Benneg 14
Paltiing a naited ken ni David Whitmer babaen ni Joseph Smith a Propeta, iti Fayette, Nueva York, idi Hunio 1829 (History of the Church, 1:48–50). Nalaus ti ragut ti kaamaan a Whitmer a mangipatarus iti Libro ni Mormon. Impasdek ti Propeta ti pagnaedanna iti pagtaengan ni Peter Whitmer, Sr., a nagyananna agingga iti pannakaiwakas ti aramid a panagipatarus ken ti umadani a pannakaala ti panagtagikua iti kalintegan. Tallo kadagiti lallaki nga annak a Whitmer, tunggal maysa immawat iti pammaneknek iti kinapudno ti aramid, ti naseknan unay iti pagrebbengan ti tunggal maysa kadakuada. Naited daytoy a paltiing ken ti dua a sumarsaruno (benneg 15 ken 16) a kas sungbat iti saludsod babaen ti Urim ken Tumim. Iti saan a nabayag nagbalin ni David Whitmer a maysa kadagiti Tallo a Saksi iti Libro ni Mormon.
1–6, Makagun-od iti pannakaisalakan dagiti agtartrabaho iti bangkag; 7–8, Kaindaklanan kadagiti sagut ti Dios ti agnanayon a biag; 9–11, Pinarsua ni Cristo ti langit ken ti daga.
1 Dandanin dumteng ti naindaklan ken anakakaskasdaaw nga aramid kadagiti annak ti tattao.
2 Adtoy, siak ti Dios; denggem ti balikasko, a napartak ken nabileg, natadtadem ngem iti dua ti tademna nga espada, a mamagsina kadagiti nagsusuopan ken pata; ngarud denggem ti balikasko.
3 Adtoy, purawen ti kataltalonan a pagapitan; ngarud, asino man nga agtarigagay nga agani bay-am nga ipakanna ti kumpayna iti amin a kabaelanna, ket agani nga agmalmalem, tapno mayurnonganna ti kararuana iti agnanayon a pannakaisalakan iti pagarian ti Dios.
4 Wen, asino man a mangipakan iti kumpayna ket agani, isu met laeng ti inawagan ti Dios.
5 Ngarud, no agdawatka kaniak umawatka; no agtuktokka malukatanka.
6 Ikalikagummo a yeg ken ipasdek ti pagsayaatan ti Zionko. Tungpalem dagiti bilinko iti amin a banag.
7 Ket, no atungpalem dagiti bilinko ken bagibturka agingga iti panungpalan maaddaanka iti cagnanayon a biag, a sagut a kapatgan iti amin a sagut ti Dios.
8 Ket mapasamakto, a no agdawatka iti Ama babaen ti naganko, iti napammatian a pammati, maawatmonto ti aEspiritu Santo, nga agkuna, a mabalinmo ti agpaay a bsaksi kadagiti banag nga agpadpada a cmangngeg ken makitam, ken kasta met a mabalinmo nga ipakdaar ti panagbabawi iti daytoy a kaputotan.
9 Adtoy, siak ni aJesucristo, ti bAnak ti csibibiag a dDios, a nangparsua iti langit ken iti edaga, ti fsilaw a di mailemmeng iti gkasipngetan;
10 Gapuna, nasken a yegko ti apakabuklan ti ebangheliok manipud kadagiti bGentil iti balay ti Israel.
11 Ket adtoy, sika ni David, ket naawaganka a manarabay; banag a no aramidem, ken napudnoka, mabendisionankanto nga agpadpada iti naespirituan ken naindagaan, ket dakkelto ti gunggonam. Amen.