Dagiti Nasantuan a Kasuratan
Doktrina ken Katulagan 19


Benneg 19

Paltiing a naited babaen ken ni Joseph Smith, iti Manchester, Nueva York, idi Marso 1830 (History of the Church, 1:72–74). Iti pakasaritaanna, inyam-ammo ti Propeta a kas “bilin ti Dios a saan ketdi a tao, ken ni Martin Harris, nga intedna isu nga Agnanayon” (History of the Church, 1:72).

1–3, Adda ken ni Cristo ti amin a bileg; 4–5, Nasken nga agbabawi amin a tao wenno agsagaba; 6–12, Pannusa ti Dios ti agnanayon a pannusa; 13–20, Nagsagaba ni Cristo para iti amin, tapno saanda nga agsagaba no agbabawida; 21–28, Ikasaba ti ebanghelio ti panagbabawi; 29–41, Ipakdaar dagiti naimbag a damag.

1 Siak ti aAlpha ken Omega, ti bCristo nga Apo; wen, siak pay, ti punganay ken panungpalan, ti Mannubbot iti lubong.

2 Siak, iti apannakaipatungpal ken pannakalpaskon iti pagayatanna a siak, a kas iti Ama, a maipanggep kaniak—iti pannakaiwakaskon iti daytoy tapno bmaparmekko amin a banag iti bagik—

3 A pagtalinaedek amin a abileg, uray pay iti bpanangdadael ken ni Satanas ken dagiti aramidna iti cpaggibusan ti lubong, ken iti maudi a naindaklan nga aldaw ti panangukom, nga ipaaykonto kadagiti agindeg sadiay, a dkedngan ti tunggal tao a maibatay kadagiti earamidna ken dagiti aramid nga inwakasna.

4 Ket awan duadua a nasken nga aagbabawi ti tunggal tao wenno bagsagaba, ta siak, a Dios, awan ti cpagpatinggaak.

5 Gapuna, diak abalbaliwan dagiti pangngeddeng nga aramidekto, ngem mapasamakto ti kinaay-ay-ay, panagsangit, bpanagasug ken panangemkem, wen, kadagiti masarakan iti ckanigid nga imak.

6 Nupay kasta, asaan a naisurat nga awanto ti pagpatinggaan daytoy a panagtutuok, ngem naisurat ti bawan inggana a panagtutuok.

7 Manen, naisurat ti aagnanayon a pannakailunod; gapuna ad-adda a nayebkas ngem kadagiti sabali a nasantuan a kasuratan, a mabalin a maaramid iti puspuso dagiti annak ti tattao, amin-amin iti pakaigloriaan ti naganko.

8 Gapuna, ilawlawagko kadakayo daytoy a kinadatdatlag, ta mainugot a maammuan a kas kadagiti apostolko.

9 Agsaoak kadakayo a napili iti daytoy a banag, a kas maymaysa, tapno makastrekkayo iti apaginanaak.

10 Ta, adtoy, ti akinadatdatlag ti kinadiosan, anian a nagindaklan! Ta, adtoy, awan ti pagpatinggaak, ket ti pannusa nga itden ti imak awan pagpatinggaanna a pannusa, ta bAwan Pagpatinggaanna ti naganko. Gapuna—

11 Pannusa ti Dios ti aagnananayon a pannusa.

12 Pannusa ti Dios ti awan patinggana a pannusa.

13 Gapuna, bilinenkayo nga agbabawi, ket tungpalenyo dagiti abilin nga inawatyo kadagiti ima ti katulongak a ni Joseph Smith, Jun., iti naganko;

14 Ket naawatyo ida babaen ti nailangitan a bilegko;

15 Ngarud bilinenkayo nga agbabawi—agbabawikayo, no saan dangrankayo babaen ti panaplit ti ngiwatko, ken babaen ti pungtotko, ken babaen ti ungetko, ket nakaronto ti apanagsagabayo—no kasano ti kakarona diyo ammo, no kasano ti kinain-inakana diyo ammo, wen, no kasano ti kadagsen ti imetenyo diyo ammo.

16 Ta adtoy, siak, a Dios, asinagabak dagitoy a banag para iti amin, tapno saanda koma nga bagsagaba no cagbabawida;

17 Ngem no saanda nga agbabawi nasken nga aagsagabada a kas kaniak;

18 A dayta a panagsagaba nangipaay kaniak, uray pay Dios, a kaindaklan iti amin, nga aggarigenggen gapu iti saem, ken agdara iti tunggal teterreman, ken agsagaba nga agpada ti bagi ken ti espiritu—ket kayatko a asaanak koma nga uminum iti napait a kopa, ken kumsen—

19 Nupay kasta, madaydayaw koma ti Ama, ket nakiranudak ken alineppasko ti panangisaganak kadagiti annak ti tattao.

20 Gapuna, bilinenkayo manen nga agbabawi, no saan pagpakumbabaenkayo iti nailangitan a bilegko; ket iti kasta aipudnoyo dagiti basolyo, no saan sagabaenyo dagitoy a pannusa a nasaokon, nga iti kabassitan, wen, uray pay iti kababaan a naramananyo iti kanito nga imbabawik ti Espirituk.

21 Ket bilinenkayo nga awan ti aikasabayo malaksid ti panagbabawi, ket bdiyo ipakita dagitoy a banag iti lubong agingga a nakemko.

22 Ta dida pay la akabaelan ti karne ita, ngem bgatas pay la ti awatenda; gapuna, nasken a dida pay la maammuan dagitoy a banag, amangan no mapukawda.

23 Agadalkayo kaniak, ken denggenyo dagiti balikasko; amagnakayo iti bkinapakumbaba ti Espirituk, ket maaddaankayonto iti ckappia kaniak.

24 Siak ni aJesucristo; immayak ta pagayatan ti Ama, ket aramidek ti pagayatanna.

25 Ket manen, bilinenkayo a diyo apaggarteman ti basawa ti kaarrubayo; wenno gandaten ti biag ti kaarrubayo.

26 Ket manen, bilinenkayo a diyo paggarteman ti sanikuayo, ngem ibinglayyo a siwayawaya para iti pannakaimaldit ti Libro ni Mormon, a naglaon iti akinapudno ken ti balikas ti Dios—

27 Nga isu ti balikasko kadagiti aGentil, nga iti saan a mabayag maidanonto iti bHudio, a cnabati dagiti Lamanite, tapno bareng patienda ti ebanghelio, ket saanda a sapulen ti dMesias nga umay nga immayen.

28 Ket manen, bilinenkayo nga aagkararag a bsibabatad kasta met a naimpusuan; wen, iti sango ti lubong ken kasta met iti nalimed, iti tallaong ken kasta met nga agwaywayas.

29 Ket aipakdaaryo ti naimbag a damag, wen, iwaragawagyo kadagiti kabambantayan, ken iti tunggal nangato a lugar, ken kadagiti amin a tao a pakapalubosanyo a kitaen.

30 Ket aramidenyo a sipapakumbaba, nga aagtalek kaniak, a diyo susiken dagiti managsusik.

31 Ket saankayo nga agsao iti amayad-adal, ngem ipakdaaryo ti panagbabawi ken bpammati iti Mangisalakan, ken cpannakaugas ti basbasol babaen ti dpanagbuniag, ken babaen ti eapuy, uray pay ti fEspiritu Santo.

32 Adtoy, daytoy ti naindaklan ken maudi a abilin nga itedko kadakayo maipanggep iti daytoy a banag; ta umdasen daytoy iti inaldaw a pannagnayo, uray pay iti ungto ti biagyo.

33 Ket pagladingitanto ti awatenyo no yaleng-alengyo dagitoy a apammagbaga, wen, uray pay ti pannakadadaelyo ken ti sanikuayo.

34 aMangibinglaykayo iti paset ti sanikuayo, wen, uray pay ti paset ti dagdagayo, ken amin malaksid iti pangtarakenyo iti kaamaanyo.

35 Bayadanyo ti autangyo a bnakitulaganyo iti agimalmaldit. Wayawayaanyo ti bagbagiyo iti cpannakaadipen.

36 aPanawanyo ti balay ken pagtaenganyo, malaksid no tarigagayanyo a kitaen ti kaamaanyo;

37 Ket aagsaokayo a siwawaya iti amin; wen, mangasabakayo, mangigunamgunamkayo, ipakdaaryo ti bkinapudno, uray pay iti napigsa a timek, iti aweng nga agragragsak, agpakpakaasi—Hosanna, hosanna, madaydayaw ti nagan ti Apo a Dios!

38 aAgkararagkayo a kanayon, ket bibukbokkonto ti Espirituk kadakayo, ket dakkelto ti paraburyo—wen, ad-adu pay no magun-odyo dagiti kinabaknang iti daga ken agpatingga iti pannakadadaelda.

39 Adtoy, mabasayo kadi daytoy a saankayo nga agragsak ken maitag-ay ti pusoyo iti rag-o?

40 Wenno makataraykayo kadi iti at-atiddog ngem iti bulsek a bagnos?

41 Wenno amakapagpakumbabakayo kadi ken naemma, ken maiturongyo ti bagbagiyo kaniak a napnuan sirib? Wen, bumasidegkayo kaniak a Mangisalakanyo. Amen.