Dagiti Nasantuan a Kasuratan
Doktrina ken Katulagan 138


Benneg 138

Ti parmata a naited ken ni Presidente Joseph F. Smith iti Salt Lake City, Utah, idi 3 ti Oktubre 1918. Iti panglukat a mensahena iti maika-89 a Maikadua-iti-tawen a Sapasap a Taripnong ti Simbaan, idi 4 ti Oktubre 1918, impakdaar ni Presidente Smith a nakaawat iti sumagmamano a nailangitan a pannakisarita kadagiti napalabas a bulan. Maysa kadagitoy, maipanggep iti isasarungkar ti Mangisalakan kadagiti espiritu dagiti natay bayat ti kaadda ti bangkayna iti tanem, a naawatna iti napalabas nga aldaw. Naisurat a dagus kalpasan ti taripnong. Idi 31 ti Oktubre 1918, naidatag kadagiti mamagbaga ti Umuna a Panguluen, ti Konseho dagiti Sangapulo-ket-dua, ken ti Patriarka, ket nagsangsangkamaysaanda nga inawat.

1–10, Utoben ni Presidente Joseph F. Smith dagiti sinurat ni Pedro ken ti isasarungkar ti Apo iti lubong ti espiritu; 11–24, Makita ni Presidente Smith dagiti natay a nalinteg a naummong iti paraiso ken ti panagserbi ni Cristo kadakuada; 25–37, Nakitana no kasano ti pannakabukel ti panangikasaba iti ebanghelio kadagiti espiritu; 38–52, Nakitana da Adan, Eva, ken adu kadagiti nasantuan a propeta iti lubong ti espiritu a mangibilang a kasla balud ti kasasaad dagiti espirituda sakbay ti panagungarda; 53–60, Itultuloy dagiti natay a nalinteg ti panagtrabahoda iti lubong dagiti espiritu.

1 Iti maikatlo nga aldaw ti Oktubre, iti tawen a sangapulo-ket-siam a gasut ken sangapulo-ket-walo, nagtugawak iti siledko a amangut-utob kadagiti nasantuan a kasuratan;

2 Ket iti panangsirayko iti naindaklan a sakripisio a apannubbot nga inaramid ti Anak ti Dios, para iti bpannakasubbot ti lubong;

3 Ken ti naindaklan ken nakakaskasdaaw nga aayat nga impakita ti Ama ken ti Anak iti yaay ti bMannubbot iti lubong;

4 A babaen ti apannubbotna, ken babaen ti bpanagtungpal kadagiti pagbatayan ti ebanghelio, mabalin a maisalakan ti sangkataw-an.

5 Bayat ti pannakakumikomko, naiturong ti panunotko kadagiti sinurat ni apostol Pedro, kadagiti anagkauna a santo a naiwaraswaras iti ganggannaet kas iti bPonto, Galacia, Capadocia, ken dadduma pay a paset ti Asia, a nakaikasabaan ti ebanghelio kalpasan ti pannakailansa ti Apo iti krus.

6 Inukradko ti Biblia ket binasak ti maikatlo ken maikapat a kapitulo ti umuna a surat ni Pedro, ket iti panangbasak natukayak a namimpinsan, a nakarkaro ngem iti kallabes, kadagiti sumaganad a binatog:

7 “Ta ni Cristo nagsagaba met gapu kadagiti basbasol, iti namimpinsan daydi nalinteg gapu kadagiti killo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti Espiritu:

8 “Ket babaen ti Espiritu napan met ket nangaskasaba kadagiti espiritu a asibabalud;

9 “Dagidiay a nasukirda idi un-unana nga aldaw idi agur-uray iti at-atiddog nga anus ti Dios kadagiti aldaw ni Noe, idi maisagsagana pay di daong, isu a nakaisalakanan dagiti bassit, gapu iti danum, kayatna a sawen, walo a kararua.” (1 Pedro 3:18–20.)

10 “Ta gapu itoy naikaskasaba ti ebanghelio uray pay kadagiti natay, tapno maukomda a pudno a kas mayannurot kadagiti tao iti lasag, ngem agbiagda koma a mayannurot iti Dios iti espiritu.” (1 Pedro 4:6.)

11 Iti panangut-utobko kadagitoy banag a anaisurat, naglukat dagiti bmata ti panagawatko, ket csimrek kaniak ti Espiritu ti Apo, ket nakitak ti pangen dagiti dnatay, dadakkel ken babassit.

12 Ket naummongda a sangsangkamaysa iti maysa a lugar iti di mabilang a bunggoy dagiti espiritu dagiti analinteg, a nagtalinaed a bnapudno iti pammaneknek ni Jesus bayat ti panagbiagda iti lubong dagiti matay.

13 Ken isu a nangidaton iti asakripisio nga umasping iti naindaklan a sakripisio ti Anak ti Dios, ken bnaglak-am iti panagtutuok iti nagan ti Mannubbotda.

14 Pimmanaw amin dagitoy iti matay a panagbiag, a natibker a amangnamnama iti nagloriaan a bpanagungar, babaen ti cparabur ti Dios nga dAma ken ti eBugbugtong nga Anakna, a ni Jesucristo.

15 Nakitak a napnoda iti arag-o ken ragsak, ken sangsangkamaysada nga agragragsak gapu ta asidegen ti aldaw a pannakawayawayada.

16 Natipuntiponda a mangur-uray iti isasangpet ti Anak ti Dios iti alubong ti espiritu, a mangpakdaar iti pannakasubbotda manipud iti bpammalud ni patay.

17 aMaisublinto ti matmaturog a tapokda iti naan-anay a sukogda, btulang iti tulangna, ken ti piskel ken lasagda, agtiponto manen ti cespiritu ken ti bagida ket saanton nga agsina pay, tapno maawatda ti pakabuklan ti drag-o.

18 Bayat ti panaguray ken panagsasarita daytoy dakkel nga ummong, nga agragragsak iti oras ti pannakawayawayada manipud iti kawar ni patay, nagparang ti Anak ti Dios, a nangipakdaar iti apannakawayawaya dagiti balud a nagtalinaed a napudno;

19 Ket sadiay ainkasabana kadakuada ti agnanayon nga bebanghelio, ti doktrina ti panagungar ken ti pannakasubbot ti sangkataw-an manipud iti cpannakatnag, ken manipud iti basbasol ti tunggal maysa babaen ti dpanagbabawi.

20 Ngem saan a napan kadagiti anadangkes, ket kadagiti saan a nadiosan ken saan nga agbabawi a bnangrugit iti bagbagida bayat ti kaaddada iti lasag, saan a nagtimek;

21 Uray dagiti nasukir a nangsupring kadagiti pammaneknek ken ballaag dagiti nagkauna a propeta dida kinita, wenno kimmita iti rupana.

22 Kadagitoy, nagturay ti asipnget, ngem adda bkappia kadagiti nalinteg;

23 Ket nagragsak dagiti santo iti apannakasubbotda, ket bnagparintumengda a nagyaman iti Anak ti Dios a kas Mannubbot ken Mangisalakanda manipud iti patay ken iti ckawar ti impierno.

24 Nagrimat dagiti rupada, ket nagtalinaed kadakuada ti arimat ti kaadda ti Apo, ket binkantada ti panagyamanda iti nasantuan a naganna.

25 Nagsiddaawak, ta naawatak a binubos ti Mangisalakan ti tallo a tawen ti panagserbina kadagiti Hudio ken kadagiti adda iti balay ti Israel, a sigaganetget a nangisuro kadakuada iti agnanayon nga ebanghelio ken binilinna ida nga agbabawi;

26 Ket uray pay kasta, iti laksid ti naindaklan nga aramidna, ken milagrona, ken panangipakaammona iti kinapudno, iti naindaklan a abileg ken turay, adda laeng sumagmamano a dimngeg iti timekna, ken nagragsak iti kaaddana, ken immawat iti pannakaisalakan kadagiti imana.

27 Ngem nakedngan ti panagserbina kadagiti natay iti aababa a panawen a naiballaet iti nagbaetan ti pannakailansana iti krus ken panagungarna;

28 Ket nagsiddaawak kadagiti balikas ni Pedro—a nagkunaanna a nangasaba ti Anak ti Dios kadagiti espiritu a sibabalud, a naminsan a nagsukir, iti naminsan a naguray ti naunday a panagitured ti Dios kadagiti aldaw ni Noe—ken no kasano a nakapagkasaba kadagiti espiritu ket naaramidna dagiti nasken a trabaho kadakuada iti nakaab-ababa a panawen.

29 Ket bayat ti pannakasdaawko, naglukat dagiti matak, ken alimmawag ti panagawatko, ket naawatak a saan a mismo a ti Apo ti napan kadagiti nadangkes ken nasukir a nangsupring iti kinapudno, a mangisuro kadakuada;

30 Ngem adtoy, manipud kadagiti nalinteg, inummongna ti bilegna ket nangtuding kadagiti mensahero, kinawesanna ida iti abileg ken turay, ken binilinna ida a mapan ket imetda ti silaw ti ebanghelio a napan kadagiti adda iti bkasipngetan, a kas kadagiti camin nga espiritu ti tattao; ket kasta ti pannakaikasaba ti ebanghelio kadagiti natay.

31 Ket napan impakdaar dagiti napili a mensahero ti aldaw a apanangawat ti Apo ken pannakaiwaragawag ti bpannakawayawaya dagiti balud, uray pay dagiti amin nga agbabawi kadagiti basolda ken umawat iti ebanghelio.

32 Kasta ti pannakaikasaba ti ebanghelio kadagiti anatay a sibabasol, a di bnakaammo iti kinapudno, wenno nagsalungasing, a nangsupring kadagiti propeta.

33 Naisuro dagitoy iti apammati iti Dios, panagbabawi iti basol, bpanangisaup a panagbuniag para iti cpannakaugas ti basbasol, ti dsagut ti Espiritu Santo babaen ti panangipatay kadagiti dakulap.

34 Ken amin a sabsabali pay a pagbatayan ti ebanghelio a nasken a maammuanda tapno maikarida a amaukom a maibatay kadagiti tao iti lasag, ngem agbiag a maibatay iti Dios iti espiritu.

35 Ket isu a naipakaammo kadagiti natay, kadagiti man babassit wenno dadakkel, kadagiti saan a nalinteg ken kadagiti nalinteg, a napasamak ti pannakasubbot babaen ti asakripisio ti Anak ti Dios iti bkrus.

36 Kasta ti pannakaipakaammo ti panangbubos ti Mannubbot iti panawenna bayat ti ilalasatna iti lubong dagiti espiritu, a nangiwanwan ken nangisagana kadagiti napudno nga espiritu dagiti apropeta a namaneknek kenkuana iti lasag;

37 Tapno imetda ti mensahe ti pannakasubbot kadagiti amin a natay, kadagiti saanna a pakapanan a mismo, gapu iti ayaalsa ken panagbasolda, tapno babaen ti panangibagi dagiti katulonganna mangngegda met dagiti balikasna.

38 Kadagiti naindaklan ken maingel a nagtitipon iti daytoy dakkel a pagtitiponan dagiti nalinteg maibilang ni Ama aAdan, ti Sibibiag iti Agnanayon ken ama ti amin.

39 Ken ti nagloriaan nga Ina aEvatayo, a kadua dagiti adu a nalinteg nga annakna a babbai a nagbakbaketen ken nagdaydayaw iti pudno ken sibibiag a Dios.

40 Adda ni aAbel, ti immuna a bmartir, sadiay, ken ni kabsatna a cSet, a maysa kadagiti maingel, a dkaruprupa unay ti amana, a ni Adan.

41 Ni aNoe, a nangiballaag iti layus; ni bSem, ti naindaklan a cnangato a saserdote; ni dAbraham, ti ama dagiti napudno; ni eIsaac, ni fJacob, ken ni Moises, ti naindaklan a gpara ited iti paglintegan iti Israel;

42 Ken ni aIsaias, a nangipakdaar babaen iti pammadto a natudingan ti Mannubbot a mamagtitipon kadagiti naldaangan, a mangipakdaar iti wayawaya kadagiti bbalud, ken ti pannakalukat ti cpagbaludan kadakuada a nabalud, adda met sadiay.

43 Kangrunaanna, ni aEzekiel, a nakaipakitaan ti parmata ti naindaklan a tanap dagiti bnagango a tulang, a makawesanto iti lasag, a bumangonto manen iti cpanagungar dagiti natay, a sibibiag a kararua;

44 Ni aDaniel, a nakasirmata ken nakaipadto iti pannakaipasdek ti bpagarian ti Dios iti ud-udina nga aldaw, a saanton iti kaano man a madadael wenno maited kadagiti sabali a tao;

45 Ni aElias, a kadua ni Moises iti Bantay a bPagbalbaliwan iti Langa;

46 Ken ni aMalakias, ti propeta a nangpaneknek iti yaay ni bElias a propeta—a naagapad met ni Moroni ken ni Propeta Joseph Smith, a nangipakdaaranna a nasken nga umay sakbay ti idadateng ti naindaklan ken nakaam-amak nga caldaw ti Apo—addada met sadiay.

47 Imula ni Propeta Elias iti apuspuso dagiti ubbing dagiti kari dagiti ammada.

48 Paripirip iti naindaklan nga aaramid a maaramid kadagiti btemplo ti Apo iti cdispensasion ti pannakatungpal dagiti panawen, para iti pannakasubbot dagiti natay, ken ti dpannakailantip dagiti ubbing kadagiti nagannak kadakuada, no saan madusanto ti intero a lubong iti lunod ket madadaelto a mamimpinsan iti idadatengna.

49 Amin dagitoy ken adu pay, uray pay dagiti apropeta a nakipagindeg kadagiti Nephite ken namameknek iti yaay ti Anak ti Dios, nakipulapol iti dakkel a pagtitiponan ket inurayda ti pannakawayawayada.

50 Ta ibilang dagiti natay a apannakabalud ti nabayagen a pannakaisina dagiti bespirituda manipud kadagiti bagida.

51 Dagitoy ti insuro ti Apo, ken inikkanna ida iti abileg nga umay, kalpasan ti panagungarna manipud iti patay, tapno sumrek iti pagarian ti Amana, a pakakoronaanna iti bsaan a pannakatay ken cagnanayon a biag.

52 Ken ituloyda sadiay ti trabahoda a kas inkari ti Apo, ket makiranudda kadagiti amin a abendision a naisagana kadakuada a mangipatpateg kenkuana.

53 Ni Propeta Joseph Smith, ken ti amak, ni Hyrum Smith, da Brigham Young, John Taylor, Wilford Woodruff, ken dadduma pay a napili nga espiritu a anaisagana nga umay iti pannakatungpal dagiti panawen a makipagsagana iti bpamuon ti naindaklan nga aramid iti ud-udina nga aldaw.

54 A pakairamanan ti pannakabangon dagiti templo ken ti pannakaannong dagiti ordinansa sadiay para iti pannakasubbot dagiti anatay, addada met iti lubong ti espiritu.

55 Napaliiwko a nailaokda kadagiti anatakneng ken naindaklan a bnapili idi punganay a mangituray iti Simbaan ti Dios.

56 Uray pay idi sakbay a maipasngayda, isuda, a kaduada dagiti sabsabali pay, inawatda dagiti immuna nga adalenda iti lubong dagiti espiritu ken anaisaganada nga umay iti naikeddeng a bpanawen ti Apo nga agtrabaho iti cbangkagna para iti pannakaisalakan dagiti kararua dagiti tao.

57 Nakitak a dagiti napudno nga aelder iti daytoy a dispensasion, inton pumanawda iti matay a biag, ituloyda ti panagtrabahoda a mangikasaba iti ebanghelio ti panagbabawi ken pannakasubbot, babaen ti sakripisio ti Bugbugtong nga Anak ti Dios, kadagiti adda iti bkasipngetan ken adda iti babaen ti pannakaadipen iti basol iti naindaklan a lubong dagiti espiritu dagiti natay.

58 aMasubbotto dagiti natay nga agbabawi, babaen ti panagtungpal kadagiti bordinansa iti balay ti Dios.

59 Ket kalpasan ti panangbayadda iti dusa dagiti basolda, ken amabugguandan a nadalus, umawatdanto iti gunggona a maibatay kadagiti baramidda, ta agtawidda iti pannakaisalakan.

60 Kasta ti parmata ti pannakasubbot kadagiti natay a naipalgak kaniak, ket paneknekak, ket ammok a apudno daytoy a sinurat, babaen ti bendision ti Apotayo ken Mannubbot, a Jesucristo, pudno a kasta. Amen.