Wóltaʼii 21
Diyin Yá Yáłtiʼí Joseph Smith díí diyingo bił ííshją́ą́ ályaa dóó Fayette, New Yorkdi, Tʼą́ą́chil 1830yę́ędą́ą́ʼ. Díí diyingo ííshją́ą́ ályaaígíí éí Sodizin hadilnééhdi bił chʼétʼą́, yoołkaał wójįʼgi, Peter Whitmer Sr. bighangi. Hastą́ą́ hastóígo, éí tʼáá íídą́ą́ʼ tó bee dabiʼdoolzį́į́ʼgo, éí atah ádaʼiilaa. Ádeinízingo tʼáá átʼé lą́ daʼasłį́į́ʼ dóó nahatʼá yídadiilkaalgo, éí Diyin God bibee hazʼáanii bikʼehgo (wóltaʼii 20 yídííłtah). Áádóó ałdóʼ Joseph Smith Jr. dóó Oliver Cowdery bił danilį́ dóó Sodizin yilą́ąjįʼ tʼáá áłah ásizį́į doogo yee lą́ daʼasłį́į́ʼ. Atsíí tʼááh dah adéesniiʼ bee, Joseph éíí Oliver Sodizinjí elder nilį́į doogo yee yiyísį́į́ʼ, áádóó Oliver tʼáá ákótʼáo Joseph yiyíísį́į́ʼ. Bááh dóó tó ataa daaską́ dóó bikʼijįʼ, Joseph dóó Oliver ákaʼííjéʼígíi tʼáá łaʼí nízínígo yitsíí tʼááh dahdadeesniiʼgo Iiʼsizį́ Diyinii yaayiizlá dóó łaʼí nízį́įgo Sohodizin atah dadooleełgo yikʼi sodoolzin.
1–3, Joseph Smith éí diyingo ooʼíínii, ataʼhalneʼé, Diyin yá yáłtiʼí, hastóí naaki tsʼáadah, dóó elder dooleełgo bikʼihodiiniiʼ; 4–8, Bizaad Zionjí biniyéhígíí yáhooʼááł doo; 9–12, Diyin Yá Naazínígíí bizaad deidoodląął Aaʼáhályáanii yinahjįʼ yáłtiʼgo.
1 Áko shooh, haneʼ łaʼ ndaahʼáa doo; éí biyiʼ diyingo ooʼíínii, ataʼ halneʼii, Diyin yá yáłtiʼí, Jesus Christ yá sizíinii, aTaaʼ Diyin God íínízinígíí biníkááʼ góneʼ sodizinjí elder, dóó niDiyin Bóhólníihii Jesus Christ bibee ajoobaʼ yinílyéego nikʼihodiiniiʼ doo,
2 Iiʼsizį́ Diyinii adeesnááʼgo atłʼááhdi bee haʼaztłʼin niilyáago, áádóó íiyísii diyingo oodląʼ bee hadidoolnííł.
3 Éí sodizin binahastʼą́ dóó hadilyaa tseebíí tsʼáadah dóó biʼaan tádiin yihahgo, dį́į́ʼgóneʼ yiziłgo, dóó hastą́ą́góó yoołkááłgo, Tʼááchil wolyéhígíí biyiʼ.
4 Ákohgo, sodizinjí áłdishní, bizaad tʼáá átʼé bikʼeh dahonołʼį́į doo áádóó bibee nahazʼáanii baa halyéhígíí bikʼehgo nihaidoolééł, hodílzingo deinóhkááhgo;
5 Háálá bizaad ndadidoohłééł, tʼáá shí shizééʼdóó nahalingo, tʼáá ałtsojįʼ haʼíínílníigo dóó iinídlą́ągo.
6 Háálá díí áníłʼį́įgo chʼį́įdii bidáńdítį́hí doo nikʼeh didoodleeł da; aooʼ, dóó Bóhólníihii Diyin God chahałheeł bibeʼadziilii nidááhdóó nahjįʼ kwíidoolííł, áádóó yáʼąąshdi naazléí ná yáʼádaatʼééh dooígíí biniyé nidahidooʼnaał, dóó bízhiʼ baa hodooʼnih.
7 Háálá Bóhólníihii Diyin God kóní: Éí Zionjí biniyéí shinitsékees bichʼįʼ kóshʼį́įgo nizhónígo ayóó ábóodziilgo yiyoołwoł doo, dóó tʼáá awołí bee ájítʼį́įgo shił bééhózin, dóó bisodizin dasidítsʼą́ą́ʼ.
8 Aooʼ, Zion yíká binákʼeeshtoʼ náálį́įgo yiiłtsą́, áádóó yaa atí nilínígíí nahjįʼ kódeeshłííł, háálá bibąąhági ádaatʼéiiyę́ę bee baa ńdeetʼą́ągo yaa bił hózhǫ́, dóó binaanish ííłʼínígíí bikʼijinishdlíigo ííshjáá áshʼį́.
9 Háálá, áko shooh, shidáʼákʼehgi ndaalnishígíí tʼáá ałtso ayóó átʼáo bikʼihojideeshdliił, áádóó saad yee yáałtiʼígíí deidoodląął, éí shí Aaʼáhályáanii binikááʼ góneʼ bichʼįʼ kwííshłaa, éí Jesus diné bąąhági ádaatʼíinii tsin ałnáosdzoh yikááʼ deiyiishxínígíí yaa hoolneʼ éí nihokááʼ dineʼé ndaʼiisíhígíí yá nináʼnídlá, aooʼ, háálá bijéí yínííł danilį́įgo bąąhági ádaadzaayę́ę bee baanídahideestʼą́.
10 Ákohgo íínisin Oliver Cowdery shikééʼ sínízíinii, tʼáá ni yidíísį́į́ł;
11 Díí óʼoolʼįįł ni naah silá, ni biyaadóó elder nilį́, éí nilą́ąjįʼ sizį́, áko Christ bisodizin biyiʼ elder nilį́į doo, shízhiʼ dahyílééłgo—
12 Áádóó díí sodizin biyiʼdóó áłtsé halneʼí nilį́į doo, dóó nihokááʼ dineʼé bidááhdóó, aooʼ, Gentile dineʼé bidááhdóó; aooʼ, áádóó Bóhólníihii Diyin God kóní, shooh, danółʼį́! Jew dineʼé ałdóʼ bidááhdóó. Amen.