Wase 17
Na ivakatakila sa soli yani mai vei Josefa Simici na Parofita me baleti Oliva Kaudari, Tevita Witima kei Matini Erisi, e Feieti, Niu Ioka, June 1829, ni bera ni ratou raica na peleti ceuti ka tiko kina na ivolatukutuku ni iVola i Momani. Ko Josefa kei na nona vunivola, ko Oliva Kaudari erau sa vulica mai na ivakadewa ni peleti ni iVola i Momani ni na lewe tolu na ivakadinadina talei sa na lesi (raica Ica 5:2–4; 2 Nifai 11:3; 27:12). Eratou sa vakayavalati ko Oliva Kaudari, Tevita Witima kei Matini Erisi mai na gagadre veiuqeti me ratou na ivakadinadina talei e lewe tolu. Sa taro vua na Turaga na Parofita, ka sa vakatakilai mai kina na veika oqo ena Urimi kei na Cumimi me kena isau
1–4, Ena vakabauta eratou na raica rawa kina na lewe Tolu na iVakadinadina na peleti kei na veika tabu e so; 5–9, Sa vakadinadinataka ko Karisito na vakalou ni iVola i Momani.
1 Raica, au sa kaya vei kemudou, ni sa dodonu mo dou dau vakararavi ki na noqu vosa, kevaka dou na kitaka vakakina ena lomamudou taucoko, ena avakaraitaki vakaidina vei kemudou na bpeleti, kei na peleti ni sere, na ciseleiwau i Lepani, na dUrimi kei na Cumimi, ka a soli vei etuakai Jereti mai na ulunivanua, ni rau a veivosaki kei na Turaga e fmatana votu, kei na idusidusi gveivakurabuitaki ka a soli vei Liai ena lekutu, ena iyalayala ni vanua ena hWasa Damudamu.
2 Ia na nomudou vakabauta ga dou na raica rawa kina, io na vakabauta ka tiko vei ira na parofita ena gauna e liu.
3 Ia ni dou sa rawata na vakabauta, ka raica sara ga e matamudou, dou sa na avakadinadinataka, ena kaukauwa ni Kalou;
4 Ia mo dou kitaka na ka oqo me kakua kina ni vakarusai ko Josefa Simici Lailai, na noqu tamata, me vakayacori vinaka kina na noqu inaki dodonu vei ira na luve ni tamata ena cakacaka oqo.
5 Dou na qai vakadinadinataka ni dou sa raica, me vaka ga na nona sa raica na noqu tamata ko Josefa Simici Lailai; ni raica ko koya ena noqu kaukauwa, ka baleta talega ni tiko vua na vakabauta.
6 Sa vakadewataka ko koya na aivola, na btikina kau a vakaroti koya kina, ia sa dina sara me vaka sa bula na nomudou Turaga kei na nomudou Kalou.
7 O koya, dou sa ciqoma na kaukauwa vata ga ko ya, kei na vakabauta vata ga ko ya, kei na isolisoli vata ga ka soli vua;
8 Ia kevaka dou na muria na iotioti ni noqu ivakaro oqo, kau sa solia vei kemudou, ena sega ni rawati kemudou na amatamata ki eli; raica sa rauti kemudou na noqu bloloma soli wale, ia dou na claveti cake ena siga mai muri.
9 Koi Au, ko Jisu Karisito na anomudou Turaga ka nomudou Kalou, au sa vosa vei kemudou, me rawa vinaka kina na noqu inaki dodonu ki na luve ni tamata. Emeni.