iVolanikalou
Vunau kei na Veiyalayalati 138


Wase 138

Na raivotu sa vakaraitaki vei Peresitedi Josefa F. Simici mai Salt Lake City, Utah, ena 3 ni Okotova 1918. Ena nona vosa me dolava kina na ika 89 ni Koniferedi Raraba ni Lotu, ena 4 ni Okotova 1918, a tukuna kina ko Peresitedi Simici ni sa ciqoma e vica na veivakauqeti vakalou ena veivula sa oti. E dua vei ira oqori, e baleta na nona veisiko mai na iVakabula ki vei ira na yalodra na sa mate ena gauna e se tu kina ena ibulubulu na Yagona, a ciqoma ko Peresitedi Simici ena siga yani ki liu. A volai ni se qai vakacavari sara ga na koniferedi. Ena 31 ni Okotova 1918, a soli yani vei rau na daunivakasala ena Mataveiliutaki Taumada, na Matabose ni Le Tinikarua kei na Peteriaki, ka ra vakadonuya taucoko sara.

1–10, Sa vakasamataka ko Peresitedi Josefa F. Simici na veika a vola ko Pita kei na nona veisiko na Turaga ki na vuravura ni yalo; 11–24, Sa raica ko Peresitedi Simici ni ra sa soqoni vata mai parataisi ko ira na buladodonu era sa mate kei na nona cakacaka na Karisito ena kedra maliwa; 25–37, Sa raica na sala sa tauyavutaki kina na vunautaki ni kosipeli ena kedra maliwa na yalo; 38–52, Sa raici Atama, kei Ivi kei ira na parofita yalosavasava e vuqa ena vuravura ni yalo ka ra a raica me ivesu na kedra ituvaki vakayalo ni se bera na nodra tucake tale; 53–60, Era na la’ki vakuria tiko ga na nodra cakacaka ena vuravura ni yalo ko ira na yalododonu era sa mate ena gauna oqo.

1 Ena ikatolu ni Okotova ena yabaki duanaudolu ciwanadrau tinikawalu, au a dabe toka kina ena noqu rumu ka avakasamataka tiko na ivolanikalou;

2 Kau vakananuma na isoro cecere ni aveivakaduavatataki ka a vakacabora na Luve ni Kalou, me baleta na bsereki ni vuravura;

3 Kei na aloloma cecere ka vakasakiti erau sa vakaraitaka na Tamada kei na Luvena ena nona lako mai na bDauveisereki ki vuravura;

4 Ena vuku ni nona aveisorovaki, kei na btalairawarawa ki na ivakavuvuli ni kosipeli, me vakabulai kina na tamata.

5 Ia ni’u vakasamataka tiko na veika oqo, au qai nanuma lesu na veika a vola ko Pita na iApositolo, vei ira na yalododonu ni agauna e liu ka ra dui tutu mai bPonito, Kalatia, Kapatosia kei na veiyasana eso mai Esia, na veivanua a qai vunautaki kina na kosipeli ni sa vakamatei oti ena kauveilatai na Turaga.

6 Au a cereka na iVolatabu ka wilika na ikatolu kei na ikava ni wase ena imatai ni ivola i Pita, ia ni’u wilika tiko sa lauti au vakalevu sara me vaka e se bera vakadua ni bau yaco vei au e liu, na veitikina oqo:

7 Ni sa vakararawataki tale ga vakadua na Karisito ena vuku ni ivalavala ca, io na bula dodonu ena vukudra na sega ni bula dodonu, me kauti keda kina vua na Kalou, raica sa vakamatei na yagona, a sa vakabulabulataki na Yalona:

8 A sa lako tale ga ko koya ka vunau vei ira na yalo era sa tiko ena avale ni veivesu;

9 Io ko ira era a talaidredre e liu, ni sa vosota vakadede na Kalou ka sa dau wawa ena gauna i Noa, ni sa vakarautaki tiko na waqa, raica era sa lewe vica ga sa vakabulai kina e loma ni wai, io e le walu wale ga. (1 Pita 3:18–20).

10 Ena vuku ni ka oqo sa vunautaki kina na kosipeli vei ira tale ga era sa mate, me ra lewai kina me vaka na tamata ena yagodra, ia me ra bula ga vua na Kalou ena yalodra. (1 Pita 4:6).

11 Ni’u sa vakananuma tiko na veika sa avolai oqo, sa dolavi na bmata ni yaloqu, ka sa ccurumi au na Yalo ni Turaga, ka’u raici ira na lewevuqa era sa dmate, na tamata lalai kei na turaga.

12 Raica era sa soqoni vata ena dua na vanua e dua na ilawalawa abula dodonu sega ni wiliki rawa, ko ira era sa byalodina sara ka muria na ivakavuvuli i Jisu ena nodra bula vakayago;

13 Ka ra cabora na aisoro sa vakatautauvatataki kei na isoro cecere ni Luve ni Kalou, ka bsotava na veivakararawataki ena yacana na Dauveisereki.

14 Ko ira kece oqori era sa mate yani, ka tudei tu ena nodra avakanuinui ki na dua na btucake tale lagilagi, ena cloloma soli wale ni Kalou na dTamana kei na eLuvena e Duabau Ga, ko Jisu Karisito.

15 Au raica ni ra sa vakasinaiti ena areki kei na marau, ka ra sa vakamolimoli vata ni sa voleka mai na siga me ra sereki kina.

16 Era sa soqoni vata ka waraka na nona lesu yani na Luve ni Kalou ki na avuravura ni yalo, ka tukuna ni ra sa sereki mai na bivau ni mate.

17 Ena qai avakalesui tale na kuvu ni soso sa moce no ki na kena itutu e uasivi sara, io ena veiuturi vata na bsui ka ologi ena ua kei na viciko, raica ena cokoti vata tale na cyalo kei na yago me sega tale ni veitawasei, io me ra rawata na dmarau sa vuabale.

18 Ni ra sa wawa ka veivosaki tiko na lewe vuqa, ka reki vakalevu ena auwa ni nodra sereki mai na sinucodo ni mate, sa rairai na Luve ni Kalou, ka tukuna na agalala vei ira na yalodina era vesu tu;

19 Ia mai kea sa avunautaka kina vei ira ko koya na bkosipeli tawamudu, na ivunau ni tucake tale kei na nodra vueti na kawatamata mai na clutu, ka vakakina mai na ivalavala ca ni tamata yadua, kevaka era sa dveivutuni.

20 Ia a sega ni lako vei ira na tamata aivalavala ca, ka sa sega ni rogo yani na domona vei ira sa sega ni vakalou kei ira sa sega ni via veivutuni ka ra sa itovo bvakasisila ena bula vakayago oqo;

21 Era sa sega talega vakakina ni raica na nona iserau, se raica na matana ko ira era a sega ni ciqoma na nona ivakadinadina kei na nodra ivakasala na parofita e liu.

22 Na vanua era tu kina ko ira oqo, sa tu ga kina na abutobuto, ia ena kedra maliwa na buladodonu sa kune kina na bvakacegu;

23 Era sa reki na yalododonu ni ra sa avueti, ka ra sa lolou e bdurudra ka vakadinadinataka ni sa nodra Dauveivueti ka Dauveisereki mai na mate kei na csinucodo kei eli na Luve ni Kalou.

24 Sa serau na kedra irairai, ka sa tiko vei ira na alumisa ni rarama mai na kena iserau na Turaga, ka ra sa bvakacaucautaka tiko ga na yacana tabu.

25 Au sa kurabui, ni’u kila ni a yabaki tolu na nona cakacaka voli na iVakabula vei ira na Jiu kei ira na mataqali i Isireli, ena nona segata me vakavuvulitaka vei ira na kosipeli tawamudu ka sureti ira me ra veivutuni;

26 Ia, e dina ga ni a kitaka na cakacaka lelevu e vuqa, kei na caka mana, kei na kacivaki ni ka dina, ena akaukauwa levu kei na dodonu, era lewe vica walega era rogoca na domona, ka reki ena nona iserau, ka rawata na veivakabulai mai na ligana

27 Ia na nona veiqaravi vei ira na sa mate a avakaiyalayala walega, mai na gauna ga a vakamatei kina ena kauveilatai me yacova na nona tucake tale;

28 Kau vakananuma na vosa nei Pita—ena nona kaya ni a vunau na Luve ni Kalou vei ira na yalo era sa tiko ena vale ni veivesu, ka ra dau talaidredre ena so na gauna, ni sa vosota vakadede na Kalou ka sa dauwawa ena gauna i Noa—ka vakakina na sala sa rawa kina vua me vunau vei ira na yalo oqori ka vakayacora na veicakacaka e ganita ena loma ni gauna lekaleka oqori.

29 Ia ni’u sa vakananuma tiko, sa dolavi na mataqu ka avakabulabulataki na noqu kila ka, ka’u qai raica ni a sega ni lako vakatamata na Turaga me vakavulici ira na tamata ivalavala ca kei ira na dau talaidredre, ka ra a cata na dina;

30 Ia raica, mai vei ira ga na buladodonu, a conaka kina ko koya na nona ilawalawa ka lesi ira na nona italai, era vakaisulu ena akaukauwa kei na dodonu, ka talai ira me ra lako yani ka kauta na rarama ni kosipeli ki vei ira era tu ena bbutobuto, io vei ira ckecega na yalo ni tamata; ia sa vakaoqori na kena vunautaki na kosipeli vei ira na mate.

31 A ra sa lako yani na nona italai digitaki ka tukuna na agauna vinaka ni Turaga ka vunautaka na bveisereki vei ira na bobula era vesuki tu, io vei ira kece era na veivutunitaka na nodra ivalavala ca ka ciqoma na kosipeli.

32 A sa vakaoqori na vunautaki ni kosipeli vei ira sa amate ena nodra ivalavala ca, ka sega ni bkila na ivakavuvuli dina, se ko ira sa talaidredre ka sega ni vakabauti ira na parofita.

33 Sa vakavulici me ra avakabauta na Kalou, veivutuni mai na ivalavala ca, bveisosomitaki ena papitaiso me baleta na cbokoci ni ivalavala ca, kei na disolisoli ni Yalo Tabu ena veitabaki ni liga.

34 Kei na ivakavuvuli kece tale ni kosipeli e yaga me ra kila me qai rawa kina ni ra alewai me vaka na tamata ena bula vakayago, ia me ra bula me vaka na Kalou ena yalodra.

35 Ka sa vakatakilai kina vei ira na sa mate, ko ira na tamata lalai kei na turaga, ko ira na sega ni yalododonu kei ira sa yalododonu, ni sa rawa ga na veisereki ena nona aveisorovaki ena bkauveilatai na Luve ni Kalou.

36 A vakaoqori na kena vakatakilai mai ni a vakayagataka na noda Dauveivueti, na gauna e veiqaravi kina ena nodra vuravura na yalo, me veidusimaki ka vakarautaka na yalodra na aparofita yalodina era dau vakadinadinataki koya ena nodra bula vakayago;

37 Me ra kauta yani na itukutuku ni veivueti vei ira kecega era sa mate, ki vei ira a sega ni rawa me lako kina vakataki koya, ena vuku ni nodra aveisaqasaqa ka ivalavala ca, me rawa kina vei ira ena nodra veiqaravi na nona italai me ra rogoca na nona vosa.

38 A maliwai ira na turaga kei ira na qaqa era a tiko ena ivavakoso vakaitamera ni buladodonu oqo na Tamada ko aAtama, ko koya sa Bula Mai Liu Sara ka tamadra na tamata kecega.

39 Kei na Tinada uasivi ko aIvi, kei ira tale ga na luvena yalewa yalodina era a bula ena veitabagauna ka ra a qarava na Kalou bula ka dina.

40 A tiko kina ko aEpeli, na imatai ni btamata ka a vakamatei ena nona vakabauta, kei cSeci tale ga na tacina, e dua vei ira na qaqa, o koya sa ducuya vinaka sara na tamana, ko Atama.

41 Ko aNoa, o koya a veivakasalataki ena vuku ni waluvu; ko bSemi, na cbete levu cecere; ko dEparaama, na tama ni vakabauta; ko eAisake, fJekope, kei gMosese, na daunilawa levu vei ira na Isireli;

42 Kei aAisea, ko koya ka a tukuna ena parofisai ni sa lumuti na Dauveivueti me vauci ira sa yalo raramusumusu, me vunautaka na bula galala vei ira na bbobula, kei na veisereki vei ira sa tiko ena cvale ni veivesu, a tiko talega kina.

43 Ka vakakina ko aIsikeli, o koya a vakaraitaki vua ena raivotu na buca levu ni sui bmamaca, ka na vakasulumi ena yago, me tucake tale mai ena nodra cvakaturi cake tale na mate, me ka bula;

44 Kei aTaniela, ko koya a raica ka tukuna taumada ni na tauyavutaki na bmatanitu ni Kalou ena siga mai muri, ena sega sara ni vakarusai rawa ka sega ni biu tu me nodra na tamata tani;

45 Kei aIliesa, o koya erau a rairai vata mai kei Mosese ena Ulunivanua ni bVeivakamataliataki;

46 Kei aMalakai, na parofita ka a vakadinadinataka na lako mai nei bIlaija—o koya talega a vosa kina ko Moronai ki vei Josefa Simici na Parofita, ka tukuna kina ni na lako mai ni se bera na csiga levu ka rerevaki ni Turaga—a tiko talega e kea.

47 Ko Ilaija na parofita ena mai tea e ayalodra na gone na yalayala a caka vei ira na nodra qase,

48 Sa tukuna rawa tiko kina na acakacaka cecere me na vakayacori ena bveivaletabu ni Turaga ena citabagauna ni taucoko ni gauna, me baleta na nodra vueti na mate, kei na nodra dvauci na gone vei ira na nodra itubutubu, ia, kevaka e sega ena cudruvi na vuravura taucoko ka vakarusai ni sa lako mai ko koya.

49 Era a tiko kina ko ira kece oqo kei na lewe vuqa tale, io ko ira tale ga na nodra aparofita na Nifai ka ra a dau vakadinadinataka na nona lako mai na Luve ni Kalou, raica era a soqoni vata kece yani ka waraka na nodra sereki,

50 Raica era okata ko ira era sa mate me gauna ni nodra tiko avakabobula na yali tu vakadede ni byalodra mai na yagodra.

51 Raica a vakavulici ira oqo na Turaga, ka solia vei ira na akaukauwa me ra tucake tale ga ni sa tucake oti mai na mate ko koya, me ra curu ki na matanitu nei Tamana, ka ra vakaisalataki ena btawa mate rawa kei na cbula tawamudu.

52 Ka ra qai tomana mai na gauna ko ya ka lako yani na nodra cakacaka me vaka sa yalataka tu na Turaga, ka vakaivotavota ena aveivakalougatataki kece sara sa maroroi tu me baleti ira era lomani koya.

53 Na Parofita ko Josefa Simici, kei na tamaqu, ko Airame Simici, ko Biriqemu Yaga, Joni Teila, Wilivote Uturavu kei na vuqa tale na tamata digitaki ka ra a amaroroi tu me ra qai lako mai ena taucoko ni gauna, ka mai tura na byavu ni dua na cakacaka levu ni gauna oqo.

54 E okati kina na tara ni veivaletabu kei na qaravi ni veicakacaka vakalotu e loma me baleta na nodra vueti na amate, era a tu talega ena vuravura ni yalo.

55 Au raica ni ra maliwai ira tale ga, na aturaga kei ira na tamata yalodina era a bdigitaki tu mai na ivakatekivu me ra na iliuliu ni Lotu ni Kalou.

56 Ni ra se bera mada ga ni sucu, o ira, vata kei ira e vuqa tale, era sa ciqoma na imatai ni nodra lesoni ena nodra vuravura na yalo ka ra avakarautaki me ra lako mai ena nona bgauna na Turaga me ra mai cakacaka ena nona cwere ni vaini me baleta na nodra vakabulai na yalo ni tamata.

57 Au raici ira na aitalatala qase ni itabagauna oqo, ni ra sa biuta na bula oqo, era a tomana tiko na nodra cakacaka ni kena vunautaki na kosipeli ni veivutuni kei na veivueti, ena vuku ni nona Veisorovaki na Luvena e Duabau ga na Kalou, io vei ira sa tu ena bbutobuto, kei ira sa bobula ki na ivalavala ca ena vuravura ni yalo.

58 Raica era na avueti ko ira na mate era sa veivutuni, kevaka era sa talairawarawa ki na bcakacaka vakalotu sa vakayacori ena vale ni Kalou.

59 Ia ni ra sa sauma oti na isau ni nodra talaidredre, ka ra sa avakasavasavataki, era na qai tauca na kedra isau me vaka na nodra bivalavala, ni ra sa itaukei ni veivakabulai.

60 A sa vakaoqo na raivotu sa vakaraitaki vei au me baleta na nodra vueti na sa mate, raica au sa vola na kena itukutuku, ka’u sa kila ni sa adina, io ena nona veivakalougatataki na noda Turaga ka noda iVakabula ko Jisu Karisito. Emeni.