ^a(uEliyasi) wamtyelelayo waza wamnika isithembiso sokokuba uya kuba nonyana, kwaye igama lakhe liya kuba ^bnguYohane, kwaye uya kuzaliswa ngomoya kaEliyasi;

8 Yohane lowo endimthumele kuni, zicaka zam, Joseph Smith, Omnci., no-Oliver Cowdery, ukuba animisele ^akububingeleli bokuqala enibufumeneyo, okokuba nibe ninokubizwa kwaye ^bnimiselwe nkqu ^cnjengoAron;

9 Kananjalo ^auEliya, kuye ndinikele izitshixo zamandla ^bokuguqulela iintliziyo zoyise ebantwaneni, neentliziyo zabantwana kooyise, ukuze umhlaba wonke ungabi nakubethwa ngesiqalekiso;

10 Kananjalo kunye uYosefu noYakobi, noIsake, noAbraham, oobawo benu, ngabo ^aisithembiso esihleli ngabo;

11 Kananjalo kunye uMikhayeli, okanye ^auAdam, uyise wabo bonke, inkosana labo bonke, lemihla yamandulo;

12 Kananjalo kunye uPetros, noYakobi, noYohane abo bendibathumele kuni, ngabo ^aendinimiseleyo kwaye ndaniqinisa nibe ^bngabapostile, ^cnamangqina akhethekileyo egama lam, kwaye nibe nezitshixo zobulungiseleli benu kwaye ezizezo zinto zifanayo endithi ndazityhila kubo;

13 Kubo endithe ^andanikela ^bizitshixo zobukumkani bam, kwaye ^cnexesha lokuzihlanganisela likaThixo le ^dvangeli ^eyamaxesha okugqibela; ^fneyenzaliseko yamaxesha, kuwo endiya kuhlanganisela kunye zonke izinto ^gzibenye, kunye ezo zisezulwini, nezo zisemhlabeni;

14 Kananjalo kunye zonke ezo uBawo athe ^awandinika ngaphandle kwehlabathi.

15 Ngako oko, ziphakamiseni iintliziyo zenu kwaye nigcobe, kwaye nibhinqe izinqe zenu, nithabathele kuni ^aisikrweqe sam esipheleleyo, ukuze nibe nako ukumelana nomhla wobubi, nithe nenza konke, ukuze nibe nako ^bukuma.

16 Yimani, ke ngoko, nithe izinqe zenu ^anazibhinqela ^bngenyaniso, ^cninengcina-sifuba ^dyobulungisa, kwaye iinyawo zenu zinxityiswe ulungiselelo lwevangeli ^eyoxolo, endithe ndayithumela ^fiingelosi zam ziyinikele kuni;

17 Nithabatha ikhaka lokholo apho ngalo niya kubanako ukuzithintela zonke ^aiintolo zomlilo zabakhohlakeleyo;

18 Kwaye thabathani isigcina-ntloko sosindiso, nekrele loMoya wam, endiya kuwugalela phezu kwenu, nelizwi lam endilityhila kuni, kwaye livunyelwe njengoko lichukumisa zonke izinto ezo nithe nazicela kum, kwaye nithembeke ndide ndibuye, kwaye niya ^akuxwilelwa phezulu, kuba apho ndikhoyo niya ^bkubalapho kanjalo. Amen.