Ebʼ li loqʼlaj hu
Tzol’leb’ ut Sumwank 16


Tasal 16

K’utb’esinb’il na’leb’ k’eeb’il rik’in xtz’uumal re laj Jose Smith li Profeet re laj Peter Whitmer, alalb’ej, sa’ Fayette, Nueva York, Junio 1829 (chi’ilmanq xtiklajik li tasal 14). Laj Peter Whitmer, alalb’ej, moqon kiwan choq’ jun reheb’ li Waqxaqib’ chi aj Yehol Nawom chirix lix Hu laj Mormon.

1–2, Lix tel li Qaawa’ wan sa’ xb’een chixjunil li ruchich’och’; 3–6, Li k’a’ru q’axal nim xloq’al, a’an xjultikankil li evangelio ut xkolb’aleb’ li aamej.

1 aChat-ab’inq, at inmoos Peter, ut ab’i li raatin li Jesukristo, laa Qaawa’ ut laj Tojol aawix.

2 Xb’aan naq k’e reetal, nakatwaatina rik’in kawil aatin ut rik’in wankilal, xb’aan naq lin tel wan sa’ xb’een chixjunil li ruchich’och’.

3 Ut tinye aawe li k’a’ru maajun winq nanawok re, ka’ajwi’ laa’in ut laa’at qajunes—

4 Xb’aan naq k’iila sut kawaj wik’in xnawb’al k’a’ru li q’axalaq nim xloq’al choq’ aawe.

5 K’e reetal, osob’tesinb’ilat xb’aan li na’leb’ a’in, ut xb’aan xyeeb’al li aatin li kink’e choq’ aawe jo’ chanruheb’ lin taqlahom.

6 Ut anajwan, k’e reetal, ninye aawe, naq li k’a’ru q’axalaq nim xloq’al choq’ aawe, a’anaq xch’olob’ankil li jalb’a-k’a’uxlej chiru li tenamit a’in, re tatruuq chixk’amb’aleb’ chaq li aamej wik’in, re tatruuq chi hilank rochb’eeneb’ sa’ li rawa’b’ejihom lin Yuwa’. Amen.

      • Chi’ilmanq Tz. ut S. 15, wan wi’ li raqal eetanb’il re taasik’manq.