Tusitusiga Paia
Mataupu Faavae ma Feagaiga 21
Mea e Sii mai
Tusi Atoa (PDF)
Vaefaamatalaga
Autu

Vaega 21

Faaaliga na tuuina mai ia Iosefa Samita le Perofeta, i Feiete, Niu Ioka, 6 Aperila 1830 (History of the Church, 1:74–79). O lenei faaaliga na tuuina mai i le faatulagaga o le Ekalesia, i le aso ua taua, i le fale o Peter Uitimera, Matua. E toaono alii, o e na uma ona papatisoina ae lei oo mai i le taimi lea, na auai. I se siilimaga autasi, na faaalia ai e nei alii lo latou manao ma le naunautai e faatulaga le Ekalesia, e tusa ma le poloaiga a le Atua (tagai i le vaega 20). Sa latou siilima foi e talia ma lagolagoina Iosefa Samita, Laitiiti, ma Oliva Kaotui, o taitai pulefaamalumalu o le Ekalesia. Ona faauu lea e Iosefa o Oliva, i le faaee atu o lima, o se toeaina o le Ekalesia, ma sa faapea foi ona faauu e Oliva o Iosefa i lea lava ala e tasi. Ina ua maea le tauaaoina o le faamanatuga, sa faaee e Iosefa ma Oliva lima i luga o i latou taitoatasi na auai mo le faaee atu o le Agaga Paia, ma mo le faamauga o i latou taitoatasi o se tasi o le Ekalesia.

1–3, Ua valaauina Iosefa Samita e avea o se tagatavāai, faaliliutusi, perofeta, aposetolo, ma se toeaina; 4–8, O lana upu o le a taitai ai le faamoemoe o Siona; 9–12, O le a talitonu le Au Paia i ana upu pe a tautala mai o ia e ala i le Faamafanafana.

1 Faauta, ia i ai se atala faamaumau e tausia i totonu o outou; ma i totonu o lena tala faamaumau ia taua ai oe o se etagatavāai, o se faaliliutusi, o se perofeta, o se iaposetolo a Iesu Keriso, o se toeaina o le ekalesia e ala i le finagalo o le Atua le Tamā, ma le alofa tunoa o lo outou Alii o Iesu Keriso,

2 O lē na amusuia e le Agaga Paia e faataatia lona faavae, ma ati aʼe i luga i le faatuatuaga silisili ona paia.

3 Le aekalesia lea na efaatulaga ma faavaeina i le tausaga o lo outou Alii e afe valu selau tolu sefulu, i le masina lona fa, ma i le aso ono o le masina lea ua taua o Aperila.

4 O le mea lea, ia outou, o lona uiga o le ekalesia, uai atu i ana aupu uma ma poloaiga o le a ia tuu atu ia te outou e pei ona maua e ia, ma savavali i le epaia atoa i oʼu luma;

5 Ona o lana aupu ia outou talia, e pei lava ua mai i loʼu lava gutu, i le onosai ma le faatuatua atoa.

6 Ona o le faia o nei mea o le a lē manumalo ai afaitotoa o seoli ia te outou; ioe, ma o le a faamataa ese ai e le Alii le Atua mana o le epouliuli mai i o outou luma, ma faia ia iluluina le lagi mo lo outou lelei, ma le omamalu o lona suafa.

7 Ona ua faapea ona fetalai mai o le Alii le Atua: O ia ua Ou musuia na te uunai le faamoemoe o aSiona i le mana malosi tele mo le lelei, ma ua Ou iloa lona filiga, ma ua Ou faalogoina ana tatalo.

8 Ioe, ua Ou vaai i ana auega mo Siona, ma o le a Ou faia ina ia lē toe faanoanoa o ia mo ia; ona ua oo mai ona aso o le olioli i le afaamagaloina o ana agasala, ma le faaalialia o aʼu faamanuiaga i luga o ana galuega.

9 Aua, faauta, o le a Ou afaamanuiaina i latou uma o e e galulue i loʼu etovine i se faamanuiaga tele, ma o le a latou talitonu i ana upu e tuu atu ia te ia e le iFaamafanafana e ala atu ia te aʼu, ia e ofaaali atu ai o Iesu na ufaasatauroina e tagata e tumu i le fagasala mo agasala a le glalolagi, ioe, mo le faamagaloina o agasala a lē ua lloto salamo.

10 O le mea lea ua tatau ai ia te aʼu ona afaauu o ia e oe, Oliva Kaotui laʼu aposetolo;

11 Ona o lenei mea o se sauniga ia te oe, o oe o se toeaina i lalo o lona lima, ona e amuamua o ia ia te oe, ina ia avea oe o se toeaina i le ekalesia lenei a Keriso, ua tauaveina loʼu igoa—

12 Ma o le failauga muamua o lenei ekalesia i le ekalesia, ma luma o le lalolagi, ioe, i luma o Nuuese; ioe, ma ua faapea ona fetalai mai o le Alii le Atua, faauta, faauta! i atagata Iutaia foi. Amene.